India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News September 25, 2024
శ్రీకాకుళం జిల్లాలో విషాదం
శ్రీకాకుళం జిల్లాలో విషాద ఘటన జరిగింది. రణస్థలం మండలంలోని పాతర్లపల్లి జడ్పీ పాఠశాలలో పైకప్పు పెచ్చులూడి విద్యార్థి మృతి చెందారు. ఈ ఘటనపై పూర్తి వివరాలు తెలియాల్సి ఉంది.
News September 25, 2024
శ్రీకాకుళం: రైలు ప్రయాణికులకు ముఖ్య గమనిక
ఇచ్చాపురం, సోంపేట, పలాస, శ్రీకాకుళం మీదుగా ప్రయాణించే కోణార్క్ ఎక్స్‌ప్రెస్‌కు 2 రోజులపాటు వికారాబాద్(TG)లో స్టాప్ ఇచ్చామని రైల్వే అధికారులు తెలిపారు. వికారాబాద్ సమీపంలోని కణ్హ శాంతివనంలో ఆధ్యాత్మిక అంతర్జాతీయ సమావేశాలు జరుగుతున్నందున ఈ నెల 29, 30వ తేదీలలో నంబర్11020 భువనేశ్వర్- CST ముంబై మధ్య ప్రయాణించే కోణార్క్ ఎక్స్‌ప్రెస్‌ వికారాబాద్‌లో ఆగుతుందన్నారు.
News September 25, 2024
శ్రీకాకుళం: హోంగార్డుల సస్పెన్షన్: ఎస్పీ
విధుల్లో నిర్లక్ష్యంగా ఉన్న ఇద్దరు హోంగార్డులను SP మహేశ్వరరెడ్డి మంగళవారం రాత్రి సస్పెండ్ చేశారు. మరో ఐదుగురిపై నెల రోజుల పాటు సస్పెన్షన్ వేటు వేశారు. గత నెల 21న రూ.5 వేలు లంచం తీసుకున్నడనే కారణంతో పాతపట్నం కానిస్టేబుల్ శ్యామలరావును తాత్కాలికంగా సస్పెండ్ చేశారు. ఈ క్రమంలోనే కొద్దిరోజులుగా హోంగార్డుల పనితీరును పరిశీలించి విధుల్లో నిర్లక్ష్యంగా ఉన్న 17 మందికి నోటీసులు కూడా జారీ చేసిన విషయం విధితమే.
News September 25, 2024
ఎచ్చెర్ల: డిగ్రీ ఆరో సెమిస్టర్ సప్లిమెంటరీ ఫలితాలు విడుదల
డాక్టర్ బి.ఆర్ అంబేడ్కర్ యూనివర్సిటీ ఓల్డ్ రెగ్యులేషన్ సప్లిమెంటరీ డిగ్రీ ఆరో సెమిస్టర్ ఫలితాలు విడుదలయ్యాయి. యూనివర్సిటీ ఎగ్జామినేషన్స్ డీన్ డాక్టర్ ఎస్ ఉదయ్ భాస్కర్ మంగళవారం సాయంత్రం విడుదల చేశారు. ఈ సందర్భంగా ఫలితాలను జ్ఞానభూమి పోర్టల్‌లో అందుబాటులో ఉంచినట్లు పేర్కొన్నారు. మొత్తం 1154 మంది హాజరు కాగా 822 మంది అభ్యర్థులు ఉత్తీర్ణత సాధించారు. మొత్తం 71.23 శాతం ఉత్తీర్ణత నమోదైంది.
News September 25, 2024
భారీ వర్షాల హెచ్చరికలపై అధికారులతో కలెక్టర్ సమీక్ష
శ్రీకాకుళం జిల్లాలో రణస్థలం మొదలుకొని ఇచ్చాపురం వరకు రానున్న 24 గంటల్లో భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. ఈ సందర్భంగా శ్రీకాకుళం జిల్లా కలెక్టర్ స్వప్నిల్ దినకర్ పుండకర్ మంగళవారం అధికారులతో సమావేశం నిర్వహించి అప్రమత్తం చేశారు. లోతట్టు ప్రాంతాల ప్రజలకు ముందుగానే హెచ్చరికలు జారీ చేసే విధంగా సంబంధిత అధికారులను నియమించడం జరిగింది.
News September 25, 2024
శ్రీకాకుళం: TODAY TOP NEWS
➥ శ్రీ కొత్తమ్మ తల్లిని దర్శించుకున్న జిల్లా ఎస్పీ, కలెక్టర్
➥ మార్క్ ఫెడ్ డైరెక్టర్గా జిల్లా వాసి
➥ విజయవాడ బాధితులకు శ్రీకాకుళం నుంచి సాయం
➥ వర్షాలు కారణంగా కంట్రోల్ రూమ్ ఏర్పాటు
➥ కార్పొరేషన్ ఛైర్మన్‌గా శ్రీకాకుళం నేత
➥ లింగ నిర్ధారణ చేస్తే కఠిన చర్యలు: RDO
➥ శ్రీకాకుళం వ్యక్తికి డైరెక్టర్ పదవి
➥ నరసన్నపేటలో ఉచిత గ్యాస్ అంటూ.. వ్యక్తికి మోసం
➥ శ్రీకాకుళంలో ఉండి ఎమ్మెల్యే దిష్టిబొమ్మ దహనం
News September 24, 2024
నామినేటేడ్ పోస్టుల్లో ఎంపికైన సిక్కోలు వాసులు వీరే..
ప్రభుత్వం మంగళవారం విడుదల చేసిన నామినేటేడ్ పోస్టుల భర్తీలో శ్రీకాకుళం నుంచి ముగ్గురు ఎంపికయ్యారు. పలాస కాశీబుగ్గకు చెందిన మాజీ మున్సిపల్ ఛైర్మన్ బాబురావు రాష్ట్ర ట్రేడ్ ప్రమోషన్ కార్పొరేషన్ ఛైర్మన్‌గా, బూర్జ మండలానికి చెందిన ఆనెపు రామకృష్ణ కార్పొరేషన్ పదవుల్లో మార్క్‌ఫెడ్ డైరెక్టర్గా, శ్రీకాకుళానికి చెందిన సీర రమణయ్య అర్బన్ ఫైనాన్స్& ఇన్ఫ్రాస్ట్రక్చర్ కార్పొరేషన్ డైరెక్టర్గా నియమితులయ్యారు.
News September 24, 2024
రానున్న 24 గంటల్లో భారీ వర్షాలు: కలెక్టర్
రానున్న 24 గంటల్లో జిల్లావ్యాప్తంగా భారీ నుంచి అతి భారీ వర్షాలు కురుస్తాయని వాతావరణ శాఖ హెచ్చరికల నేపథ్యంలో జిల్లా యంత్రాంగం అప్రమత్తంగా ఉండాలని కలెక్టర్ స్వప్నిల్ దినకర్ ఆదేశించారు. మంగళవారం ఆయన ఉన్నతాధికారులు, రెవెన్యూ అధికారులతో టెలి కాన్ఫరెన్స్లో మాట్లాడారు. జిల్లాలోని నదులు, వాగుల్లో ప్రవాహం పట్ల అప్రమత్తంగా ఉండాలని, కాజ్‌వే, వంతెనలపై నీరు ప్రవహించే చోట్ల పాదచారులు జాగ్రత్తగా ఉండాలన్నారు.
News September 24, 2024
శ్రీకాకుళం: మార్క్‌ఫెడ్ డైరెక్టర్గా సిక్కోలు వాసి
కూటమి ప్రభుత్వం మంగళవారం ప్రకటించిన కార్పొరేషన్ పదవుల్లో బూర్జ మండలాన్ని డైరెక్టర్ పోస్టులు వరించాయి. ఆమదాలవలస నియోజకవర్గం బూర్జ మండలం పెద్దపేట గ్రామానికి చెందిన ఆనపు రామకృష్ణనాయుడు మార్క్ ఫెడ్ డైరెక్టర్గా నియమితులయ్యారు. గతంలో రాష్ట్ర జడ్పీటీసీల సంఘ అధ్యక్షుడిగా, పంచాయతీరాజ్ ఛాంబర్ కార్యదర్శిగా పనిచేశారు. ఈ సందర్భంగా ఆయన మాట్లాడుతూ.. పార్టీ అధినేత తన సేవలు గుర్తించినందుకు ధన్యవాదాలు తెలిపారు.
News September 24, 2024
కార్పొరేషన్ ఛైర్మన్‌గా శ్రీకాకుళం నేత.. నేపథ్యం ఇదే
ఆంధ్రప్రదేశ్ ట్రేడ్ ప్రమోషన్ కార్పొరేషన్ ఛైర్మన్‌గా శ్రీకాకుళం జిల్లాకు చెందిన వజ్జ బాబురావు నియమితులయ్యారు. ఈ సందర్భంగా పలువురు కార్యకర్తలు, నాయకులు అభినందనలు తెలిపారు. గతంలో ఈయన పలాస మున్సిపాలిటీ ఛైర్మన్‌గా చేశారు. టీడీపీలో ప్రస్తుతం క్రియాశీలకంగా వ్యవహరిస్తున్నారు. ఆయనకు ఈ పదవి వరించినందుకు సీఎం చంద్రబాబుకు అభినందనలు తెలిపారు.
Featured News
Sorry, no posts matched your criteria.