India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News November 22, 2024
ప్రపంచ జ్ఞాపకశక్తి పోటీల విజేతను అభినందించిన కలెక్టర్
ప్రపంచ స్థాయి జ్ఞాపకశక్తి పోటీల్లో ప్రథమ స్థానం సాధించిన విజేత జై బల్దియ జైన్‌ని గురువారం జిల్లా కలెక్టర్ ఓ ఆనంద్ అభినందించారు. బల్దియా జైన్ 51 సెకండ్లలో 125 తేదీలను గుర్తుపెట్టుకుని ప్రపంచ రికార్డు బద్దలు కొట్టారు. మానసిక గణన విభాగంలో అద్భుత విజయం సాధించిన బల్దియా జైన్ భారతదేశ కీర్తి ప్రతిష్ఠలను పెంచారని కలెక్టర్ అభినందించారు.
News November 21, 2024
కడలే ఆధారం.. తీరమే ఆవాసం (ప్రపంచ మత్స్యకారుల దినోత్సవం)
కడలి అలల పైన.. వలల మాటున పొట్టకూటి కోసం నిత్యం తిప్పలు తప్పని జీవితాలు. బతుకు తీరం దాటేందుకు తీరం నుంచి సుదూరం వెళ్లాల్సిందే.. ఇంతచేసినా బతుకు ఒడ్డున పడుతుందన్న నమ్మకం, బతికి ఒడ్డున పడతాం అన్న నమ్మకం ఉండదు.. మరి గడియలో ఏం జరుగుతుందో ఒక పట్టాన అంతు పట్టని రోజుల తరబడి ప్రయాణం.. అయినా భగవంతుడిపై భారం వేసి, సముద్రంపై నమ్మకం ఉంచి, బతుకుపోరు సాగిస్తారు మత్స్యకారులు.
News November 21, 2024
జగన్ నిర్వాకంతో రూ.5వేల కోట్ల ప్రజాధనం ఆవిరి: సోమిరెడ్డి
గత ప్రభుత్వం హయాంలో YS జగన్ తన హంగులు, ఆర్భాటాల కోసం ఏకంగా రూ.5 వేల కోట్ల ప్రజా ధనాన్ని వృథా చేశారని సోమిరెడ్డి చంద్రమోహన్ రెడ్డి విమర్శించారు. పాసు పుస్తకాలపై బొమ్మలు, రుషికొండ ప్యాలెస్ నిర్మాణంతో ప్రజల సొమ్మును జగన్ మంచి నీళ్లలా ఖర్చు చేశారని మండిపడ్డారు. జగన్ నిర్వాకంతో ప్రజలకు బడ్జెట్ మీద ఆశలు పోయాయన్నారు. అందుకే YCPని ప్రజలు కేవలం 11 సీట్లకు పరిమితం చేశారని ఆయన స్పష్టం చేశారు.
News November 21, 2024
ముగ్గురు పంచాయతీ కార్యదర్శులు సస్పెండ్
నెల్లూరు జిల్లాలో ముగ్గురు పంచాయతీ కార్యదర్శులను సస్పెండ్ చేస్తూ జిల్లా కలెక్టర్ ఆనంద్ ఉత్తర్వులు జారీ చేశారు. జిల్లాలోని రాపూరు పంచాయతీ ఇన్‌ఛార్జి కార్యదర్శి చెంచయ్యను లైంగిక వేధింపుల అభియోగాలతో, కృష్ణపట్నం పంచాయతీ కార్యదర్శులు మస్తానయ్య, రాజశేఖర్‌లను నిధులు దుర్వినియోగం అభియోగాలపై కలెక్టర్ ఈ మేరకు సస్పెండ్ చేస్తూ ఉత్తర్వులు జారీ చేశారు.
News November 20, 2024
ముగ్గురు పంచాయతీ కార్యదర్శులు సస్పెండ్
నెల్లూరు జిల్లాలో ముగ్గురు పంచాయతీ కార్యదర్శులను సస్పెండ్ చేస్తూ జిల్లా కలెక్టర్ ఆనంద్ ఉత్తర్వులు జారీ చేశారు. జిల్లాలోని రాపూరు పంచాయతీ ఇన్‌ఛార్జి కార్యదర్శి చెంచయ్యను లైంగిక వేధింపుల అభియోగాలతో, కృష్ణపట్నం పంచాయతీ కార్యదర్శులు మస్తానయ్య, రాజశేఖర్‌లను నిధులు దుర్వినియోగం అభియోగాలపై కలెక్టర్ ఈ మేరకు సస్పెండ్ చేస్తూ ఉత్తర్వులు జారీ చేశారు.
News November 20, 2024
నెల్లూరులో వైసీపీ నేతల కీలక సమావేశం
నెల్లూరులో వైసీపీ నేతల కీలక సమావేశం జరుగుతోంది. మాజీ మంత్రి కాకాణి గోవర్ధన్ రెడ్డి, ఎంపీలు మిథున్ రెడ్డి, గురుమూర్తి, ఎమ్మెల్సీ చంద్రశేఖర్ రెడ్డి, మాజీ ఎంపీ ఆదాల ప్రభాకర్ రెడ్డి, మాజీ మంత్రి అనిల్ కుమార్ యాదవ్, మేకపాటి విక్రమ్ రెడ్డి, ఖలీల్, ఆనం అరుణమ్మ, విజయకుమార్ రెడ్డి, కిలివేటి సంజీవయ్య పాల్గొన్నారు. పార్టీ పరిస్థితులపై సుదీర్ఘంగా చర్చిస్తున్నారు.
News November 20, 2024
నెల్లూరు జిల్లా సమస్యలపై మాట్లాడిన పవన్
NTR సుజలస్రవంతి పథకం కింద 6 జిల్లాల్లో ఓ హబ్, స్పోక్ విధానంలో ప్లాంట్లను నెలకొల్పినట్లు అసెంబ్లీలో డిప్యూటీ CM పవన్ కళ్యాణ్ తెలిపారు. శ్రీ సత్యసాయి జిల్లాలో పూర్తిస్థాయిలో పనిచేస్తుండగా.. నెల్లూరు, చిత్తూరు, కర్నూలు, నంద్యాల, శ్రీకాకుళంలో 45 మదర్ ప్లాంట్లను నెలకొల్పారని, అందులో 20 నిరుపయోగంగా ఉన్నాయని పేర్కొన్నారు. నెల్లూరు, CTR, KNL నుంచి పైప్ లైన్ ఏర్పాటుతో పాటు వాటినీ పునరుద్ధరిస్తామన్నారు.
News November 20, 2024
చంద్రబాబు అరెస్ట్‌కు కుట్ర: MLA కోటం రెడ్డి
CMపైనే కుట్రలు జరుగుతుంటే సామాన్యుల పరిస్థితి ఏంటని అసెంబ్లీలో MLA కోటంరెడ్డి శ్రీధర్ రెడ్డి నిలదీశారు. ఓ పత్రికలో వచ్చిన కథనాన్ని ఆయన ప్రస్తావిస్తూ.. చంద్రబాబు అరెస్ట్‌కు వైసీపీ హయాంలో పెద్ద కుట్రే జరిగిందని ఆరోపించారు. తక్షణమే దీనిపై స్పందించాలని ఆయన డిమాండ్ చేశారు. డిప్యూటీ స్పీకర్ RRR స్పందిస్తూ.. ఇది జీరో అవర్ అని.. ఇక్కడ సమాధానాలు ఉండవన్నారు. దీనిపై తరువాత చర్చిద్దాం అంటూ ఆయన తెలిపారు.
News November 20, 2024
నెల్లూరు: ఉరి వేసుకుని ఆత్మహత్య చేసుకున్న భర్త
రెండేళ్ల క్రితం పెళ్లి చేసుకున్న ఆ జంట కాపురం మనస్పర్దలతో విషాదంగా ముగిసింది. నెల్లూరూ శ్రామిక నగర్‌కు చెందిన దిలీప్, స్వప్నకు రెండేళ్ల క్రితం వివాహమైంది. ఆమె ఓ ఆస్పత్రిలో నర్సుగా పని చేస్తోంది. దిలీప్ వివిధ పనులు చేసుకుంటూ జీవించేవారు. ఇటీవలె వారి మధ్య గొడవలు ప్రారంభమయ్యాయి. దీంతో మనస్తాపం చెందిన దిలీప్ ఇంట్లో ఉరి వేసుకుని ఆత్మహత్య చేసుకున్నాడు. కేసు నమోదు చేసినట్లు SI కిశోర్ తెలిపారు.
News November 20, 2024
చరిత్రకు ఆనవాళ్లు .. ఉదయగిరి కోట
నెల్లూరు జిల్లాలోని ప్రధాన చారిత్రక ప్రదేశాల్లో ఉదయగిరి కోట ఒకటి. వెయ్యేళ్ళనాటి ఈ కోటకు 11వ శతాబ్దంలో ఉదయగిరి పాలకులుగా ఉన్న పల్లవులు పునాదులు వేశారు. 13వ శతాబ్దంలో లంగూళ్ల గజపతి కోట నిర్మాణాన్ని పూర్తి చేశారు. గుర్రపు నాడా ఆకారంలో ఉన్న లోయలో ఈ కోటను నిర్మించారు. ఉపరితలం నుంచి పరిశీలిస్తే కోట రూపం నిద్రిస్తున్న మనిషి ఆకారంలో ఉంటుంది. చుట్టూ జలపాతాలు, ఔషధ మొక్కలతో కూడిన వనాలతో సుందరంగా ఉంటుంది.
Featured News
Sorry, no posts matched your criteria.