India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News April 23, 2025
విశాఖకు చంద్రమోళి మృతదేహం
ఉగ్రవాదుల దాడిలో మృతి చెందిన విశాఖకు చెందిన రిటైర్డ్ బ్యాంక్ ఉద్యోగి చంద్రమోళి మృతదేహాన్ని ఎయిర్ ఇండియా విమానంలో విశాఖ తీసుకురానున్నారు. మధ్యాహ్నం 12 గంటలకు ఆ విమానం విశాఖ చేరుకోనుంది. వేసవి నేపథ్యంలో పాడురంగపురం ప్రాంతానికి చెందిన చంద్రమోళితో పాటు మరో రెండు కుటుంబాలు పహల్గాం టూర్‌కు వెళ్లారు. ఉగ్రమూకల దాడిలో చంద్రమోళి మృతి చెందడంతో పాడురంగపురంలో విషాదచాయలు అలముకున్నాయి.
News April 23, 2025
విశాఖ డాక్టర్‌‌కు సివిల్స్‌లో 975వ ర్యాంక్
చినవాల్తేరు పీహెచ్సీలో పనిచేస్తున్న డా.మానస సివిల్స్‌కు ఎంపికయ్యారు. సివిల్స్ ఫలితాల్లో రావాడ సాయి మోహన మానస 975వ ర్యాంకు కొట్టి ఆదర్శంగా నిలిచింది. మానస తండ్రి రావాడ ప్రకాశరావు శ్రీకాకుళం మొబైల్ కోర్టులో జూనియర్ అసిస్టెంట్‌గా పనిచేస్తున్నారు. మానస తల్లి కె.ఉషారాణి రాజాం ప్రభుత్వ ఆస్పత్రిలో హెడ్ నర్సుగా పని చేస్తున్నారు. మూడో ప్రయత్నంలో ఆమె సివిల్స్ ర్యాంక్ సాధించారు.
News April 23, 2025
విశాఖలో నేటి కాయగూరల ధరలు
విశాఖలోని 13 రైతు బజార్‌లలో కొనుగోలు చేసే కూరగాయల ధరలను వ్యవసాయ మార్కెటింగ్ శాఖ అధికారులు బుధవారం ఈ విధంగా నిర్ణయించారు. ఉల్లి రూ.18, వంకాయలు రూ.15, బంగాళాదుంపలు రూ.18,కాకరకాయ రూ.30,బీరకాయలు రూ.32,బెండకాయలు రూ.22,క్యాబేజీ రూ.16,గుమ్మడి కాయ రూ.16,గోరు చిక్కుడు రూ.28,పొటల్స్ రూ.30,టమాటా రూ.16, క్యారట్ రూ.30/32,బీన్స్ రూ.52,కీర దోస రూ.22,బద్ద చిక్కుడు కాయ రూ.50,అల్లం రూ. 44,మిర్చి రూ.25గా ఉన్నాయి.
News April 23, 2025
విశాఖ పోలీసులను అభినందించిన నేపాల్ పోలీసులు
నేపాల్‌కు చెందిన ఓ మహిళ తప్పిపోయి విశాఖలో ఉన్నట్లు నేపాల్ పోలీసులు గమనించారు. ఈ మేరకు నేపాల్ పోలీసులు విశాఖ సీపీ చొరవతో గాజువాక పోలీసుల సహాయంతో ఆమె ఆచూకీని కనుగొన్నారు. అనంతరం ఆమెను వారి తల్లిదండ్రులకు క్షేమంగా అప్పగించారు. ఈ విషయమై మంగళవారం నేపాల్ పోలీసులు విశాఖ సీపీ, పోలీసులను అభినందిస్తూ లేఖ రాశారు. మిస్సింగ్ కేసును ఛేదించిన గాజువాక పోలీసులను సీపీ అభినందించారు.
News April 23, 2025
విశాఖ జిల్లా వైసీపీ అధ్యక్షుడిగా కేకే రాజు
విశాఖ జిల్లా వైసీపీ అధ్యక్షుడిగా కేకే.రాజును నియమిస్తూ ఆ పార్టీ కేంద్ర కార్యాలయం మంగళవారం ప్రకటన విడుదల చేసింది. విశాఖ జిల్లా వైసీపీ అధ్యక్షుడిగా ఉన్న గుడివాడ అమర్నాథ్‌ను అనకాపల్లి జిల్లా అధ్యక్షుడిగా నియమించారు. అయితే కేకే.రాజు విశాఖ ఉత్తర నియోజకవర్గం నుంచి రెండుసార్లు వైసీపీ తరఫున ఎమ్మెల్యేగా పోటీ చేసి ఓటమి చెందరు.
News April 23, 2025
విశాఖ: నేడే పది ఫలితాలు.. ఒక్క క్లిక్‌తో..!
బుధవారం ఉదయం 10 గంటలకు పదో తరగతి పరీక్షా ఫలితాలు ప్రకటించనున్నారు. విశాఖలో 29,997 మంది పరీక్ష రాయగా వారిలో 15,094 మంది బాలురు, 13,429 మంది బాలికలు ఉన్నారు. రెగ్యులర్ విద్యార్థులు 28,523 మంది, ఓపెన్ స్కూల్ 1,404 మంది, 2,124 వృత్తి విద్యా పరీక్ష రాశారు. 134 సెంటర్లలో పరీక్షలు ప్రశాంతంగా జరిగాయి. ఒక్క క్లిక్‌తో వే2న్యూస్‌లో ఫలితాలను సులభంగా తెలుసుకోవచ్చు. >Share it
News April 22, 2025
విశాఖ: ఈనెల 28న GVMC మేయర్ ఎన్నిక
GVMC మేయర్ పదవికి ఎన్నికను ఏప్రిల్ 28న నిర్వహించాలని రాష్ట్ర ఎన్నికల కమిషనర్ ఆదేశాలు జారీ చేశారని విశాఖ కలెక్టర్ హరేందిర ప్రసాద్ మంగళవారం తెలిపారు. ఈనెల 24లోపు మేయర్ ఎన్నికల షెడ్యూల్‌ను ప్రకటిస్తామన్నారు. ఏప్రిల్ 28 ఉదయం 11 గంటలకు GVMCలో ప్రత్యేక సమావేశం నిర్వహిస్తామని తెలిపారు.
News April 22, 2025
విశాఖ: మూడు నెలల శిక్షణతో పాటు ఉద్యోగావకాశం
విశాఖపట్నంలో నిరుద్యోగ యువతకు APSSDC ఉచిత ఎయిర్ కండీషనర్ టెక్నీషియన్ శిక్షణతో పాటు ఉద్యోగాన్ని కల్పిస్తోంది. మూడు నెలల పాటు శిక్షణ కొనసాగనుందని, పదో తరగతి పాసైన 18-45 ఏళ్ల పురుషులు అర్హులుగా పేర్కొన్నారు. కంచరపాలెంలోని స్కిల్-హబ్‌లో శిక్షణ ఇవ్వనున్నారు. ఆసక్తి గలవారు https://forms.gle/fHnPd4nQnPzD24h38 ద్వారా రిజిస్టర్ చేసుకోవాలని యూనివర్సిటీ స్కిల్ డెవలప్మెంట్ ఆఫీసర్ సింహాచలం తెలిపారు.
News April 22, 2025
విశాఖ: రేపే పది ఫలితాలు.. ఒక్క క్లిక్‌తో..!
రేపు ఉ.10 గంటలకు పదో తరగతి పరీక్షా ఫలితాలు ప్రకటించనున్నారు. విశాఖలో 29,997 మంది పరీక్ష రాయగా వారిలో 15,094 మంది బాలురు, 13,429 మంది బాలికలు ఉన్నారు. రెగ్యులర్ విద్యార్థులు 28,523 మంది, ఓపెన్ స్కూల్ 1,404 మంది, 2,124 వృత్తి విద్యా పరీక్ష రాశారు. 134 సెంటర్లలో పరీక్షలు ప్రశాంతంగా జరిగాయి. ఒక్క క్లిక్‌తో వే2న్యూస్‌లో ఫలితాలను సులభంగా తెలుసుకోవచ్చు. >Share it
News April 22, 2025
కాన్వెంట్ జంక్షన్‌లో లారీ ఢీకొని వ్యక్తి మృతి
కాన్వెంట్ జంక్షన్‌లో మంగళవారం రోడ్డు ప్రమాదం జరిగింది. స్కూటీపై వెళ్తున్న వ్యక్తిని లారీ ఢీకొట్టడంతో అక్కడికక్కడే మృతి చెందాడు. ప్రమాదంలో మృతుడి తల నుజ్జునజ్జయింది. స్థానికులు పోలీసులకు సమాచారం అందించారు. మృతుని వివరాలు తెలియాల్సి ఉంది.
Featured News
Sorry, no posts matched your criteria.