News June 1, 2024
ఎగ్జిట్ పోల్స్‌ చర్చల్లో పాల్గొంటాం: పవన్ ఖేరా
ఎగ్జిట్ పోల్స్‌పై టీవీల్లో జరగనున్న చర్చా కార్యక్రమంలో పాల్గొనాలని నిర్ణయించినట్లు ఏఐసీసీ అధికార ప్రతినిధి పవన్ ఖేరా తెలిపారు. ‘ఈ విషయమై కూటమి సమావేశంలో చర్చించాం. బీజేపీ ప్రీ ఫిక్స్‌డ్ ఎగ్జిట్ పోల్స్‌ను బహిర్గతం చేయాల్సిన అవసరం ఉందని నేతలు అభిప్రాయపడ్డారు. ఇండియా కూటమి పార్టీలు చర్చల్లో పాల్గొంటాయి’ అని ఆయన ట్వీట్ చేశారు. కాగా TV చర్చల్లో పాల్గొనమంటూ పవన్ ఖేరా నిన్న ట్వీట్ చేసిన విషయం తెలిసిందే.
Similar News
News January 21, 2025
ప్రైవేట్ సంస్థలకు డిపోలు.. ఆర్టీసీ ఉద్యోగుల్లో అలజడి
TG: పలు RTC డిపోలను ప్రైవేట్ సంస్థలకు ఇవ్వడంతో ఉద్యోగుల్లో అలజడి నెలకొంది. అద్దె బస్సులు పెరగడంతో పాటు డ్రైవర్ ఉద్యోగాలకు కోత పడే అవకాశం ఉందని ఆందోళన చెందుతున్నారు. ఎలక్ట్రిక్ బస్సులు సరఫరా చేస్తున్న సంస్థలకు వరంగల్-2, HYD-1 డిపోలను అప్పగించగా, అక్కడి RTC బస్సులు, సిబ్బందిని వేరే డిపోలకు తరలిస్తున్నారు. త్వరలో మరిన్ని డిపోలనూ ఇలాగే అప్పగిస్తారన్న ప్రచారంతో భవిష్యత్తుపై ఉద్యోగులంతా వాపోతున్నారు.
News January 21, 2025
నిధులు మంజూరు చేయించండి.. కిషన్ రెడ్డికి భట్టి వినతి!
TG: రాష్ట్రంలోని వివిధ ప్రాజెక్టులకు కేంద్రం నుంచి ₹1.63 లక్షల కోట్లు ఇప్పించాలని కేంద్ర మంత్రి కిషన్ రెడ్డికి డిప్యూటీ సీఎం భట్టి విక్రమార్క విజ్ఞప్తి చేశారు. కోణార్క్‌లో ‘గనులు, ఖనిజాల శాఖల మంత్రుల’ సమావేశం సందర్భంగా ఆయనను కలిశారు. ORR-RRR రోడ్లకు ₹45,000cr, మెట్రో విస్తరణకు ₹24,269cr, మూసీ పునరుజ్జీవ పనులకు, సీవరేజ్ మాస్టర్ ప్లాన్ తదితర ప్రాజెక్టులకు నిధులు మంజూరు చేయించాలని వినతిపత్రం ఇచ్చారు.
News January 21, 2025
DOGE నుంచి వివేక్ రామస్వామి ఔట్
ట్రంప్ కొత్తగా ఏర్పాటు చేసిన DOGE నుంచి ఇండియన్ అమెరికన్ వివేక్ రామస్వామి తప్పుకున్నారు. ఈ శాఖ సృష్టికి సాయపడటం తనకు దక్కిన గౌరవమని, మస్క్ టీమ్ దానిని సమర్థంగా నిర్వహిస్తుందని ధీమా వ్యక్తం చేశారు. ఒహైయో స్టేట్ గవర్నర్ పదవికి పోటీచేయడంపై ఆలోచిస్తున్నట్టు తెలిపారు. ఏదేమైనా ‘మేక్ అమెరికా గ్రేట్ అగైన్’కు సాయపడతానన్నారు. H1B అంశంలో నల్లవారితో పోలిస్తే తెల్లవారు లేజీ అనడం ఆయనకు పొగపెట్టినట్టు సమాచారం.