India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 19, 2024
హౌతీల దాడిలో సముద్రంలో మునిగిపోయిన నౌక
హౌతీల దాడిలో యూకేకు చెందిన రూబీమార్ అనే వాణిజ్య నౌక ఎర్ర సముద్రంలో మునిగిపోయింది. దీంతో అందులో ఉన్న 21,000 మెట్రిక్ టన్నుల ఫెర్టిలైజర్స్ సముద్రం పాలయ్యాయి. దాదాపు 30 కి.మీ మేర సముద్రంపై చమురు తెట్టులా పేరుకుపోయింది. ఈ ఘటనతో అందులోని జీవరాశులకు ముప్పు ఏర్పడుతుందని సైంటిస్టులు ఆందోళన వ్యక్తం చేస్తున్నారు. చేపలకు, పగడపు దిబ్బలకు పర్యావరణ నష్టం వాటిల్లుతుందని పేర్కొంటున్నారు.
News March 19, 2024
పిచ్చి వేషాలు వేస్తే టీడీపీనే డిలీట్ చేయాల్సి వస్తుంది: వైసీపీ
AP: టీడీపీకి రాష్ట్ర ఎన్నికల ప్రధానాధికారి <<12880443>>నోటీసులు<<>> ఇవ్వడంపై వైసీపీ Xలో స్పందించింది. ‘టీడీపీకి ఎన్నికల కమిషన్ మొట్టికాయలు వేసింది. సీఎం జగన్‌ను అవమానించేలా టీడీపీ Xలో పోస్టు వేసింది. ఈసీ నోటీసులు ఇవ్వడంతో లెంపలేసుకుని నిమిషాల్లో పోస్టును డిలీట్ చేసింది. ఇకపై ఇలాంటి పిచ్చి వేషాలు వేస్తే.. పోస్టులు కాదు టీడీపీనే డిలీట్ చేయాల్సి వస్తుంది’ అని హెచ్చరించింది.
News March 19, 2024
22 నుంచి చంద్రబాబు ‘ప్రజాగళం’ యాత్ర!
AP: ఈ నెల 22 నుంచి టీడీపీ అధినేత చంద్రబాబు ‘ప్రజాగళం’ యాత్ర చేపట్టనున్నారు. రాష్ట్రవ్యాప్తంగా ఎంపిక చేసిన నియోజకవర్గాల్లో బాబు పర్యటిస్తారు. ప్రతిరోజూ మూడు నియోజకవర్గాల్లో ఆయన సభలు నిర్వహించనున్నట్లు సమాచారం. అటు త్వరలోనే మిగిలిన ఎంపీ, ఎమ్మెల్యే అభ్యర్థులను చంద్రబాబు ప్రకటించనున్నారు. ఆ తర్వాత ఈ యాత్ర చేపట్టనున్నారు. ఇందుకు సంబంధించిన రూట్ మ్యాప్‌ను పార్టీ నేతలు సిద్ధం చేస్తున్నారట.
News March 19, 2024
ఏప్రిల్ 4 తర్వాత ఇంటర్ ఫలితాలు?
AP: ఇంటర్ పరీక్షల వాల్యుయేషన్ ప్రారంభమైంది. సుమారుగా 23వేల మంది అధ్యాపకులు ఈ ప్రక్రియలో పాల్గొనగా.. ఒక్కో అధ్యాపకుడు రోజుకు 30 జవాబు పత్రాలను మూల్యాంకనం చేస్తారు. ఏప్రిల్ 4 వరకు వాల్యుయేషన్ జరగనుండగా.. ఆ తర్వాత ఫలితాలు వెల్లడి కానున్నాయి. ప్రధాన పేపర్ల పరీక్షలు ఇప్పటికే పూర్తికాగా.. మైనర్ సబ్జెక్టుల పరీక్షలు రేపటితో అయిపోతాయి.
News March 19, 2024
టీసీఎస్‌లో టాటా సన్స్ వాటా విక్రయం?
తమ సాఫ్ట్‌వేర్ విభాగమైన టీసీఎస్‌లో 0.64 శాతం వాటాను టాటా సన్స్ విక్రయించనున్నట్లు తెలుస్తోంది. అందుకు సమానమైన 2.3 కోట్ల షేర్లను ఒక్కొక్కటి రూ.4001 చొప్పున బ్లాక్ డీల్స్ ద్వారా అమ్మే అవకాశం ఉందని సంస్థ వర్గాలు తెలిపాయి. దీంతో రూ.9202 కోట్లకు పైగా నిధులను సమకూర్చుకోనుంది. గత డిసెంబరు నాటికి టీసీఎస్‌లో టాటా సన్స్‌కు 72.38శాతం వాటా ఉంది. వచ్చే ఏడాది సెప్టెంబరుకల్లా ఆ సంస్థ ఐపీఓకు రావొచ్చని అంచనా.
News March 19, 2024
హైదరాబాద్ కెప్టెన్ వచ్చేశాడు
సన్‌రైజర్స్ హైదరాబాద్ కెప్టెన్ పాట్ కమిన్స్ హైదరాబాద్ చేరుకున్నారు. ఈ విషయాన్ని SRH ఫ్రాంచైజీ సోషల్ మీడియా వేదికగా తెలిపింది. కాగా సన్‌రైజర్స్ హైదరాబాద్ ట్రైనింగ్ క్యాంప్ ఇప్పటికే ప్రారంభమైంది. జట్టులోని ఇతర ఆటగాళ్లందరూ ఉప్పల్ స్టేడియంలో ప్రాక్టీస్‌లో మునిగిపోయారు. ఐపీఎల్ 17వ సీజన్‌లో భాగంగా హైదరాబాద్ తన తొలి మ్యాచ్‌ను ఈనెల 23న కోల్‌కతా నైట్‌రైడర్స్‌తో ఆడనుంది.
News March 19, 2024
ఏపీలో భారీ వర్షాలు.. తెలంగాణలో మోస్తరు వానలు
నేటి నుంచి రెండు తెలుగు రాష్ట్రాల్లో వర్షాలు కురుస్తాయని IMD తెలిపింది. ద్రోణి ప్రభావంతో కోస్తాంధ్రలో పిడుగులతో కూడిన వర్షాలు పడతాయని అంచనా వేసింది. ఏలూరు, కృష్ణా, గుంటూరు, బాపట్ల, ప్రకాశం జిల్లాల్లో వానలు పడతాయని పేర్కొంది. ఉత్తర కోస్తాలో పలుచోట్ల భారీ వర్షాలు కురుస్తాయని వెల్లడించింది. తెలంగాణలో 2 రోజులపాటు మోస్తరు వర్షాలు పడతాయని తెలిపింది. ఉరుములు, ఈదురుగాలులతో కూడిన వానలు పడతాయని పేర్కొంది.
News March 19, 2024
విరుష్క జంట బ్రిటన్‌లో సెటిల్?
టీమ్ఇండియా క్రికెటర్ విరాట్ కోహ్లీ, అనుష్క శర్మ దంపతులు బ్రిటన్‌లో సెటిల్ కానున్నట్లు తెలుస్తోంది. ప్రస్తుతం అనుష్క చాలా కాలం నుంచి అక్కడే ఉంటున్నారు. రెండో బిడ్డ అకాయ్‌కూ అక్కడే జన్మనిచ్చారు. పిల్లల ప్రైవసీ కోసం ఈ జంట అక్కడే సెటిల్ కావాలనుకుంటున్నట్లు సమాచారం. భారీ పెట్టుబడులు పెట్టడం ద్వారా అక్కడి పౌరసత్వం పొందనున్నట్లు తెలుస్తోంది. క్రికెట్ మ్యాచ్‌లకు మాత్రమే కోహ్లీ ఇండియాకు వస్తారని టాక్.
News March 19, 2024
తెలంగాణ ఇన్‌ఛార్జ్ గవర్నర్‌గా నజీర్?
తెలంగాణ గవర్నర్ తమిళిసై రాజీనామా చేయడంతో ఏపీ గవర్నర్ అబ్దుల్ నజీర్‌ను ఆ పదవిలో తాత్కాలికంగా నియమించే అవకాశం ఉన్నట్లు తెలుస్తోంది. ఎలక్షన్ కోడ్ అమల్లోకి రావడంతో ఎన్నికలు పూర్తయ్యేవరకు కొత్త గవర్నర్‌ను నియమించేందుకు వీల్లేదు. ఈ నేపథ్యంలోనే నజీర్‌కు తాత్కాలిక బాధ్యతలు అప్పగిస్తారని సమాచారం. ఇక పుదుచ్చేరి లెఫ్టినెంట్ గవర్నర్ తాత్కాలిక బాధ్యతల్ని తమిళనాడు గవర్నర్ రవికి ఇవ్వొచ్చని తెలుస్తోంది.
News March 19, 2024
PUTIN: గూఢచారి నుంచి అధ్యక్షుడి దాకా!
వ్లాదిమిర్ పుతిన్ మరోసారి రష్యా అధ్యక్ష పీఠం దక్కించుకున్నారు. పుతిన్ 1975లో గూఢచార సంస్థ కేజీబీలో ఉద్యోగం చేశారు. ఆ తర్వాత 1991లో రాజకీయాల్లోకి వచ్చి సెయింట్ పీటర్స్‌బర్గ్ మేయర్‌గా ఎన్నికయ్యారు. అనంతరం 1999లో 46 ఏళ్ల వయసులో రష్యా ప్రధానిగా బాధ్యతలు చేపట్టారు. ఆ తర్వాత 2000లో అధ్యక్షుడిగా బాధ్యతలు చేపట్టారు. 24 ఏళ్లుగా పుతిన్ రష్యాను ఏలుతున్నారు. ఆయన 2030 వరకు అధ్యక్షుడిగా కొనసాగనున్నారు.
Featured News
Sorry, no posts matched your criteria.