India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 26, 2024
రామాయణం పాఠ్యపుస్తకాల్లో ఉండాలి: వెంకయ్య నాయుడు
AP: రామాయణ స్ఫూర్తిని భావితరాలకు అందించడం సంతోషంగా ఉందని మాజీ ఉప రాష్ట్రపతి వెంకయ్యనాయుడు అన్నారు. విజయనగరంలో వాల్మీకి రీసెర్చ్ సెంటర్ను ఆయన ప్రారంభించారు. ఈ కేంద్రాన్ని జాతికి అంకితం చేయాల్సిన అవసరముందని చెప్పారు. పాఠ్యపుస్తకాల్లో రామాయణం ఉండాల్సిన అవసరం ఉందన్నారు. మరోవైపు ఓటు బ్యాంకు రాజకీయాల కోసం కొందరు సెక్యులర్ పేరు చెబుతున్నారని విమర్శించారు.
News September 26, 2024
ప్రజాభవన్లో ప్రవాసీ ప్రజావాణి కౌంటర్
TG: రేపు ప్రజాభవన్లో మంత్రి పొన్నం ప్రభాకర్ ప్రవాసీ ప్రజావాణి ప్రత్యేక కౌంటర్ను ప్రారంభించనున్నారు. గల్ఫ్ కార్మికులు, ఎన్నారైల సమస్యల పరిష్కారానికి దీనిని ఏర్పాటు చేయనున్నారు. ప్రతి బుధ, శుక్రవారాల్లో కౌంటర్ తెరిచి ఉంటుందని అధికారులు తెలిపారు.
News September 26, 2024
టీ20లకు రిటైర్మెంట్ ప్రకటించిన స్టార్ ఆల్రౌండర్
బంగ్లాదేశ్ క్రికెటర్ షకీబల్ హసన్ అంతర్జాతీయ టీ20లకు రిటైర్మెంట్ ప్రకటించారు. 2026 టీ20 WC దృష్ట్యా యంగ్ ప్లేయర్లకు అవకాశం ఇవ్వడం కోసం ఈ నిర్ణయం తీసుకున్నట్లు చెప్పారు. తన టెస్టు కెరీర్ను స్వదేశంలోని మీర్పూర్లో SAతో జరిగే టెస్టుతో ముగించాలని అనుకుంటున్నట్లు తెలిపారు. ఒకవేళ బోర్డు ఒప్పుకోకపోతే INDతో ఆడే రెండో టెస్టే తనకు చివరిదని పేర్కొన్నారు. ఛాంపియన్స్ ట్రోఫీ తర్వాత ODIల నుంచి తప్పుకోనున్నారు.
News September 26, 2024
బీటెక్ అర్హతతో ప్రభుత్వ ఉద్యోగాలు.. రెండు రోజులే ఛాన్స్!
నేషనల్ థర్మల్ పవర్ కార్పొరేషన్(NTPC)లో 250 డిప్యూటీ మేనేజర్ ఉద్యోగాలకు దరఖాస్తు గడువు ఈనెల 28తో ముగియనుంది. B.E/ B.Techలో (ఎలక్ట్రికల్, ఎలక్ట్రానిక్స్, సివిల్, మెకానికల్) 60% మార్కులు సాధించిన వారు అర్హులు. రాతపరీక్ష, ఇంటర్వ్యూ ఆధారంగా ఎంపిక చేస్తారు. శాలరీ రూ.60వేల నుంచి రూ.1.8లక్షల వరకు చెల్లిస్తారు. పూర్తి వివరాల కోసం, దరఖాస్తు చేసుకునేందుకు ఈ <
News September 26, 2024
రేపే రెండో టెస్టు.. చెమటోడ్చిన భారత క్రికెటర్లు
భారత్, బంగ్లాదేశ్ జట్ల మధ్య రెండో టెస్ట్ మ్యాచ్ రేపు ప్రారంభం కానుంది. కాన్పూర్ వేదికగా ఈ మ్యాచ్ జరగనుంది. ఈనేపథ్యంలోనే టీమ్ ఇండియా క్రికెటర్లు నెట్స్లో తీవ్రంగా సాధన చేశారు. తొలి టెస్టులో ఘన విజయం సాధించిన రోహిత్ సేన చివరిదైన రెండో టెస్టులోనూ గెలిచి సిరీస్ క్లీన్ స్వీప్ చేయాలని చూస్తోంది. మరోవైపు ఈ టెస్టులో ఎలాగైనా గెలిచి సిరీస్ సమం చేయాలని బంగ్లా పట్టుదలతో ఉంది.
News September 26, 2024
కేజ్రీవాల్తో హర్భజన్ సింగ్ భేటీ
ఢిల్లీ మాజీ సీఎం అరవింద్ కేజ్రీవాల్తో ఆప్ ఎంపీ హర్భజన్ సింగ్ సమావేశమయ్యారు. ఆయన విజనరీ నాయకత్వం, ప్రజల జీవితాల్లో సానుకూల మార్పులు తీసుకురావాలనే నిబద్ధతతో స్ఫూర్తి పొందినట్లు భజ్జీ ట్వీట్ చేశారు. ఆయనతో భేటీ ఎల్లప్పుడూ ప్రజలకు సరికొత్తగా సేవ చేయాలనే పాజిటివ్ ఎనర్జీని ఇస్తుందని రాసుకొచ్చారు.
News September 26, 2024
OTTలోకి వచ్చేసిన బిగ్గెస్ట్ బ్లాక్బస్టర్ మూవీ ‘స్త్రీ-2’
ఈ ఏడాది బిగ్గెస్ట్ బాలీవుడ్ బ్లాక్బస్టర్ ‘స్త్రీ-2’ సినిమా భారీ వసూళ్లను రాబట్టిన విషయం తెలిసిందే. ఆగస్టు 15న రిలీజై రూ.600 కోట్లు వసూలు చేసిన ఈ సినిమా ఇప్పటికీ థియేటర్లలో అదరగొడుతోంది. తాజాగా ఈ మూవీ అమెజాన్ ప్రైమ్లో అందుబాటులోకి వచ్చింది. అయితే ఈ చిత్రం చూడాలంటే ప్రైమ్ మెంబర్షిప్ ఉన్నా రూ.349 రెంట్ చెల్లించాల్సి ఉంటుందని కంపెనీ తెలిపింది. కొన్నిరోజుల తర్వాత ఈ అద్దెను తొలగించే అవకాశం ఉంది.
News September 26, 2024
తిరుమల ప్రసాదంపై అపోహలు అవసరంలేదు: రఘురామ
AP: ఈరోజు తాను శ్రీవారి ప్రసాదాన్ని స్వీకరించానని ఎమ్మెల్యే రఘురామకృష్ణరాజు ట్విటర్లో తెలిపారు. ‘పెద అమిరంలోని నా స్వగృహంలో ఈరోజు తిరుమల శ్రీవారి లడ్డూ ప్రసాదాన్ని స్వీకరించాను. చంద్రబాబుగారు సీఎం అయ్యాక లడ్డూను స్వచ్ఛమైన ఆవు నెయ్యితో అద్భుతంగా తయారు చేయిస్తున్నారు. ఇప్పుడు తిరుమల తిరుపతి దేవస్థానం వారు ఇస్తున్న ప్రసాదంపై భక్తులు ఎటువంటి అపోహలు పెట్టుకోవాల్సిన అవసరం లేదు’ అని హామీ ఇచ్చారు.
News September 26, 2024
ఈ ఇద్దరిలో సీఎం ఎవరో కనిపెట్టగలరా..!
పై ఫొటో చూశారా..? వారిద్దరిలో ఒకరు ఝార్ఖండ్ సీఎం హేమంత్ సోరెన్ కాగా మరొకరు ఆయన వీరాభిమాని మున్నా లోహరా. ముఖ్యమంత్రి ఈ పిక్ను ట్విటర్లో పంచుకున్నారు. ‘ఒక హేమంత్ మరో హేమంత్ను కలిశారు. ప్రముఖ థియేటర్ ఆర్టిస్ట్ మున్నా లోహరాను ఆయన కుటుంబీకులతో సహా కలిసి మాట్లాడాను’ అని పేర్కొన్నారు. లోహరా ప్రస్తుతం సీఎంలా రూపురేఖల్ని మెయింటెయిన్ చేస్తున్నారు. ఈ ఫొటో నెట్టింట ఆసక్తిని రేపుతోంది.
News September 26, 2024
BREAKING: ప్రభుత్వ మద్యం షాపులు రద్దు చేస్తూ ఆర్డినెన్స్
ప్రభుత్వ మద్యం షాపులు రద్దు చేస్తూ ఏపీ ప్రభుత్వం ఆర్డినెన్స్ తీసుకొచ్చింది. రిటైల్ షాపులకు అనుమతిస్తూ చట్ట సవరణ చేసింది. త్వరలోనే కొత్త మద్యం షాపులకు నోటిఫికేషన్ ఇవ్వనుంది.
Featured News
Sorry, no posts matched your criteria.