India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News August 14, 2024
మైనారిటీల సంక్షేమం, అభివృద్ధి కోసం 15% నిధులు : కలెక్టర్
ప్రధానమంత్రి 15 సూత్రాల కార్యక్రమం అమలులో మైనారిటీల సంక్షేమం, అభివృద్ధి కోసం 15% నిధులు తప్పనిసరిగా వినియోగించాలని కలెక్టర్ ఆనంద్ అన్నారు. ప్రధానమంత్రి 15 సంవత్సరాల అమలు కార్యక్రమంపై త్రైమాసిక సమావేశం జిల్లా కలెక్టర్ ఆధ్వర్యంలో శంకరన్ హాల్లో మంగళవారం జరిగింది. ఈ పథకం అమలు చేస్తున్న 25 శాఖలలో అధికారులు లక్ష్యాలను నిర్ధారించుకుని ప్రతి పథకంలో 15% మైనారిటీల అభివృద్ధి, సంక్షేమాన్ని కేటాయించారు.
News August 13, 2024
నెల్లూరు జిల్లాలో అన్న క్యాంటీన్లు ఏర్పాటు చేసేది ఇక్కడే
ఆగస్టు 15న రాష్ట్ర వ్యాప్తంగా 100 అన్న క్యాంటీన్లను ప్రభుత్వం ప్రారంభించనుంది. ఈ సందర్భంగా నెల్లూరు జిల్లాలో అన్న క్యాంటీన్లను ఈ పట్టణాల్లో ఏర్పాటు చేయనున్నారు.
*నెల్లూరు : AC మార్కెట్, Fish మార్కెట్, PWD ఆఫీస్, ఇందిరా భవన్,
ఓల్డ్ మున్సిపల్ ఆఫీస్, జవహార్ బాల భవన్, సెరికల్చర్ ఆఫీస్,
*కందుకూరు : Fish మార్కెట్,
*కావలి : MRO OFFICE PREMISES
News August 13, 2024
విద్యుత్ వెలుగులతో ఆకట్టుకుంటున్న నెల్లూరు కలెక్టరేట్
నెల్లూరు నగరం ఆగస్టు 15న జరిగే 78 స్వాతంత్ర్య దినోత్సవాలకు ముస్తాబవుతోంది. ఇందులో భాగంగా అధికారులు కలెక్టర్ కార్యాలయాన్ని త్రివర్ణ పతాక విద్యుత్ వెలుగులతో సిద్ధం చేశారు. ఈ దృశ్యాన్ని చూడటానికి నగర ప్రజలు తరలి వస్తున్నారు.
News August 13, 2024
అంతరిక్ష వేడుకలను ప్రారంభించిన పవన్
శ్రీహరికోటలోని ఎంఆర్ కురుప్ ఆడిటోరియంలో జాతీయ అంతరిక్ష వేడుకలు ప్రారంభమయ్యాయి. డిప్యూటీ సీఎం పవన్ కళ్యాణ్ ముఖ్య అతిథిగా పాల్గొన్నారు. ముందుగా హెలికాప్టర్లో షార్‌కు చేరుకున్న ఆయనకు అధికారులు, షార్ శాస్త్రవేత్తలు స్వాగతం పలికారు. అనంతరం జ్యోతి ప్రజ్వలన చేసి వేడుకలను ప్రారంభించారు.
News August 13, 2024
శ్రీహరి కోటలో పవన్‌కు ఘన స్వాగతం
డిప్యూటీ సీఎం పవన్ కళ్యాణ్ శ్రీహరి కోటకు చేరుకున్నారు. హెలికాప్టర్ ద్వారా రేణిగుంట నుంచి వచ్చిన ఆయనకు షార్ శాస్త్రవేత్తలు ఘన స్వాగతం పలికారు. మరికొద్దిసేపట్లో శ్రీహరికోటలోని భారత అంతరిక్ష పరిశోధనా కేంద్రాన్ని సందర్శించనున్నారు. తర్వాత అక్కడ శాస్త్రవేత్తలు, సిబ్బందిని ఉద్దేశించి ప్రసంగించనున్నారు.
News August 13, 2024
రేణిగుంటకు చేరుకున్న పవన్ కళ్యాణ్
ఉమ్మడి నెల్లూరు జిల్లా పర్యటనలో భాగంగా డిప్యూటీ సీఎం పవన్ కళ్యాణ్ రేణిగుంట విమానాశ్రయానికి చేరుకున్నారు. ఆయనకు తిరుపతి ఎమ్మెల్యే ఆరణి శ్రీనివాసులు, జనసేన ఇన్‌ఛార్జ్ కిరణ్ రాయల్ తదితరులు స్వాగతం పలికారు. అనంతరం పవన్ శ్రీహరికోటలోని రాకెట్ కేంద్రానికి బయల్దేరి వెళ్లారు.
News August 13, 2024
సూళ్లూరుపేటలో పటిష్ఠ చర్యలు
శ్రీహరికోట అంతరిక్ష పరిశోధనా కేంద్రానికి డిప్యూటీ CM పవన్ కళ్యాణ్ రానున్నారు. ఈ నేపథ్యంలో ఉన్నతాధికారులు శ్రీహరికోటకు చేరుకుంటున్నారు. వారికి ఎటువంటి ట్రాఫిక్ సమస్యలు, అవాంఛనీయ ఘటనలు జరగకుండా పోలీసులు కట్టుదిట్టమైన జాగ్రత్తలు తీసుకుంటున్నారు. మున్సిపల్ కార్మికులు రోడ్డుకు ఇరువైపులా అడ్డంగా ఉన్న చెట్ల కొమ్మలను తొలగించారు. పారిశుద్ధ్య పనులు చేస్తున్నారు.
News August 13, 2024
కాసేపట్లో షార్‌కు పవన్ కళ్యాణ్.. అంతా అప్రమత్తం
ఉమ్మడి నెల్లూరు జిల్లాలో పవన్ కళ్యాణ్ ఇవాళ పర్యటించనున్నారు. ఆయన హైదరాబాద్ నుంచి రేణిగుంట విమానాశ్రయానికి చేరుకుంటారు. అక్కడి నుంచి ప్రత్యేక హెలికాప్టర్లో శ్రీహరికోటలోని రాకెట్ కేంద్రానికి వెళ్తారు. ఒకవేళ వాతావరణం అనుకూలించకపోతే రోడ్డు మార్గాన వెళ్లడానికి అధికారులు ఏర్పాట్లు చేశారు. షార్‌లోని ఒకటి, రెండు గేట్ల వద్ద భద్రతను కట్టుదిట్టం చేసిన అధికారులు ఇప్పటికే కాన్వాయ్ రిహార్సల్ చేపట్టారు.
News August 13, 2024
NLR: రెండుకు చేరిన మృతుల సంఖ్య
నెల్లూరు-ముంబయి జాతీయ రహదారిపై నిన్న జరిగిన రోడ్డు ప్రమాదంలో మృతుల సంఖ్య రెండుకు చేరింది. మర్రిపాడు(M) బూదవాడకు చెందిన శనివారపు శ్రీనివాసులురెడ్డి(30), రాజుపాలెం వెంకటేశ్(28), యానాదిరెడ్డి కారులో కృష్ణాపురానికి వెళ్లారు. తిరిగి ఇంటికి వస్తుండగా బూదవాడ సమీపంలోని డాబా వద్ద కారు గుంతలోకి దూసుకెళ్లి చెట్టును ఢీకొట్టింది. శ్రీనివాసులు రెడ్డి, వెంకటేశ్ చనిపోగా.. యానాది రెడ్డి స్పల్ప గాయాలతో బయటపడ్డాడు.
News August 12, 2024
రేపు శ్రీహరి కోటకు రానున్న డిప్యూటీ సీఎం పవన్ కళ్యాణ్
ఉమ్మడి నెల్లూరు జిల్లాలోని శ్రీహరి కోటకు మంగళవారం డిప్యూటీ సీఎం పవన్ కళ్యాణ్ రానున్నారు. రేపటి బందోబస్తుకు డిఎస్పీ చెంచుబాను దిశా నిర్దేశం చేశారు. రోడ్డు మార్గంలో వస్తే బందోబస్తుకు అనుసరించాల్సిన చర్యలపై కసరత్తు ప్రారంభించారు. మూడు కీలకమైన ప్రాంతాల్లో పటిష్టమైన బందోబస్తు ఏర్పాటు చేస్తున్నారు. ఎలాంటి అవాంఛనీయ సంఘటనలు జరగకుండా చూడాలని సూచనలు చేశారు.
Featured News
Sorry, no posts matched your criteria.