India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News August 15, 2024
కలువాయి: సైబర్ వలలో ఉపాధ్యాయుడు
సైబర్ నేరస్థులు ఓ ఉపాధ్యాయుడిని బురిడి కొట్టించి రూ.63 వేల నగదు స్వాహాచేశారు. ఈ సంఘటన బుధవారం కలువాయిలో జరిగింది. చీపినాపి జడ్పీ ఉన్నత పాఠశాలలో పనిచేస్తున్న నారాయణరావు బుధవారం ఇంటికొచ్చి ఫోన్‌లో విద్యుత్తు బిల్లుకు సంబంధించిన మేసేజ్ చూసుకున్నారు. ఇంతలో సైబర్ నేరగాళ్లు కాల్ చేసి బిల్లు కట్టలేదని యాప్‌ను అప్‌డేట్ చేయాలని సూచించారు. వాళ్లు చెప్పినట్లు చేయడంతో ఖాతా నుంచి రూ.63 వేలు నగదు దొచుకున్నారు.
News August 15, 2024
నెల్లూరు: ఉత్తమ సేవ పురస్కారాలకు ఎంపికైన జిల్లా అధికారులు
జిల్లా రెవెన్యూ అధికారి లవన్న, కందుకూరు సబ్ కలెక్టర్ జి విద్యాధరి, నెల్లూరు, కావలి, ఆత్మకూరు ఆర్డిఓలు మలోల, శీనా నాయక్, మధులత, తుడ వైస్ చైర్మన్ టి బాపిరెడ్డి, బి చిన్న ఓబులేసు, స్పెషల్ డిప్యూటీ కలెక్టర్ పద్మావతి, జిల్లా పరిషత్ చీఫ్ ఎగ్జిక్యూటివ్ ఆఫీసర్ కన్నమ నాయుడు, డీఆర్డీఎ పీడీ సాంబశివరెడ్డి, జిల్లా ఆడిట్ ఆఫీసర్ ఎన్ తిరుపతయ్య, జిల్లా డిప్యూటీ ట్రాన్స్ పోర్ట్ కమిషనర్ బి.చందర్‌లు ఎంపికయ్యారు.
News August 15, 2024
నెల్లూరులో సీనియర్‌పై జూనియర్ల దాడి
సీనియర్ విద్యార్థిపై జూనియర్లు దాడి చేసిన ఘటన నెల్లూరులో జరిగింది. బాలాజీ నగర్ పోలీసుల వివరాల మేరకు.. ఆషరథ్ నెల్లూరులోని ఓ ప్రైవేట్ ఇంజినీరింగ్ కాలేజీలో చదువుతున్నాడు. అదే కాలేజీకి చెందిన జూనియర్లు కైఫ్ మన్సూర్, ముజమిల్, షాహుల్‌ను కేఫ్ వద్ద అతడు కలిశాడు. మద్యం తాగేందుకు డబ్బులు కావాలని జూనియర్లు ఆషరథ్‌ని అడిగారు. అతడు లేవని చెప్పడంతో ఇటుక రాయితో కొట్టారు.
News August 15, 2024
స్వాతంత్ర్య దినోత్సవ వేడుకలకు పగడ్బందీ ఏర్పాట్లు
78వ స్వాతంత్ర దినోత్సవ వేడుకల నిర్వహణకు గూడూరు స్టేడియం ముస్తాబయింది. గూడూరు పట్టణంలోని అల్లూరు ఆదిశేషారెడ్డి ప్రభుత్వ స్టేడియంలో వేడుకలు నిర్వహించేందుకు, అన్ని ఏర్పాట్లు పూర్తి చేస్తున్నామని గూడూరు ఆర్డీవో కిరణ్ కుమార్ తెలిపారు. గూడూరు సబ్ కలెక్టర్ కార్యాలయంలో గూడూరు డివిజన్ పరిధిలోని వివిధ శాఖలకు చెందిన అధికారులతో, స్వాతంత్ర్య దినోత్సవ వేడుకల నిర్వహణపై బుధవారం సమీక్షా సమావేశం నిర్వహించారు.
News August 14, 2024
కాకాని గోవర్ధన్ రెడ్డిపై కలెక్టర్‌కు ఫిర్యాదు
కోట్లాది రూపాయల విలువైన భూములను కాకాని గోవర్ధన్ రెడ్డి& బ్యాచ్ దోచుకున్నారని సోమిరెడ్డి చంద్రమోహన్ రెడ్డి విమర్శించారు. ఈ సందర్భంగా బుధవారం నెల్లూరు కలెక్టర్ కార్యాలయంలోని జిల్లా కలెక్టర్ ఆనంద్‌కు సర్వేపల్లి నియోజకవర్గ టీడీపీ నాయకులతో కలిసి వినతిపత్రం సమర్పించారు. ఈ సందర్భంగా ఆయన మాట్లాడుతూ.. అధికారాన్ని అడ్డుపెట్టుకొని కాకాని గోవర్ధన్ & బ్యాచ్ కోట్లాది రూపాయలు దోచుకున్నారని విమర్శించారు.
News August 14, 2024
మర్రిపాడు వద్ద అదుపుతప్పి పక్కకు దూసుకెళ్లిన కారు
మండలంలోని నెల్లూరు-ముంబై జాతీయ రహదారి ప్రమాదాలకు నిలయంగా మారింది. తరచూ ఏదో ఒక చోట ప్రమాదాలు జరుగుతూనే ఉన్నాయి. తాజాగా బుధవారం రాత్రి గంగుంట రోడ్డు సమీపంలో అదుపుతప్పిన ఓ కారు రోడ్డు పక్కకు దూసుకెళ్లింది. ప్రమాదంలో కారులో ఉన్న డ్రైవర్‌కు స్వల్ప గాయాలు అయ్యాయి. ప్రమాద సమయంలో వాహన రాకపోకలు లేకపోవడంతో పెను ప్రమాదం తప్పినట్లు అయింది.
News August 14, 2024
6 నెలల్లో ప్రతి ఇంటికి తాగునీటి కుళాయి ఏర్పాటు: ఆనం
మండల స్థాయి అధికారులు అందరూ క్షేత్రస్థాయిలో గ్రామాల్లో పర్యటించి సమస్యల పరిష్కారానికి కృషి చేయాలని మంత్రి ఆనం రామనారాయణ రెడ్డి పేర్కొన్నారు. గ్రామాల్లోని సర్పంచులు, ఎంపీటీసీలు, స్థానిక నాయకులను భాగస్వామ్యం చేసుకొని అభివృద్ధి పనులు ముందుకు తీసుకెళ్లాలన్నారు. ఆత్మకూరు మండలానికి రూ.117 కోట్లతో జల్ జీవన్ మిషన్ పనులు మంజూరయ్యాయన్నారు. ఆరు నెలల్లోగా ప్రతి ఇంటికి తాగునీటి కొళాయి ఏర్పాటు చేస్తామన్నారు.
News August 14, 2024
శ్రీహరికోట: కల నెరవేర్చుకున్న డిప్యూటీ సీఎం పవన్
శ్రీహరికోట సందర్శనతో తన చిన్ననాటి కల నెరవేరిందని డిప్యూటీ సీఎం పవన్ కళ్యాణ్ చెప్పారు. షార్‌లో జరిగిన జాతీయ అంతరిక్ష ఉత్సవాల్లో పవన్ పాల్గొన్నారు. షార్ డైరెక్టర్ రాజరాజన్ చంద్రయాన్-3 రాకెట్ ప్రయోగ నమూనాను పవన్‍కు బహూకరించారు. అనంతరం అంతరిక్ష దినోత్సవ కార్యక్రమాల పోటీల్లో విజేతలుగా నిలిచిన విద్యార్థులకు పవన్ బహుమతులు, ప్రశంసపత్రాలు అందజేశారు.
News August 14, 2024
₹75 వేల కోట్లతో రిఫైనరీ.. నెల్లూరు జిల్లాలో ల్యాండ్ ఆఫర్!
ఏపీలో భారత్ పెట్రోలియం కార్పొరేషన్ లిమిటెడ్ రిఫైనరీ ఏర్పాటుకు ఆసక్తిగా ఉంది. రూ.75 వేల కోట్లతో ఏర్పాటు చేయనుండగా ఆ సంస్థ ప్రతినిధులు ఇప్పటికే సీఎం చంద్రబాబుతో సమావేశమై చర్చించారు. ఆ రిఫైనరీ ఏర్పాటుకు రాష్ట్ర ప్రభుత్వం మచిలీపట్నం, రామాయపట్నం (నెల్లూరు), మూలపేటలో స్థలాన్ని ఆఫర్ చేసినట్లు సమాచారం. ఒక ప్రాంతాన్ని ఎంపిక చేసి రిఫైనరీ ఏర్పాటు చేసే అవకాశముంది. దీని ద్వారా 10 వేల ఉద్యోగాలు రానున్నాయి.
News August 14, 2024
నెల్లూరు: మూడు రోజుల్లో నిశ్చితార్థం.. యువకుడి స్పాట్ డెడ్
తల్లికి మందులు తీసుకునేందుకు వెళ్లిన యువకుడు మృతి చెందిన ఘటన ఆత్మకూరులో జరిగింది. మర్రిపాడు మండలం కదిరినేనిపల్లికి చెందిన సాలెహా(28) జీవనోపాధి నిమిత్తం కువైట్ వెళ్లి వారం క్రితం స్వగ్రామానికి వచ్చాడు. మూడు రోజుల్లో నిశ్చితార్థం.. ఇంతలో తన తల్లికి ఆరోగ్యం బాగొలేకపోపవడంతో మందులను తీసుకునేందుకు ఆత్మకూరుకు బైక్‌పై వెళ్లాడు. తిరిగి గ్రామానికి వెళ్తుండగా కారు ఢీకొనడంతో అక్కడికక్కడే మృతి చెందాడు.
Featured News
Sorry, no posts matched your criteria.