India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News November 6, 2024
పుత్తూరు: సివిల్ సప్లై డీటీ విష్ణు అరెస్ట్
రేషన్ బియ్యం అక్రమంగా అమ్మి సొమ్ము చేసుకున్న సివిల్ సప్లై గోడౌన్ CSDT విష్ణును పుత్తూరు పోలీసులు అరెస్టు చేశారు. మంగళవారం పుత్తూరు కోర్టులో హాజరు పరచగా కోర్టు 14 రోజులు పాటు రిమాండ్ విధించింది. CI సురేంద్ర నాయుడు మాట్లాడుతూ.. 2022 DEC నుంచి 2024 AUG వరకు పుత్తూరు స్టాక్ గోడౌన్ CSDTగా వ్యవహరిస్తూ 5040 బస్తాలు అమ్మి రూ.29.70 లక్షల సొమ్ము చేసుకొని రూ.17 లక్షలు అప్పులు చెల్లించినట్లు తెలిపారు.
News November 6, 2024
నాణ్యతతో కూడిన వైద్య సేవలు అందించాలి: తిరుపతి కలెక్టర్
జిల్లాలోని అన్ని ఆసుపత్రుల్లో నాణ్యతతో కూడిన వైద్య సేవలు అందించాలని కలెక్టర్ వెంకటేశ్వర్ వైద్యాధికారులను ఆదేశించారు. మంగళవారం స్థానిక కలెక్టరేట్ లో రూయా, స్విమ్స్, బర్డ్, మెటర్నిటీ, అశ్విని ఆస్పత్రుల సూపరింటెండెంట్ లతో జిల్లా కలెక్టర్ సమీక్ష నిర్వహించారు. ఈ కార్యక్రమంలో డిఎంహెచ్ఓ డా.శ్రీహరి, DCHS. ఆనందమూర్తి, రుయా, స్విమ్స్,ESI, అరవింద్ ఐ హాస్పిటల్, మెటర్నిటీ ఆసుపత్రి అధికారులు పాల్గొన్నారు.
News November 5, 2024
తిరుపతి: విద్యార్థినిపై అత్యాచారం జరగలేదు:DEO
ఎర్రావారిపాలెం మండలం రెడ్డివారిపల్లె జడ్పీ హైస్కూల్ విద్యార్థినిపై అత్యాచారం జరగలేదని డీఈఓ కేవిఎన్.కుమార్ తెలిపారు. కలెక్టర్ ఆదేశాల మేరకు తిరుపతిలో వారి తల్లిదండ్రులను విచారించామన్నారు. తల్లిదండ్రులు ఇచ్చిన సమాచారం మేరకు బాలికపై అత్యాచారం జరగలేదని అన్నారు. విద్యార్థిని విద్య కొనసాగించుటకు, కస్తూర్బా గాంధీ బాలికల విద్యాలయంలో ప్రవేశం కల్పించుటకు అన్ని చర్యలు తీసుకుంటామని చెప్పారు.
News November 5, 2024
తిరుపతిలోకి చిరుతపులులు చొరబడకుండా నియంత్రించాలి
తిరుపతి నగర పరిధిలోని జనావాస సాల్లోకి చిరుత పులులు చొరబడకుండా చర్యలు చేపట్టాలని తిరుపతి నగరపాలక సంస్థ కమిషనర్ మౌర్య అటవీశాఖ అధికారులను కోరారు. తిరుపతి నగర సమీపంలోని అటవీ శాఖకు సంబంధించిన బయోట్రిమ్ ను మంగళవారం సందర్శించారు. బయో ట్రిమ్ స్టేట్ సిల్వికల్చరిస్ట్ నరేందరన్, డీఎఫ్ఓ పవన్ కుమార్ రావుతో చర్చించారు. జనావాస సాల పరిధిలో అటవీ సరిహద్దులో ప్రహరీ నిర్మించేందుకు సాధ్య, సాధ్యాలను ఆమె కోరారు.
News November 5, 2024
చిత్తూరు: వ్యవసాయ పరపతి సంఘాల బలోపేతానికి చర్యలు చేపట్టండి
జిల్లాలో ప్రాథమిక వ్యవసాయ పరపతి సంఘాలను బలోపేతం చేసేందుకు చర్యలు చేపట్టాలని జిల్లా కలెక్టర్ సుమిత్ కుమార్ సంబంధిత అధికారులను ఆదేశించారు. మంగళవారం జిల్లా సచివాలయంలో జాయింట్ వర్కింగ్ కమిటీ సమావేశం జిల్లా కలెక్టర్ ఛైర్మన్ అధ్యక్షతన నిర్వహించారు. కలెక్టర్ మాట్లాడుతూ.. జిల్లా వ్యాప్తంగా గల 3,60,000 మంది రైతులలో 1.90 లక్షల మంది మాత్రమే ప్రాథమిక వ్యవసాయ పరపతి సంఘాలలో సభ్యులుగా ఉన్నారని చెప్పారు.
News November 5, 2024
9న తిరుమల శ్రీవారి ఆలయంలో పుష్పయాగం
తిరుమల శ్రీవారి ఆలయంలో ఈనెల 9న పుష్పయాగ మహోత్సవం శాస్త్రోక్తంగా జరుగనుంది. 8వ తేదీ రాత్రి 8 నుంచి 9:00గంటల వరకు పుష్పయాగానికి అంకురార్పణ నిర్వహించనున్నారు. పుష్పయాగం రోజున మధ్యాహ్నం 1 నుంచి 5:00గంటల వరకు వివిధ రకాల పుష్పాలు, పత్రాలతో వేడుకగా పుష్పయాగం నిర్వహిస్తారు. సాయంత్రం సహస్రదీపాలంకార సేవ తరువాత ఆలయ మాడ వీధుల్లో శ్రీమలయప్ప స్వామివారు భక్తులకు దర్శనమిస్తారు.
News November 5, 2024
PTM యువకుడు బెంగళూరులో ఆత్మహత్య
బెంగళూరులోని ఓ యాప్లో చేసిన అప్పులు తీర్చలేక వేధింపులకు గురై PTM మండలానికి చెందిన వ్యక్తి ఆత్మహత్య చేసుకున్నాడు. సోమవారం రాత్రి వెలుగుచూసిన ఘటనపై వివరాలు.. పీటీఎం(మం), రాపూరివాండ్లపల్లెకు చెందిన శివశ్యాం ప్రైవేటు కంపెనీలో ఉద్యోగం చేస్తుండేవారు. స్నేహితుడికి సాయం చేయడానికి యాప్లో లోను తీసుకున్నాడు. వాయిదాలు చెల్లించలేకపోవడంతో వారి వేధింపులు అధికమై ఆత్మహత్యచేసుకుని మృతి చెందాడని బంధువులు తెలిపారు.
News November 5, 2024
11 నుంచి ‘మన గుడి’ కార్తీక మాస కార్యక్రమాలు
కార్తీక పౌర్ణమి సందర్భంగా టీటీడీ హిందూ ధర్మ ప్రచార పరిషత్‌ ఆధ్వర్యంలో నవంబరు 11 నుంచి17వ తేదీ వరకు ఆంధ్రప్రదేశ్‌, తెలంగాణ రాష్ట్రాల్లో ఎంపిక చేసిన శివాల‌యాల్లో ‘మనగుడి’ కార్యక్రమం జరుగనుంది. ఏపీలోని 26 జిల్లాలు, తెలంగాణలోని 33 జిల్లాల్లో ఒక్కో శివాలయాన్ని ఎంపిక చేసి 7 రోజుల పాటు కార్తీక‌మాస విశిష్ట‌త‌పై ధార్మికోప‌న్యాసాలు, పూజలు నిర్వహిస్తారు.
News November 5, 2024
తిరుమలలో జగన్ స్టికర్.. అసలేం జరిగిందంటే..?
పల్నాడు జిల్లాకు చెందిన మాజీ మంత్రి అంబటి రాంబాబు జగన్ స్టిక్కర్‌తో కూడిన షర్టులనే వాడుతుంటారు. ఆయన ఎక్కడకు వెళ్లినా అదే షర్టుతో ఉంటారు. ఈక్రమంలో అంబటి నిన్న తిరుమల శ్రీవారి దర్శనానికి వచ్చారు. ఆ సమయంలోనూ షర్టుపై జగన్ స్టిక్కర్ ఉందని అనకాపల్లి MP సీఎం రమేశ్ గుర్తించారు. తిరుమలలో రాజకీయ స్టిక్కర్లు, ప్లెక్సీలు నిషేధమని.. వెంటనే అంబటి శ్రీవారి భక్తులకు క్షమాపణలు చెప్పాలని డిమాండ్ చేశారు.
News November 5, 2024
తిరుపతి: సైబర్ క్రైమ్ అవగాహన వారోత్సవాలు ప్రారంభం
సైబర్ క్రైమ్ అవగాహన వారోత్సవాలను పద్మావతి యూనివర్సిటీ ఆడిటోరియంలో ఎస్పీ సుబ్బారాయుడు, ఉపకులపతి ఉమా జ్యోతి ప్రజ్వలన చేసి ప్రారంభించారు. డిజిటల్ ప్రపంచంలో ప్రతి అడుగు జాగ్రత్తగా వేయాలని సూచించారు. సైబర్ నేరాలకు బలి కాకూడదన్నారు. సైబర్ నేరాలను అరికట్టడంతో పాటు మాదకద్రవ్యాలకు దూరంగా ఉండాలన్నారు. అవగాహన లోపంతో సైబర్ నేరాలు జరుగుతున్నాయన్నారు. అవగాహన పెంచుకుని తోటి వారిని చైతన్య పరచాలన్నారు.
Featured News
Sorry, no posts matched your criteria.