India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News February 28, 2025
కృష్ణా విశ్వవిద్యాలయం ఇన్‌ఛార్జ్ రిజిస్ట్రార్‌గా ఆచార్య ఉష
కృష్ణా విశ్వవిద్యాలయం ఇన్‌ఛార్జ్ రిజిస్ట్రార్‌గా ఆచార్య ఎన్. ఉష నియమితులయ్యారు. ఇప్పటి వరకు రిజిస్ట్రార్‌గా పని చేసిన ఆచార్య కె శోభన్ బాబు డిప్యూటేషన్‌పై రాగా ఆయన పదవీ కాలం పూర్తి కావడంతో ఈ నియామకం జరిగింది. శుక్రవారం ఉష బాధ్యతలు స్వీకరించారు. ఆచార్య ఎంవి బసవేశ్వర్ రావు, పలువురు ఆచార్యులు, సహాయ ఆచార్యులు ఆమెను అభినందించారు.
News February 28, 2025
అభివృద్ధి, సంక్షేమానికి ఊతమిచ్చేలా రాష్ట్ర బడ్జెట్: కొల్లు రవీంద్ర
రాష్ట్ర పునః నిర్మాణం, అభివృద్ధి, సంక్షేమానికి ఊతమిచ్చేలా రాష్ట్ర బడ్జెట్లో కేటాయింపులు ఉన్నాయని మంత్రి కొల్లు రవీంద్ర అన్నారు. ఎన్నికల మేనిఫెస్టో హామీల అమలు లక్ష్యంగా బడ్జెట్ కేటాయింపులు ప్రభుత్వ చిత్తశుద్ధికి అద్దం పడుతున్నాయన్నారు. తల్లికి వందనం, అన్నదాత సుఖీభవ, పింఛన్లకు బడ్జెట్ కేటాయింపులు అభినందనీయమన్నారు.
News February 28, 2025
కృష్ణా: ఎమ్మెల్సీ ఎన్నికల్లో ఓటు వేయని ఆ నలుగురు.!
ఉమ్మడి కృష్ణా, గుంటూరు జిల్లా పట్టభద్రుల ఎమ్మెల్సీ ఎన్నికల్లో రికార్డు స్థాయి పోలింగ్ నమోదైంది. కానీ జిల్లాలో ఆ నలుగురు మాత్రం తమ ఓటు హక్కు వినియోగించుకోలేదు. ఆ నలుగురు ఏ రాజకీయ ప్రముఖులో అనుకుంటున్నారా.? కాదండి వారు సాధారణ ఓటర్లే.. కానీ ప్రత్యేకం. వారెవరో కాదు ఓటు హక్కు కలిగిన థర్డ్ జెండర్ ఓటర్లు. జిల్లాలో నలుగురు థర్డ్ జెండర్ ఓటర్లు ఓటు హక్కు పొంది ఉండగా వారు తమ ఓటు హక్కును వినియోగించుకోలేదు.
News February 28, 2025
సాంకేతిక లోపంతో ఇండిగో విమానం అత్యవసర లాండింగ్
ఇండిగో విమానం చెన్నై నుంచి గన్నవరం విమానశ్రయానికి చేరుకొని విశాఖపట్నం వెళ్లనుంది. ఈ క్రమంలో గన్నవరం విమానాశ్రయం నుంచి విశాఖపట్నం బయలుదేరే తరుణంలో ఆ విమానంలో సాంకేతిక లోపం తలెత్తింది. వెంటనే అప్రమత్తమైన పైలట్ విమానాన్ని గన్నవరం విమానాశ్రయంలో అత్యవసర ల్యాండింగ్ చేశారు. విమానంలో మొత్తం 54 మంది ప్రయాణికులు, మాజీ మంత్రి డొక్కా కూడా ఉన్నారు. దీంతో ప్రయాణికులు ఒక్కసారిగా ఆందోళన చెందారు.
News February 28, 2025
‘కృష్ణా’లో రికార్డు స్థాయిలో పోలింగ్.. 69.92% మేర ఓట్లు పోల్
ఉమ్మడి కృష్ణా, గుంటూరు జిల్లా పట్టభద్రుల ఎమ్మెల్సీ ఎన్నికలకు సంబంధించి జిల్లాలో రికార్డు స్థాయిలో పోలింగ్ నమోదైంది. గురువారం రాత్రి అధికారులు విడుదల చేసిన రిపోర్టు ప్రకారం జిల్లాలో 69.92% మేర ఓట్లు పోలయ్యాయి. జిల్లాలో మొత్తం 63,144 మంది ఓటర్లకు గాను 44,131 మంది తమ ఓటు హక్కును వినియోగించుకున్నారు. ఇందులో పురుష ఓటర్లు 25,082 మంది, మహిళా ఓటర్లు 19,103 మంది ఉన్నారు.
News February 27, 2025
కృష్ణా: ఇప్పటి వరకు 30.59% మేర ఓట్లు పోల్
కృష్ణా జిల్లాలో ఉమ్మడి కృష్ణా, గుంటూరు జిల్లా పట్టభద్రుల ఎమ్మెల్సీ ఎన్నికల పోలింగ్ ప్రశాంతంగా జరుగుతోంది. ఉదయం 8 గంటలకు పోలింగ్ ప్రారంభం కాగా మధ్యాహ్నం 1 2గంటలకు 30.59% ఓట్లు పోలయ్యాయి. జిల్లాలో మొత్తం 63,144 ఓట్లు ఉండగా ఇప్పటి వరకు 19,306 ఓట్లు పోలయ్యాయి. సాయంత్రం 4 గంటల వరకు పోలింగ్ జరగనుంది.
News February 27, 2025
MTM: సెయింట్ ఫ్రాన్సిస్‌లో ఓటు వేసిన కలెక్టర్
పట్టభద్రుల ఎమ్మెల్సీ ఎన్నికల్లో కలెక్టర్ డీకే బాలాజీ తన ఓటు హక్కును వినియోగించుకున్నారు. మచిలీపట్నం సెయింట్ జాన్స్ హైస్కూల్‌లో ఏర్పాటు చేసిన పోలింగ్ బూత్‌లో కలెక్టర్ ఓటు వేశారు. ఓటు వేసిన అనంతరం పోలింగ్ జరుగుతున్న తీరును పరిశీలించి అధికారులకు పలు సూచనలు చేశారు. కాగా పోలీసులు పోలింగ్ కేంద్రం వద్ద పటిష్ఠ బందోబస్తు ఏర్పాటు చేశారు.
News February 27, 2025
కృష్ణా జిల్లాలో ఓటింగ్ అప్డేట్ ఇదే.!
ఎమ్మెల్సీ ఎన్నికలు కృష్ణాజిల్లాలో ప్రశాంతంగా జరుగుతున్నాయి. ఉదయం 10 గంటల వరకు 7,859 మంది ఓటు హక్కును వినియోగించుకున్నట్లు అధికారులు వెల్లడించారు.12.45 శాతం మంది ఓటు హక్కును వినియోగించుకున్నారని చెప్పారు. సాయంత్రం 5 గంటల వరకు ప్రజలు ఓటు హక్కును వినియోగించుకోవచ్చని అధికారులు సూచించారు. ఓటు హక్కు ప్రజల బాధ్యత అన్నారు.
News February 27, 2025
కృష్ణా: నేడే ఎమ్మెల్సీ పోలింగ్.. ఓటు వేశారా.?
కృష్ణా జిల్లాలో నేడు జరిగే ఎమ్మెల్సీ ఎన్నికల్లో ఓటర్లు ఈ విధంగా ఉన్నారు. జిల్లాలో మొత్తం 77 పోలింగ్ కేంద్రాలు ఉండగా 63,190 ఓటర్లు ఉన్నారు. వీరిలో పురుషులు 35,378, స్త్రీలు 27,807, ఇతరులు ఐదుగురు ఉన్నారు. నేడు ఎన్నికలు జరగగా.. మార్చి 3వ తేదీన ఓట్ల లెక్కింపు ఉంటుంది. కూటమి అభ్యర్థి అలపాటి రాజేంద్రప్రసాద్, పీడీఎఫ్ అభ్యర్థి కేఎస్ లక్ష్మణరావు మధ్య పోటీ ఉండనుంది.
News February 27, 2025
కృష్ణా: ఎన్నికలకు సర్వ సిద్ధం
ఎమ్మెల్సీ ఎన్నికలు రేపు(గురువారం) 27వ తేదీన జరగనున్న విషయం తెలిసిందే. ఈ ఎన్నికలకు జిల్లా వ్యాప్తంగా కట్టుదిట్టమైన బందోబస్తు ఏర్పాట్లు పూర్తయ్యాయి. ఎటువంటి అవాంఛనీయ ఘటనలకు తావులేకుండా జరగాలని పోలీసులు అన్ని చర్యలు తీసుకున్నారు. ఈ మేరకు జిల్లా ఎస్పీ గంగాధర్ రావు బుధవారం ఓ ప్రకటన విడుదల చేశారు. ఎన్నికల ప్రవర్తన నియమావళి ఉల్లంఘించిన వారిపై చట్టపరమైన చర్యలు ఉంటాయని చెప్పారు.
Featured News
Sorry, no posts matched your criteria.