India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News November 11, 2024
ఇసుకను నిర్ణయించిన ధరకే విక్రయించాలి: మంత్రి దుర్గేశ్
సామాన్య ప్రజలు, భవన నిర్మాణ కార్మికులకు అందుబాటులో ఉండే విధంగా రాష్ట్ర ప్రభుత్వం ఎంతో ప్రతిష్ఠాత్మకంగా ఉచిత ఇసుక విధానాన్ని తీసుకొచ్చినట్లు మంత్రి దుర్గేశ్ ఆదివారం ఒక ప్రకటనలో తెలిపారు. అయితే కొంతమంది ఇసుకను ఉచితంగా కాకుండా లాభాపేక్షతో ఎక్కువ ధరకు విక్రయించడం జరుగుతున్నట్లు తెలుస్తోందన్నారు. ప్రభుత్వం ఇసుకకు నిర్ణయించిన ధరకంటే ఎక్కువకు అమ్మితే చర్యలు తీసుకుంటామని హెచ్చరించారు.
News November 10, 2024
రాజమండ్రి: ట్రైనీ‌అల్ ఇండియా సర్వీస్ అధికారుల సందర్శన
అల్ ఇండియా సర్వీసెస్‌కు ఎంపికై శిక్షణ పొందుతున్న అధికారులు రాజమండ్రి నగరపాలక సంస్థ కార్యాలయాన్ని ఆదివారం సందర్శించారు. తమ శిక్షణలో భాగమైన ఫీల్డ్ స్టడీ&రీసెర్చ్ ప్రోగ్రామ్ సందర్భంగా మన్నన్ సింగ్, అనురాగ్ బబెల్, ప్రియారాణి, షాహీదా బేగమ్, పార్త్, కశీష్ భక్షి, స్నేహపన్న, జాదవ్ రావు నిరంజన్ మహేంద్ర సింగ్, తుషార్ నెగి అతుల్ మిశ్రా నగరపాలక సంస్థ కార్యాలయంను సందర్శించి కమిషనర్‌ను మర్యాదపూర్వకంగా కలిశారు.
News November 10, 2024
రాజమండ్రి: రాష్ట్ర శెట్టిబలిజ కార్పొరేషన్ ఛైర్మన్‌గా కుడుపూడి సత్తిబాబు
ఏపీ శెట్టిబలిజ వెల్ఫేర్ అండ్ డెవలప్మెంట్ కార్పొరేషన్ ఛైర్మన్ పదవి రాజమండ్రికి చెందిన కుడుపూడి సత్తిబాబుకు దక్కింది. సత్తిబాబు టీడీపీ తెలుగు యువత, బీసీ సెల్ విభాగాలలో కీలకంగా పని చేశారు. టీడీపీ బీసీ సాధికార సమితి శెట్టిబలిజ విభాగం రాష్ట్ర కన్వీనర్‌గా, శ్రీశైలం గౌడ సత్రం డైరెక్టర్‌గా బాధ్యతలు నిర్వహించారు. తన తల్లి సరస్వతీ పేరిట సరస్వతమ్మ ఛారిటబుల్ ట్రస్ట్ ఏర్పాటు చేసి సేవలు అందిస్తున్నారు.
News November 10, 2024
రాజమండ్రి: విధేయతకు దక్కిన గౌరవం ‘రుడా ఛైర్మన్’
TDP రాష్ట్ర కార్యదర్శి, రాజానగరం పార్టీ ఇన్‌ఛార్జ్ బొడ్డు వెంకట రమణ చౌదరి గత ఎన్నికల్లో బరిలో నిలిచేందుకు అన్ని సిద్ధం చేసుకున్నారు. మొదటి నుంచి పార్టీ బలోపేతం చేసేందుకు కృషి చేశారు. కానీ NDA కూటమి పొత్తులో భాగంగా ఎమ్మెల్యే సీటును జనసేనకు కేటాయించారు. రాజమహేంద్రవరం ఏంపీగా పోటీ చేస్తారనే ప్రచారం జోరుగా సాగింది. కానీ అది కూడా బీజేపీ పోయింది. ప్రస్తుతం ఆయనకు రుడా ఛైర్మన్‌గా అవకాశం కల్పించింది.
News November 9, 2024
తూ.గో: పవన్ కళ్యాణ్‌కు తమ్మల రామస్వామి కృతజ్ఞతలు
జనసేన అధినేత పవన్ కళ్యాణ్‌కు కాకినాడ పార్టీ జిల్లా అధ్యక్షుడు, పెద్దాపురం నియోజకవర్గ ఇన్‌ఛార్జ్ తుమ్మల రామస్వామి కృతజ్ఞతలు తెలిపారు. శనివారం తనను కాకినాడ అర్బన్ డెవలప్మెంట్ అథారిటీ (కుడా) ఛైర్మన్‌గా నియమించినట్లు సమాచారం అందుకున్న తుమ్మల రామస్వామి (బాబు) హుటాహుటిన మంగళగిరి వెళ్లారు. అక్కడ జనసేన కార్యాలయంలో పార్టీ అధినేత పవన్‌ను కలిసి పుష్పగుచ్ఛం అందించి ధన్యవాదాలు తెలిపారు.
News November 9, 2024
కూటమి ప్రభుత్వంలో తూ.గో జిల్లా నేతలకు కీలక పదవులు
సీఎం విడుదల చేసిన నామినేటెడ్ పదవుల రెండో లిస్టులో తూ.గో జిల్లా నేతలకు పదవులు వరించాయి. రాజమండ్రికి చెందిన కూడిపూడి సత్తిబాబుకు ఏపీ శెట్టి బలిజ వెల్ఫేల్& డెవెలప్మెంట్ కార్పొరేషన్ ఛైర్మన్, స్వామినాయుడు అమలాపురం అర్బన్ డెవలప్మెంట్ అథారిటీ ఛైర్మన్, తుమ్మల రామస్వామి కాకినాడ అర్బన్ డెవలప్మెంట్ అథారిటీ ఛైర్మన్‌గా, బొడ్డు వెంకట రమణ చౌదరి రాజమండ్రి అర్బన్ డెవలెప్మెంట్ అథారిటీ ఛైర్మన్‌గా నియమితులయ్యారు.
News November 9, 2024
కాకినాడ: బాలికలకు అశ్లీల వీడియోలు చూపిన టీచర్ సస్పెండ్
కాకినాడలోని తూరంగి ZP పాఠశాల ఇంగ్లిష్ టీచర్ వలీబాబాను శుక్రవారం సస్పెండ్ చేశారు. అధికారుల కథనం.. SEP 28న స్కూళ్లో బాలికలకు అశ్లీల వీడియోలు చూపి, అసభ్యంగా ప్రవర్తిండాని వారు HMకు కంప్లైంట్ చేశారు. దీనిపై డీవైఈవో సత్యనారయణ, జీసీడీవో రమాదేవి విచారణ చేయగా, అతనిపై ఆరోపణలు వాస్తవమేనని తేల్చారు. దీంతో అతనిపై గురువారం పోక్సో కేసు నమోదు చేయగా, శుక్రవారం సస్పెండ్ చేసినట్లు అధికారులు తెలిపారు.
News November 9, 2024
అడ్డతీగల: ఏలేరు వాగులో గల్లంతైన ఇద్దరి మృతదేహాలు లభ్యం
అడ్డతీగల మండలంలోని ఏలేరు వాగులో ఇసుక లోడు వేసేందుకు వెళ్లి ఏలేశ్వరం వాసులు నలుగురు శుక్రవారం గల్లంతైన విషయం తెలిసిందే. ఇసుక వేసే గిన్నె నీటిలో పడిపోగా దానికోసం వెళ్లిన వ్యక్తి గల్లంతయ్యాడు. అలా ఒకరికోసం మరొకరు వెళ్లి నలుగురు మిస్సైనట్లు స్థానికులు తెలిపారు. వారిలో జయబాబు, చిన్నా గొంతయ్యలు మృతదేహాలను సహాయక బృందాలు వెలికితీశాయి. కాగా భూషణం, శ్రీనివాస్ ఆచూకీ తెలియలేదు.
News November 8, 2024
రాజానగరం: ‘ఏపీ సాంస్కృతిక వైభవాన్ని పునరుద్ధరించేందుకు కృషి’
ఆంధ్రప్రదేశ్ సాంస్కృతిక వైభవాన్ని పునరుద్ధరించేందుకు ప్రభుత్వం కృషి చేస్తుందని పర్యాటక మంత్రి కందుల దుర్గేష్ అన్నారు. నన్నయ యూనివర్సిటీ కాలేజ్ ఆఫ్ ఆర్ట్స్ అండ్ కామర్స్ ఆంగ్ల విభాగం, రాష్ట్ర సృజనాత్మకత, సంస్కృతి సమితి, సెంటర్ ఫర్ ఆంధ్రప్రదేశ్ స్టడీస్ సంయుక్త ఆధ్వర్యంలో ‘ఆంధ్రప్రదేశ్ సాంస్కృతిక వైభవం – సదస్సు’ ముగింపు వేడుక జరిగింది. మంత్రి దుర్గేష్‌తో పాటు పలువురు ప్రముఖులు పాల్గొని ప్రసంగించారు
News November 8, 2024
తూ. గో జిల్లాలో 11,13,450 మెట్రిక్ టన్నులు ఇసుక లభ్యత
తూ.గో జిల్లాలో 16 ఓపెన్ రీచ్‌ల ద్వారా 11,13,450 మెట్రిక్ టన్నులు ఇసుక అందుబాటులో ఉంచినట్లు కలెక్టర్ పి. ప్రశాంతి ఒక ప్రకటనలో తెలిపారు. ఇప్పటికే జిల్లాలో 22 డిసిల్టేషన్ పాయింట్స్‌లో 4,95,000 మెట్రిక్ టన్నులు అందుబాటులో ఉంచామన్నారు. అందులో కొవ్వూరు డివిజన్ పరిధిలో ఆరు రీచ్‌లలో 2,52,500 మెట్రిక్ టన్నులు, రాజమండ్రి డివిజన్‌లో 16 రీచ్‌లలో 2,43,500 మెట్రిక్ టన్నుల ఇసుక లభ్యత ఉన్నట్లు కలెక్టర్ తెలిపారు.
Featured News
Sorry, no posts matched your criteria.