India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News August 20, 2024
గిఫ్ట్స్ వచ్చాయంటే నమ్మకండి: ఏలూరు ఎస్పీ
సైబర్ నేరాల పట్ల ప్రజలు అప్రమత్తంగా ఉండాలని ఏలూరు ఎస్పీ ప్రతాప్ కిషోర్ సూచించారు. గుర్తు తెలియని ఫోన్ నంబర్ల నుంచి వచ్చే కాల్స్, లింక్స్ క్లిక్ చేయవద్దని అన్నారు. నగదు, ఏవైనా విలువైన వస్తువులు బహుమతులుగా వచ్చాయంటే నమ్మవద్దని, ఓటీపీలు ఎవరికీ చెప్పవద్దని సూచించారు. ఎప్పుడైనా సైబర్ నేరగాళ్ల వలలో వెంటనే 1930 నంబర్‌కు సమాచారం ఇవ్వాలన్నారు.
News August 19, 2024
రూ.5లక్షల చెక్కు అందజేసిన మంత్రి దుర్గేశ్
పెరవలి మండలం అన్నవరప్పాడు గ్రామానికి చెందిన సాపిరెడ్డి గౌతమ్ రాజు గతేడాది రోడ్డు ప్రమాదంలో మృతి చెందాడు. ఆయనకు జనసేన పార్టీ సభ్యత్వం ఉండటంతో సోమవారం రాత్రి వారి నివాసానికి రాష్ట్ర మంత్రి కందుల దుర్గేశ్ చేరుకొని రూ.5 లక్షల బీమా చెక్కును కుటుంబ సభ్యులకు అందజేశారు. జనసేన సభ్యత్వం కలిగిన ప్రతి ఒక్కరికి ఆపదలో పార్టీ అండగా నిలుస్తుందన్నారు. ఆయన వెంట స్థానిక నాయకులు ఉన్నారు.
News August 19, 2024
నరసాపురంలో 23న ‘ఉద్యోగ దిక్సూచి’: కలెక్టర్
ప.గో జిల్లాలో ఈనెల 20న జరగాల్సిన జాతీయ నులిపురుగుల నిర్మూలన కార్యక్రమాన్ని SEP 17కు, ‘మాప్ అప్ దినం’ను SEP 25కు మార్చినట్లు కలెక్టర్ నాగరాణి తెలిపారు. ఏటా 2సార్లు నులిపురుగుల నిర్మూలన దినోత్సవం జరుగుతుందని, అంగన్వాడీలు విద్యా సంస్థల్లోని 19 ఏళ్లలోపు పిల్లలకు ఆల్బెండజోల్ మాత్రలు వేయాలన్నారు. నరసాపురంలో 23వ తేదీన జరిగే ఉద్యోగ దిక్సూచి కార్యక్రమాన్ని నిరుద్యోగ యువత సద్వినియోగం చేసుకోవాలన్నారు.
News August 19, 2024
మంత్రి నిమ్మలకు రాఖీ కట్టిన మహిళలు
మంత్రి నిమ్మల రామానాయుడుకు రాఖీ పౌర్ణమిని పురస్కరించుకొని మహిళలు రాఖీ కట్టారు. ఈ సందర్భంగా మహిళలకు ఆయన కృతజ్ఞతలు తెలియజేశారు. ఆయన మాట్లాడుతూ.. అనురాగం, ఆప్యాయత, అనుబంధాలకు రాఖీ పండుగ ప్రతీక అని అన్నారు. కార్యక్రమంలో కూటమి పార్టీలకు చెందిన మహిళా నాయకురాళ్లు పాల్గొన్నారు.
News August 19, 2024
ప.గో.: గుర్తుండిపోయే చిత్రం ఏంటి..?
ఫొటో రెండక్షరాల జ్ఞాపకం. అప్పుడు నువ్విలా ఉండేవాడివిరా… ఆ రోజు మనమెళ్లింది ఇక్కడికేరా.. మన ఊరు ఒకప్పుడు ఇలా ఉండేది.. మొదటిసారి మనం సినిమాకెళ్లినప్పడు.. అంటూ ఫ్రెండ్స్‌తో గుర్తుచేసుకునే వేల జ్ఞాపకాలకు.. లక్షల మధుర స్మృతులకు వేదిక ఫొటో. ఆనాటి ఎన్నో క్షణాలను కళ్లముందుంచే ఆయుధమే చిత్రం. మరి మీకు గుర్తుండిపోయే చిత్రం ఎక్కడ, ఎవరితో తీసుకున్నారో పంచుకోండి.
– నేడు ప్రపంచ ఫొటోగ్రఫీ దినోత్సవం.
News August 19, 2024
చింతలపూడి: YSR విగ్రహం ధ్వంసం
ఏలూరు జిల్లా చింతలపూడి మండలం రాఘవాపురం పంచాయతీలో వైఎస్ రాజశేఖర్ రెడ్డి విగ్రహం ధ్వంసమైంది. చింతలపూడి నుంచి పామాయిల్ లోడుతో వెళ్తున్న ఓ లారీ అర్ధరాత్రి విగ్రహాన్ని ఢీ కొట్టడంతో ధ్వంసమైందని వైసీపీ నాయకులు ఆరోపిస్తున్నారు. కాగా డ్రైవర్ మద్యం మత్తులో ఉన్నట్లు భావిస్తున్నారు. ఈ ఘటనపై పూర్తి వివరాలు తెలియాల్సి ఉంది.
News August 19, 2024
ప.గో.: ప్రశ్నాపత్రంగా పెళ్లి శుభలేఖ
పెనుమంట్ర మండలం మార్టేరుకు చెందిన ఓ టీచర్ తన పెళ్లి శుభలేఖను వినూత్నంగా ప్రింట్ చేయించారు. నార్కెడమిల్లి సతీష్, రాణి దంపతుల కుమార్తె ప్రత్యూషకు ఈ నెల 23న పెళ్లి జరగనుంది. తన వివాహ పత్రిక వినూత్నంగా ఉండాలని భావించిన ప్రత్యూష శుభలేఖను ప్రశ్నాపత్రం రూపంలో 8 ప్రశ్నలుగా విభజించింది. సింగిల్ ఆన్సర్ క్వశ్చన్, మల్టిపుల్ ఛాయిస్ క్వశ్చన్, ట్రూఫాల్స్ ఆన్సర్ క్వశ్చన్స్‌గా కార్డ్ రూపొందించారు.
News August 19, 2024
ఏలూరు: యువకుడిపై పోక్సో కేసు నమోదు
ఏలూరు శనివారపుపేట ప్రాంతానికి చెందిన ఓ విద్యార్థినిని ప్రేమించాలంటూ వేధింపులకు పాల్పడుతున్న యువకుడిపై ఏలూరు త్రీటౌన్ పోలీసులు పోక్సో కేసు నమోదు చేశారు. శనివారపుపేట ప్రాంతానికి చెందిన పదవ తరగతి విద్యార్థినిని విష్ణు అనే యువకుడు ప్రేమించాలంటూ వేధిస్తూ ఉండడంతో బాధిత బాలిక తల్లి ఫిర్యాదుతో ఏలూరు త్రీటౌన్ సీఐ శ్రీనివాసరావు ఆధ్వర్యంలో పోలీసులు కేసు నమోదు చేసి దర్యాప్తు చేస్తున్నారు.
News August 19, 2024
ఏలూరు: బాలికలతో అసభ్యప్రవర్తన.. టీచర్ సస్పెండ్
ఏలూరు జిల్లా చింతలపూడి జడ్పీ హైస్కూల్‌లో ఉపాధ్యాయుడిగా పనిచేస్తున్న వి.సంపత్ కుమార్‌పై సస్పెన్షన్ వేటు పడింది. ఉపాధ్యాయుడు సంపత్ తమతో అసభ్యంగా ప్రవర్తిస్తున్నాడని 8, 9వ తరగతి విద్యార్థులు డీఈవో అబ్రహంకు ఫిర్యాదు చేశారు. కలెక్టర్ ఆదేశాలతో ఆయన విచారణకు ఆదేశించారు. విద్యార్థులు చెప్పిన విషయం నిజమేనని తేలడంతో సంపత్ కుమార్‌ను సస్పెండ్ చేస్తున్నట్లు డీఈవో ఆదేశాలు జారీ చేశారు.
News August 19, 2024
రూ.కోటి విరాళంగా ఇచ్చిన నరసాపురం మాజీ MP
ఏపీలో అన్న క్యాంటీన్ల నిర్వహణకు నరసాపురం మాజీ ఎంపీ, డీఎన్ఆర్ కళాశాలల అధ్యక్షుడు గోకరాజు గంగరాజు ఆదివారం రూ.కోటి విరాళం అందజేశారు. ఈ మొత్తాన్ని మంత్రి నారా లోకేశ్‌కు ఆయన చెక్కు రూపంలో అందించారు. ఈ సందర్భంగా మంత్రి లోకేశ్ వారికి కృతజ్ఞతలు తెలిపారు. వ్యవసాయ కుటుంబంలో జన్మించిన గోకరాజు గంగరాజు పారిశ్రామికవేత్తగా, సమాజ సేవకుడిగా గుర్తింపు పొందారు.
Featured News
Sorry, no posts matched your criteria.