India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News October 25, 2024
రామభద్రపురం: హార్ట్ఎటాక్‌తో ఉపాద్యాయుడు మృతి
రావివలస ఎంపీపీ స్కూల్ ఉపాధ్యాయుడు పిసిని.వెంకటప్పడు (57) హార్ట్ ఎటాక్‌తో పాఠశాల పరిసర ప్రాంతంలోనే మృతి చెందినట్లు పోలీసులు తెలిపారు. మృతుడు బలిజిపేట మండలం చిలకలపల్లికి చెందిన వాడని, విధుల నిమిత్తం ఇక్కడ పనిచేస్తున్నారన్నారు. గురువారం విధుల్లో ఉంటూ బయటకు వచ్చారని అక్కడే తీవ్ర గుండె నొప్పితో కుప్పకూలి మృతి చెందారన్నారు. ఈ మేరకు కేసు నమోదు చేసినట్లు ఎస్ఐ ప్రసాదరావు తెలిపారు.
News October 24, 2024
విజయనగరంలో TODAY TOP న్యూస్
>గుర్లలో డయేరియా మృతుల కుటుంబాలకు పరామర్శించిన జగన్ > డయేరియాపై అధికారులతో హోంమత్రి అనిత సమీక్ష >వైరల్ అవుతున్న జడ్పీ ఛైర్మన్ ఫ్లెక్సీ > విజయనగరంలో ప్రైవేట్ ట్రావెల్స్ బస్సులు దగ్ధం >విజయనగరం డీఆర్వో గా శ్రీనివాసమూర్తి >పోలీసులపై మాజీ సీఎం వైఎస్ జగన్ ఆగ్రహం >భద్రత విషయంలో జగన్‌పై హోంమంత్రి ఘాటు వ్యాఖ్యలు
News October 24, 2024
ఉమ్మడి జిల్లాకు రానున్న నూతన DROలు
రాష్ట్రంలో డిప్యూటీ కలెక్టర్‌ల బదిలీలు జరిగాయి. ఈ క్రమంలో విజయనగరం జిల్లాకు DROగా ఎస్.శ్రీనివాస మూర్తిని నియమిస్తూ అధికారులు ఉత్తర్వులు జారీ చేశారు. ఇంతవరకు ఇక్కడ DROగా విధులు నిర్వహించిన S.D.అనితను అమరావతిలోని సెక్రటేరియేట్‌‌కు రిపోర్ట్ చేయాలన్నారు. అలాగే పార్వతీపురం మన్యం జిల్లాకు నూతన DROగా A.రవీంద్ర రావును నియమిస్తూ అధికారులు ఉత్తర్వులు జారీ చేశారు.
News October 24, 2024
జగన్ పర్యటన బందోబస్త్‌పై హోంమంత్రి రియాక్షన్
YS.జగన్ గుర్ల పర్యటనలో బందోబస్త్‌ విషయమై అసహనం వ్యక్తం చేసిన విషయం తెలిసిందే. దీనిపై హోంమంత్రి అనిత మాట్లాడుతూ.. ఇప్పుడు నొప్పి తెలుస్తోందా.. రామతీర్థాలకు వచ్చిన చంద్రబాబు రోడ్డు మీద కూర్చున్నప్పుడు ఆ నొప్పి తెలీలేదా జగన్ అంటూ ఆగ్రహం వ్యక్తం చేశారు. ఇంకా తాము ప్రొటోకాల్ ఇస్తున్నాం.. నువ్వొస్తున్నావని పరదాలు కట్టేసి, చెట్లు కొట్టేయాలా ఇప్పుడు ఒక MLAవి దానికి తగ్గ సెక్యురిటీనే ఉంటుంది అన్నారు.
News October 24, 2024
గుర్ల ఘటనపై హోంమంత్రి ప్రెస్‌మీట్
విజయనగరం జిల్లా ఇన్‌ఛార్జ్ మంత్రి, హోంమంత్రి అనిత గుర్ల గ్రామంలో గురువారం పర్యటించారు. అనంతరం ఆమె మాట్లాడుతూ.. గుర్లలో డయేరియా కేసులు నమోదైన వెంటనే ప్రభుత్వ యంత్రాంగం యుద్ధ ప్రాతిపదికన చర్యలు చేపట్టిందన్నారు. ఒకరు మాత్రమే డయేరియాతో మృతిచెందినట్లు డాక్టర్లు నిర్ధారించారని ఆమె పేర్కొన్నారు. ఘటన జరిగిన వెంటనే డిప్యూటీ సీఎం పవన్ కళ్యాణ్ గ్రామంలో పర్యటించి.. వాటర్ టెస్ట్ చేయించారని అన్నారు.
News October 24, 2024
గుర్లలో పోలీసులపై వైఎస్ జగన్ ఆగ్రహం
గుర్ల పర్యటనలో భాగంగా మాజీ సీఎం జగన్ మీడియాతో మాట్లాడుతున్నారు. ఈ తరుణంలో పోలీసులపై ఆయన ఆగ్రహం వ్యక్తం చేశారు. ‘ప్రతిపక్షంలో ఉన్నప్పుడు పోలీసులు కనీసం కోఆపరేట్ చేసే పరిస్థితి కూడా లేకపోతే.. ప్రతి నాయకుడు వచ్చినపుడు మీడియాను అడ్రస్ చేసే పరిస్థితిని కూడా పోలీసులు ఇవ్వకపోతే. ఆ మేరకు కూడా పోలీసులు భద్రత క్రియేట్ చేయలేకపోలే.. ఇక ఏ రకంగా పోలీసులు పనిచేస్తున్నారో అని అడగాలో అర్థం కావడం లేదు’ అని అన్నారు.
News October 24, 2024
వైరల్ అవుతున్న విజయనగరం జడ్పీ ఛైర్మన్ ఫ్లెక్సీ
గుర్లలో మాజీ సీఎం జగన్ పర్యటన సందర్భంగా ఏర్పాటు చేసిన ఫ్లెక్సీ వైరల్‌గా మారింది. జగన్‌కు స్వాగతం పలుకుతూ ఆయన అభిమానులు పలు కూడళ్లలో ఫ్లెక్సీలు ఏర్పాటు చేశారు. అయితే ఓ కూడలిలో ఏర్పాటు చేసిన ఫ్లెక్సీలో విజయనగరం జడ్పీ ఛైర్మన్ మజ్జి శ్రీనివాసురావు పేరు కింద ‘విజయనగరం జిల్లా వైఎస్సార్ కాంగ్రెస్ పార్టీ రాష్ట్ర అధ్యక్షులు’ అని రాసి ఉంది. రాష్ట్ర అధ్యక్షులు అని రాసి ఉండటంతో పలువురు వైరల్ చేస్తున్నారు.
News October 24, 2024
దానా తుపాన్.. అన్నదాత గుండెల్లో గుబులు
జిల్లాకు తుపాన్ ముప్పు పొంచి ఉందని వాతావరణ శాఖ హెచ్చరికల నేపథ్యంలో రైతులు ఆందోళన చెందుతున్నారు. ఆరుగాలం శ్రమించి పండించిన పంట మరి కొద్ది రోజుల్లో చేతికి వస్తుండగా.. ఈదురుగాళ్లు ఏం చేస్తాయో అని విచారం వ్యక్తం చేస్తున్నారు. అధిక వడ్డీలతో రుణాలు తీసుకొచ్చి పంటపై పెట్టుబడి పెట్టామని కన్నీటి పర్యంతమవుతున్నారు. తుపాన్ ప్రభావంతో ఇప్పటికే వాతావరణం ఒక్కసారిగా చల్లబడి వర్ష సూచన కనిపిస్తోంది.
News October 24, 2024
VZM: హోం మంత్రి పర్యటన.. టూర్ షెడ్యూల్ ఇదే
జిల్లాలో హోమ్ మంత్రి అనిత గురువారం పర్యటించనున్నారు. ఇన్ ఛార్జ్ మంత్రి హోదాలో జిల్లాకు ఆమె తొలిసారి విచ్చేస్తున్నారు. మధ్యాహ్నం 1:00 గంటకు నగరానికి చేరుకొని ZP అతిథి గృహానికి చేరుకుంటారు. అక్కడ నుంచి 2:00 గంటలకు గుర్ల పీహెచ్సీ కు వెళ్లి డయేరియా రోగులను పరామర్శిస్తారు. మధ్యాహ్నం 3:20 కు కలెక్టరేట్ కు చేరుకొని వివిధ శాఖల అధికారులతో సమీక్ష జరుపుతారు. అనంతరం జిల్లా ప్రజా ప్రతినిధులతో సమావేశం అవుతారు.
News October 24, 2024
VZM: జగన్ పర్యటన.. షెడ్యూల్ ఇదే
మాజీ ముఖ్యమంత్రి వైఎస్ జగన్ మోహన్ రెడ్డి గురువారం జిల్లాలో పర్యటించనున్నారు. గుర్లలో డయారియా బాధితులు, మృతుల కుటుంబాలను పరామర్శించనున్నారు. ఉదయం 9:30కు హెలికాప్టర్లో తాడేపల్లి నుంచి బయలుదేరి 11:00 గంటలకు SSR పేట దత్త ఎస్టేట్‌కు చేరుకుంటారు. 11:25కు గుర్ల చేరుకొని డయారియా బాధితులు, మృతుల కుటుంబాలను పరామర్శిస్తారు. మధ్యాహ్నం 1:00 గంటకు తిరిగి పయనమవుతారు.
Featured News
Sorry, no posts matched your criteria.