India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News April 14, 2025
టీటీడీ గోశాల‌పై అసత్య ప్ర‌చారాలు: మంత్రి TB
కోట్లాదిమంది ప్ర‌జ‌ల మ‌నోభావాలు దెబ్బ‌తీసేలా టీటీడీపై వైసీపీ నేత భూమ‌న క‌రుణాక‌ర్‌రెడ్డి మాట్లాడ‌టం త‌గ‌ద‌ని రాష్ట్ర ప‌రిశ్ర‌మ‌లు, వాణిజ్యం శాఖ మంత్రి టీజీ భరత్ అన్నారు. ఆవుల మ‌ర‌ణాల‌పై భూమ‌న వ్యాఖ్య‌ల‌ను ఖండిస్తూ ఆదివారం మంత్రి టీజీ భరత్ ప‌త్రికా ప్ర‌క‌ట‌న విడుద‌ల చేశారు. తీతీదే ప‌విత్ర‌త‌ను కాపాడేందుకు ఎన్డీయే ప్రభుత్వం చిత్త‌శుద్ధితో కృషి చేస్తోంద‌న్నారు.
News April 13, 2025
కర్నూలు జిల్లా నేటి ముఖ్యాంశాలు
➤రేపు పబ్లిక్ గ్రీవెన్స్ కార్యక్రమం రద్దు
➤మంత్రాలయంలో టూరిజం అభివృద్ధికి చర్యలు
➤ఆదోని MLA నోరు అదుపులో ఉంచుకోవాలి: ఆలూరు వైసీపీ నాయకులు
➤క్యాన్సర్‌ను జయిస్తూ 420 మార్కులతో విద్యార్థిని ప్రతిభ
➤ దేవనకొండ మండలంలో మహిళ ఆత్మహత్య
➤ హఫీజ్ ఖాన్ కు YS జగన్ కీలక పదవి!
➤ సాధారణ రైతు కూతురు కళాశాల టాపర్
➤ కర్నూలులో 50 తులాల బంగారం చోరీ?
➤ రాష్ట్ర స్థాయి టాపర్‌గా ఆదర్శ రైతు కుమారుడు.
News April 13, 2025
కర్నూలు: KGBV విద్యార్థులకు రాష్ట్రస్థాయి అవార్డులు
ఇంటర్మీడియట్ పరీక్షల్లో రాష్ట్ర స్థాయిలో కేజీబీవీలలో విద్యార్థులకు ప్రభుత్వం సన్ షైన్ స్టార్ అవార్డులను ప్రకటించింది. అందులో భాగంగా కర్నూలు జిల్లాకు చెందిన పంచలింగాలకు చెందిన కేజీబీవీ పాఠశాల విద్యార్థిని మానస, కేజీబీవీ ఓర్వకల్లుకు చెందిన హరిత, గూడూరు కేజీబీవీ చెందిన సునీతలు ఎంపికయ్యారు. వారికి ఈనెల 15వ తేదీన రాష్ట్ర విద్యాశాఖ మంత్రి నారా లోకేశ్ అవార్డులను ప్రదానం చేయనున్నారు.
News April 13, 2025
కర్నూలు: పబ్లిక్ గ్రీవెన్స్ రెడ్రెస్సల్ సిస్టం కార్యక్రమం రద్దు
డా.బిఆర్ అంబేడ్కర్ జయంతి సందర్భంగా సోమవారం ప్రజా ఫిర్యాదుల పరిష్కార వేదిక పబ్లిక్ గ్రీవెన్స్ రెడ్రెస్సల్ సిస్టం రద్దు చేస్తున్నట్లు జిల్లా ఎస్పీ విక్రాంత్ పాటిల్ ఆదివారం తెలిపారు. కావున అర్జీదారులు సుదూర ప్రాంతాల నుంచి వ్యయ, ప్రయాసలతో జిల్లా ఎస్పీ ప్రజా ఫిర్యాదుల పరిష్కార వేదిక కార్యక్రమానికి రావొద్దని తెలిపారు. జిల్లా ప్రజలు విషయాన్ని గమనించాలన్నారు.
News April 13, 2025
క్యాన్సర్‌ను జయిస్తూ 420 మార్కులతో ప్రతిభ
బ్లడ్ క్యాన్సర్‌ బారిన పడి కోలుకుంటున్న కర్నూలు జిల్లా విద్యార్థిని ఇంటర్ ఫలితాల్లో సత్తా చాటారు. గోనెగండ్లకు చెందిన సృజనామృత బైపీసీలో 440కు గానూ 420 మార్కులతో ప్రతిభ చూపారు. కర్నూలులోని ఓ కళాశాలలో చదువుతన్న బాలిక క్యాన్సర్‌ను జయిస్తూ ఉత్తమ ఫలితాలు సాధించండంపై అధ్యాపకులు అభినందించారు. తండ్రి ఉరుకుందు గౌడ్ ప్రోత్సాహంతో ఉన్నత చదువులు చదివి గ్రామానికి మంచి పేరు తీసుకొస్తానని బాలిక తెలిపారు.
News April 13, 2025
హఫీజ్ ఖాన్‌కు వైఎస్ జగన్ కీలక పదవి!
వైసీపీ పొలిటికల్ అడ్వైజరీ కమిటీలో ఉమ్మడి కర్నూలు జిల్లా నేతలకు చోటు దక్కింది. మాజీ మంత్రి బుగ్గల రాజేంద్రనాథ్ రెడ్డి, కర్నూలు మాజీ ఎమ్మెల్యే అబ్దుల్ హఫీజ్ ఖాన్‌కు ఆ కమిటీలో చోటు కల్పిస్తూ వైసీపీ కార్యాలయం నుంచి ఉత్తర్వులు వెలువడ్డాయి. సజ్జల రామకృష్ణారెడ్డి కన్వీనర్‌గా మొత్తం 33 మందితో ఈ కమిటీని ఆ పార్టీ అధినేత వైఎస్ జగన్ ఏర్పాటు చేశారు. కమిటీలోని సభ్యులు జగన్‌కు రాజకీయ సలహాలు ఇవ్వనున్నారు.
News April 13, 2025
రాష్ట్ర స్థాయి టాపర్‌గా ఆదర్శ రైతు కుమారుడు
కర్నూలు జిల్లా గోనెగండ్లకు చెందిన ఆదర్శ రైతు కారుమంచి షేక్ అహ్మద్ కుమారుడు షేక్ ఆసిఫ్ ఇంటర్ ఫలితాల్లో రాష్ట్రస్థాయి ర్యాంక్ సాధించారు. బైపీసీలో 440/430 మార్కులు సాధించి టాప్-10లో చోటుసాధించారు. విద్యార్థిని లెక్చరర్లు, కుటుంబ సభ్యులు అభినందించారు. ఆసిఫ్ మాట్లాడుతూ.. తండ్రి ఆశయాలకు అనుగుణంగా వైద్య విద్య పూర్తి చేసి గ్రామస్థులకు సేవలందిస్తానని చెప్పారు.
News April 13, 2025
కర్నూలు: ప్రజా ఫిర్యాదుల పరిష్కార వేదిక రద్దు
ఈనెల 14వ తేదీన డాక్టర్ బి.ఆర్ అంబేడ్కర్ జయంతి సందర్భంగా కర్నూలులో నిర్వహించే “ప్రజా ఫిర్యాదుల పరిష్కార వేదిక” కార్యక్రమం రద్దు చేయబడినట్లు జిల్లా కలెక్టర్ పి.రంజిత్ బాషా శనివారం ప్రకటించారు. ఈ మేరకు ప్రజలు వారి సమస్యలను తెలియజేసేందుకు కలెక్టరేట్‌కు రావద్దని సూచించారు. జిల్లాలో ప్రజలు ఈ విషయాన్ని గమనించాలని విజ్ఞప్తి చేశారు.
News April 12, 2025
నంద్యాల: ఇంటర్ ఫెయిల్ కావడంతో విద్యార్థి ఆత్మహత్య.!
ఇంటర్ ఫెయిల్ అయినందుకు మరో విద్యార్థి ఆత్మహత్య చేసుకున్న ఘటన నంద్యాల జిల్లాలో శనివారం చోటుచేసుకుంది. వివరాల్లోకి వెళితే.. బండి ఆత్మకూరుకి చెందిన మస్తాన్ అనే విద్యార్థి నంద్యాల గవర్నమెంట్ కాలేజీలో చదివాడు. పరీక్షల్లో ఫెయిల్ అవ్వడంతో మనస్థాపం చెంది <<16067190>>ఉరి వేసుకొని ఆత్మహత్య<<>> చేసుకున్నాడు. తండ్రి పెద్ద మౌలాలి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ జగన్మోహన్ తెలిపారు.
News April 12, 2025
కర్నూలు: రాష్ట్ర స్థాయిలో KGBV విద్యార్థినుల సత్తా
AP ఇంటర్మీడియట్ బోర్డ్ ప్రకటించిన సీనియర్ ఇంటర్ ఫలితాలు శనివారం విడుదలైన విషయం తెలిసిందే. ఈ ఫలితాల్లో కర్నూలు జిల్లా పంచలింగాల KGBVకి చెందిన విద్యార్థినులు రాష్ట్ర స్థాయిలో మొదటి 3 ర్యాంకులు సాధించినట్లు ప్రిన్సిపల్ స్వప్న కుమారి తెలిపారు. మొదటి ర్యాంకులో టీ.మానస 992/1000, 2వ ర్యాంకులో యు. మానస 992/1000, 3వ ర్యాంకులో టీ. సుజాత 981/1000 మార్కులతో నిలిచారు.
Featured News
Sorry, no posts matched your criteria.