India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 16, 2024
సీఏఏ అమలు ఇప్పటికే ఆలస్యమైంది: జగ్గీ వాసుదేవ్
సీఏఏపై భిన్నాభిప్రాయాలు వ్యక్తమవుతున్న వేళ ఆధ్యాత్మిక గురువు జగ్గీ వాసుదేవ్ ఆసక్తికర వ్యాఖ్యలు చేశారు. ఈ చట్టం అమలు ఆలస్యమైందన్నారు. ‘విభజనప్పుడు పొరుగు దేశాల్లో స్థిరపడిన ప్రజలకు సమస్యలు ఎదురైతే మళ్లీ తిరిగి తీసుకొస్తామని నాటి నేతలు హామీ ఇచ్చారు. 75ఏళ్లలో వారు ఎన్నో కష్టాలు అనుభవించారు. 30-40ఏళ్ల క్రితమే కొందరు భారత్ వచ్చినా ఇంకా శరణార్థులుగానే ఉన్నారు. ఇందుకు సిగ్గుగా లేదా?’ అని ప్రశ్నించారు.
News March 16, 2024
లాయర్లకు రూ.7,000 స్టైఫండ్ ఇస్తాం: చంద్రబాబు
AP: టీడీపీ చీఫ్ చంద్రబాబు న్యాయవాదులపై హామీల వర్షం కురిపించారు. పార్టీ లీగల్ సెల్ వర్క్‌షాప్‌లో మాట్లాడుతూ.. ‘స్వాతంత్ర పోరాటం తరహాలో ఏపీకి ఉన్మాది పాలన నుంచి విముక్తి కల్పించేందుకు న్యాయవాదులు పోరాడాలి. అధికారంలోకి వచ్చాక న్యాయమిత్ర పేరుతో లాయర్లకు ప్రతి నెలా రూ.7వేల స్టైఫండ్ ఇస్తాం. అడ్వొకేట్ల సంక్షేమం కోసం రూ.100 కోట్లతో కార్పస్ ఫండ్ ఏర్పాటు చేస్తాం. ఇళ్ల స్థలాలు ఇస్తాం’ అని వెల్లడించారు.
News March 16, 2024
సిద్ధమంటూ సీఎం జగన్ ట్వీట్
ఎన్నికల షెడ్యూల్‌పై సీఎం జగన్ స్పందించారు. ‘13 మే 2024 సిద్ధం’ అని ట్వీట్ చేశారు. దీనికి #VoteForFan, #Siddham అంటూ హాష్‌ట్యాగ్స్ ఇచ్చారు. దీంతో ‘సిద్ధం బాస్’ అంటూ వైసీపీ శ్రేణులు కామెంట్స్ చేస్తున్నారు.
News March 16, 2024
టీడీపీలో చేరిన వైసీపీ ఎంపీ, మాజీ ఎమ్మెల్యే
AP: ఇటీవల వైసీపీకి రాజీనామా చేసిన ఒంగోలు ఎంపీ మాగుంట శ్రీనివాసులురెడ్డి, ఆయన కుమారుడు రాఘవరెడ్డి టీడీపీలో చేరారు. అలాగే కావలి మాజీ ఎమ్మెల్యే వంటేరు వేణుగోపాలరెడ్డి, అద్దంకి నేతలు బాచిన గరటయ్య, కృష్ణచైతన్య కూడా సైకిల్ ఎక్కారు. చంద్రబాబు వారికి పసుపు కండువా కప్పి పార్టీలోకి ఆహ్వానించారు.
News March 16, 2024
డమ్మీ వ్యక్తితో లిక్కర్ కంపెనీలో కవిత వాటా: ED
లిక్కర్ సిండికేషన్‌ను కవిత తెర వెనక ఉండి నడిపారని ED ఆరోపించింది. ఇండో స్పిరిట్ కంపెనీలో వాటా గల అరుణ్ పిళ్లై కవితకు డమ్మీ వ్యక్తి అని అధికారులు తెలిపారు. సాక్ష్యాలు బయటకు రాకుండా ఫోన్లు, పలు డాక్యుమెంట్లను MLC ధ్వంసం చేశారని వెల్లడించారు. డేటా రికవరీ కోసం ఆమె 10 ఫోన్లు ల్యాబ్‌కు పంపితే 4 మొబైళ్లలో డేటా రికవరీ కాలేదన్నారు. తమ విచారణలోనూ అసంబద్ధ సమాధానాలు ఇవ్వడంతోనే అరెస్టు చేశామని వివరించారు.
News March 16, 2024
SRH కెప్టెన్‌గా పాట్ కమిన్స్ రాణిస్తారు: స్మిత్
సన్‌రైజర్స్ హైదరాబాద్ కెప్టెన్‌గా ప్యాట్ కమిన్స్ రాణిస్తారని ఆస్ట్రేలియా ఆటగాడు స్టీవ్ స్మిత్ ధీమా వ్యక్తం చేశారు. ‘హైదరాబాద్ హెడ్ కోచ్ వెటోరీ ఆస్ట్రేలియా టీమ్‌కు అసిస్టెంట్ కోచ్ కూడా. ఆయనతో కమిన్స్‌కు చక్కటి అనుబంధం ఉంది. పైగా కెప్టెన్సీ బాధ్యత ఉన్న ప్రతిసారీ కమిన్స్ అత్యుత్తమ ప్రదర్శన కనబరుస్తారు. ఈసారి SRH రాణిస్తుందని నాకు పూర్తి నమ్మకం ఉంది’ అని స్మిత్ వ్యాఖ్యానించారు.
News March 16, 2024
రేపు గ్రూప్-1 పరీక్ష.. కేంద్రాల వద్ద 144 సెక్షన్: సీఎస్
AP: రాష్ట్రంలో 81 గ్రూప్-1 పోస్టులకు రేపు జరిగే ప్రిలిమ్స్ పరీక్షకు ఏర్పాట్లు పూర్తిచేసినట్లు సీఎస్ జవహర్‌రెడ్డి వెల్లడించారు. 301 కేంద్రాల్లో ఉ.10 నుంచి మ.12 వరకు పేపర్-1, మ.2 నుంచి 4 గంటల వరకు పేపర్-2 ఎగ్జామ్ జరుగుతుందన్నారు. 1.48 లక్షల మంది అభ్యర్థులు హాజరవుతారని చెప్పారు. పరీక్ష కేంద్రాల పరిధిలో 144 సెక్షన్ అమల్లో ఉంటుందని, పర్యవేక్షణకు ప్రతి జిల్లాకు ఓ ఐఏఎస్‌ను నియమించామని పేర్కొన్నారు.
News March 16, 2024
ALERT: రూ.50వేల కంటే ఎక్కువ తీసుకెళ్లకండి
పార్లమెంట్ ఎన్నికల నేపథ్యంలో దేశవ్యాప్తంగా ఎలక్షన్ కోడ్ అమల్లోకి వచ్చింది. ఈక్రమంలో ప్రజలు రూ.50వేల కంటే ఎక్కువ నగదును తీసుకెళ్లకూడదు. ఒకవేళ ఉంటే.. కచ్చితంగా రసీదు, ఇతర డాక్యుమెంట్స్ చూపించాల్సిందే. తనిఖీల్లో దొరికితే పోలీసులు డబ్బును సీజ్ చేస్తారు. బంగారం, వెండి వంటి ఆభరణాలు సైతం పెద్ద మొత్తంలో తీసుకెళ్లకూడదు. ఆస్పత్రి, ఇతర అత్యవసరాల కోసం డబ్బు తీసుకెళ్తే రోగి రిపోర్టులు, రసీదులను చూపించాలి.
News March 16, 2024
కవితకు ఇంటి నుంచి భోజనం
కవితకు 7 రోజుల కస్టడీ విధించిన కోర్టు.. ఆమె అడిగిన కొన్ని మినహాయింపులకు అంగీకరించింది. ప్రతిరోజు కుటుంబ సభ్యులను, లాయర్లను కలిసేందుకు అనుమతి ఇచ్చింది. అలాగే ఇంటి నుంచి ఆహారం తెప్పించుకునేందుకు కూడా ఒకే చెప్పింది. కాగా కవితను ఈడీ అధికారులు తమ కార్యాలయానికి తీసుకెళ్లారు.
News March 16, 2024
విచారణలో కవిత ఏం చెప్పనున్నారు?
ఢిల్లీ లిక్కర్ స్కాం కేసులో ఎమ్మెల్సీ కవిత మెడకు ఉచ్చు బిగుస్తోంది. ఆమెకు కోర్టు కస్టడీ విధించడంతో ఈడీ కవితను విచారించనుంది. లిక్కర్ స్కాంలో ఆమె పాత్రపై ఆరా తీయనుంది. గతంలో ఈ కేసులో అరెస్టైన ఢిల్లీ మాజీ డిప్యూటీ సీఎం మనీశ్ సిసోడియా, మాగుంట రాఘవ, శరత్‌చంద్రారెడ్డితో ఆమెకు ఉన్న సంబంధాలపై ప్రశ్నించనుంది. అయితే ఈడీ ప్రశ్నలకు కవిత సమాధానం చెప్తారా? లేదా? అనేది ఆసక్తిగా మారింది.
Featured News
Sorry, no posts matched your criteria.