India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News August 10, 2024
మహిళా హెడ్ కానిస్టేబుల్‌కు ఇన్ స్పెక్టర్ లైంగిక వేధింపులు
తెనాలిలో ఓ ఇన్‌స్పెక్టర్‌పై లైంగిక వేధింపుల కేసు నమోదైంది. ఎస్ఐ వెంకటాద్రి వివరాల మేరకు.. తెనాలి రైల్వేస్టేషన్‌లోని రైల్వే ప్రొటెక్షన్ ఫోర్స్ (ఆర్పీఎఫ్)లో హెడ్ కానిస్టేబుల్‌గా మహిళ పనిచేస్తున్నారు. తనతో ఆర్పీఎఫ్ ఇన్ స్పెక్టర్ అబ్ధుల్ ఖలీల్ అసభ్యంగా మాట్లాడటమే కాకుండా జులై 19న తనను పట్టుకుని రూంకు రావాలని వేధించినట్లు బాధితురాలు ఆర్పీఎఫ్ పోలీసులను ఆశ్రయించింది. ఈమేరకు శుక్రవారం కేసు నమోదైంది.
News August 10, 2024
రోడ్డు ప్రమాదాల నివారణకు చర్యలు తీసుకోవాలి: నాగలక్ష్మి
రోడ్డు ప్రమాదాలు జరిగితే సంబంధిత శాఖలు తనిఖీలు చేసి కారణాలు విశ్లేషించి అవసరమైన చర్యలు తీసుకోవాలని కలెక్టర్ నాగలక్ష్మి ఆదేశించారు. నగరంలో ట్రాఫిక్ క్రమబద్దీకరణకు వెంటనే కూడళ్ల వద్ద ట్రాఫిక్ సిగ్నల్ ఏర్పాటుకు నగరపాలక సంస్థ చర్యలు తీసుకోవాలన్నారు. ట్రాఫిక్ జామ్‌లు జరగకుండా అవసరమైన ప్రాంతాల్లో రహదారులపై డివైడర్స్, సైన్ బోర్డులు ఏర్పాటు చేయాలన్నారు. రహదారి భద్రతపై ఆమె సమావేశం నిర్వహించారు.
News August 9, 2024
గుంటూరు: TODAY TOP NEWS
* తెనాలి అమ్మాయితో హీరో నాగచైతన్య నిశ్చితార్థం
* పల్నాడు జిల్లాలో మహిళ దారుణ హత్య
* గుంటూరులో జగన్, మహేశ్ బాబు ఫొటోలు వైరల్
* రాష్ట్రంలో రెడ్ బుక్ రాజ్యాంగం నడుస్తోంది: అంబటి
* వినుకొండ: కిడ్నాప్‌ను చేదించిన పోలీసులు
* పులిచింతలకు భారీ వరద.. 11 గేట్లు ఎత్తివేత
* మంగళగిరి: వేధింపులతో ఉద్యోగిని సూసైడ్‌కు యత్నం
News August 9, 2024
ఎమ్మెల్సీ ఎంపిక విషయమై చంద్రబాబుతో విశాఖ నేతల చర్చ
చంద్రబాబు నివాసానికి విశాఖ టీడీపీ నేతలు శుక్రవారం చేరుకున్నారు. స్థానిక సంస్థల ఎమ్మెల్సీ ఎన్నికల్లో అభ్యర్థి ఖరారుపై వారు చంద్రబాబుతో చర్చిస్తున్నారు. వైసీపీ ఇప్పటికే ఎమ్మెల్సీ అభ్యర్థిని ప్రకటించిన నేపథ్యంలో తమ అభ్యర్థి ఎంపికపై చర్చ జరుగుతున్నట్లు తెలిసింది. ఏక అభిప్రాయం కుదిరితే ఇవాళ అభ్యర్థిని ప్రకటించే అవకాశం ఉంది. ఎమ్మెల్సీ ఎన్నికల్లో గెలుపునకు వ్యూహాలపై కూడా చర్చ జరుగుతున్నట్టు సమాచారం.
News August 9, 2024
ఉమ్మడి గుంటూరు జిల్లాలో పలువురు ఎస్ఐల బదిలీలు
ఉమ్మడి గుంటూరు జిల్లాలో 12 మంది ఎస్ఐలను బదిలీలు చేస్తూ ఉత్తర్వులు జారీ అయ్యాయి. ఉమ్మడి గుంటూరు జిల్లా ప్రస్తుత బాపట్ల జిల్లాలో చందోలు, జే.పంగులూరు, కొరిశపాడు, యద్దనపాడు, చేరుకుపల్లి, పర్చూరు, వేటపాలేం, సంతమాగులూరు, అద్దంకి, మేదరమెట్ల, చీరాల వన్ టౌన్ ఎస్ఐలను బదిలీలు చేస్తూ ఎస్పీ తుషార్ డూడీ ఉత్తర్వులు జారీ చేశారు.
News August 9, 2024
అంబేడ్కర్ విగ్రహం వద్ద వైసీపీ నాయకుల నిరసన
విజయవాడలో డా. బిఆర్. అంబేద్కర్ విగ్రహం వద్ద మాజీ ముఖ్యమంత్రి జగన్మోహన్ రెడ్డి పేరుతో ఉన్న శిలాఫలకాన్ని ధ్వంసం చేయటాన్ని ఖండిస్తూ వైసీపీ నాయకులు గుంటూరు లాడ్జి సెంటర్ లో నిరసన తెలిపారు. మాజీ మంత్రి అంబటి రాంబాబు, మాజీ ఎంపీ మోదుగుల వేణుగోపాల్ రెడ్డి, వైసీపీ జిల్లా అధ్యక్షుడు మందపాటి శేషగిరిరావు, గుంటూరు తూర్పు సమన్వయకర్త షేక్ నూరిఫాతిమా అంబేడ్కర్ విగ్రహానికి పూలమాలలు వేసి, పాలాభిషేకం చేశారు.
News August 9, 2024
పల్నాడు జిల్లాలో మహిళ దారుణ హత్య
నాదెండ్ల మండలం గణపవరంలో మహిళ హత్య కలకలం రేపింది. స్థానికుల వివరాల మేరకు.. షేక్ కరిమూన్ అనే మహిళ ఒంటరిగా గ్రామ మసీదులోని ఓ గదిలో ఉంటుంది. ఒడిశా నుంచి కూలి పనికి వచ్చిన రాజు కూడా అదే మసీదులో ఉంటున్నాడు. గురువారం అర్ధరాత్రి కరిమూన్ గదిలోకి ప్రవేశించి ఆమెను హత్య చేసి పరారయ్యాడు. మృతురాలి బంధువులు పోలీసులకు ఫిర్యాదు చేయగా, కేసు దర్యాప్తు చేస్తున్నారు. పూర్తి వివరాలు తెలియాల్సి ఉంది.
News August 9, 2024
గుంటూరు: గిరిజన అభ్యర్థులకు ఉచితంగా DSC శిక్షణ
రాష్ట్ర ప్రభుత్వం మెగా డీఎస్సీ ఉపాధ్యాయ పోస్టుల భర్తీ చేపట్టిన విషయం తెలిసిందే. ఇందులో భాగాంగా ఉమ్మడి గుంటూరు జిల్లాలోని గిరిజన (ఎస్టీ) విద్యార్థులకు ఉచిత శిక్షణ తరగతులు నిర్వహించనున్నట్లు కలెక్టరు ఎస్.నాగలక్ష్మి గురువారం ఓ ప్రకటనలో తెలిపారు. బీఈడీ, డీఈడీ పూర్తి చేసి టెట్ లో ఉత్తీర్ణులైన అభ్యర్థులు అర్హులన్నారు. మహిళలకు 33.1/ 3 శాతం రిజర్వేషన్ వర్తిస్తుందన్నారు.
News August 9, 2024
నాగ చైతన్య నిశ్చితార్థం చేసుకుంది మన తెనాలి అమ్మాయినే
హీరో నాగ చైతన్య శోభితా ధూళిపాళ్ల గురువారం నిశ్చితార్థం చేసుకున్న విషయం తెలిసిందే. కాగా శోభితా స్వస్థలం తెనాలి అన్న విషయం బాగా వైరల్ అవుతుంది. తెనాలికి చెందిన ఉపాధ్యాయుడు JVL శాస్త్రి, కమలమ్మ దంపతుల కుమార్తె శాంతాకామాక్షి. ఆమె తెనాలిలో ఉపాధ్యాయినిగా పనిచేస్తున్నారు. ఆమెకు విశాఖకు చెందిన వేణుగోపాల్‌తో వివాహమైంది. వీరికి శోభిత, సమంత సంతానం. ఇద్దరూ తెనాలిలోనే పుట్టారు. అనంతరం ముంబాయిలో స్థిరపడ్డారు.
News August 9, 2024
పల్నాడు జిల్లాలో ఎస్ఐల బదిలీలు
పల్నాడు జిల్లాలో పలువురు ఎస్ఐలను బదిలీ చేస్తూ ఎస్పీ కంచి శ్రీనివాస్ రావు గురువారం రాత్రి ఉత్తర్వులు జారీ చేశారు. బదిలీ చేసిన వారిని రిలీవ్ చేయాలని ఆయా సబ్ డివిజన్ల అధికారులకు, సీఐలకు ఆదేశాలు జారీ చేశారు. బదిలీ అయ్యి కొత్తగా పోస్టింగ్ లు ఇచ్చిన వారిని వెంటనే విధుల్లో చేరాలని ఉత్తర్వుల్లో ఎస్పీ పేర్కొన్నారు. పూర్తి వివరాలు తెలయాల్సి ఉంది.
Featured News
Sorry, no posts matched your criteria.