India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News October 17, 2024
సముద్ర తీరాన్ని పరిశీలించిన నెల్లూరు కలెక్టర్, ఎస్పీ
ఇందుకూరుపేట మండలం మైపాడు సముద్రతీరాన్ని బుధవారం కలెక్టర్ ఆనంద్, ఎస్పీ కృష్ణకాంత్ పరిశీలించారు. వర్షాలు పూర్తిగా తగ్గేవరకు ఎవరు సముద్రంలో వేటకు వెళ్ళకూడదని సూచించారు. ఎటువంటి పరిస్థితినైనా ఎదుర్కొనేందుకు జిల్లా యంత్రాంగం అప్రమత్తంగా ఉందని కలెక్టర్, ఎస్పీ తెలిపారు. లోతట్టు ప్రాంతాల ప్రజలను తరలించేందుకు పునరావాస కేంద్రాలు ఏర్పాటు చేసినట్లు చెప్పారు.
News October 16, 2024
నెల్లూరు: రేపు ఉదయం వరకు జాగ్రత్త
ఉమ్మడి నెల్లూరు జిల్లాకు మరో ముప్పు ముంచుకొస్తోంది. బంగాళఖాతంలో ఏర్పడిన వాయుగుండం సూళ్లూరుపేట దగ్గరలో గురువారం తెల్లవారుజామున 3 గంటల సమయంలో తీరం దాటే అవకాశం ఉంది. ఈప్రభావంతో సూళ్లూరుపేట, నాయుడుపేట, గూడూరు, మనుబోలులో గంటకు 40 నుంచి 50 KM వేగంతో గాలులు వీస్తాయి. మోస్తరు నుంచి భారీ వర్షాలు పడతాయి. ప్రస్తుతానికి వాయుగుండం నెల్లూరుకు 270 KM దూరంలో ఉండగా.. గంటకు 10 KM వేగంతో తీరం వైపు దూసుకొస్తోంది.
News October 16, 2024
నెల్లూరు జిల్లాలో రేపు సెలవు
నెల్లూరు జిల్లాలో గురువారం కూడా భారీ వర్షాలు పడనున్నాయి. ఈ నేపథ్యంలో కలెక్టర్ ఆనంద్ కీలక నిర్ణయం తీసుకున్నారు. అన్ని పాఠశాలలు, కళాశాలలకు రేపు కూడా సెలవు ప్రకటించారు. ప్రజలు అవసరమైతే తప్ప బయటకు రావద్దని కలెక్టర్ సూచించారు. మరోవైపు రేపు నెల్లూరు-పుదుచ్చేరి మధ్య తుఫాన్ తీరం దాటే అవకాశం ఉంది.
News October 16, 2024
అమెరికాలో సాఫ్ట్‌వేర్ ఇంజినీర్ మృతి
ఉమ్మడి నెల్లూరు జిల్లాకు చెందిన ఓ సాప్ట్‌వేర్ ఇంజినీర్ అమెరికాలో కన్నుమూశారు. ఓజిలి మండలం రాజుపాలేనికి చెందిన రవీంద్ర మెస్ యజమాని తిరుమూరు రవీంద్ర కుమారుడు గోపి అమెరికాలో సాఫ్ట్‌వేర్ ఇంజినీర్‌గా పనిచేస్తున్నాడు. ఈక్రమంలో అమెరికాలోని రాడాల్ఫ్ సమీపంలో జరిగిన కారు ప్రమాదంలో అక్కడి కాలమానం ప్రకారం సోమవారం సాయంత్రం మృతిచెందారు. స్నేహితులతో కలిసి కారులో ప్రయాణిస్తుండగా ఈ ఘటన జరిగింది.
News October 16, 2024
విపత్కర పరిస్థితిని ఎదుర్కొనేందుకు సిద్ధం: కలెక్టర్
నెల్లూరు జిల్లాలో మూడో రోజు కూడా ఎడతెరిపిలేని వర్షం కురుస్తోంది. జిల్లా వ్యాప్తంగా 146 పునరావస కేంద్రాలను ఏర్పాటు చేసి, లోతట్టు ప్రాంతాల ప్రజలను పునరావాస కేంద్రాలకు తరలిస్తున్నామని కలెక్టర్ ఓ. ఆనంద్ తెలిపారు. విపత్కర పరిస్థితులను ఎదుర్కొనేందుకు ఎన్డీఆర్ఎఫ్ బృందాలను సిద్ధం చేసినట్లు చెప్పారు. వర్షం వల్ల ఇబ్బందులు తలెత్తితే..0861 2331261, 7995576699, 1077 నంబర్లకు ఫోన్ చేయాలని సూచించారు.
News October 16, 2024
నెల్లూరు జిల్లాలో పనిచేసిన ఎస్సై సస్పెండ్
గతంలో వెంకటాచలంలో పనిచేసి ప్రస్తుతం గుంటూరు జిల్లాలో పనిచేస్తున్న ఎస్ఐ కరీముల్లా సస్పెన్షన్‌కు గురయ్యారు. గుంటూరు రేంజ్ ఐజీ సర్వేశ్వర త్రిపాఠి మంగళవారం రాత్రి ఉత్తర్వులు జారీ చేశారు. గత ప్రభుత్వంలో వెంకటాచలం ఎస్ఐగా కరీముల్లా పనిచేస్తున్న సమయంలో ఓ కేసుకు సంబంధించి 800 గ్రాముల బంగారాన్ని సీజ్ చేశారు. అయితే ఈ బంగారం స్టేషన్ నుంచి మాయం చేసిన కేసులో ఎస్సై కరిముల్లా సస్పెండ్ అయ్యారు.
News October 16, 2024
నాయుడుపేటలో రెండు కంపెనీ బస్సుల ఢీ
నాయుడుపేట పట్టణంలోని కరెంట్ ఆఫీస్ దగ్గర బుధవారం ఉదయం మేనకూరు పారిశ్రామికవాడకు చెందిన 2 కంపెనీ బస్సులు ఒకదానికి ఒకటి ఢీకొన్నాయి. కరెంట్ ఆఫీస్ దగ్గర మలుపు తిరుగుతున్న ఓ కంపెనీ బస్సును వెనక నుంచి వచ్చి ఓ కంపెనీ బస్సు ఢీ కొట్టింది. ప్రమాదంలో రెండు బస్సులకు అద్దాలు పడిపోయాయి. కార్మికులకు ఎటువంటి గాయాలు కాకపోవడంతో అందరూ ఊపిరిపించుకున్నారు.
News October 16, 2024
వర్షాలకు ప్రజలు అప్రమత్తంగా ఉండాలి: కూర్మనాథ్
బంగాళాఖాతంలో వాయుగుండంగా మారిన తుఫాను గంటకు 10 కి.మీ వేగంతో వాయవ్య దిశగా కదులుతోంది. ప్రస్తుతం చెన్నైకి 440, పుదుచ్చేరికి 460, నెల్లూరుకి 530 కి.మీ దూరంలో కేంద్రీకృతమై ఉంది. వాయుగుండం రేపు తెల్లవారుజామున పుదుచ్చేరి-నెల్లూరు మధ్య తీరం దాటే అవకాశం ఉందని వాతావరణ శాఖ అధికారులు అంచనా వేస్తున్నారు. భారీ వర్షాలకు ప్రజలు అప్రమత్తంగా ఉండాలని ఏపీ విపత్తుల నిర్వహణ శాఖ ఎండి రోణంకి కుర్మానాథ్ తెలిపారు.
News October 16, 2024
RED ALERT.. నెల్లూరు జిల్లాలో భారీ వర్షాలు
బంగాళాఖాతంలో ఏర్పడిన అల్పపీడనం వాయుగుండంగా మారింది. ఈనెల 17వ తేదీ పుదుచ్చేరి-నెల్లూరు మధ్య తీరం దాటే అవకాశం ఉందని వాతావరణ శాఖ అధికారులు అంచనా వేస్తున్నారు. దీని ప్రభావంతో ఉమ్మడి నెల్లూరు జిల్లాలో భారీ నుంచి అతి భారీ వర్షాలు కురుస్తాయని తెలిపారు. నెల్లూరు జిల్లాకు IMD రెడ్ అలర్ట్ జారీ చేసింది.
News October 16, 2024
అక్షరాస్యతతోనే అభివృద్ధి: నెల్లూరు కలెక్టర్
అక్షరాస్యతతోనే అన్ని రంగాలలో అభివృద్ధి సాధ్యమని కలెక్టర్ ఆనంద్ అన్నారు. ప్రభుత్వం ప్రతిష్టాత్మకంగా ప్రారంభించిన ‘ఉల్లాస్’ కార్యక్రమానికి సంబంధించి జిల్లా స్థాయి అధికారులతో మంగళవారం కన్వర్జెన్సీ సమావేశం నిర్వహించారు. కలెక్టర్ మాట్లాడుతూ.. ఉల్లాస్ కార్యక్రమం
ద్వారా జిల్లాలో 19,178 మంది నిరక్షరాస్యులను అభ్యాసకులుగా తీర్చిదిద్దడమే లక్ష్యంగా పెట్టుకున్నట్లు చెప్పారు.
Featured News
Sorry, no posts matched your criteria.