India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News July 21, 2024
మందస: రైలు ఢీకొని వ్యక్తి మృతి
శ్రీకాకుళం జిల్లా మందస-బారువ రైల్వే స్టేషన్ల మధ్య గుర్తు తెలియని వ్యక్తి రైలు ప్రమాదంలో మృతి చెందినట్లు జీఆర్పీ ఎస్ఐ ఎస్.కె షరీఫ్ ఆదివారం తెలిపారు. అతని వయసు సుమారుగా 20-25 సంవత్సరాలు ఉంటుందన్నారు. ఎవరైనా మృతదేహాన్ని గుర్తించినట్లయితే 94406 27567 నంబర్‌ను సంప్రదించాలని ఎస్ఐ సూచించారు. పూర్తి వివరాలు తెలియాల్సి ఉంది.
News July 21, 2024
ఇచ్ఛాపురం: డెంగ్యూ జ్వరంతో బీటెక్ విద్యార్థి మృతి
శ్రీకాకుళం జిల్లా ఇచ్ఛాపురం పట్టణం దానంపేటకు చెందిన తిప్పన విగ్నేష్ (21) డెంగ్యూ జ్వరంతో బాధపడుతూ మృతి చెందాడు. ఇటీవల డెంగ్యూ జ్వరం రావడంతో ఆస్పత్రిలో చేరిన విగ్నేష్ చికిత్స పొందుతూ శనివారం రాత్రి మృతి చెందినట్లు కుటుంబ సభ్యులు తెలిపారు. మాజీ సైనిక్ ఉద్యోగికి రమణారెడ్డికి ఒక్క కొడుకు మృతి చెందడంతో కుటుంబ సభ్యులు కన్నీరుమున్నీరుగా విలపించారు. మృతుడు ప్రస్తుతం బీటెక్ చదువుతున్నాడు.
News July 21, 2024
గుజరాత్‌లో సిక్కోలు వాసి మృతి
శ్రీకాకుళం జిల్లా వజ్రపుకొత్తూరు మండలం డోకులపాడు గ్రామానికి చెందిన వలస కూలీ గండుపల్లి జగన్(45) శనివారం సాయంత్రం గుజరాత్ రాష్ట్రం కాండ్లలో మృతి చెందారు. ఇటీవల జీవనోపాధి కోసం కుటుంబంతో సహా గుజరాత్ రాష్ట్రం వెళ్లిన జగన్ గత కొద్ది రోజులుగా అనారోగ్యంతో బాధపడుతూ మృతి చెందినట్లు కుటుంబ సభ్యులు తెలిపారు. మృతునికి భార్య, కుమారుడు, కుమార్తె ఉన్నారు.
News July 21, 2024
శ్రీకాకుళం రైతుల ఆందోళన
కుండపోత వర్షానికి రైతులు ఆందోళన చెందుతున్నారు. కొన్ని మండలాల్లో ఖరీఫ్‌ సాగు ప్రారంభించారు. మొత్తం సాగు విస్తీర్ణం 1,68,662 హెక్టార్లుకాగా.. ఇప్పటికే 88,552 హెక్టార్లలో పంటలు వేశారు. అందులో వరి సాగు ఎక్కువ. ఈ ఏడాది ఇప్పటి వరకు 80,286 హెక్టార్లలో వరి సాగు చేస్తున్నారు. దమ్ముపట్టి ఉడుపులకు 5,144 హెక్టార్లలో ఆకుమడులు పెంచుతుండగా.. మరో 1,987 హెక్టార్లలో దమ్ములు పూర్తయ్యాయి.
News July 21, 2024
ఇండియా బుక్ ఆఫ్ రికార్డ్స్‌లో టెక్కలి విద్యార్థినికి చోటు
ఇండియా బుక్ ఆఫ్ రికార్డ్స్‌లో టెక్కలి సమీపంలోని ఒక ప్రైవేట్ ఇంజినీరింగ్ కళాశాలలో ఇంజినీరింగ్ (ఈసీఈ) 3వ సంవత్సరం చదువుతున్న విద్యార్థిని వర్షప్రియకు చోటుదక్కింది. ఈ మేరకు కళాశాల యాజమాన్యం శనివారం వివరాలు వెల్లడించింది. 17.15 నిమిషాలలో పెన్సిల్ కొన మీద 26 అక్షరాలు చెక్కినందుకు గాను ఇండియా బుక్ ఆఫ్ రికార్డ్స్‌లో స్థానం లభించినట్లు తెలిపారు. యువతిని ఉపాధ్యాయులు, గ్రామస్థులు అభినందించారు.
News July 21, 2024
సీతంపేట: విషం మందు తాగి ఇద్దరు ఆత్మహత్య
వివాహేతర సంబంధం ఇద్దరి ప్రాణాలు తీసింది. కురుపాం మండలానికి చెందిన యువతి(30), భర్త పిల్లలను వదిలి సీతంపేట మండలానికి చెందిన యువకుడి(35)తో హైదరాబాద్ వెళ్లిపోయింది. కుటుంబ సభ్యులు ఇద్దరిని హైదరాబాద్ నుంచి తీసుకొచ్చే క్రమంలో మార్గం మధ్యలో దిగి విషం తాగారు. కొద్ది సేపటికి నోటి వెంట నురగలు వచ్చాయి. వెంటనే ఇద్దరిని శ్రీకాకుళం రిమ్స్‌కు తరలించారు. చికిత్స పొందుతూ ఇద్దరు మరణించారు.
News July 21, 2024
శ్రీకాకుళం జాయింట్ కలెక్టర్‌గా ఫర్మాన్ అహ్మద్ ఖాన్
జిల్లా సంయుక్త కలెక్టర్(జేసీ)గా ఫర్మాన్ అహ్మద్ ఖాన్‌ను నియమిస్తూ ప్రభుత్వం శనివారం ఉత్తర్వులు జారీ చేసింది. 2020 ఐఏఎస్ బ్యాచ్‌కు చెందిన ఈయన ప్రస్తుతం అన్నమయ్య జిల్లా జేసీగా పని చేస్తున్నారు. ప్రస్తుత జేసీ ఎం.నవీన్‌ను సీఆర్డీఏ అదనపు కార్యదర్శిగా బదిలీ చేశారు. 2022 అక్టోబరు 12న నవీన్ జిల్లా జేసీగా బాధ్యతలు స్వీకరించారు.
News July 21, 2024
శ్రీకాకుళం: ఈ నెల 25 వరకు డిగ్రీ ప్రవేశాల దరఖాస్తుల గడువు పెంపు
శ్రీకాకుళం జిల్లా డాక్టర్ బి.ఆర్ అంబేడ్కర్ యూనివర్సిటీ పరిధిలోని డిగ్రీ ప్రవేశాలకు ఆన్‌లైన్‌లో దరఖాస్తు గడువును ఈ నెల 25 వ తేదీ వరకు పెంచారు. వెబ్ ఆప్షన్ ప్రక్రియ 26 తేదీ నుంచి 29 తేదీ వరకు ఉంటుందని తెలిపారు. సీట్ అలాట్మెంట్ వచ్చే నెల 3వ తేదీన ఇచ్చి 5వ తేదీ నుంచి తరగతులు ప్రారంభం అవుతాయని అధికారులు తెలిపారు.
News July 20, 2024
శ్రీకాకుళం జిల్లాలో నేటి ముఖ్యాంశాలు
శ్రీకాకుళం: ప్రయాణికులకు రైల్వే సూపర్ ఆఫర్ *ఈ నెల 23 నుంచి 27 వరకు జిల్లాలో ప్రత్యేక ఆధార్ డ్రైవ్ *మాదకద్రవ్యాల నిర్మూలనకి చర్యలు: రాష్ట్ర బాలల హక్కుల కమిషన్ అప్పారావు *రణస్థలం మండలం తోటపల్లి కాలువ పనులు పరిశీలించిన ఎమ్మెల్యే *శ్రీకాకుళం జిల్లాకు తప్పిన వాయుగుండం ముప్పు: జేసీ నవీన్ *ఎచ్చెర్ల మండలం బుడగట్లపాలెం గ్రామానికి చెందిన మత్స్యకారుడి మృతి
News July 20, 2024
శ్రీకాకుళం: ప్రయాణికులకు రైల్వే సూపర్ ఆఫర్
ఇండియన్ రైల్వే ప్రత్యేక ఎయిర్ ప్యాకేజీలను ప్రారంభించినట్లు ఐఆర్‌సీటీసీ రీజనల్ మేనేజర్ డాక్టర్ క్రాంతి శనివారం తెలిపారు. థాయిలాండ్ టూర్ ఆరు రోజుల ప్యాకేజీ 7 సెప్టెంబరు నుంచి 12వ తేదీ వరకు, దక్షిణ దివ్య ఆలయ పర్యటన ప్యాకేజీ 6 రోజులకి 14 ఆగస్టు నుంచి 19వ తేదీ వరకు తక్కువ ధరలకు ప్యాకేజీ అందిస్తున్నట్లు తెలిపారు. ఆసక్తి గల ప్రయాణికులు 92810 30748 సంప్రదించాలన్నారు.
Featured News
Sorry, no posts matched your criteria.