India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 25, 2024
జగదీశ్ రెడ్డి 1.50 లక్షల ఎకరాలు దోచుకున్నారు: వేముల వీరేశం
TG: మాజీ మంత్రి జగదీశ్ రెడ్డిపై నకిరేకల్ కాంగ్రెస్ ఎమ్మెల్యే వేముల వీరేశం సంచలన ఆరోపణలు చేశారు. జగదీశ్, ఆయన అనుచరులు నల్గొండ జిల్లాలో 1.50 లక్షల ఎకరాలను దోచుకున్నారని విమర్శించారు. ఆ భూములు ఉన్న గ్రామాలు, సర్వే నంబర్లతో నిరూపించడానికి తాను సిద్ధమని తెలిపారు. కొల్లగొట్టిన భూములను ప్రజలకు తిరిగి ఇచ్చేయాలని డిమాండ్ చేశారు. ఈ భూముల వ్యవహారంపై త్వరలో సీఎం రేవంత్‌కు లేఖ రాస్తానని చెప్పారు.
News March 25, 2024
ప్రత్యర్థిని ఆలింగనం చేసుకున్న తమిళిసై
చెన్నైలో ఎన్నికల నామినేషన్ల సందర్భంగా ఆసక్తికర సన్నివేశం చోటుచేసుకుంది. సౌత్‌ చెన్నై బరిలో ఉన్న BJP అభ్యర్థి డా.తమిళిసై సౌందరరాజన్‌, DMK తరఫున పోటీ చేస్తున్న తమిళచ్చి తంగపాండ్యన్‌ ఒకే సమయంలో నామినేషన్ దాఖలు చేశారు. ప్రత్యక్ష రాజకీయాల్లో విమర్శలు చేసుకునే వీరు ఆప్యాయంగా పలకరించుకున్నారు. ఒకరినొకరు ఆలింగనం చేసుకున్నారు. రాజకీయాల్లో ఇదో మంచి పరిణామమని నెటిజన్లు కామెంట్స్ చేస్తున్నారు.
News March 25, 2024
రైతులను ప్రభుత్వం పట్టించుకోవట్లేదు: హరీశ్
TG: నీరు లేక పంట నష్టపోయిన రైతులను ప్రభుత్వం పట్టించుకోవడం లేదని BRS ఎమ్మెల్యే హరీశ్‌రావు ఆరోపించారు. ‘20లక్షల ఎకరాల్లో పంట ఎండిపోయింది. రైతులను ప్రభుత్వం పట్టించుకోవడం లేదు. సీఎం, మంత్రులు అన్నదాతకు భరోసా కల్పించడం లేదు. కాంగ్రెస్ పాలనలో వారు ఇబ్బందులు పడుతున్నారు. మరోవైపు రుణాలు చెల్లించాలని అధికారులు రైతులను వేధిస్తున్నారు. కేసీఆర్ పాలనలో ఎప్పుడూ ఇలాంటి పరిస్థితి లేదు’ అని హరీశ్ అన్నారు.
News March 25, 2024
కుప్పంలో చంద్రబాబు పూజలు
AP: టీడీపీ అధినేత చంద్రబాబు నాయుడు కుప్పంలో పర్యటిస్తున్నారు. బెంగళూరు నుంచి హెలికాప్టర్‌లో కుప్పానికి చేరుకున్న ఆయన శ్రీకన్యకాపరమేశ్వరి అమ్మవారి దేవస్థాన శతరత్న జీర్ణోద్ధారణ ప్రతిష్ఠ మహా కుంభాభిషేకంలో పాల్గొని పూజలు నిర్వహించారు. సాయంత్రం ఆర్టీసీ బస్టాండు సర్కిల్‌లో జరగనున్న సభలో చంద్రబాబు ప్రసంగిస్తారు. ఇవాళ, రేపు కుప్పంలోనే పర్యటించనున్నారు.
News March 25, 2024
కేజ్రీవాల్ అంటే ప్రధానికి భయం: సంజయ్ రౌత్
ఢిల్లీ సీఎం కేజ్రీవాల్ అంటే ప్రధాని మోదీకి భయమని, అందుకే ఆయనను అరెస్ట్ చేయించారని శివసేన(ఉద్ధవ్ వర్గం) ఎంపీ సంజయ్ రౌత్ ఆరోపించారు. అరెస్ట్ తర్వాత కేజ్రీవాల్ మరింత బలంగా మారారని అన్నారు. రాజకీయ నాయకులను భయపెట్టేందుకు, ప్రతిపక్షాలను నిర్మూలించేందుకు మోదీ దర్యాప్తు సంస్థలను వాడుకుంటున్నారని విమర్శించారు. మార్చి 31న చేపట్టే విపక్షాల ర్యాలీలో అందరూ పాల్గొని విజయవంతం చేయాలని ఆయన పిలుపునిచ్చారు.
News March 25, 2024
వెంకీ-2 స్క్రిప్ట్ రెడీ చేస్తున్నాం: శ్రీను వైట్ల
రవితేజ హీరోగా 2004లో వచ్చిన వెంకీ సినిమా ప్రేక్షకుల్ని కడుపుబ్బా నవ్వించింది. ఇటీవలే ఆ సినిమాను రీరిలీజ్ చేయగా మంచి రెస్పాన్స్ లభించింది. కాగా వెంకీ సీక్వెల్‌పై తాజాగా మూవీ డైరెక్టర్ శ్రీను వైట్ల స్పందించారు. ‘వెంకీ రీరిలీజ్ తర్వాత ప్రేక్షుకుల స్పందన చూసి వెంకీ-2 చేయాలనిపించింది. స్క్రిప్ట్ మీద వర్క్ చేస్తున్నాం. మళ్లీ అదే కాంబినేషన్‌లో సినిమా ఉంటుంది కానీ ఎప్పుడని చెప్పలేను’ అని ఆయన తెలిపారు.
News March 25, 2024
ఎవరీ నమన్ ధీర్?
MI కొత్త ప్లేయర్ నమన్ ధీర్ అందరి దృష్టిని ఆకర్షించారు. మూడో స్థానంలో బ్యాటింగ్‌కు వచ్చిన అతడు ఏమాత్రం బెదురు లేకుండా ఆడి 10 బంతుల్లో 20 పరుగులు చేశారు. ఫీల్డింగ్‌లోనూ కళ్లుచెదిరే క్యాచ్ అందుకున్నారు. 24ఏళ్ల నమన్ పంజాబ్‌కు చెందిన వ్యక్తి. అతడు సయ్యద్ ముస్తాక్ అలీ, డీవై పాటిల్, షేర్-ఏ-పంజాబ్ టీ20 టోర్నీల్లో మంచి ప్రదర్శన చేసి హిట్టర్‌గా పేరొందారు. దీంతో వేలంలో అతణ్ని MI రూ.20లక్షలకు సొంతం చేసుకుంది.
News March 25, 2024
రంగుల కేళి
హోలీ పండుగని దేశవ్యాప్తంగా ప్రజలు ఘనంగా జరుపుకుంటున్నారు. రంగులు చల్లుకుంటూ సందడి చేస్తున్నారు. సినీ తారలు, క్రికెటర్లు, రాజకీయ నేతలు ఈ వేడుకలను కుటుంబ సభ్యులతో కలిసి ఎంతో ఉత్సాహంగా జరుపుకుంటున్నారు. కేకేఆర్, ఢిల్లీ క్యాపిటల్స్ నిర్వహించిన హోలీ సంబరాల్లో విదేశీ క్రికెటర్లూ పాల్గొని సందడి చేశారు.
News March 25, 2024
లోకేశ్‌ అంటే ప్రభుత్వానికి భయం: బుద్దా వెంకన్న
AP: ఎన్నికల కోడ్ అమల్లోకి వచ్చినా పోలీస్ వ్యవస్థ అధికార పార్టీకి కొమ్ముకాస్తోందని టీడీపీ నేత బుద్దా వెంకన్న విమర్శించారు. డీజీపీని విధుల నుంచి తప్పించాలంటూ ఈసీకి లేఖ రాస్తామని చెప్పారు. ‘లోకేశ్‌కు ప్రభుత్వం భయపడుతోంది. అందుకే ఆయన వాహనాలను అడుగడుగునా తనిఖీలు చేస్తున్నారు. ఆయనను మంగళగిరిలో ఓడించడానికి వైసీపీ రూ.500 కోట్లు దాచింది. ఓటుకు రూ.30 వేలు ఇవ్వడానికి సిద్ధమైంది’ అని ఆరోపించారు.
News March 25, 2024
టెట్ ఫీజు తగ్గించేందుకు ప్రభుత్వం యోచన?
TG: టెట్ ఒక్కో పేపర్ ఫీజును రూ.300 నుంచి రూ.1,000కి <<12907253>>పెంచడంపై<<>> అభ్యర్థులు నిరసన వ్యక్తం చేస్తున్నారు. కోచింగ్, హాస్టళ్లకు రూ.వేలు ఖర్చు పెడుతున్న తమపై ఫీజుల భారం వేయడం తగదని, వెంటనే తగ్గించాలని కోరుతున్నారు. ఈ వ్యవహారం సీఎం రేవంత్ దృష్టికి వెళ్లింది. ఫీజు పెంపు అధికారుల స్థాయిలోనే జరిగిందని CMO వర్గాలు ఆయనకు చెప్పాయట. సమస్య తీవ్రతరం కాకముందే ఫీజు తగ్గించాలని ప్రభుత్వం యోచిస్తున్నట్లు తెలుస్తోంది.
Featured News
Sorry, no posts matched your criteria.