India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News September 22, 2024
ప.గో. జిల్లాలో మన ఇల్లు-మన గౌరవం
పశ్చిమగోదావరి జిల్లా వ్యాప్తంగా అన్ని పంచాయతీలు, పట్టణాల్లో ఈ నెల 28న మన ఇల్లు- మన గౌరవం పేరిట అవగాహన కార్యక్రమాలు నిర్వహిస్తున్నట్లు జిల్లా కలెక్టర్ నాగరాణి తెలిపారు. ఈ సందర్భంగా శనివారం గృహ నిర్మాణ సంస్థ అధికారులు, ఎంపీడీవోలు, పురపాలక కమిషనర్లు, ఈవోపీఆర్డీలతో ఆమె వీడియో కాన్ఫరెన్స్ సమావేశం నిర్వహించారు. జిల్లాలో అన్ని ప్రాంతాల్లో గృహ నిర్మాణాలను వేగవంతం చేయాలన్నారు.
News September 22, 2024
దిల్లీ ఫుడ్ ఇండియా ప్రదర్శనలో ఏలూరు ఆహార ఉత్పత్తులు
వరల్డ్ ఫుడ్ ఇండియా పేరిట దిల్లీలో నిర్వహిస్తున్న ప్రదర్శనలో ఏలూరు జిల్లా ఆహార ఉత్పత్తులు ప్రదర్శించబడటం ఆనందంగా ఉందని జిల్లా కలెక్టర్ వెట్రిసెల్వి పేర్కొన్నారు. రాష్ట్రంలో 10 జిల్లాల నుంచి ఉత్పత్తులు ఎంపిక కాగా.. కొయ్యలగూడెం మండలం కనకాద్రిపురం గ్రామానికి చెందిన మథర్ థెరీసా మహిళా స్వయం సహాయక సంఘ అధ్యక్షురాలు కృపామణి తయారు చేస్తున్న చిరుధాన్యాల ఉత్పత్తులు ప్రదర్శనకు ఎంపికకావడం అభినందనీయమన్నారు.
News September 21, 2024
తాళ్లపుడిలో జిల్లా స్థాయి క్రీడాకారుల ఎంపిక
ఉమ్మడి ప.గో.జిల్లా స్కూల్ గేమ్స్ ఫెడరేషన్ ఆధ్వర్యంలో తాళ్లపుడి మండల స్థాయి స్కూల్ గేమ్స్ ఎంపికలు మలకపల్లి జడ్పీ హైస్కూల్‌లో శనివారం జరిగాయి. అండర్ 14,17 బాలబాలికలకు ఖోఖో, కబడ్డీ, వాలీబాల్, చెస్, యోగా, షటిల్, బ్యాడ్మింటన్, అథ్లెటిక్స్‌లో 400 మంది పాల్గొన్నగా అత్యుత్తమ ప్రతిభ కనబరచిన క్రీడాకారులను జిల్లా స్థాయికి ఎంపిక చేశారు. పోటీలను మలకపల్లి గ్రామ సర్పంచ్ రాపాక రాజేశ్వరి ప్రారంభించారు.
News September 21, 2024
కోడలిపై భద్రాచలం ప్రధాన అర్చకుడి లైంగిక వేధింపులు ..ప.గో లో కేసు
కోడలిని లైంగిక వేధింపులకు గురిచేసిన భద్రాచలం ఆలయ ప్రధానార్చకుడు సీతారామానుజాచార్యులు, ఆయన దత్త పుత్రుడిపై వేటు పడిన విషయం తెలిసిందే. కోడలు తెలిపిన వివరాలు..’పెళ్లైనప్పటి నుంచే వేధించేవాడు. ఇంట్లో వారికి చెప్పినా పట్టించుకోలేదు. ఆయన పోలికలతో మగ బిడ్డ కావాలని బలవంతం చేసేవాడు’. అదే సమయంలో కట్నం కోసం వేధించడంతో తాడేపల్లిగూడెం పోలీసులను ఆశ్రయించింది. వారికోసం పోలీసులు గాలిస్తున్నట్లు సమాచారం.
News September 21, 2024
ఏలూరు: బతికి ఉండగానే డెత్ సర్టిఫికెట్ జారీ
ఏలూరు రూరల్ మండలం ప్రత్తికోళ్లలంక గ్రామానికి చెందిన ఘంటసాల రాణి శుక్రవారం ఏలూరు డీఎస్పీ శ్రావణ కుమార్‌ను ఆశ్రయించింది. తాను చనిపోయినట్లు చూపించి 70 సెంట్లు భూమిని భలే హానొక్ పేరుపై మార్చారని ఆరోపించింది. రాణి చనిపోయినట్టుగా 2012లో డెత్ సర్టిఫికెట్‌పై సాక్షి సంతకాలు పెట్టిన ఘంటసాల నాగార్జున, సైదు వీరయ్యలపై చర్యలు తీసుకోవాలని డిమాండ్ చేశారు.
News September 21, 2024
ఏలూరు మీదుగా నడిచే పలు రైళ్లు రద్దు
రైల్వే లైన్ల పునరుద్ధరణ పనుల కారణంగా ఏలూరు మీదుగా నడిచే పలు రైళ్లను రద్దు చేసినట్లు రైల్వే అధికారులు తెలిపారు. ఈ నెల 29న తిరుపతి- విశాఖపట్నం, 30న విశాఖపట్నం- తిరుపతి, విజయవాడ- విశాఖపట్నం, విశాఖపట్నం-గుంటూరు, రాజమహేంద్రవరం – విశాఖపట్నం, అలాగే అక్టోబర్ 1న విశాఖపట్నం- గుంటూరు రైళ్లను రద్దు చేస్తున్నట్లు వివరించారు. ప్రయాణికులు గమనించాలని కోరారు.
News September 20, 2024
ఏలూరు: సులభంగా ఇసుక బుక్ చేసుకోండి ఇలా..
ఏలూరు జిల్లాలో ఇవాళ్టి నుంచి ఏపీ శాండ్ మేనేజ్మెంట్ సిస్టం పోర్టల్‌ ద్వారా ఇసుక సరఫరా జరుగుతుందని జిల్లా కలెక్టర్ కె.వెట్రిసెల్వి తెలిపారు. కేవలం రవాణా, నిర్వహణ ఖర్చులను మాత్రమే చెల్లించాల్సి ఉంటుందని ఆమె వివరించారు. ప్రభుత్వ వెబ్ సైట్ www.sand.ap.gov.in ద్వారా ఇసుక బుక్ చేసుకోవచ్చన్నారు. అలాగే ఉచిత ఇసుక విధానానికి సంబంధించి టోల్ ఫ్రీ నెం.1800 425 6025, 08812-234014 సంప్రదించాలని ఆమె వెల్లడించారు.
News September 20, 2024
కొవ్వూరులో అల్లర్లు.. 144 సెక్షన్ విధింపు
కొవ్వూరులో వినాయక నిమజ్జనం సందర్భంగా గురువారం అర్ధరాత్రి ఘర్షణలు చోటుచేసుకున్నాయి. రాజీవ్ కాలనీ నుంచి వినాయక నిమజ్జనానికి ఊరేగింపు వస్తుండగా అదే వార్డులోని శ్రీరామ కాలనీలో ఊరేగింపుపై కొందరు రాళ్లు వేశారు. దీంతో ఇరువర్గాల వారు కర్రలతో దాడులు చేసుకోగా పలువురికి గాయాలయ్యాయి. దీంతో గాయపడిన వారిని కొవ్వూరు ప్రభుత్వాసుపత్రికి తరలించారు. అల్లర్లను అదుపు చేసి పోలీసులు 144 సెక్షన్ విధించారు.
News September 20, 2024
అండర్–19 విభాగంలో క్రీడాకారుల జట్లు ఎంపికలు
ఉమ్మడి పశ్చిమ గోదావరి జిల్లా స్కూల్ గేమ్స్ ఫెడరేషన్ అండర్–19 విభాగంలో క్రీడాకారుల జట్లు ఎంపికలను గురువారం తణుకు మహిళా కళాశాలలో నిర్వహించారు. టేబుల్‌ టెన్నిస్, బ్యాడ్మింటన్, వాలీబాల్, ఖోఖో, యోగా, త్రోబాల్, చదరంగం, టెన్నికాయిట్‌ విభాగాల్లో 250 మంది విద్యార్థులు పాల్గొన్నారు. ఎంపికైన క్రీడాకారులను జూనియర్‌ మహిళా కళాశాల ప్రిన్సిపల్‌ భూపతిరాజు హిమబిందు అభినందించారు.
News September 20, 2024
త్వరలో నరసాపురానికి వందే భారత్ రైలు: మంత్రి
కేంద్రమంత్రి శ్రీనివాస్ వర్మ విజయవాడ రైల్వే డివిజన్ అధికారులతో గురువారం సమావేశం నిర్వహించారు. ఈ సందర్భంగా ఆయన మాట్లాడుతూ.. డివిజన్ పరిధిలో పెండింగ్‌లో ఉన్న రైల్వే పనులు, భద్రతా పనులపై చర్చించామన్నారు. అలాగే నరసాపురం రైల్వే స్టేషన్‌కు వందే భారత్ రైలును ఏర్పాటు చేసే విధంగా కార్యచరణ చేస్తున్నామన్నారు. నియోజకవర్గంలో మెయిల్, ఎక్స్ ప్రెస్ రైళ్లు ఆగేలా చర్యలు తీసుకుంటున్నామన్నారు.
Featured News
Sorry, no posts matched your criteria.