India's largestHyperlocal short
news App
Get daily news updates that are tailored for you based on your preferred language & location.
రాష్ట్రమంతా ఎడతెరిపి లేకుండా వర్షాలు కురుస్తున్నాయి. దీంతో దక్షిణ మధ్య రైల్వే అధికారులు కొన్ని రైళ్లను రద్దు చేస్తూ ఓ ప్రకటన విడుదల చేశారు. ఈ నెల 2న విజయవాడ – నరసాపురం రైలును రద్దు చేసినట్లు రైల్వే శాఖ విజయవాడ డివిజన్ అధికారులు తెలిపారు. ఈ విషయాన్ని ప్రయాణికులు గమనించాలన్నారు.- SHARE IT
పశ్చిమ గోదావరి జిల్లా పోలీస్ విభాగంలో పనిచేస్తూ ఉద్యోగ విరమణ చేసిన పలువురు అధికారులను ఎస్పీ అద్నాన్ నయీం అస్మి శనివారం ఘనంగా సత్కరించారు. ఈ సందర్భంగా జిల్లా ఎస్పీ మాట్లాడుతూ.. ఉద్యోగుల సేవలను కొనియాడారు. ఉద్యోగ విరమణ అనంతరం ఏ అవసరం ఉన్నా స్వయంగా వచ్చి తనను కలవవచ్చని ఆయన భరోసా ఇచ్చారు.
రాష్ట్రమంతటా ఎడతెరిపి లేకుండా వర్షాలు కురుస్తున్నాయి. దీంతో దక్షిణ మధ్య రైల్వే అధికారులు కొన్ని రైళ్లను రూట్ మార్చినట్లు ఓ ప్రకటన విడుదల చేశారు. వాటి వివరాల కోసం ఉమ్మడి పశ్చిమ గోదావరి జిల్లాలోని హెల్ప్ లైన్ నెంబర్లను రైల్వే శాఖ ప్రకటించింది. భీమవరం టౌన్- 78159 09402, ఏలూరు- 78519 09348, తాడేపల్లిగూడెం-08818-226162, నిడదవోలు-08813-223325 నంబర్లకు సంప్రదించాలని పేర్కొంది.
ఉమ్మడి పశ్చిమ గోదావరి జిల్లాలో పలు ప్రాంతాలను శనివారం భారీ వర్షాలు ముంచెత్తాయి. అయితే.. ఆదివారం కూడా ఉమ్మడి జిల్లాలో భారీ నుంచి అతి భారీ వర్షాలు పడతాయని ఆంధ్రప్రదేశ్ వాతావరణ శాఖ తెలిపింది. రేపు మధ్యాహ్నం వరకు ఈ ప్రభావం ఉంటుందని తెలియజేసింది. ప్రజలందరూ అప్రమత్తంగా ఉండాలని అధికారులు ఇవ్పటికే హెచ్చరికలు జారీ చేశారు.
ఉమ్మడి ప.గో జిల్లాలో మరో 2 రోజులు వర్షాలు ఉంటాయని వాతావరణ శాఖ హెచ్చరికలు జారీ చేసింది. ఈ క్రమంలో కింది జాగ్రత్తలు పాటిద్దాం.
☞ శిథిలావస్థలో ఉన్న ఇళ్లు, గోడలు, స్తంభాల వద్ద ఉండొద్దు.
☞ వర్షం పడేటప్పుడు చెట్ల కిందికి వెళ్లకండి.
☞ నదులు, కాలువలు, మ్యాన్హోళ్ల వద్ద జాగ్రత్త.
☞ రోడ్డుపై నీరుంటే జాగ్రత్తగా వెళ్లండి.
➠ కంట్రోల్ రూం నంబర్లు: 08816-299219 (ప.గో), 18002331077 (ఏలూరు).
భారీ వర్షాల వలన ప్రజలకు ఎటువంటి ఇబ్బందులు తలెత్తకుండా తగిన చర్యలు తీసుకోవాలని జిల్లా అధికారులను ఏలూరు ఎంపీ పుట్టా మహేష్ కుమార్ ఆదేశించారు. రెవెన్యూశాఖ వారు అన్ని మండల కేంద్రాలలో కంట్రోల్ రూమ్లు ఏర్పాటుచేశారన్నారు. అత్యవసర సందర్భాలలో ప్రజలకు వైద్య సేవలు అందించాలని, నిత్యవసర వస్తువులు తాగునీరు అందుబాటులో ఉంచారన్నారు. ఏదైనా సమస్య వస్తే ఎంపీ కార్యాలయ 98855 19299 నంబర్లో సంప్రదించాలన్నారు.
పశ్చిమగోదావరి జిల్లాలో ఎడతెరిపిలేకుండా కురుస్తున్న వర్షాల కారణంగా ఆగస్టు 31వ తేదీ శనివారం పాఠశాలలకు సెలవు ప్రకటించామని జిల్లా కలెక్టర్ చదలవాడ నాగరాణి తెలిపారు. అన్ని ప్రభుత్వ, ప్రైవేటు పాఠశాలలు కచ్చితంగా సెలవును అమలు చేయాలని ఈ సందర్భంగా ఆదేశించారు.
డెంగ్యూ జ్వరంతో గూన నిత్యశ్రీ పద్మ(6) శుక్రవారం రాత్రి మృతి చెందింది. అత్తిలిలో ఓ ప్రైవేట్ స్కూల్లో ఒకటో తరగతి చదువుతున్న చిన్నారికి మూడు రోజుల క్రితం జ్వరం రావడంతో తణుకులో ఒక ప్రైవేట్ ఆస్పత్రిలో చేర్పించారు. డెంగ్యూ జ్వరంగా నిర్ధారించిన వైద్యులు శుక్రవారం పరిస్థితి విషమించడంతో విజయవాడ ప్రైవేట్ ఆస్పత్రికి తరలించారు. అక్కడ చికిత్స పొందుతూ బాలిక మృతి చెందినట్లు కుటుంబ సభ్యులు తెలిపారు.
ఆగష్టు నెల 31న పెన్షన్లు, ప్రభుత్వ ఉద్యోగులకు జీతాలివ్వటం ముఖ్యమంత్రి నారా చంద్రబాబు నాయుడు పరిపాలనా దక్షతకు నిదర్శనమని ఏలూరు ఎంపీ పుట్టా మహేష్ కుమార్ పేర్కొన్నారు. 31న అందుబాటులో లేని లబ్ధిదారులకు సెప్టెంబర్ 2న పెన్షన్లు అందచేస్తారన్నారు. సెప్టెంబర్ 1 ఆదివారం కావడంతో పెన్షన్లు తీసుకునే లబ్ధిదారులు ఇబ్బంది పడకూడదనే ఉద్దేశంతో ఒకరోజు ముందుగానే అందిస్తున్నారని తెలిపారు.
ఉమ్మడి పశ్చిమగోదావరి జిల్లా పరిషత్ సమావేశం శుక్రవారం ఏలూరు జడ్పీ కార్యాలయంలో జరిగింది. ఈ కార్యక్రమంలో ఉమ్మడి జిల్లాలోని ప్రజాప్రతినిధులు పాల్గొన్నారు. ఈ సందర్భంగా వారు నియోజకవర్గాల్లో ఉన్న సమస్యలను అధికారుల దృష్టికి తీసుకువచ్చారు. అదేవిధంగా ఉమ్మడి జిల్లా అభివృద్ధికి సంబంధించి పలు విషయాలపై చర్చించారు.
Sorry, no posts matched your criteria.