India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 14, 2024
ధనుష్ ‘3’ మరోసారి రీరిలీజ్
తమిళ స్టార్ హీరో ధనుష్, శ్రుతి హాసన్ జంటగా నటించిన రొమాంటిక్ థ్రిల్లర్ ‘3’ మరోసారి రీరిలీజ్ కానుంది. సెప్టెంబర్ 14న ఈ మూవీ తెలుగు వెర్షన్‌ను రీరిలీజ్ చేయనున్నట్లు మేకర్స్ ప్రకటించారు. ధనుష్ మాజీ భార్య ఐశ్వర్య తెరకెక్కించిన ఈ మూవీ 2012లో రిలీజవగా 2022లో రీరిలీజ్ చేశారు. ఈ చిత్రానికి అనిరుధ్ మ్యూజిక్ అందించారు. థియేటర్లలో మరోసారి ‘3’ మూవీ చూసేందుకు మీరూ వెళ్తారా?
News August 14, 2024
ED నూతన డైరెక్టర్‌గా రాహుల్ నవీన్
ఎన్‌ఫోర్స్‌మెంట్ డైరెక్టరేట్ నూతన డైరెక్టర్‌గా 1993 బ్యాచ్‌కు చెందిన IRS రాహుల్ నవీన్ నియమితులయ్యారు. ప్రస్తుతం EDలోనే స్పెషల్ డైరెక్టర్‌గా విధులు నిర్వర్తిస్తున్నారు. సంజయ్ కుమార్ మిశ్రా పదవీకాలం పూర్తయిన సందర్భంగా ED ఇన్‌ఛార్జ్ డైరెక్టర్‌గా రాహుల్ నవీన్ గతేడాది సెప్టెంబర్‌లో బాధ్యతలు చేపట్టారు.
News August 14, 2024
ట్రైనీ డాక్టర్‌పై హత్యాచారం చేసింది ఇతడే!
కోల్‌కతాలోని ఆర్జీ కర్ మెడికల్ కాలేజీలో <<13851492>>ట్రైనీ<<>> డాక్టర్‌పై హత్యాచార ఘటనతో దేశం ఉలిక్కిపడింది. ఆమెపై ఈ దారుణానికి ఒడిగట్టింది బిహార్‌కు చెందిన సంజయ్ రాయ్. ఇతడు కోల్‌కతాలో పోలీసు విభాగంలో పౌర వాలంటీర్‌గా పని చేస్తున్నాడు. 2022లో గర్భవతి అయిన భార్యపై దాడి చేయడంతో కేసు నమోదైంది. పలువురు మహిళల నంబర్లు తీసుకుని వేధించినట్లు ఆరోపణలు ఉన్నాయి. పోలీసులు సంజయ్‌ను ఇప్పటికే అరెస్టు చేశారు.
News August 14, 2024
ఆ ప్రచారంలో నిజం లేదు: RTC MD సజ్జనార్
TG: బస్సు డిపోలు ప్రైవేట్ పరమవుతాయనే ప్రచారంలో నిజం లేదని RTC MD సజ్జనార్ స్పష్టం చేశారు. TGSRTC ఆధ్వర్యంలోనే బస్సుల నిర్వహణ ఉంటుందన్నారు. ఎలక్ట్రిక్ బస్సులను అన్ని రూట్లలో తిప్పడం సాధ్యపడదన్నారు. ప్రతి డిపోలోనూ ఎలక్ట్రిక్, డీజిల్‌ బస్సులు నడుస్తాయన్నారు. ప్రైవేట్ అద్దె బస్సుల్లాగే ఎలక్ట్రిక్ బస్సులన్నీ TGSRTC ఆధ్వర్యంలోనే నడుస్తాయని, ఆదాయం నేరుగా సంస్థకే వస్తుందని వెల్లడించారు.
News August 14, 2024
టీఎంసీని టార్గెట్ చేసిన బీజేపీ
బెంగాల్‌లో ట్రైనీ డాక్ట‌ర్ హత్యాచారం ఘ‌ట‌నపై అధికార టీఎంసీని విప‌క్ష బీజేపీ టార్గెట్ చేసింది. ఈ కేసులో బెంగాల్ ప్ర‌భుత్వం నిజాలను దాస్తోందని ఆరోపించింది. కేసు విచార‌ణ జ‌రుగుతుండ‌గానే ఆర్జీ కర్ మెడికల్ కాలేజీ ప్రిన్సిపల్ డా. సందీప్ ఘోష్‌ను మరో కాలేజీకి ప్రిన్సిప‌ల్‌గా నియ‌మించ‌డాన్ని త‌ప్పుబ‌డుతోంది. ఆధారాల‌ను క‌ప్పిపుచ్చి ప‌లుకుబ‌డి క‌లిగిన‌వారిని TMC ర‌క్షిస్తోందని బీజేపీ ఆరోపిస్తోంది.
News August 14, 2024
కాసేపట్లో వర్షం
TG: హైదరాబాద్ నగరంలో కాసేపట్లో వర్షం కురిసే అవకాశం ఉందని వాతావరణ నిపుణులు అంచనా వేశారు. కూకట్‌పల్లి, నిజాంపేట్, మియాపూర్, జీడిమెట్ల, లింగంపల్లి, కొండాపూర్, అల్వాల్ ప్రాంతాల్లో మరో గంటలో వర్షం కురుస్తుందని పేర్కొన్నారు. ఇప్పటికే పలు జిల్లాల్లో వాన పడుతోంది.
News August 14, 2024
ఆయనకు 62 ఏళ్లు.. అలా ఉన్నారా?
ఒకప్పుడు స్టార్ హీరో అయిన జగపతిబాబు విలక్షణ నటనతో తెలుగు ప్రేక్షకులకు దగ్గరయ్యారు. అయితే, ఇప్పుడు స్టైలిష్ విలన్ రోల్స్‌లో నటిస్తూ యూత్‌ను ఆకట్టుకుంటున్నారు. 62 ఏళ్ల వయసులోనూ యువకుడిలా ఫిట్‌నెస్ కొనసాగిస్తూ అందరి దృష్టినీ ఆకర్షిస్తున్నారు. తాజాగా ఆయన ఓ ఫొటోను షేర్ చేస్తూ.. ‘వయసు పెరిగేకొద్దీ తగ్గించేందుకు ప్రయత్నిస్తున్నా’ అని ట్వీట్ చేశారు. అలా ఓకేనా అని అభిమానులను ప్రశ్నించారు.
News August 14, 2024
మేన‌కా పిటిషన్ను కొట్టేసిన కోర్టు
సుల్తాన్‌పుర్ ఎంపీ ఎన్నిక‌ను స‌వాల్ చేస్తూ BJP నాయ‌కురాలు మేన‌కా గాంధీ దాఖ‌లు చేసిన పిటిషన్ను అల‌హాబాద్ హైకోర్టు బుధ‌వారం తోసిపుచ్చింది. ఇక్కడి నుంచి ఎన్నికైన ఎస్పీ ఎంపీ రామ్ నిషాద్ తప్పుడు అఫిడవిట్ స‌మ‌ర్పించార‌ని కోర్టును మేన‌కా ఆశ్రయించారు. అయితే ప్ర‌జాప్ర‌తినిధుల చ‌ట్టం -1951 ప్రకారం ఎన్నిక జ‌రిగిన 45 రోజుల్లో స‌వాల్ చేయాల‌ని, 7 రోజులు ఆల‌స్యం కావ‌డంతో కోర్టు పిటిషన్ను కొట్టేసింది.
News August 14, 2024
టీమ్ ఇండియా కెప్టెన్స్, సపోర్ట్ స్టాఫ్ వీళ్లే!
టెస్ట్ & వన్డే కెప్టెన్ – రోహిత్ శర్మ
T20I కెప్టెన్ – సూర్యకుమార్ యాదవ్
ప్రధాన కోచ్ – గౌతమ్ గంభీర్
అసిస్టెంట్ కోచ్ – అభిషేక్ నాయర్
అసిస్టెంట్ కోచ్ – టెన్ డస్కాటే
బౌలింగ్ కోచ్ – మోర్నే మోర్కెల్
ఫీల్డింగ్ కోచ్ – టి.దిలీప్
News August 14, 2024
ఆన్‌లైన్‌లో ఇసుక బుకింగ్: చంద్రబాబు
AP: ఉచిత ఇసుక ఇస్తున్నా తమపై బురదజల్లేందుకు కొందరు ప్రయత్నిస్తున్నారని సీఎం చంద్రబాబు మండిపడ్డారు. కూలీలు, సీనరేజ్, రవాణా ఖర్చులనే ప్రజలు చెల్లించాలని సూచించారు. అన్ని సచివాలయాల్లో ఇసుక బుక్ చేసుకునే సౌకర్యం తీసుకొస్తామని చెప్పారు. ఆన్‌లైన్ ద్వారా బుకింగ్ సదుపాయం కల్పిస్తామని పేర్కొన్నారు. 60 రోజుల పాలనలో ఆర్థిక ఇబ్బందులు, వాటి పరిష్కారంపై దృష్టిసారించామని ఆయన చెప్పారు.
Featured News
Sorry, no posts matched your criteria.