India's largestHyperlocal short
news App
Get daily news updates that are tailored for you based on your preferred language & location.
download Way2News app now
Y.S.R. Cuddapah
News November 10, 2024
ఇస్తాంబుల్ సమావేశంలో ఎంపీ మిథున్ రెడ్డి
టర్కీలోని ఇస్తాంబుల్ నగరంలో రాజంపేట ఎంపీ పెద్దిరెడ్డి మిథున్ రెడ్డి పర్యటించారు. ప్రపంచ పర్యావరణ మార్పులు.. వాటి పరిణామాలపై జరిగిన సదస్సులో పాల్గొని మాట్లాడారు. ఇందులో ప్రపంచంలోని 40 దేశాలకు చెందిన పార్లమెంటేరియన్లు పాల్గొన్నారు. గ్రీన్ జోన్లలో మరింత పెట్టుబడులను ఆకర్షించాల్సిన అవసరాలపై చర్చలు జరిగాయి.
News November 10, 2024
REWIND: సీపీ బ్రౌన్‌కు కడపతో ఉన్న అనుబంధం ఇదే.!
తెలుగు ప్రజల గుండెల్లో నిలిచిన భాషోద్యమ వీరుడు సీపీ బ్రౌన్. 10-11-1798లో కలకత్తాలో జన్మించారు. ఈస్ట్ ఇండియా తరఫున భారత్‌కు వచ్చి 1820లో కడపల డిప్యూటీ కలెక్టర్‌గా పని చేరారు. ఆ రోజుల్లో కడపలో ఇళ్లు కొనుక్కొని అక్కడే ఉన్నారు. తెలుగు నేర్చుకుని తెలుగు భాషా పరిశోధనకు కృషి చేశారు. అనేక తెలుగు గ్రంథాలను కూడా రాశారు. అలాంటి గొప్ప వ్యక్తికి మన కడప జిల్లాతో సంబంధాలు ఉండటం గర్వంగా ఉందని పలువురు అన్నారు.
News November 10, 2024
కడపలో పోస్టర్ కలకలం.. EX ఆర్మీ పేరిట పోస్టర్
కడపలో ఓ పోస్టర్ కలకలం రేపుతోంది. నగరంలోని 7రోడ్ల వద్ద EX ఆర్మీ పేరిట ఈ పోస్టర్‌ని గుర్తు తెలియని వ్యక్తులు అంటించారు. కడప బెంగళూరు రైల్వే లైన్ పూర్తి చేసే దమ్మున్న మగాడు, మొనగాడు లేడా అని పోస్టర్లో రాశారు. టీడీపీ, కాంగ్రెస్, వైసీపీ, సీపీఎం, సీపీఐ అన్ని పార్టీలను విమర్శించారు ఇంతకూ ఈ పోస్టర్‌ని ఎవరు ఎవరు అంటించారనేది ప్రజల్లోనూ, రాజకీయ నాయకుల్లోనూ చర్చనీయాంశమైంది.
News November 10, 2024
ఉమ్మడి కడప జిల్లాలో బెస్ట్ టీచర్ అవార్డులు వీరికే.!
ఉమ్మడి కడప జిల్లాలో బెస్ట్ టీచర్లను శనివారం ప్రకటించిన విషయం తెలిసిందే. అందులో ఉమ్మడి జిల్లా వ్యాప్తంగా ముగ్గురు ఉపాధ్యాయులు మాత్రమే ఎంపికయ్యారు.
➤S కొండారెడ్డి (మోడంపల్లి హైస్కూల్) సైన్స్ టీచర్ ప్రొద్దూటూరు మండలం కడప జిల్లా
➤A అనిత (KGBV ప్రిన్సిపల్) కలకడ మండలం అన్నమయ్య జిల్లా
➤రామిశెట్టి నాగరత్నమ్మ (సిద్దవరం KGBV) ఇంగ్లీషు ఉపాధ్యాయురాలు పెద్దమడియం మండలం అన్నమయ్య జిల్లా
News November 10, 2024
ఆర్మీ ర్యాలీకి సర్వం సిద్ధం
కడప నగరంలో ఆర్మీ రిక్రూట్మెంట్ ర్యాలీకి సంబంధించి నిర్వహణకు సర్వం సిద్ధమైంది. కడప నగరంలోని మునిసిపల్ మైదానంలో నిర్వహించే ర్యాలీకి ఇప్పటికే అన్ని ఏర్పాట్లు చేశారు. ఆదివారం తెల్లవారుజామున ప్రారంభమయ్యే ఈ రిక్రూట్మెంట్ ర్యాలీని ఆర్మీ అధికారులతోపాటు జిల్లా కలెక్టర్, జాయింట్ కలెక్టర్ పాల్గొని ప్రారంభిస్తారు. ఇప్పటికే వివిధ జిల్లాల నుంచి అభ్యర్థులు కడపకు చేరుకున్నారు.
News November 9, 2024
కడప నేతలకు కీలక పదవులు
రెండో జాబితాలో ఉమ్మడి కడప జిల్లా కూటమి నాయకులకు పలు నామినేటెడ్ పదవులు దక్కాయి. అన్నమయ్య అర్బన్ రూరల్ డెవలప్‌‌మెంట్ అథారిటీ ఛైర్మన్‌గా కోడూరు టీడీపీ ఇన్‌ఛార్జ్ ముక్కా రూపానంద రెడ్డి నియమితులయ్యారు. ఏపీ ఖాదీ అండ్ ఇండస్ట్రీస్ బోర్డు ఛైర్మన్‌గా కేకే చౌదరి ఎంపికయ్యారు. ఇక APSRTC రీజనల్ బోర్డు ఛైర్మన్‌గా పూల నాగరాజుకు అవకాశం దక్కింది.
News November 9, 2024
కడపలో హై టెన్షన్
కడపలో టెన్షన్ వాతావరణం నెలకొంది. గురువారం జరిగిన కడప నగరపాలక సంస్థ సర్వసభ్య సమావేశంలో జరిగిన రచ్చ తెలిసిందే. గత ఎన్నికల్లో కడపలో ఓ పెద్దమనిషి తమకు సహకరించారని కడప జిల్లా టీడీపీ అధ్యక్షుడు శ్రీనివాసుల రెడ్డి ఆరోపించారు. దీంతో మేయర్ స్పందిస్తూ అందులో ఎటువంటి సత్యం లేదని, ఇవాళ దేవుని కడపలో ఉదయం 10 గంటలకు ప్రమాణం చేస్తానని పేర్కొన్నారు. ఈ నేపథ్యంలో కడపలో హై టెన్షన్ నెలకొంది.
News November 8, 2024
పులివెందులకు మరో MLA వస్తారు: భూమిరెడ్డి
మాజీ CM జగన్‌పై TDP ఎమ్మెల్సీ భూమిరెడ్డి కీలక వ్యాఖ్యలు చేశారు. ‘EVMల మీద నమ్మకం లేని జగన్ బ్యాలెట్ పద్ధతిలో జరిగే MLC ఎన్నికలకు ఎందుకు దూరంగా ఉన్నారన్నారు. అభ్యర్థిని ప్రకటించి ఎందుకు వెనకడుగు వేశారని, ఎన్నికల్లో పోటీ చేయకుండా అసెంబ్లీకీ రాని జగన్ పార్టీ అవసరమా అన్నారు. పులివెందుల సమస్యలు అసెంబ్లీలో ప్రస్తావించని జగన్‌కి జీతమెందుకని, రాజీనామా చేస్తే పులివెందులకు మరో MLA వస్తారని అన్నారు.
News November 8, 2024
దేవుని కడపలో రేపు మేయర్ ప్రమాణం
కడపలో ప్రస్తుతం రాజకీయాలు హీట్ ఎక్కుతున్నాయి. నిన్న జరిగిన నగరపాలక సంస్థ సర్వసభ్య సమావేశం వేదికగా జిల్లా టీడీపీ అధ్యక్షుడు శ్రీనివాసరెడ్డి కడప మేయర్ సురేశ్ బాబుపై చేసిన ఆరోపణలు తీవ్ర దుమారం రేపుతోంది. గత ఎన్నికల్లో టీడీపీకి మేయర్ సహకరించారని ఆయన చేసిన ఆరోపణలు ప్రస్తుతం కడప రాజకీయంలో కలవరం రేపుతున్నాయి. దీంతో తాను ఏ తప్పు చేయలేదని రేపు ఉదయం దేవుని కడపలో ప్రమాణం చేస్తున్నట్లు మేయర్ తెలిపారు.
News November 8, 2024
అన్నమయ్య: అమ్మమ్మపై అత్యాచారం.. 34 ఏళ్లు జైలు శిక్ష
అన్నమయ్య జిల్లా తంబళ్లపల్లి సద్దిగుట్టవారిపల్లెలో 2018లో తన అమ్మమ్మపై అత్యాచారం చేసి, అతి కిరాతకంగా చంపిన ఇంద్రప్రసాద్(38) అనే ముద్దాయికి 34 ఏళ్లు జైలు శిక్ష విధిస్తూ 6 వ అదనపు జడ్జ్ శాంతి గురువారం తీర్పునిచ్చారు. పబ్లిక్ ప్రాసిక్యూటర్ తోట పురుషోత్తం వృద్ధురాలు తరపున కేసును వాదించారు. అత్యాచారం చేసినందుకు 20 ఏళ్లు, చంపినందుకు 14 ఏళ్లు జైలు శిక్ష విధించారు.
Featured News
Sorry, no posts matched your criteria.