India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 16, 2024
23 నుంచి ప్రైమ్‌లో ‘రాయన్’ స్ట్రీమింగ్
ధనుష్ స్వీయ దర్శకత్వంలో రూపొందిన రాయన్ చిత్రం ఈ నెల 23 నుంచి అమెజాన్ ప్రైమ్‌లో స్ట్రీమింగ్ కానుంది. ఈ విషయాన్ని ఓటీటీ సంస్థ అధికారికంగా ప్రకటించింది. తెలుగు, తమిళ, కన్నడ, మలయాళ, హిందీ భాషల్లో అందుబాటులో ఉంటుందని తెలిపింది. ఇద్దరు తమ్ముళ్లు, చెల్లి కోసం హీరో ఎలాంటి పోరాటం చేశారు? అనే కథాంశంతో యాక్షన్ థ్రిల్లర్‌గా మూవీ తెరకెక్కింది. రూ.100 కోట్లకు పైగా కలెక్షన్లను సాధించి సూపర్ హిట్‌గా నిలిచింది.
News August 16, 2024
పాకిస్థాన్‌లో ఎంపాక్స్ కేసు
ప్రపంచాన్ని అతలాకుతలం చేసిన కరోనా మహమ్మారి నుంచి బయటపడ్డామని ఊపిరిపీల్చుకునే లోపే మరో వైరస్ చాపకింద నీరులా పాకుతోంది. ప్రమాదకరమైన <<13855532>>ఎంపాక్స్<<>> వైరస్ కేసు పాకిస్థాన్‌లో నమోదైంది. సౌదీ అరేబియా నుంచి వచ్చిన 34 ఏళ్ల వ్యక్తికి వైరస్ సోకినట్లు అధికారులు తెలిపారు. దీంతో విమానంలో ఆయనతో ప్రయాణించిన వారు, సన్నిహితులను గుర్తించడం స్టార్ట్ చేశామన్నారు. ఇప్పటికే స్వీడన్‌లోనూ తొలికేసు నమోదైంది.
News August 16, 2024
ఛీ.. ఏంటి ఈ భాష? కట్ డ్రాయర్ ఎమ్మెల్యేvsనిక్కర్ మంత్రి
AP: అధికారిక సోషల్ మీడియా అకౌంట్లలో TDP, YCP వాడుతున్న భాషపై సర్వత్రా విమర్శలు వ్యక్తమవుతున్నాయి. మాజీ CM జగన్‌ను కట్ డ్రాయర్ ఎమ్మెల్యే, సైకో, జలగ, వాడు అని TDP, లోకేశ్‌ను నిక్కర్ మంత్రి, పప్పు అని YCP కామెంట్స్ చేసుకుంటున్నాయి. రాజకీయ పార్టీల గొంతుకగా ఉన్న సోషల్ మీడియాలో ఇలాంటి చిల్లర కామెంట్స్ ఏంటని నెటిజన్లు ప్రశ్నిస్తున్నారు. విమర్శ సహేతుకంగా, భాషలో హుందాతనం ఉండాలంటున్నారు. దీనిపై మీ కామెంట్?
News August 16, 2024
విజయ్ చివరి సినిమా దర్శకుడు ఇతడే!
తమిళ స్టార్ హీరో విజయ్ రాజకీయాల్లోకి ఎంట్రీ ఇవ్వడంతో తన చివరి సినిమా ఎవరు తీస్తారనే దానిపై ఫ్యాన్స్‌లో సందేహం నెలకొంది. అయితే, విజయ్ 69వ సినిమాను దర్శకుడు హెచ్.వినోద్ తెరకెక్కించనున్నారు. నిన్న జరిగిన ఓ అవార్డ్స్ వేడుకలో ఆయన పాల్గొని ఈ విషయాన్ని వెల్లడించారు. ఇది కమర్షియల్ సినిమా అని, పొలిటికల్ డ్రామా కాదని ఆయన స్పష్టం చేశారు. త్వరలోనే మూవీలోని నటీనటులపై ప్రకటన విడుదల చేస్తామని తెలిపారు.
News August 16, 2024
వినేశ్ మనకు గర్వకారణం: మోదీ
రెజ్లర్ వినేశ్ ఫొగట్‌ను ప్రధాని నరేంద్ర మోదీ ప్రశంసించారు. ఆమె మనందరికీ గర్వకారణం అన్నారు. ఒలింపిక్స్ కుస్తీపోటీల్లో ఫైనల్ చేరిన తొలి మహిళగా రికార్డు సృష్టించారని కొనియాడారు. స్వాతంత్ర్య దినోత్సవం సందర్భంగా పారిస్ ఒలింపిక్స్ మెడలిస్టులు, అథ్లెట్లను ఆయన ప్రత్యేకంగా అభినందించారు. కాగా వెండి పతకం ఇవ్వాలన్న పిటిషన్‌ను కాస్ కోర్టు తిరస్కరించడంతో వినేశ్ ప్రత్యామ్నాయ న్యాయ మార్గాలను అన్వేషిస్తున్నారు.
News August 16, 2024
అమ్మమ్మ మాట్లాడటం లేదని..
TG: అమ్మమ్మ అంటే ఓ ఎమోషన్. చిన్నప్పటి నుంచి లాలించిన అమ్మమ్మ మాట్లాడటం మానేయడంతో ఆ మనవరాలు తట్టుకోలేకపోయింది. మనస్తాపం చెంది ఆత్మహత్య చేసుకుంది. హన్మకొండ(D) భీమదేవరపల్లికి చెందిన నిఖిత(22)కు అమ్మమ్మ వెంకటలక్ష్మి అంటే చాలా ఇష్టం. ఇటీవల యువతి కుటుంబంతో వెంకటలక్ష్మికి మనస్పర్ధలు రావడంతో ఆమె వారితో మాట్లాడటం మానేసింది. అప్పటినుంచి బాధలో ఉన్న నిఖిత బుధవారం రాత్రి ఇంట్లో ఉరివేసుకుని ఆత్మహత్య చేసుకుంది.
News August 16, 2024
డాక్టర్ హత్యాచారం కేసు: సాయంత్రం మమత ర్యాలీ
పశ్చిమ బెంగాల్ CM మమతా బెనర్జీ నేటి సాయంత్రం కోల్‌కతా వీధుల్లో ర్యాలీ నిర్వహిస్తారని TMC MP డెరెక్ ఓబ్రెయిన్ తెలిపారు. ర్యాలీకి ఈ కింది కారణాలను వివరించారు.
* ట్రైనీ డాక్టర్ హత్యాచారం కేసు దర్యాప్తు వివరాలను రోజూ ఇవ్వాలి.
* ఈ కేసులో పోలీసులకు CM ఇచ్చిన తుది గడువు ఆగస్టు 17. CBIకీ ఇదే వర్తిస్తుంది.
* పోలీసులు ఒకర్ని అరెస్టు చేశారు. CBI నిందితులందర్నీ అరెస్టు చేసి ఫాస్ట్ ట్రాక్ కోర్టుకు పంపాలి.
News August 16, 2024
దుబాయ్ వెళ్లేందుకు అవినాశ్ యత్నం.. అనుమతి నిరాకరణ
AP: దుబాయ్ వెళ్లేందుకు యత్నించిన వైసీపీ నేత దేవినేని అవినాశ్‌కు పోలీసులు అనుమతి నిరాకరించారు. నిన్న రాత్రి ఆయన దుబాయ్ వెళ్లేందుకు హైదరాబాద్‌లోని శంషాబాద్ ఎయిర్‌పోర్టుకు చేరుకున్నారు. అయితే టీడీపీ కార్యాలయంపై దాడి కేసులో ఆయనపై FIR నమోదైందని, ప్రయాణానికి అనుమతి ఇవ్వొద్దని మంగళగిరి పోలీసులు విమానాశ్రయ అధికారులకు సూచించారు. అనుమతి నిరాకరించడంతో ఆయన వెనుదిరిగారు.
News August 16, 2024
సాయంత్రం 4.05 గంటలకు ‘దేవర’ అప్డేట్
బాలీవుడ్ నటుడు సైఫ్ అలీఖాన్ బర్త్ డే సందర్భంగా ‘దేవర’ నుంచి అప్డేట్ రాబోతోంది. ఈరోజు సాయంత్రం 4.05 గంటలకు ‘భైర’కు సంబంధించిన గ్లింప్స్ వీడియోను రిలీజ్ చేస్తామని మేకర్స్ ప్రకటిస్తూ ఓ పోస్టర్ రిలీజ్ చేశారు. ఎన్టీఆర్, జాన్వీ కపూర్ హీరోహీరోయిన్‌గా నటిస్తుండగా కొరటాల శివ తెరకెక్కిస్తోన్న ‘దేవర’ సినిమా సెప్టెంబర్ 27న రిలీజ్ కానుంది. అనిరుధ్ మ్యూజిక్ అందిస్తున్నారు.
News August 16, 2024
‘హరిహరవీరమల్లు’ షూటింగ్ పునః ప్రారంభం
కొన్ని నెలలుగా ఆగిపోయిన హరిహర వీరమల్లు మూవీ షూటింగ్ ఈ నెల 14 నుంచి పునః ప్రారంభమైనట్లు మేకర్స్ వెల్లడించారు. స్టంట్ మాస్టర్ శివ ఆధ్వర్యంలో 400-500 మంది ఫైటర్స్‌, జూనియర్ ఆర్టిస్టులతో భారీ యుద్ధ సన్నివేశాల చిత్రీకరణ జరుగుతున్నట్లు తెలిపారు. మరికొన్ని రోజుల్లోనే పవన్ కళ్యాణ్ షూటింగ్‌లో పాల్గొంటారని, ఎప్పుడూ చూడని కొత్త గెటప్‌లో అలరిస్తారని పేర్కొన్నారు. దీంతో అభిమానులు సంతోషం వ్యక్తం చేస్తున్నారు.
Featured News
Sorry, no posts matched your criteria.