India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News January 2, 2025
ఈనెల 3న పార్వతీపురం జిల్లా విద్యా వైజ్ఞానిక ప్రదర్శన
ఈనెల 3వ తేదీన పార్వతీపురం మన్యం జిల్లా విద్యా వైజ్ఞానిక ప్రదర్శన డీవీఎంఎం ఉన్నత పాఠశాలలో నిర్వహిస్తున్నట్లు డీఈవో ఎన్.తిరుపతి నాయుడు తెలిపారు. జిల్లా స్థాయిలో నిర్వహిస్తున్న సైన్స్ ఎగ్జిబిషన్‌లో జిల్లావ్యాప్తంగా ఉన్న 15 మండలాల నుంచి ఎంపికైన దాదాపు 45 సైన్స్ ప్రాజెక్టులను ప్రదర్శిస్తారన్నారు. కలెక్టర్ ఏ. శ్యాంప్రసాద్, మంత్రి గుమ్మిడి సంధ్యారాణి హాజరవుతారని తెలిపారు.
News January 1, 2025
VZM: స్టాఫ్ నర్స్ ఉద్యోగాలకు నోటిఫికేషన్
శ్రీకాకుళం, విజయనగరం, విశాఖ జిల్లాలలో ఖాళీగా ఉన్న 106 స్టాఫ్ నర్స్ పోస్టుల భర్తీకి దరఖాస్తులు ఆహ్వానిస్తూ నోటిఫికేషన్ విడుదలైంది. ఏడాది కాలపరిమితితో కాంట్రాక్ట్ ప్రాతిపదికన పోస్టులు భర్తీ చేయనున్నారు. బుధవారం నుంచి ఈనెల 15వ తేదీ సాయంత్రం 5 గంటలలోపు విశాఖ ప్రాంతీయ సంచాలకుల కార్యాలయంలో అప్లికేషన్లు అందజేయవచ్చు. మరిన్ని వివరాలకు htts://nagendrasvst.wordpress.com వెబ్ సైట్‌లో చూడొచ్చు. >Share it
News January 1, 2025
జియ్యమ్మవలస: RPF కానిస్టేబుల్ అనుమానాస్పద మృతి
పార్వతీపురం మన్యం జిల్లా జియ్యమ్మవలస మండలం లక్ష్మీపురం గ్రామానికి చెందిన ఆర్పీఎఫ్ కానిస్టేబుల్ అనంత నాయుడు అనుమానాస్పద రీతిలో మంగళవారం మృతి చెందారు. నల్గొండలో అక్కడి రైలు పట్టాలపై మృతదేహాన్ని పోలీసులు గుర్తించారు. నాయుడు మృతితో స్వగ్రామంలో విషాదఛాయలు అలుముకున్నాయి.
News January 1, 2025
మరికొద్ది రోజుల్లోనే నదుల అనుసందానం: మంత్రి
సీఎం చంద్రబాబు తీసుకున్న నిర్ణయం వలన నూతన సంవత్సరానికి ముందుగానే పండగ వాతావరణం ఏర్పడిందని మంత్రి కొండపల్లి శ్రీనివాస్ అన్నారు. రాష్ట్ర ప్రజలకు మంగళవారం నూతన సంవత్సర శుభాకాంక్షలు తెలిపారు. నదుల అనుసంధానం అనేది ఎన్డీఏ ప్రభుత్వ విధానమని, మరి కొద్ది రోజుల్లోనే ఏపీలో నదుల అనుసంధానం కార్యక్రమం పట్టాలు ఎక్కబోతుందని మంత్రి తెలిపారు.
News December 31, 2024
VZM: రెండో రోజు 280 మంది అభ్యర్థులు గైర్హాజరు
విజయనగరం పోలీస్ పరేడ్ గ్రౌండ్‌లో కానిస్టేబుల్ అభ్యర్థుల ఎంపిక ప్రక్రియ రెండో రోజు కొనసాగింది. మొత్తం 600 మంది అభ్యర్థులు హాజరు కావాల్సి ఉండగా 320 మంది అభ్యర్థులు మాత్రమే PMT, PET పరీక్షలకు హాజరయ్యారు. రెండో రోజు 280 మంది అభ్యర్థులు గైర్హాజరైనట్లు ఎస్పీ వకుల్ జిందాల్ తెలిపారు. కాగా ఎంపిక ప్రక్రియ మంగళవారం ఉదయం 5గంటల నుంచి మధ్యాహ్నం 2గంటల వరుకు జరిగింది.
News December 31, 2024
VZM: కొత్త ఒరవడికి శ్రీకారం చుట్టిన ప్రజాప్రతినిధులు
ఉమ్మడి విజయనగరం జిల్లాకు చెందిన పలువురు ప్రజా ప్రతినిధులు నూతన సాంప్రదాయానికి శ్రీకారం చుట్టారు. కొత్త సంవత్సరం శుభాకాంక్షలు తెలియజేసేందుకు వచ్చిన శ్రేయోభిలాషులను ఉద్దేశించి బొకేలు, శాలువాలు, పూలదండలు, స్వీట్లు తేవద్దని విజ్ఞప్తి చేస్తున్నారు. పేద విద్యార్థులకు అవసరమైన విద్యా సామాగ్రిని మాత్రమే తేవాలని పిలుపునిచ్చారు. దాదాపు ప్రజా ప్రతినిధులు అందరూ ఈ సందేశాన్నే ప్రజల్లోకి తీసుకెళ్లారు.
News December 31, 2024
కష్టపడి వారికే నామినేటెడ్ పదవులు: అశోక్
పార్టీ కోసం కష్టపడి పని చేసిన వారికే అధిష్టానం నామినేటెడ్ పదవులు ఇస్తుందని పొలిట్ బ్యూరో సభ్యులు పి.అశోక్ అన్నారు. విజయనగరం అశోక్ బంగ్లాలో మంగళవారం జిల్లా అధ్యక్షుడు నాగార్జున అధ్యక్షతన సమావేశం నిర్వహించారు. టీడీపీ కోసం కష్టపడి పని చేసిన వారికి మాత్రమే నామినేటెడ్ పదవులకు సిఫార్సులు చేయాలని ఎమ్మెల్యేలకు సూచించారు. సభ్యత్వ నమోదు విజయవంతంగా జరిగిందన్నారు. సమావేశంలో మంత్రి, ఎమ్మెల్యేలు పాల్గొన్నారు.
News December 31, 2024
VZM: వాటి ఉనికి దాదాపు కనుమరుగు..!
కొత్త సంవత్సరం వస్తోందంటే వారం పది రోజుల ముందు గ్రీటింగ్ కార్డులు, రంగుల దుకాణాల వద్ద సందడి నెలకొని ఉండేది. ఆత్మీయులకు శుభాకాంక్షలు తెలిపేందుకు గ్రీటింగ్ కార్డులు కొనుగోలు చేసి వారం ముందే పోస్టుల్లో పంపేవారు. అందుబాటులో ఉన్నవారికి స్వయంగా ఇచ్చేవారు. హీరో, హీరోయిన్ల ఫొటోలతో కూడిన గ్రీటింగ్స్‌కు మంచి గిరాకీ ఉండేది. ప్రస్తుతం సెల్ మోజులో పడి దాదాపు ఆ సందడి కనుమరుగయ్యిందనే చెప్పాలి.
News December 31, 2024
VZM: న్యూ ఇయర్ హంగామా
పాత సంవత్సరం పూర్తి కావడానికి మరికొన్ని గంటలు మాత్రమే సమయం ఉంది. డిసెంబర్ 31వ తేదీ అంటే తెలియని సంతోషం అందరిలో కలుగుతుంటుంది. ఇంటి ముంగిట రంగుల ముగ్గులు అద్దుతూ కొత్త సంవత్సరానికి ఆహ్వానం పలుకుతుంటారు. మరీ ముఖ్యంగా యువత పర్యాటక ప్రాంతాలను సందర్శించి అర్ధరాత్రి 12 గంటలకు కేకును కట్ చేస్తూ సంబరాలు చేసుకుంటారు. మరి ఈ ఏడాది మీ న్యూ ఇయర్ ప్లాన్ ఏంటి? కామెంట్ చేయండి.
News December 31, 2024
VZM: 2024@ కొత్త ఎమ్మెల్యేలకు అవకాశం
2024 ఏడాది వెళ్తూ వెళ్తూ కొత్త ఎమ్మెల్యేలకు అవకాశం ఇచ్చింది. కూటమి తరఫున విజయనగరం, నెల్లిమర్ల, గజపతినగరం, పార్వతీపురం, కురుపాం, బొబ్బిలి, సాలూరులో పోటీ చేసిన అదితి, లోకం నాగమాధవి, కొండపల్లి శ్రీనివాస్, విజయచంద్ర, తోయిక జగదీశ్వరి, బేబినాయన, సంధ్యారాణి ఎన్నికల్లో ఘన విజయం సాధించి తొలిసారి అసెంబ్లీలో అడుగు పెట్టారు. వీరిలో కొండపల్లి శ్రీనివాస్, సంధ్యారాణికి మంత్రి పదవులు కూడా దక్కాయి.
Featured News
Sorry, no posts matched your criteria.