India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News August 17, 2024
నెల్లూరు చేరుకున్న ఉప రాష్ట్రపతి
నెల్లూరు జిల్లా పర్యటనకు విచ్చేసిన భారత ఉపరాష్ట్రపతి జగదీప్ ధన్ ఖడ్ దంపతులకు రాష్ట్ర గవర్నర్ అబ్దుల్ నజీర్ దంపతులు ఘన స్వాగతం పలికారు. స్వాగతం పలికిన వారిలో రాష్ట్ర దేవాదాయ, ధర్మాదాయ శాఖ మంత్రి ఆనం రామ నారాయణ రెడ్డి, రాష్ట్ర పురపాలక, పట్టణాభివృద్ధి శాఖ మంత్రి పొంగూరు నారాయణ, కలెక్టర్ ఒ. ఆనంద్, జిల్లా ఎస్పీ కృష్ణ కాంత్, జాయింట్ కలెక్టర్ కార్తిక్, మాజీ మంత్రి కామినేని శ్రీనివాసరావు ఉన్నారు.
News August 17, 2024
రేణిగుంట ఎయిర్‌పోర్ట్‌కు చేరుకున్న ఉపరాష్ట్రపతి దంపతులు
రేణిగుంట ఎయిర్‌పోర్ట్ కు చేరుకున్న ఉపరాష్ట్రపతి దంపతులకు ఘన స్వాగతం లభించింది. ముందుగా ఉపరాష్ట్రపతి దంపతులకు మంత్రి ఆనం రాం నారాయణ రెడ్డి, జిల్లా కలెక్టర్ డా.ఎస్.వెంకటేశ్వర్, ఎస్పీ సుబ్బ రాయుడు, జేసీ శ్రీ శుభం బన్సల్, కమిషనర్ ఎన్.మౌర్య, MLC డా.సిపాయి సుబ్రమణ్యం, మేయర్ డా.శిరీష తదితరులు స్వాగతం పలికారు.
News August 17, 2024
నెల్లూరు: ఈ అపరిచిత వ్యక్తి ఎవరికైనా తెలుసా?
ఏఎస్ పేట మండలం చందలూరుపాడులో మహారాష్ట్రకు చెందిన యువకుడు ఉన్నాడు. ఆ గ్రామ పొలాల్లో నాలుగు రోజులుగా తిరుగుతుండగా గ్రామస్తులు చూసి అతనిని గ్రామంలోకి తీసుకువచ్చారు. కొంచెం మతిస్థిమితం లేనివిధంగా మాట్లాడుతున్నాడని గ్రామస్థులు తెలిపారు. పూర్తి వివరాలు తెలపడం లేదు. అతని బంధువులు ఎవరైనా ఉంటే ఆ వ్యక్తిని తీసుకుపోవాలని గ్రామస్థులు తెలుపుతున్నారు.
News August 17, 2024
ఆత్మకూరులో మేడపై బట్లలు ఆరేసేందుకు వెళ్లిన మహిళ మృతి
దుస్తులు ఆరేస్తూ ప్రమాదవశాత్తూ జారి రెండో అంతస్తు నుంచి కిందపడి వివాహిత దుర్మరణం చెందిన ఘటన ఆత్మకూరు పట్టణంలో చోటుచేసుకుంది. పట్టణంలోని బ్రాహ్మణవీధిలో ఆర్టీసీ ఉద్యోగి సునీల్, మనోజ (35) దంపతులు నివాసం ఉంటున్నారు. ఈ క్రమంలో మనోజ తాము ఉంటున్న భవన రెండో అంతస్తులో దుస్తులను ఆరేయసాగారు. ఈ తరుణంలో మేడపై నుంచి తీగలను తాకుతూ కింద పడటంతో విద్యుదాఘాతానికి గురయ్యారు.
News August 17, 2024
నెల్లూరులో నేడు వైద్యసేవలు బంద్
కోల్ కత్తాలో వైద్యురాలిపై జరిగిన అత్యాచారం, హత్య ఘటనకు సంబంధించి న్యాయం కోరుతూ ప్రభుత్వ వైద్యశాలతోపాటు అన్ని ప్రైవేట్ వైద్యశాలల్లో వైద్యసేవలు నిలిపివేయనున్నారు. ఇవాళ ఉదయం 6 నుంచి ఆదివారం ఉదయం 6 గంటల వరకు (24 గంటలు) అన్ని రకాల సాధారణ వైద్య సేవలను, అత్యవసరం కాని ఆపరేషన్లను నిలిపేస్తున్నామని ఇండియన్ మెడికల్ అసోసియేషన్ (ఐఎంఏ) నెల్లూరు జిల్లా అధ్యక్ష, కార్యదర్శి, కోశాధికారి ఓ ప్రకటనలో తెలిపారు.
News August 16, 2024
నెల్లూరుకు చేరుకున్న గవర్నర్
నెల్లూరు నగరంలో ఇవాళ, రేపు రాష్ట్ర గవర్నర్ అబ్దుల్ నజీర్ పర్యటన సందర్భంగా ఆయన విజయవాడ నుంచి రైలు మార్గం ద్వారా నెల్లూరు రైల్వే స్టేషన్ కు చేరుకున్నారు. జిల్లా కలెక్టర్ ఆనంద్, ఎస్పీ కృష్ణ కాంత్ ఆయనకు పుష్పగుచ్చం ఇచ్చి స్వాగతం పలికారు. అక్కడి నుంచి రోడ్డు మార్గంగా నెల్లూరు కొండయ్యపాలెం గేట్ వద్దనున్న ఆర్‌అండ్‌బి గెస్ట్ హౌస్‌కు చేరుకున్న గవర్నర్.. అక్కడే బస చేయనున్నారు.
News August 16, 2024
SVU: మెగా సప్లిమెంటరీ నోటిఫికేషన్ విడుదల
ఎస్వీ యూనివర్సిటీ పరిధిలో డిగ్రీ 1990 నుంచి 2015 వరకు చదివి ఒక సబ్జెక్టు, రెండు సబ్జెక్టులు, అంతకంటే ఎక్కువ సబ్జెక్టులు ఫెయిల్ అయిన విద్యార్థులకు యూనివర్సిటీ మరొక్కసారి ఎగ్జామ్ రాసి పాస్ అవ్వడానికి అవకాశం కల్పించింది. ఈ మేరకు పరీక్షల విభాగ నియంత్రణ అధికారి దామ్లా నాయక్ శుక్రవారం నోటిఫికేషన్ విడుదల చేశారు. పరీక్ష ఫీజు చెల్లించడానికి చివరి తేదీ సెప్టెంబర్ 30. ఈ అవకాశాన్ని సద్వినియోగం చేసుకోగలరు.
News August 16, 2024
నెల్లూరు: 6వ సెమిస్టరు లా ఫలితాలు విడుదల
నెల్లూరు జిల్లా విక్రమ సింహపురి యూనివర్సిటీ లా ఫలితాలు శుక్రవారం విడుదలయ్యాయి. 5ఏళ్ల 4, 6వ సెమిస్టరు ఫలితాలు వెలువడినట్లు కళాశాల ప్రిన్సిపల్ శ్రీధర్ తెలిపారు. ఫెయిల్ అయిన విద్యార్థులు నిరాశ చెందకుండా రీ వాల్యుయేషన్ అవకాశాన్ని సద్వినియోగం చేసుకోవాలని సూచించారు. ఐదేళ్ల కోర్సు విద్యార్థుల 1వ సెమిస్టర్ ఫలితాలు రావాలని, అవి కూడా విడుదల చేస్తారని పేర్కొన్నారు.
News August 16, 2024
వెంకటచలం: లవంగంపై సూక్ష్మ జాతీయ జెండా
ఆగస్టు 15 సందర్భంగా లవంగంపై అతి సూక్ష్మ సైజులో జాతీయ జెండాను రూపొందించి మండలంలోని యాచవరం గ్రామానికి చెందిన సూక్ష్మ కళాకారుడు ఆలూరు రాము ఆచారి బుధవారం అందరినీ అబ్బుర పరిచారు. లవంగంపై చిన్న సైజు కర్ర పుల్లను తయారుచేసి పేపర్ పై సూక్ష్మ సైజులో జాతీయ జెండాను తయారుచేసి గ్రామంలో ప్రదర్శించారు. పలువురు రాము ప్రతిభను అభినందించారు.
News August 16, 2024
సూళ్లూరుపేట: ఇస్రో SSLV-D3 ప్రయోగం విజయవంతం
శ్రీహరికోటలోని షార్ నుంచి దూసుకెళ్లిన SSLV-D3 రాకెట్ ప్రయోగం విజయవంతమైంది. ఈవోఎస్-08ను సైంటిస్టులు కక్ష్యలో ప్రవేశపెట్టారు. ఉదయం 9.17 గంటలకు రాకెట్ నింగిలోకి దూసుకెళ్లగా, 4 దశల్లో ఘన, ద్రవ ఇంధనాలను ఉపయోగించి భూమికి 475 కిలోమీటర్ల ఎత్తులో ఉపగ్రహాన్ని ప్రవేశపెట్టారు. మొత్తంగా 16.57 నిమిషాల్లో ప్రయోగం ముగిసింది. దీంతో సైంటిస్టులు సంతోషం వ్యక్తం చేశారు.
Featured News
Sorry, no posts matched your criteria.