India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News October 20, 2024
మండపేట: ఒక్కటైన దివ్యాంగుల ప్రేమజంట
రెండేళ్ల క్రితం అమలాపురంకి వైద్య పరీక్షల నిమిత్తం వెళ్లిన ఇద్దరు దివ్యాంగులు ఒకరినొకరు ఇష్టపడ్డారు. అయితే వారి కులాలు వేరు కావడంతో ఇంట్లో ఒప్పుకోలేదు. ఈ సమస్యను ఎమ్మార్పీఎస్ నాయకులు పరిష్కరించారు. కె.గంగవరం మండలం పాణింగపల్లికి చెందిన లంక గంగమ్మ (31) ఎస్సీ, కపిలేశ్వరపురం మండలం వడ్లమూరు బీసీ సామాజిక వర్గానికి చెందిన వేములపూడి ప్రసాద్ (32) లకు శనివారం మండపేటలో వివాహం జరిపించారు.
News October 20, 2024
కాట్రేనికోనలో బాలికపై లైంగిక వేధింపులు
కాట్రేనికోన (మం) జిల్లెల్లవారి పేటకు చెందిన బాలికపై అదే గ్రామానికి చెందిన ఏసుబాబు లైంగిక దాడికి పాల్పడ్డాడని కాట్రేనికోన ఎస్సై అవినాశ్ శనివారం తెలిపారు. ఈ నెల 11వ తేదీ రాత్రి బాలిక మూత్ర విసర్జనకు బయటకు వచ్చిన సమయంలో లైంగిక దాడికి పాల్పడగా బాలిక పారిపోయిందన్నారు. తర్వాత రోజు రాత్రి కూడా ఇంటికి వచ్చి తలుపులు తట్టాడన్నారు. తల్లి హైదరాబాదులో ఉంటుందని, తండ్రి ఫిర్యాదుపై పోక్సో కేసు నమోదు చేశామన్నారు.
News October 19, 2024
జనసేనలో చేరిన కూతురు.. ముద్రగడ స్పందించేనా?
వైసీపీ నేత ముద్రగడ పద్మనాభం కుమార్తె క్రాంతి జనసేనలో చేరడంతో తూ.గో జిల్లా రాజకీయాలు ఆసక్తికరంగా మారాయి. ఎన్నికల వేళ పవన్‌కు జైకొట్టిన ఆమె ఇవాళ జనసేన కండువా కప్పుకున్నారు. తన కుటుంబాన్ని విడదీసేందుకు పవన్ ప్రయత్నిస్తున్నారంటూ అప్పట్లో ముద్రగడ ఆరోపించగా.. తాజాగా క్రాంతి చేరికపై ఆయన ఎలా స్పందిస్తారన్న ఆసక్తి నెలకొంది. మరోవైపు క్రాంతికి కీలక పదవి కట్టబెట్టే ఛాన్స్ ఉన్నట్లు సమాచారం. దీనిపై మీ కామెంట్..
News October 19, 2024
పాపికొండలు విహారయాత్రకు గ్రీన్ సిగ్నల్
పాపికొండల విహారయాత్రకు అధికారులు గ్రీన్ సిగ్నల్ ఇచ్చారు. ఈ నెల 23 లేదా 25 న యాత్రను ప్రారంభించడానికి అధికారులు రంగం సిద్ధం చేస్తున్నారు. అయితే యాత్రకు వెళ్లే బోట్లకు ఫిట్నెస్, లైసెన్సులు, ప్రభుత్వ నిబంధనలు పాటించాలని బోటు యాజమాన్యాలకు దేవీపట్నం తహశీల్దార్ కే. సత్యనారాయణ, ఎస్సై షరీఫ్ సూచించారు.
News October 19, 2024
తూ.గో జిల్లా రీజనల్ కోఆర్డినేటర్‌గా బొత్స
వైసీపీ తూ.గో జిల్లా రీజనల్ కోఆర్డినేటర్‌గా ఎమ్మెల్సీ, మాజీ మంత్రి బొత్స సత్యనారాయణ నియమితులయ్యారు. ఈ మేరకు శుక్రవారం రాత్రి మాజీ సీఎం జగన్ ఆదేశాలు జారీ చేశారు. రాష్ట్రవ్యాప్తంగా రీజనల్ కోఆర్డినేటర్ల నియామకంలో భాగంగా తూ.గో జిల్లాకు బొత్సను నియమిస్తున్నట్లు ఆయన ఉత్తర్వుల్లో పేర్కొన్నారు.
News October 19, 2024
ఇసుక సరఫరా సజావుగా చేయాలి: కలెక్టర్ ప్రశాంతి
ఇసుక సరఫరాలో సాంకేతిక సమస్యలు లేకుండా చూడాలని, సచివాలయం వద్ద ఆన్‌లైన్ ద్వారా టోకెన్ జారీ చేయాలని తూ.గో. జిల్లా కలెక్టర్ ప్రశాంతి సూచించారు. శుక్రవారం రాజమండ్రి క్యాంపు కార్యాలయం నుంచి ఆమె టెలీకాన్ఫరెన్స్ నిర్వహించారు. ఇసుక బుకింగ్ విధానం నుంచి రవాణా వ్యవస్థ వరకు ఎటువంటి ఆటంకం లేకుండా సజావుగా నిర్వహించేందుకు అధికారులు చర్యలు తీసుకోవాలన్నారు. సాధ్యమైనంత ఎక్కువ ఇసుక అందుబాటులో ఉండేలా చూడాలన్నారు.
News October 19, 2024
తూ.గో. TODAY HEADLINES
* 172 మందిపై ఓపెన్ డ్రింకింగ్ కేసులు: SP నరసింహ
* అభ్యంతరాలపై అధికారులు ప్రత్యేక దృష్టి పెట్టాలి: కలెక్టర్
* ఉప్పలగుప్తంలో 115 ఏళ్ల వృద్ధురాలు మృతి
* హైదరాబాద్‌లో ముగ్గురు జిల్లా యువకులు అరెస్ట్
* తుని: 18 మంది పోలీసుల బదిలీ
* వైఎస్ జగన్‌ని కలిసిన పిల్లి సూర్యప్రకాష్
* కాకినాడలో ఏడుగురికి జైలు శిక్ష
* అంబాజీపేట: ప్రత్యేక ఆకర్షణగా మహిళల నృత్యాలు
* బిక్కవోలులో భారీ వర్షం
News October 18, 2024
172 మందిపై ఓపెన్ డ్రింకింగ్ కేసులు: ఎస్పీ నరసింహ
తూ.గో.జిల్లాలో ఈ నెలలో ఇప్పటివరకు 172 మందిపై ఓపెన్ డ్రింకింగ్ కేసులు నమోదు చేశామని జిల్లా ఎస్పీ నరసింహకిషోర్ శుక్రవారం తెలిపారు. మద్యం సేవించి వాహనాలు నడిపిన, ఓపెన్ డ్రింకింగ్ చేసిన వారిపై చట్ట ప్రకారం కఠిన చర్యలు తీసుకుంటామన్నారు. జిల్లాలో మద్యం సేవించి వాహనాలు నడిపిన 20మందిని ట్రాఫిక్ పోలీసులు అరెస్టు చేసి కోర్టులో హాజరు పరచగా 18 మందికి రూ.5 వేలు, ఇద్దరికీ రూ.1500 వంతున జరిమానా విధించారన్నారు.
News October 18, 2024
తూ.గో: టీడీపీ సమీక్ష సమావేశానికి జిల్లా ఎమ్మెల్యేలు
ముఖ్యమంత్రి చంద్రబాబు అధ్యక్షతన శుక్రవారం మంగళగిరి జాతీయ తెలుగుదేశం పార్టీ కార్యాలయంలో జరిగిన సమీక్షా సమావేశానికి జిల్లా ముఖ్యనేతలు, ఎమ్మెల్యేలు హాజరయ్యారు. తుని ఎమ్మెల్యే యనమల దివ్య, ప్రత్తిపాడు ఎమ్మెల్యే సత్యప్రభ, జిల్లా ముఖ్యనేతలు ఈ భేటీలో పాల్గొన్నారు. పార్టీ అధినేత చంద్రబాబు వివిధ రాజకీయ అంశాలపై దిశానిర్దేశం చేశారు.
News October 18, 2024
తూ.గో: హైదరాబాద్‌లో ముగ్గురు యువకులు అరెస్ట్
హైదరాబాద్‌లో సాఫ్టవేర్ ఉద్యోగులు చేస్తున్న తూ.గో జిల్లాకు చెందిన ముగ్గురు యువకులు గంజాయి విక్రయిస్తూ గురువారం పోలీసులకు చిక్కారు. కేపీహెచ్‌బీలోని పలువురు యువకులు గంజాయి పొట్లాలతో ఉన్నారన్న సమాచారంతో పోలీసులు అక్కడికి చేరుకుని అదుపులోకి తీసుకున్నారు. వారిలో ఆలమూరు మండలానికి చెందిన తోరటి రాజేశ్(24), కొత్తపల్లి మండలానికి చెందిన నక్కా నాగవంశీ (23), రాజమండ్రికి చెందిన తంగెళ్ల రమేశ్‌గా గుర్తించారు.
Featured News
Sorry, no posts matched your criteria.