India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News August 14, 2025
విజయనగరం జిల్లాలో నేడు హోం మినిస్టర్ పర్యటన
విజయనగరం జిల్లాకు హోం మంత్రి వంగలపూడి అనిత గురువారం రానున్నారు. కలెక్టరేట్ సమావేశ మందిరంలో ఉదయం 11 గంటలకు ప్రారంభం కానున్న జిల్లా సమీక్ష సమావేశంలో ఆమె పాల్గొంటారు. ఆమెతో పాటు జిల్లాకు చెందిన మంత్రి కొండపల్లి శ్రీనివాస్, అన్ని నియోజకవర్గాల ఎమ్మెల్యే లు, ఇతర ప్రజా ప్రతినిధులు హాజరుకానున్నారు. జిల్లాలో చేపట్టాల్సిన అభివృద్ధి కార్యక్రమాలపై చర్చించనున్నట్లు కలెక్టర్ అంబేడ్కర్ తెలిపారు.
News August 14, 2025
రూ.26 కోట్ల అంచనాతో 44 జలవనరుల పనులు: కలెక్టర్
జలవనరుల శాఖ ద్వారా రిపేర్, రెనోవేషణ్, రెస్టోరేషన్ RRR క్రింద రూ.26 కోట్ల అంచనాతో 44 పనులకు కలెక్టర్ అంబేడ్కర్ బుధవారం ఆమోదం తెలిపారు. ఈ ప్రతిపాదనలను టెక్నికల్ అడ్వైజరీ కమిటీ ఆమోదం పొందిన తర్వాత పనులు ప్రారంభం అవుతాయని, కేంద్ర రాష్ట్ర ప్రభుత్వాలు 60:40 నిష్పత్తిలో నిధులు కేటాయిస్తాయని అన్నారు. ఈ పనులకు ఆమోదం లభిస్తే జిల్లాలో 6873 ఎకరాల ఆయకట్టుకు నీరందుతుందని కలెక్టర్ తెలిపారు.
News August 14, 2025
స్పోర్ట్స్ హాబ్‌గా విజయనగరం: శాప్ ఛైర్మన్
విజయనగరం పట్టణంలో శాప్ చైర్మన్ అనిమిని రవినాయుడు బుధవారం పర్యటించారు. స్థానిక ఎమ్మెల్యే విజయలక్ష్మి గజపతిరాజుతో కలిసి పట్టణంలో ఉన్న అన్ని క్రీడా మైదానాలను సందర్శించారు. విజయనగరాన్ని స్పోర్ట్స్ హాబ్‌గా తీర్చిదిద్దుతామని, అన్ని మైదానాలను దశల వారీగా అభివృద్ధి చేస్తామన్నారు. విజ్జీ స్టేడియంలో సింథటిక్ ట్రాక్, హాకీ కోర్టు ఏర్పాటు చేస్తామని హామీ ఇచ్చారు.
News August 13, 2025
గురజాడ స్వగృహంలో దుశ్చర్య.. నివేదికలో అంశాలు ఇవే..!
విజయనగరం పట్టణంలోని మహాకవి గురజాడ స్వగృహంలో ఓ వ్యక్తి చేసిన విధ్వంసంపై కలెక్టర్ సీరియస్ అయిన సంగతి తెలిసిందే. ఈ నేపథ్యంలో జిల్లా పర్యాటక అధికారి కుమారస్వామి గురజాడ ఇంటిని సందర్శించారు. మద్యం మత్తులో చేసినట్లు ఆయన గుర్తించారు. గురజాడ కుటుంబ సభ్యుల సూచనలతో ఐరెన్ రైలింగ్, పోలీస్ పెట్రోలింగ్, వెనుక భాగంలో కందకం లోతు పెంపు, సీసీ కెమెరాల ఏర్పాటుకు నివేదిక సిద్ధం చేసి కలెక్టర్‌కు అందజేశారు.
News August 13, 2025
గురజాడ స్వగృహాంలో విధ్వంసంపై కలెక్టర్ ఆగ్రహం
మహాకవి గురజాడ అప్పారావు స్వగృహం వద్ద పటిష్టమైన రక్షణ చర్యలు తీసుకోవాలని కలెక్టర్ అంబేద్కర్ బుధవారం ఆదేశించారు. గురజాడ స్వగృహం వద్ద గుర్తు తెలియని అగంతకుడు చేసిన విధ్వంసాన్ని ఆయన తీవ్రంగా ఖండించారు. ఇటువంటి వారిపై కఠిన చర్యలు తీసుకుంటామని, ఇలాంటి సంఘటనలు పునరావృతం కాకుండా చూస్తామని కలెక్టర్ స్పష్టం చేశారు. గురజాడ స్వగృహాన్ని సందర్శించి సమగ్ర నివేదికను ఇవ్వాలని పర్యాటక శాఖకు ఆదేశించారు.
News August 13, 2025
విజయనగరం జిల్లాలో 49,127 గృహ నిర్మాణాలు పూర్తి: కలెక్టర్
ఈ నెలాఖరులోగా జిల్లాలో 2 వేల గృహాలను పూర్తి చెయ్యాలని కలెక్టర్ అంబేడ్కర్ అధికారులకు ఆదేశించారు. బుధవారం అధికారులతో వెబెక్స్ ద్వారా గృహ నిర్మాణాల పై సమీక్షించారు. ప్రస్తుతం రూఫ్ లెవెల్‌లో ఉన్న 2 వేల గృహాలను నెలాఖరుకు పూర్తయ్యేలా చూడాలని MPDOలకు లక్ష్యంగా నిర్ణయించారు. జిల్లాలో పి.ఎం.ఏ.వై అర్బన్, గ్రామీణ్ క్రింద 72,496 గృహాలు మంజూరు కాగా 49,127 గృహాలు పూర్తయ్యాయన్నారు.
News August 13, 2025
రూ. 56 లక్షల ఆస్తులు అటాచ్ చేశాం: SP
ఎస్.కోట పోలీస్ స్టేషన్ పరిధిలో ఇటీవల నమోదైన గంజాయి కేసులు అరెస్ట్ అయిన ఒడిశా వాసి నగేశ్‌కు చెందిన ఆస్తులను అటాచ్ చేశామని ఎస్పీ వకుల్ జిందల్ బుధవారం తెలిపారు. గంజాయి వ్యాపారంతో సంపాదించిన స్థిర, చరాస్తులను గుర్తించామని, రూ.56 లక్షల విలువైన ఆస్తులను అటాచ్ చేశామన్నారు. ఫ్రీజ్ చేసిన ఆస్తులు కోల్‌కత్తా అథారిటీ పరిధిలో ఉన్నాయని, ఎవరు కొనుగోలు చేసినా చెల్లవన్నారు.
News August 13, 2025
భారీ వర్షాలు.. విజయనగరం కలెక్టర్ కీలక ఆదేశాలు
భారీ వర్షాల నేపథ్యంలో కలెక్టర్ అంబేడ్కర్ పలు ఆదేశాలు జారీ చేశారు.
➤ గ్రామ, మండల, జిల్లా స్థాయి అధికారులంతా ప్రధాన కేంద్రాల్లోనే ఉండాలి
➤ ఏ ఒక్కరికీ సెలవులు ఇవ్వబడవు
➤ తదుపరి ఉత్తర్వులు వచ్చేవరకు మత్స్యకారుల వేట నిషేధం
➤ నీరు కాలుష్యం కాకుండా పైప్ లైన్స్ తనిఖీ చేయాలి
➤ వైద్య, వ్యవసాయ, ఇరిగేషన్, పంచాయతీ రాజ్ అధికారులు కూడా సిద్ధంగా ఉండాలి
➤ కలెక్టరేట్లో 08922 236947 నంబర్‌తో కంట్రోల్ రూమ్ ఏర్పాటు
News August 13, 2025
వచ్చే నెల 13న జాతీయ లోక్ అదాలత్: న్యాయమూర్తి
వచ్చే నెల 13న జిల్లా వ్యాప్తంగా జరగనున్న జాతీయ లోక్ అదాలత్ లో వీలైనన్ని ఎక్కువ కేసులు రాజీ చేయించాలని జిల్లా ప్రధాన న్యాయమూర్తి భబిత సూచించారు. మంగళవారం తన కార్యాలయంలో పలు ప్రైవేట్ ఇన్సూరెన్స్ కంపెనీ ప్రతినిధులతో సమావేశం నిర్వహించారు. బీమా క్లైమ్‌లు, సివిల్ దావాలు ఇరు పార్టీల ఆమోదంతో రాజీ చేయించాలని సూచించారు. 12 ప్రమాద బీమా క్లెయిమ్‌లు రాజీకి వచ్చినట్లు స్పష్టం చేశారు.
News August 12, 2025
భారీ వర్షాలు.. అప్రమ్తతంగా ఉండాలని విజయనగరం కలెక్టర్ ఆదేశాలు
రానున్న 4 రోజుల‌పాటు భారీ వర్షాలు కురిసే అవ‌కాశం ఉంద‌ని వాతావ‌ర‌ణ శాఖ నుంచి సూచ‌న‌లు వ‌చ్చాయ‌ని, జిల్లా అధికార యంత్రాంగం అప్ర‌మ‌త్తంగా ఉండాలని కలెక్టర్ అంబేడ్కర్ సోమవారం ఆదేశించారు. మండల ప్ర‌త్యేకాధికారులు, మండ‌లాధికారులు క్షేత్ర‌స్థాయిలో విస్తృతంగా ప‌ర్య‌టించి ప‌రిస్థితిని స‌మీక్షించాల‌ని సూచించారు. ఎక్క‌డా ఎటువంటి న‌ష్టం వాటిళ్ల‌కుండా ముందస్తు జాగ్ర‌త్త చర్యలు తీసుకోవాల‌న్నారు.
Featured News
Sorry, no posts matched your criteria.