• Download our app

Y.S.R. Cuddapah

News October 13, 2024

కడప: దసరా వేడుకల్లో అపశ్రుతి.. గాయపడిన వ్యక్తి మృతి

image

కడప నగరంలో దసరా వేడుకలో అపశ్రుతి చోటుచేసుకున్న విషయం తెలిసిందే. నగరంలోని బెల్లం బండి వీధిలో దసరా ఊరేగింపులో దురదృష్టవశాత్తూ పందిరి పైభాగానికి విద్యుత్ తీగలు తగిలాయి. ఈ కారణంగా ముగ్గురు వ్యక్తులు గాయపడ్డారు. రిమ్స్ ఆసుపత్రిలో చికిత్స పొందుతూ ఓ వ్యక్తి మరణించారు. ఈ ప్రమాదంలో ఒక ఎద్దు అక్కడికక్కడే మరణించింది. మిగతా వారు చికిత్స పొందుతున్నారు.

News October 12, 2024

నేడు కడప – అరక్కోణం రైలు రద్దు

image

చెన్నై సమీపంలో నిన్న రాత్రి జరిగిన రైలు ప్రమాదం కారణంగా కొన్ని రైళ్ళను దారి మళ్లించారు. మరికొన్ని రైళ్ళను రద్దు చేశారు. అందులో భాగంగా కడప నుంచి అరక్కోణం వెళ్ళే రైలు నం 06402 నేడు రద్దు చేసినట్లు సౌత్ సెంట్రల్ రైల్వే చీఫ్ పబ్లిక్ రిలేషన్ ఆఫీసర్ శ్రీధర్ తెలిపారు. ప్రయాణికులు ఈ విషయాన్ని గమనించాలని ఆయన కోరారు.

News October 12, 2024

దసరా వేడుకలకు కడప జిల్లాలో భారీ బందోబస్తు

image

కడప జిల్లా వ్యాప్తంగా దసరా ఉత్సవాలు వైభవంగా సాగుతున్నాయి. ఎటువంటి అవాంఛనీయ ఘటనలు జరగకుండా భారీ బందోబస్తు ఏర్పాటు చేసినట్లు ఎస్పీ హర్షవర్ధన్ రాజు తెలిపారు. దసరా వేడుకలకు రెండవ మైసూర్‌గా ప్రసిద్ధిగాంచిన ప్రొద్దుటూరుతోపాటు కడపలో శమీ దర్శనం, ఉత్సవాలకు తలమానికం. శ్రీ వాసవి కన్యకాపరమేశ్వరి తొట్టి మెరవని ఊరేగింపు పెద్ద ఎత్తున జరుగుతున్న నేపథ్యంలో పకడ్బందీగా భద్రత ఏర్పాట్లను చేశామన్నారు.

News October 12, 2024

కడప జిల్లాలో 139 దుకాణాలకు 3,235 దరఖాస్తులు

image

కడప జిల్లా వ్యాప్తంగా 139 నూతన ప్రైవేటు మద్యం దుకాణాలకు 3,235 దరఖాస్తులు వచ్చినట్లు అధికారులు తెలిపారు. ఈ దరఖాస్తుల ద్వారా ప్రభుత్వానికి రూ.64.70 కోట్ల ఆదాయం వచ్చింది. ధరఖాస్తుల ఆదారంగా ఈనెల 14న లాటరీ విదానం ద్వారా కడప కలెక్టర్ శివశంకర్ ఆద్వర్యంలో జిల్లా పరిషత్ సమావేశ మందిరంలో ఈ కార్యక్రమం జరగనుంది. 16 నుంచి షాపుల నిర్వహన కొనసాగనుంది.

News October 12, 2024

అన్నమయ్య జిల్లా ప్రజలకు కలెక్టర్ దసరా శుభాకాంక్షలు

image

విజయదశమి పర్వదిన సందర్భంగా జిల్లా ప్రజలకు, పోలీస్ సిబ్బందికి, మీడియా మిత్రులకు జిల్లా కలెక్టర్ శ్రీధర్ చామకూరి శుభాకాంక్షలు తెలిపారు. చెడుపై మంచి సాధించిన విజయానికి సంకేతంగా జరుపుకునే విజయదశమి వేడుకను ప్రతి ఒక్కరూ సంతోషంతో జరుపుకోవాలని పిలుపునిచ్చారు. ప్రజలకు అమ్మవారి అనుగ్రహం ఎల్లవేళలా ఉండాలని, అన్ని వర్గాల వారు నిత్యం సంతోషంగా ఉండాలని అభిలాషించారు.

News October 11, 2024

కడప జిల్లా ప్రజలకు ఎస్పీ దసరా శుభాకాంక్షలు

image

విజయదశమి పర్వదిన సందర్బంగా జిల్లా ప్రజలకు, పోలీస్ సిబ్బందికి, మీడియా మిత్రులకు ఎస్పీ వీ.హర్షవర్ధన్ రాజు శుభాకాంక్షలు తెలిపారు. చెడుపై మంచి సాధించిన విజయానికి సంకేతంగా జరుపుకునే విజయదశమి వేడుకను ప్రతి ఒక్కరూ సంతోషంతో జరుపుకోవాలని పిలుపునిచ్చారు. ప్రజలకు అమ్మవారి అనుగ్రహం ఎల్లవేళలా ఉండాలని, అన్ని వర్గాల వారు నిత్యం సంతోషంగా ఉండాలని అభిలాషించారు.

News October 11, 2024

కడప జిల్లా కలెక్టర్ బదిలీ

image

కడప కలెక్టర్ శివశంకర్‌ను తెలంగాణ రాష్ట్రానికి కేటాయిస్తూ కేంద్ర ప్రభుత్వం ఆదేశాలు జారీ చేసింది. ఆంధ్ర, తెలంగాణ క్యాడర్ విభజనపై కేంద్రం ఈ కీలక నిర్ణయం తీసుకుంది. రాష్ట్ర విభజన సమయంలో అధికారులను ఏపీ, తెలంగాణకు కేంద్రం సర్దుబాటు చేసింది. తెలంగాణ క్యాడర్‌కు చెందిన కడప కలెక్టర్ శివశంకర్‌ను తిరిగి ఆ రాష్ట్రానికి కేటాయించారు. ఈ నెల 16లోపు రిపోర్ట్ చేయాలని పేర్కొంది.

News October 11, 2024

కడప: ‘అధికారుల దృష్టికి వచ్చిన సమస్యలను పరిష్కరించాలి’

image

గ్రామోదయం, నగరోదయం కార్యక్రమాలలో అధికారుల దృష్టికి వచ్చిన సమస్యలను వేగంగా పరిష్కరించాలని కలెక్టర్ శివ శంకర్ లోతేటి అధికారులను ఆదేశించారు. కలెక్టర్లతో గురువారం క్షేత్రస్థాయి అధికారులలో ఆయన సమీక్ష నిర్వహించారు. ప్రజల నుంచి వచ్చిన ప్రతి అర్జీని పరిష్కరించినప్పుడే గాంధీజీ కలలు కన్న గ్రామ స్వరాజ్యాలు ఏర్పడతాయని, అభివృద్ధి చెందుతాయని ఆయన పేర్కొన్నారు.

News October 11, 2024

సిద్దవటంలో ఘోర రోడ్డు ప్రమాదం

image

సిద్దవటం మండలం మాధవరం ఎస్కే నగర్ వద్ద ఘోర రోడ్డు ప్రమాదం జరిగింది. కడపకు వెళుతున్న ఆటో ముందు వెళ్తున్న వాహనాన్ని ఓవర్ టేక్ చేయబోతుండగా ఈ ప్రమాదం జరిగినట్లు స్థానికులు తెలిపారు. ఇద్దరు మహిళలు అక్కడికక్కడే మృతి చెందారు. ప్రమాదంలో గాయ పడిన ఆటో డ్రైవర్, చిన్న పాపను హుటాహుటిన రిమ్స్‌కు తరలించారు. విషయం తెలుసుకున్న పోలీసులు ఘటనా స్థలానికి చేరుకున్నారు. పూర్తి వివరాలు తెలియాల్సి ఉంది.

News October 10, 2024

రైల్వేకోడూరు: రేబీస్ వ్యాధితో మహిళ మృతి

image

ఉమ్మడి కడప జిల్లాలో విషాద ఘటన వెలుగు చూసింది. రైల్వే కోడూరు మండలం ఎ.బుడగుంటపల్లి పంచాయతీ వికాస్ నగర్‌కు చెందిన పులికి మునిలక్ష్మి(35)ని ఆమె పెంచుకున్న పెంపుడు కుక్క కాటేసింది. ఈక్రమంలో ఆమెకు రేబీస్ వ్యాధి సోకింది. చికిత్స పొందుతూ గురువారం ఉదయం చనిపోయారు. మృతురాలికి ఇద్దరు కుమారులు ఉన్నారు. పెంపుడు, వీధి కుక్కలతో ప్రజలు అప్రమత్తంగా ఉండాలని డాక్టర్లు సూచించారు.

Featured News

Sorry, no posts matched your criteria.

↑