India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News April 16, 2025
చందనోత్సవం ఏర్పాట్ల పరిశీలించిన విశాఖ సీపీ
సింహాచలం చందనోత్సవం ఏర్పాట్లను పోలీస్ కమిషనర్ శంఖబ్రత బాగ్చీ బుధవారం పర్యవేక్షించారు. గోశాల జంక్షన్ వద్ద పార్కింగ్, ఘాట్ రోడ్లో మలుపులు, క్యూలైన్లు, ఆలయ పరిసరాల్లో స్టాప్ బోర్డులను పరిశీలించారు. సీసీ కెమెరాలు ఏర్పాటు చేయాలని, పార్కింగ్ ప్రాంతాలు తెలిసేలా సైన్ బోర్డులు పెట్టాలని, పార్కింగ్ ప్రాంతాల్లో ప్రవేశ, నిష్క్రమణ ద్వారాలు విశాలంగా ఉండాలని సూచించారు.
News April 16, 2025
ప్రభుత్వ భూముల ప‌రిర‌క్ష‌ణ‌కు ప్ర‌త్యేక కార్యాచ‌ర‌ణ: మంత్రి
రెవెన్యూ స‌మ‌స్య‌ల శాశ్వ‌త ప‌రిష్కారానికై ప్ర‌భుత్వం ప్ర‌త్యేక కార్యాచ‌ర‌ణ రూపొందించిందని రెవెన్యూ శాఖ మంత్రి అన‌గాని స‌త్య‌ప్ర‌సాద్ పేర్కొన్నారు. విశాఖ క‌లెక్ట‌రేట్ కార్యాలయంలో బుధవారం అధికారులతో సమావేశమయ్యారు.రీ సర్వేపై వచ్చిన దరఖాస్తులను క్షుణ్ణంగా పరిశీలించి పరిష్కరించాలని సూచించారు. ప్రభుత్వ స్థలాల ఆక్రమణలు, 22ఏ తొలగింపునకు దరఖాస్తులు వస్తున్నాయని వాటిని పరిష్కరిస్తామని కలెక్టర్ వివరించారు.
News April 16, 2025
విశాఖ: అవిశ్వాస తీర్మానం నోటీసు తిరస్కరణ
జీవీఎంసీ డిప్యూటీ మేయర్ కట్టమూరి సతీష్‌పై ఇచ్చిన అవిశ్వాస తీర్మానం నోటీసు చెల్లదని ఇన్ ఛార్జ్ కమిషనర్ హరేంధిర ప్రసాద్ తెలిపారు. సెక్షన్ 91 ఏ, పురపాలక చట్టం 1955 ప్రకారం నోటీసును తిరస్కరించినట్లు వెల్లడించారు. ఈ చట్టం ప్రకారం నాలుగేళ్లు పూర్తి కాకుండా అవిశ్వాసం పెట్టడం వీలుకాదన్నారు. సతీశ్ 2021 జూలై 30న బాధ్యతలు స్వీకరించారన్నారు.
News April 16, 2025
ఇళ్ల క్రమబద్ధీకరణకు దరఖాస్తుల స్వీకరణ: విశాఖ జేసీ
విశాఖలో ఇళ్ల క్రమబద్ధీకరణ జీవో నంబర్ 30 కింద దరఖాస్తుదారులు సమీప గ్రామ, వార్డు సచివాలయలలో అందజేయాలని జాయింట్ కలెక్టర్ మయూర అశోక్ తెలిపారు. నిర్దేశిత డాక్యుమెంట్లతో పాటు, వార్షికాదాయం గ్రామాల్లో రూ.1,20,000, పట్టణాల్లో రూ.1,44,000గా ఉండాలన్నారు. ఖాళీస్థలాలు, పూరిగుడిసెల క్రమబద్ధీకరణకు అనర్హమని అన్నారు. కుటుంబంలో స్త్రీ పేరున దరఖాస్తు చేయాలని సూచించారు.
News April 16, 2025
విశాఖ: ఇంటర్ విద్యార్థి ఆత్మహత్య
విశాఖలో ఇంటర్ విద్యార్థి బుధవారం ఆత్మహత్య చేసుకున్నాడు. కూర్మన్నపాలెం ప్రాంతానికి చెందిన వేదాంత కార్తికేయ మారికవలస ఓజోన్ వ్యాలీలోని శ్రీచైతన్య కాలేజీలో ఇంటర్ ఫస్ట్ ఇయర్‌లో చేరాడు. బుధవారం ఉదయం హస్టల్ గదిలో ఉరివేసుకొని చనిపోయాడు. మృతదేహాన్ని విశాఖలోని ఓ ఆస్పత్రికి తరలించారు. వీరి స్వగ్రామం విజయనగరం జిల్లా గరివిడి అని కాలేజీ సిబ్బంది తెలిపారు.
News April 16, 2025
భీమిలి: కన్నకూతురిపై తండ్రి అత్యాచారం
విశాఖలో మంగళవారం అర్ధరాత్రి దారుణ ఘటన చోటుచేసుకుంది. కన్న తండ్రే కూతురి పట్ల కీచకుడిగా మారాడు. షిప్పింగ్ యార్డ్ ప్రాంతానికి చెందిన అప్పన్న మద్యం మత్తులో తగరపువలసలోని ఓ కాలేజీ ఎదురుగా ఉన్న షాపులో కూతురిపై అత్యాచారానికి పాల్పడ్డాడు. గమనించిన స్థానికులు అడ్డుపడి భీమిలి పోలీసులకు అప్పగించారు. బాలికను చికిత్స నిమిత్తం KGHకి తరలించారు. మహిళ స్టేషన్ ఏసీపీ పెంటా రావు సంఘటన స్థలాన్ని బుధవారం పరిశీలించారు.
News April 16, 2025
విశాఖ: దివీస్ ఉద్యోగి మృతి
దివీస్‌లో పనిచేస్తున్న మధు మోహాన్ మంగళవారం మృతి చెందాడు. పశ్చిమ గోదావరి జిల్లా ముక్కామల గ్రామానికి చెందిన మోహన్ దివీస్‌లో పనిచేస్తున్నాడు. సోమవారం రాత్రి విధులు ముగించుకొని హాస్టల్‌కి వచ్చాడు. అర్ధరాత్రి ఫోన్ మాట్లాడుతూ ఒక్కసారిగా కుప్పకూలిపోయాడు. గమనించిన అతని స్నేహితులు ఆస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు. భీమిలి పోలీసులు కేసు నమోదు చేశారు.
News April 16, 2025
కైలాసపట్నం: క్షతగాత్రుల్లో ఇద్దరి పరిస్థితి విషమం
కోటవురట్ల మండలం కైలాసపట్నం బాణసంచా తయారీ కేంద్రంలో జరిగిన ప్రమాదంలో తీవ్రంగా గాయపడిన వారిలో ఇద్దరి పరిస్థితి విషమంగా ఉంది. కేజీహెచ్ సీఎస్ఆర్ బ్లాక్‌లో చికిత్స పొందుతున్న జల్లూరి నాగరాజు, ప్రైవేట్ ఆసుపత్రిలో చికిత్స పొందుతున్న మడకల జానకిరామ్‌కు వెంటిలేటర్‌పై చికిత్స అందిస్తున్నారు. ఈ విషయాన్ని వారి బంధువులు మంగళవారం తెలిపారు. వి.సంతోషి, వి షారోని, వి.రాజును త్వరలో డిశ్చార్జ్ చేయనున్నారు.
News April 16, 2025
విశాఖ నుంచి బయలుదేరే పలు రైళ్లు రద్దు
పార్వతీపురం-సీతానగరం మధ్య ఇంటర్ లాకింగ్ పనుల వలన విశాఖ నుంచి బయలుదేరే పలు రైలు రద్దు చేసినట్లు వాల్తేర్ డివిజన్ డీసీఎం సందీప్ మంగళవారం తెలిపారు. ఈ మేరకు విశాఖ-కోరాపుట్ ప్యాసింజర్ (53587/88), విశాఖ-రాయపూర్(55827/28), విశాఖ-కోరాపుట్ వీక్లీ ఎక్స్ ప్రెస్(18511/12 ) రైళ్లు ఈనెల 22 నుంచి మే 5 వరకు రద్దు చేసినట్లు తెలిపారు. ప్రయాణికులు ఈ విషయాన్ని గమనించాలన్నారు.
News April 16, 2025
విశాఖ: పద్మ పురస్కారాలకు దరఖాస్తుల ఆహ్వానం
గణతంత్ర దినోత్సవ వేడుకలలో అందిస్తున్న పద్మ పురస్కారాలకై దరఖాస్తులు ఆహ్వానిస్తున్నట్లు విశాఖ జిల్లా క్రీడాభివృద్ధి అధికారి జూన్ గ్యాలియట్ మంగళవారం తెలిపారు. 2026వ సంవత్సరానికి పద్మ పురస్కారాలకై అంతర్జాతీయ క్రీడలలో అత్యున్నత ప్రతిభ ప్రదర్శించిన క్రీడాకారులు దరఖాస్తు చేసుకువాలన్నారు. దరఖాస్తులు www.padmaawards.gov.in వెబ్ సైట్‌లో చూడాలన్నారు.sportsinap@gmail.com కు మే 26లోపు మెయిల్ చేయాలన్నారు.
Featured News
Sorry, no posts matched your criteria.