India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News August 1, 2024
ఏయూ పరిధిలో సెమిస్టర్ ఫలితాలు విడుదల
ఆంధ్ర విశ్వవిద్యాలయం పరిధిలో ఎంకామ్ నాలుగో సెమిస్టర్ రెగ్యులర్, సప్లిమెంటరీ పరీక్ష ఫలితాలను, బీబీఏ-ఎంబీఏ ఆరో సెమిస్టర్ రెగ్యులర్ పరీక్ష ఫలితాలను విడుదల చేశారు. పరీక్ష ఫలితాలను ఏయూ వెబ్సైట్లో పొందుపరిచారు. ఎం.కామ్ విద్యార్థులు ఆగస్టు 14లోగా రీవాల్యుయేషన్ కు దరఖాస్తు చేసుకోవాలి. బీబీఏ-ఎంబీఏ విద్యార్థులు ఆగస్టు 15లోగా రీవాల్యుయేషన్ కు దరఖాస్తు చేసుకోవాలని పరీక్షల విభాగం అధికారులు సూచించారు.
News August 1, 2024
విశాఖలో ముందుకొస్తున్న సముద్రం
వాతావరణ మార్పుల నేపథ్యంలో విశాఖలో సముద్రం ముందుకు వస్తోందని బెంగళూరుకు చెందిన స్టడీ ఆఫ్ సైన్స్ టెక్నాలజీ అండ్ పాలసీ సంస్థ అధ్యయనంలో తెలిపింది. విశాఖలో 1987- 2021 మధ్యకాలంలో 2,381 సెంటీమీటర్ల భూభాగం సముద్రంలో కలిసిపోయిందని తెలిపింది. 2040 నాటికి విశాఖనగరంలో ఐదు శాతం భూభాగం సముద్రంలో కలిసిపోతుందని తమ అధ్యయనంలో పేర్కొంది.
News August 1, 2024
రోడ్డు ప్రమాదంలో విజయనగరం వాసులు
సూర్యాపేట జిల్లా గరిడేపల్లి మండలం కీతవారిగూడెం పెట్రోల్ బంక్ వద్ద బుధవారం రాత్రి రోడ్డు ప్రమాదం జరిగింది. ప్రైవేట్ ట్రావెల్స్ బస్సు, లారీ ఢీకొన్నాయి. ఈ ప్రమాదంలో 15 మందికి గాయాలయ్యాయి. షిరిడి నుంచి మైలవరం వెళ్తుండగా ఈ ప్రమాదం జరిగింది. క్షతగాత్రులంతా విజయనగరం జిల్లా వాసులుగా సమాచారం. పూర్తి వివారాలు తెలియాల్సి ఉంది.
News August 1, 2024
VZM: యువతిపై హోం‌గార్డ్ అత్యాచారం.. ఎస్పీ సీరియస్
యువతిపై అత్యాచారానికి పాల్పడిన హోంగార్డును శాశ్వతంగా విధులు నుంచి తొలగించేందుకు చర్యలు చేపడతామని ఎస్పీ వకుల్ జిందల్ తెలిపారు. బొండపల్లి పోలీస్ స్టేషన్ పరిధిలో హోం గార్డుగా పనిచేస్తున్న సురేశ్..ఓ ప్రేమ జంటను బెదిరించి యువతిని నెల్లిమర్లలోని కొండపేటకు తీసుకువెళ్లి అత్యాచారం చేసినట్లు ఆమె ఫిర్యాదు చేసింది. దీంతో పోలీసులు హోంగార్డును అరెస్ట్ చేశారు. నిందితుడికి శిక్షపడేలా చూస్తామని ఎస్పీ తెలిపారు.
News July 31, 2024
VZM: యువతిపై హోం‌గార్డ్ అత్యాచారం.. ఎస్పీ సీరియస్
యువతిపై అత్యాచారానికి పాల్పడిన హోంగార్డును శాశ్వతంగా విధులు నుంచి తొలగించేందుకు చర్యలు చేపడతామని ఎస్పీ వకుల్ జిందల్ తెలిపారు. బొండపల్లి పోలీస్ స్టేషన్ పరిధిలో హోం గార్డుగా పనిచేస్తున్న సురేశ్..ఓ ప్రేమ జంటను బెదిరించి యువతిని నెల్లిమర్లలోని కొండపేటకు తీసుకువెళ్లి అత్యాచారం చేసినట్లు ఆమె ఫిర్యాదు చేసింది. దీంతో పోలీసులు హోంగార్డును అరెస్ట్ చేశారు. నిందితుడికి శిక్షపడేలా చూస్తామని ఎస్పీ తెలిపారు.
News July 31, 2024
విజయనగరం జిల్లాలో మహిళ మిస్సింగ్..
నెల్లిమర్ల మండలంలోని వల్లూరు గ్రామానికి చెందిన మత్స దివ్య అనే 27 ఏళ్ల మహిళ ఆచూకీ నెల రోజుల నుంచి దొరక్కపోవడంతో కుటుంబ సభ్యులు ఆందోళన చెందుతున్నారు. ఇప్పటికే స్థానిక పోలీస్ స్టేషన్‌లో మిస్సింగ్ కేసు నమోదు కాగా పోలీసుల దర్యాప్తు కొనసాగుతోంది. సదరు మహిళ మానసిక సమస్యతో బయటకి వెళ్లినట్లు కుటుంబ సభ్యులు చెబుతున్నారు. ఎవరికైనా ఆచూకీ తెలిస్తే పోలీస్ స్టేషన్ లేదా 9963111089 నంబర్‌ను సంప్రదించాలని కోరారు.
News July 31, 2024
విజయనగరం జిల్లాలో ముగ్గురు డీఎస్పీలకు బదిలీ
విజయనగరం జిల్లాలో ముగ్గురు డీఎస్పీలను బదిలీ చేస్తూ రాష్ట్ర డీజీపీ ద్వారకా తిరుమలరావు బుధవారం ఉత్తర్వులు జారీ చేశారు. జిల్లా ట్రాఫిక్ పోలీస్ స్టేషన్ డీఎస్పీగా విధులు నిర్వహిస్తున్న విశ్వనాథ్‌ను సీఐడీ విభాగానికి డీఎస్పీగా, పోలీస్ శిక్షణా కళాశాలలో ఉన్న డీఎస్పీ వీవీ అప్పారావును, చీపురుపల్లి డీఎస్పీ ఏఎస్ చక్రవర్తిని డీజీపీ కార్యాలయానికి రిపోర్టు చేయాల్సిందిగా ఉత్తర్వుల్లో పేర్కొన్నారు.
News July 31, 2024
గజపతినగరం: బస్సులోనే డ్రైవర్ మృతి
దత్తిరాజేరు మండలం పెదమానాపురానికి చెందిన నాగురోతు రామారావు(55) గజపతినగరంలోని ఓ ప్రైవేటు పాఠశాలలో బస్సు డ్రైవర్‌గా పనిచేస్తున్నాడు. మంగళవారం ఉదయం విద్యార్థులను స్కూల్ వద్ద దింపి, అదే వాహనంలో నిద్రించాడు. మధ్యాహ్నం భోజనం చేసేందుకు రామారావుని పిలవడానికి అటెండర్ వెళ్లగా అపస్మారక స్థితిలో ఉన్నాడు. ఏరియా ఆసుపత్రికి తరలించగా అప్పటికే గుండెపోటుతో మృతిచెందినట్లు వైద్యులు తెలిపారు.
News July 31, 2024
విశాఖ నుంచి తిరుమలకు ప్రత్యేక బస్సు సర్వీసు
విశాఖ నుంచి విజయవాడ మీదుగా తిరుపతికి ప్రత్యేక బస్సు సర్వీసును నడపడానికి ఏపీ పర్యాటక సంస్థ ప్రత్యేక ప్యాకేజీ ప్రవేశపెట్టింది. ఆగస్టు 10న మధ్యాహ్నం 3 గంటలకు విశాఖలో ఈ బస్సు బయలుదేరుతుంది. 11 ఉదయాన్నే తిరుపతి చేరుకుంటుంది. ఉదయం 10 గంటలకు శ్రీవారి దర్శనానికి తీసుకువెళ్తారు. తిరుచానూరు, శ్రీకాళహస్తి దర్శనం అనంతరం విశాఖకు బయలుదేరుతుంది. పెద్దలకు రూ.6,300, పిల్లలకు రూ.6,000 చెల్లించాలి.
News July 31, 2024
ఓపెన్ స్కూల్ ప్రవేశాలకు నోటిఫికేషన్
ఆంధ్రప్రదేశ్ సార్వత్రిక విద్యాపీఠం 2024-25 విద్యాసంవత్సరానికి సంబంధించి పదవ తరగతి, ఇంటర్మీడియట్ లలో ప్రవేశాలకు నోటిఫికేషన్ విడుదల చేసిందని జిల్లా విద్యాశాఖధికారి జి.పగడాలమ్మ మంగళవారం ఒక ప్రకటనలో తెలిపారు. పదవ తరగతిలో ప్రవేశానికి 14 సంవత్సరాల వయస్సు నిండి ఉండాలన్నారు. ఇంటర్మీడియట్ కొరకు పదవ తరగతి ఉత్తీర్ణత సాధించి 15సంవత్సరాలు నిండిన అభ్యర్థులు అర్హులని పేర్కొన్నారు.
Featured News
Sorry, no posts matched your criteria.