• Download our app

Chittoor

News October 29, 2024

రాష్ట్ర స్థాయి అథ్లెటిక్స్ పోటీల్లో కందూరు విద్యార్థిని ప్రతిభ

image

సోమల మండలం కందూరు ఉన్నత పాఠశాల విద్యార్థిని కే.మౌనిక జాతీయ స్థాయి అథ్లెటిక్స్‌కు ఎంపికైంది. ఈ నెల 25, 26, 27 తేదీలలో కర్నూలులో జరిగిన SGFI, రాష్ట్ర స్థాయి U-19 అథ్లెటిక్స్ పోటీల్లో మొదటి స్థానంలో నిలిచి జాతీయ స్థాయి పోటీలకు ఎంపికైందని హెచ్ఎం వెంకటరమణరెడ్డి తెలిపాడు. నవంబర్‌లో జరిగే జాతీయ స్థాయి పోటీల్లో పాల్గొంటుందని తెలిపారు. పీడీ చిన్నప్ప, MEO, హెచ్ఎం వెంకటరమణ రెడ్డి, టీచర్లు అభినందించారు.

News October 28, 2024

కాణిపాకం ప్రధాన అర్చకుడు సస్పెండ్

image

కాణిపాకం ప్రధాన అర్చకులను సోమవారం దేవస్థానం ఈవో గురుప్రసాద్ సస్పెండ్ చేశారు. ఇన్‌ఛార్జ్ ప్రధాన అర్చకులుగా గణేశ్ గురుకుల్‌ను ఈవో గురుప్రసాద్ నియమించారు. ఉద్యోగంలో చేరేందుకు, ప్రధాన అర్చకుడిగా పదోన్నతి పొందేందుకు తప్పుడు పత్రాలు దేవస్థానానికి సమర్పించడంతో సస్పెండ్ అయినట్లు తెలిపారు.

News October 28, 2024

కాణిపాకం వరసిద్ధుని సేవలో కంచి కామకోటి పిఠాధిపతి

image

కాణిపాకం వరసిద్ద వినాయక స్వామిని సోమవారం కంచి కామకోటి పీఠాధిపతి వవిజయేంద్ర సరస్వతి మహాస్వామి దర్శించుకున్నారు. ఆలయ ఈఓ గురు ప్రసాద్, అధికార సిబ్బంది మహా స్వామికి సాదర స్వాగతం పలికి ప్రత్యేక దర్శన ఏర్పాట్లు చేశారు. స్వామివారి శేషవస్త్రంతో సన్మానించి తీర్థ ప్రసాదాలను అందజేశారు. అలాగే పీఠాధిపతి కలికిరి కొండ వద్ద వెలసిన శ్రీదేవి, భూదేవి సమేత మహా విష్ణు మూర్తి ఆలయ కుంభాభిషేకంలో పాల్గొన్నారు.

News October 28, 2024

దీపావళి.. తిరుపతి SP హెచ్చరికలు ఇవే..! 

image

దీపావళి నేపథ్యంలో తిరుపతి జిల్లాలో ప్రభుత్వ నిబంధనలు అతిక్రమించినా, నిషేధిత రసాయనాలతో తయారైన టపాసులు విక్రయించినా కఠిన చర్యలు తీసుకుంటామని ఎస్పీ L.సుబ్బరాయుడు హెచ్చరించారు. జిల్లాలో అక్రమంగా టపాసుల తయారీ, సరఫరా, విక్రయాలు చేసే వారిపై ప్రత్యేక నిఘా ఏర్పాటు చేశామన్నారు. పేలుడు పదార్థాలను ఇంట్లో నిల్వ ఉంచరాదని సూచించారు. బహిరంగ ప్రదేశాల్లో ఉంచి నిర్ణీత ప్రమాణాల మేరకు విక్రయాలు చేసుకోవాలన్నారు.

News October 28, 2024

రూ.300 కోట్లతో తిరుపతి స్టేషన్ అభివృద్ధి

image

ఏపీలో దాదాపు రూ.1397 కోట్లతో దక్షిణ మధ్య రైల్వే వివిధ స్టేషన్లు అభివృద్ధి చేస్తోంది. ఇందులో భాగంగా తిరుపతి స్టేషన్‌ను రూ.300 కోట్లతో ఆధునికీకరించనున్నారు. అంతర్జాతీయ హంగులతో దీనిని తీర్చిదిద్దనున్నారు. సంబంధిత పనులకు ప్రధాని మోదీ ఇటీవల వర్చువల్‌గా శంకుస్థాపన చేయడంతో జోరుగా పనులు జరుగుతున్నాయి. పనులన్నీ పూర్తి అయ్యాక తిరుపతి రైల్వే స్టేషన్ పైఫొటోలో ఉన్నట్లు కనిపిస్తుంది.

News October 28, 2024

భూమనకు అన్ని ఆస్తులు ఎక్కడివి..?: పట్టాభిరామ్

image

తాడేపల్లి ప్యాలెస్‌కు ఊడిగం చేసే దొంగల ముఠాలో తిరుపతి మాజీ ఎమ్మెల్యే భూమన ఒకరని టీడీపీ అధికార ప్రతినిధి పట్టాభిరామ్ విమర్శించారు. ‘తిరుపతి దొడ్డాపురం వీధిలోని ఓ చిన్న ఇంట్లో భూమన రెంట్‌కు ఉండేవారు. మొదట్లో ఆర్టీసీ బస్టాండ్ వద్ద జిరాక్స్ షాపులో పనిచేశారు. అలాంటి ఆయనకు ఇన్ని వేల రూ.కోట్లు ఎలా వచ్చాయి? శ్రీవారి సొమ్ము కాజేశారు. టీడీఆర్ బాండ్ల దోపిడీలో సంపాదించిన సొత్తే అది’ అని ఆరోపించారు.

News October 28, 2024

తిరుపతి : PG ఫలితాలు విడుదల

image

తిరుపతి : శ్రీ పద్మావతి మహిళా యూనివర్సిటీలో ఎమ్మెస్సీ స్టాటిస్టిక్స్, ఎంఏ తెలుగు, ఎమ్మెస్సీ ఫిజిక్స్ నాలుగో సెమిస్టర్ పరీక్షలు జరిగాయి. ఈ పరీక్షల ఫలితాలు విడుదలైనట్లు మహిళా యూనివర్సిటీ కార్యాలయం పేర్కొంది. ఫలితాలను https://www.spmvv.ac.in/ వెబ్ సైట్ ద్వారా తెలుసుకోవచ్చని సూచించారు.

News October 27, 2024

31న వీఐపీ బ్రేక్ దర్శనాలు రద్దు: టీటీడీ

image

తిరుమల శ్రీవారి ఆలయంలో దీపావళి ఆస్థానం సందర్భంగా ఈ నెల 31వ తేదీన ప్రోటోకాల్ ప్రముఖులు మినహా వీఐపీ బ్రేక్ దర్శనాలను టీటీడీ రద్దు చేసినట్లు TTD అధికారులు తెలిపారు. ఈ మేరకు టీటీడీ ఆదివారం ఓ ప్రకటన విడుదల చేసింది. ఇందుకు సంబంధించి 30వ తేదీ బుధవారం తిరుమలలో సిఫార్సు లేఖలు స్వీకరించబడవు. ఈ విషయాన్ని దృష్టిలో ఉంచుకుని సహకరించాలని భక్తులను కోరింది. 

News October 27, 2024

బాలికను గర్భవతిని చేసిన యువకుడు అరెస్టు

image

ఇటీవల ఓ ఇంటర్ విద్యార్థిని గర్భవతిని చేసిన యువకుడిని అరెస్టు చేసినట్లు DSP కొండయ్యనాయుడు తెలిపారు. కురుబలకోట మండలానికి చెందిన ఓ 16 ఏళ్ల మైనర్ బాలికకు రాయచోటి మండలానికి ఖాదర్ బాషా(24) ప్రేమ పేరుతో శారీరకంగా దగ్గరయ్యాడు. బాలిక గర్భం దాల్చింది. బాలిక తల్లి విషయం పసిగట్టి ముదివేడులో పోలీసులకు ఫిర్యాదు చేసింది. దీంతో పోలీసులు యువకుడిపై పోక్సో కేసు నమోదు చేసి శనివారం కురబలకోట వద్ద అరెస్టు చేశారు.

News October 27, 2024

45 నిమిషాల్లోనే శ్రీవారి దర్శనం 

image

తిరుమల శ్రీ వేంకటేశ్వర స్వామి వారి దర్శనం కేవలం 45 నిమిషాల్లో పూర్తి అవుతుందని తిరుమల తిరుపతి దేవస్థానం అధికారులు ఆదివారం తెలిపారు. తిరుమలలోని వైకుంఠం క్యూ కాంప్లెక్స్‌లు అన్ని ఖాళీగా ఉన్నాయి. నిన్న శ్రీవారిని 77,844 మంది భక్తులు దర్శించుకున్నారు. 27,418 వేల మంది తలనీలాలు సమర్పించారు. కాగా నిన్న శ్రీనివాసుని హుండీకి రూ.3.27 కోట్ల ఆదాయం వచ్చిందని టీటీడీ ఆదివారం వెల్లడించింది.

Featured News

Sorry, no posts matched your criteria.

↑