India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 7, 2024
అవసరమైన మ్యాచుల్లో ఆడుంటేనా?
ముంబై ఇండియన్స్ స్టార్ బ్యాటర్ సూర్యకుమార్ యాదవ్ నిన్నటి మ్యాచులో సెంచరీతో చెలరేగిన విషయం తెలిసిందే. ఆయన ప్రదర్శనపై కొందరు ప్రశంసలు కురిపిస్తుండగా.. మరికొందరు చురకలు అంటిస్తున్నారు. అవసరమైన మ్యాచులో తేలిపోయి.. అంతా అయిపోయాక ఇలా చెలరేగి ఏం లాభమంటూ నెట్టింట ట్రోల్స్ చేస్తున్నారు. ఇదే ప్రదర్శన మునుపటి మ్యాచుల్లో చూపిస్తే అలవోకగా జట్టు ప్లేఆఫ్స్‌కు వెళ్లి ఉండేదని మండిపడుతున్నారు. దీనిపై మీ కామెంట్?
News May 7, 2024
నేడు పుతిన్ ప్రమాణస్వీకారం
రష్యా అధ్యక్షుడిగా పుతిన్ రికార్డు స్థాయిలో ఐదోసారి ప్రమాణ స్వీకారం చేయనున్నారు. స్థానిక కాలమానం ప్రకారం మంగళవారం ఉదయం ప్రమాణ స్వీకార వేడుక అత్యంత ఘనంగా జరగనుంది. వివిధ దేశాల రాయబారులకు, దేశవ్యాప్తంగా అధికారులు, కీలక వ్యక్తులకు ఈ కార్యక్రమానికి ఆహ్వానం అందింది. ఉక్రెయిన్ ఉద్రిక్తతల దృష్ట్యా పలు ఐరోపా దేశాల రాయబారులు హాజరయ్యేది లేదని తేల్చిచెప్పినట్లు సమాచారం.
News May 7, 2024
జూన్ 4 తర్వాత బటన్లన్నీ నొక్కుతా: జగన్
AP: ప్రభుత్వ పథకాల నిధులను ఈసీ అడ్డుకోవడంపై జగన్ కీలక వ్యాఖ్యలు చేశారు. ‘ఢిల్లీ వాళ్లతో కలిసి కుట్రలు చేశారు. ప్రజలకు మంచి జరగకుండా చేశారు. వీళ్లు పథకాలను అడ్డుకున్నా.. మీ బిడ్డ విజయాన్ని ఎవరూ ఆపలేరు. జూన్ 4 మళ్లీ అధికారంలోకి వస్తాం. వచ్చిన వెంటనే బటన్లన్నీ నొక్కుతా’ అని జగన్ కోరుకొండ రోడ్ షోలో స్పష్టం చేశారు.
News May 7, 2024
IPL: రోహిత్ శర్మ @ 250
ముంబై మాజీ కెప్టెన్ రోహిత్ శర్మ అరుదైన రికార్డు నెలకొల్పారు. ఐపీఎల్ చరిత్రలో 250 ఇన్నింగ్సులు ఆడిన తొలి బ్యాటర్‌గా నిలిచారు. నిన్న SRHతో మ్యాచులో ఈ ఘనత అందుకున్నారు. ఆ తర్వాతి స్థానాల్లో కోహ్లీ(240), కార్తీక్(230), ధోనీ(227), ధవన్(221), రైనా(200) ఉన్నారు.
News May 7, 2024
పిరమైన మోదీ గారు.. వీటికి సమాధానం చెప్పండి: KTR
TG: ఇవాళ తెలంగాణకు వస్తున్న PM మోదీకి మాజీ మంత్రి KTR పలు ప్రశ్నలు సంధించారు. ‘పిరమైన PM మోదీ గారు.. తెలంగాణలో ఒక్క సాగునీటి ప్రాజెక్టుకు ఎందుకు జాతీయ హోదా ఇవ్వలేదు? కాజీపేట కోచ్ ఫ్యాక్టరీకి ఎందుకు పాతరేశారో చెప్పండి? బయ్యారం స్టీల్ ప్లాంట్, ITIR, నవోదయ, మెడికల్ కాలేజీ ఎందుకు ఇవ్వలేదో చెప్పండి? మండిపోతున్న నిత్యావసర, పెట్రోల్, డీజిల్ ధరలను ఎందుకు తగ్గించడం లేదో చెప్పండి?’ అని KTR ప్రశ్నించారు.
News May 7, 2024
దేశంలో సావరిన్ వెల్త్ ఫండ్స్ జోరు
భారత్‌లో సావరిన్ వెల్త్ ఫండ్స్ (SWF) రూపంలో విదేశాల పెట్టుబడులు పెరుగుతున్నాయి. ఏడాది వ్యవధిలో భారత్‌లో SWF అసెట్స్ 60% పెరిగి రూ.4.7లక్షల కోట్లకు (ఏప్రిల్ నాటికి) చేరాయి. 2023లో ఈ మొత్తం రూ.3లక్షల కోట్లుగా ఉంది. ఫారిన్ పోర్ట్‌ఫోలియో ఇన్వెస్టర్స్ (FPI) పరిధిలోని మొత్తం ఆస్తుల విలువ 40% పెరిగి రూ.69.5లక్షల కోట్లకు చేరాయి. రాజకీయ స్థిరత్వం, ఆర్థిక వృద్ధే ఈ పెరుగుదలకు కారణమని నిపుణులు చెబుతున్నారు.
News May 7, 2024
ఉదయం 11 గంటల వరకు 25.41% పోలింగ్
దేశంలో మూడో దశ పోలింగ్ కొనసాగుతోంది. ఉదయం 11 గంటల వరకు 25.41 శాతం పోలింగ్ నమోదైనట్లు అధికారులు తెలిపారు. అత్యధికంగా పశ్చిమబెంగాల్‌లో 32.82%, మహారాష్ట్రలో 18.18శాతం నమోదైనట్లు వెల్లడించారు. ప్రధాని మోదీ, కేంద్ర హోంమంత్రి అమిత్ షా, యూపీ మాజీ సీఎం అఖిలేశ్ యాదవ్, ఆయన భార్య డింపుల్ యాదవ్, ఇతర నేతలు ఓటు హక్కును వినియోగించుకున్నారు.
News May 7, 2024
బాబ్బాబూ.. భారతీయులు రండి: మాల్దీవులు
భారత్‌తో మాల్దీవుల వివాదం అనంతరం అక్కడికి వెళ్లే భారతీయుల సంఖ్య గణనీయంగా తగ్గింది. దీంతో ఇప్పుడు ఆ దేశ మంత్రి ఇబ్రహీం ఫైజల్ భారతీయుల్ని రమ్మని వేడుకుంటున్నారు. ‘మా కొత్త ప్రభుత్వం కూడా భారత్‌తో కలిసి పనిచేస్తుంది. స్నేహపూర్వక వాతావరణాన్నే మేమూ కోరుకుంటున్నాం. భారతీయులకు మా ప్రజలు, ప్రభుత్వం కలిసి స్వాగతం పలుకుతున్నాం. దయచేసి భారతీయులు మా టూరిజంలో భాగస్వాములు కండి’ అని విజ్ఞప్తి చేశారు.
News May 7, 2024
గాయంపై సూర్యకుమార్ యాదవ్ స్పష్టత
SRHతో మ్యాచ్‌లో సూర్యకుమార్ అద్భుత సెంచరీతో ముంబైను గెలిపించారు. బ్యాటింగ్ సమయంలో ఆయన గాయంతో ఇబ్బంది పడుతున్నట్లు కనిపించారు. దీంతో టీ20 వరల్డ్ కప్ ముంగిట సూర్య గాయాలపాలయ్యారా అన్న ఆందోళన టీమ్ ఇండియా అభిమానుల్లో వ్యక్తమైంది. అయితే, అది అలసట మాత్రమేనని సూర్య మ్యాచ్ అనంతరం తెలిపారు. చాలా రోజుల తర్వాత 38 ఓవర్ల పాటు గ్రౌండ్‌లో ఉండటంతోనే స్వల్ప అసౌకర్యంగా అనిపించిందని స్పష్టం చేశారు.
News May 7, 2024
ఓటేయండి.. ప్రజాస్వామ్యాన్ని కాపాడండి: ఖర్గే
ప్రజలందరూ భారీ సంఖ్యలో ఓటేసి ప్రజాస్వామ్యాన్ని పరిరక్షించాలని ఏఐసీసీ అధ్యక్షుడు మల్లికార్జున ఖర్గే పిలుపునిచ్చారు. లోక్‌సభ ఎన్నికల్లో నేడు మూడో దశ పోలింగ్ జరుగుతున్న సంగతి తెలిసిందే. ఈ నేపథ్యంలో ఆయన ట్వీట్ చేశారు. ‘రాజ్యాంగాన్ని, ప్రజాస్వామ్యాన్ని పరిరక్షించేందుకు ఓటేయండి. నియంతృత్వాన్ని ఓడించి డెమోక్రసీ ఎంచుకోండి. మన సంస్థలు స్వతంత్రంగా వ్యవహరించేందుకు తోడ్పడండి’ అని ట్విటర్‌లో కోరారు.
Featured News
Sorry, no posts matched your criteria.