India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 23, 2024
DANGER: ఆల్కహాల్ తాగుతున్నారా?
మద్యం సేవించే అలవాటు వల్ల 40 ఏళ్ల వ్యక్తి వెంటిలేటర్‌పై చావుబతుకుల్లో ఉన్నాడు. మద్యం తాగితే కాలేయం పాడవుతుందని పొరబడుతుంటారు. కానీ, ఆల్కహాల్ అనేది విషంతో సమానమని, ఇది శరీరంలోని అన్ని భాగాలను దెబ్బతీస్తుందని వైద్యులు హెచ్చరిస్తున్నారు. ఈ వ్యక్తి మెదడులో రక్తస్రావం జరిగి, పుర్రె లోపలి మెదడు కణజాలం పూర్తిగా దెబ్బతిందన్నారు. అతణ్ని బతికించడం కష్టమని తేల్చేశారు. మద్యం తాగకపోవడం మంచిదని సూచించారు.
News October 23, 2024
దసరాకి రూ.307.16 కోట్ల ఆదాయం: TGSRTC
TG: బతుకమ్మ, దసరా పండుగల సందర్భంగా సాధారణ బస్సులతో పాటు 10,513 అదనపు బస్సులను నడిపినట్లు TGSRTC అధికారులు తెలిపారు. అక్టోబర్ 1 నుంచి 15వ తేదీ వరకూ మొత్తం 707.73 లక్షల మంది ప్రయాణికులు ఆర్టీసీ బస్సుల్లో ప్రయాణించారని, రూ.307.16 కోట్ల మేర ఆదాయం వచ్చిందని వెల్లడించారు.
News October 23, 2024
సిగ్నల్స్ వద్ద ఉండే పిల్లలు నిద్రపోయే కనిపిస్తున్నారా?
హైదరాబాద్‌లోని ట్రాఫిక్ సిగ్నల్స్ వద్ద భిక్షాటన చేసుకునే కొందరు వారి పిల్లలను నిద్రపుచ్చేందుకు డ్రగ్స్ వాడుతున్నారని సామాజిక వేత్తలు స్వాతి& విజయ్‌లు ఆరోపించారు. ఎందుకు నిద్రపోతున్నారో తెలియకుండానే బాల్యం పూర్తవుతుందని ఆవేదన వ్యక్తం చేశారు. ఇలాంటి వాటిపై నోరు విప్పాలని, అంతా కలిసి అలాంటి పిల్లలను కాపాడేందుకు ముందుకు సాగుదామని వీరు క్యాంపెయిన్ రన్ చేస్తున్నారు. దీనిపై కరపత్రాలనూ పంచుతున్నారు.
News October 23, 2024
వైసీపీని విమర్శించే అర్హత మీకు లేదు.. రాదు: రోజా
హోంమంత్రి అనితపై మాజీ మంత్రి రోజా ట్విటర్‌లో మండిపడ్డారు. ‘మీ పార్టీ ఆఫీస్‌కి 10 కి.మీ దూరంలోని గుంటూరు ఆస్పత్రిలో TDP కార్యకర్త నవీన్ హత్యాయత్నం చేసిన దళిత యువతి సహానా కుటుంబాన్ని పరామర్శించలేవా? బద్వేల్‌లో ఇంటర్ విద్యార్థి దస్తగిరమ్మ హత్య జరిగి 3 రోజులైంది. ఆ కుటుంబానికి భరోసా ఇవ్వాలనిపించలేదా? మంత్రిగా బాధ్యతలు మరిచిన మీకు మమ్మల్ని విమర్శించే అర్హత లేదు. రాదు’ అని ట్వీట్ చేశారు.
News October 22, 2024
విలన్‌ రోల్ షూటింగ్ స్టార్ట్ చేసిన ఎన్టీఆర్!
హృతిక్ రోషన్, ఎన్టీఆర్ ప్రధాన పాత్రల్లో హిందీలో ‘వార్ 2’ సినిమా తెరకెక్కుతోంది. మూవీలో ఎన్టీఆర్ విలన్‌గా నటిస్తున్నట్లు సమాచారం. మొత్తం 40మందితో ఎన్టీఆర్ ఫైట్ సీక్వెన్స్‌ను ఈరోజు తెరకెక్కించినట్లు మూవీ టీమ్ తెలిపింది. ముంబైలోని యశ్‌రాజ్ స్టూడియోస్‌లో 3 రోజుల పాటు తీయనున్న ఈ ఫైట్ ఒళ్లు గగుర్పొడిచేలా ఉంటుందని పేర్కొంది. మరికొన్ని రోజుల్లో హృతిక్ కూడా షూట్‌లో జాయిన్ అవుతారని తెలుస్తోంది.
News October 22, 2024
త్వరలోనే విద్యార్థులకు గుడ్ న్యూస్: మంత్రి లోకేశ్
AP: విద్యార్థులకు ఫీజు రీయింబర్స్‌మెంట్ బకాయిలను చెల్లిస్తామని మంత్రి నారా లోకేశ్ తెలిపారు. ‘వైసీపీ ప్రభుత్వం రూ.3,500 కోట్లు చెల్లించకుండా మోసం చేసింది. ఈ సమస్యను పరిష్కరించడానికి మంత్రివర్గం, ఉన్నతాధికారులతో చర్చిస్తున్నా. త్వరలోనే మీరు శుభవార్త వింటారని హామీ ఇస్తున్నా. నేను మీతోనే ఉన్నా’ అని ట్వీట్ చేశారు. రేపు క్యాబినెట్ భేటీలోనే నిధుల విడుదలకు ఆమోదం తెలిపే అవకాశం ఉంది.
News October 22, 2024
సిరాజ్ పేలవ ప్రదర్శన.. జట్టు నుంచి తప్పించాలని డిమాండ్!
ఈ ఏడాది టెస్టుల్లో ఆశించిన స్థాయిలో రాణించని పేసర్ సిరాజ్‌ను టీమ్ నుంచి తప్పించాలని పలువురు క్రికెట్ ఫ్యాన్స్ అంటున్నారు. ఈ ఏడాది ఇప్పటివరకు 14 ఇన్నింగ్స్‌లలో బౌలింగ్ చేసిన సిరాజ్ 12 వికెట్లు మాత్రమే పడగొట్టారు. ఇటీవల NZతో తొలి టెస్టులో 2 వికెట్లు తీశారు. దీంతో అతడిని ప్లేయింగ్ 11 నుంచి తప్పించి, నెక్స్ట్ మ్యాచులో ఆకాశ్ దీప్‌కు ఛాన్స్ ఇవ్వాలని సోషల్ మీడియాలో నెటిజన్లు పోస్టులు పెడుతున్నారు.
News October 22, 2024
రేపు ఏపీ క్యాబినెట్ భేటీ.. కీలక నిర్ణయాలకు ఆమోదం
AP: సీఎం చంద్రబాబు అధ్యక్షతన రాష్ట్ర మంత్రివర్గం రేపు సమావేశం కానుంది. సచివాలయంలో ఉ.11 గంటలకు భేటీ ప్రారంభం కానుంది. ఇప్పటికే ప్రకటించిన ఉచిత గ్యాస్ సిలిండర్లు, చెత్త పన్ను రద్దు నిర్ణయాలకు ఆమోదం తెలపనున్నారు. అలాగే 13 కొత్త మున్సిపాలిటీల్లో 190 పోస్టుల భర్తీ, దేవాలయాల్లో పాలక మండళ్ల నియామకంలో చట్ట సవరణ ప్రతిపాదనలపై క్యాబినెట్ చర్చించనుంది.
News October 22, 2024
రేపు చైనా అధ్యక్షుడు జిన్‌పింగ్‌తో మోదీ భేటీ
భార‌త ప్ర‌ధాని మోదీ, చైనా అధ్యక్షుడు జిన్‌పింగ్‌ల భేటీ ఖరారైంది. ఐదేళ్ల తర్వాత వీరిద్దరు ద్వైపాక్షిక సమావేశంలో పాల్గొననున్నారు. రష్యాలోని కజాన్‌లో జరుగుతున్న బ్రిక్స్ సదస్సు సందర్భంగా బుధవారం ఈ భేటీ జరగనుంది. ఈ విషయాన్ని భార‌త విదేశాంగ శాఖ కార్య‌ద‌ర్శి విక్ర‌మ్ మిస్రీ వెల్లడించారు. తూర్పు లద్దాక్‌లో పెట్రోలింగ్‌పై భారత్, చైనా మధ్య ఒప్పందం కుదిరిన అనంతరం భేటీ జరగనుండడం గమనార్హం.
News October 22, 2024
పెట్రోల్, డీజిల్ ధరలు తగ్గుతాయి: కేంద్రమంత్రి
మిడిల్ ఈస్ట్ దేశాల్లో ఉద్రిక్తతల కారణంగా ముడి చమురు ఉత్పత్తిని తగ్గించడంతో పెట్రోల్, డీజిల్ ధరలు పెరుగుతాయనే వార్తలను కేంద్ర మంత్రి హర్దీప్‌సింగ్ ఖండించారు. ప్రపంచంలో చమురు కొరత ఏమాత్రం లేదని, కావాల్సిన దానికంటే ఎక్కువే అందుబాటులో ఉందని స్పష్టం చేశారు. త్వరలోనే ధరలు తగ్గే అవకాశం ఉందని పేర్కొన్నారు. ప్రస్తుతం బ్యారెల్ క్రూడాయిల్ ధర 73 డాలర్లుగా ఉంది.
Featured News
Sorry, no posts matched your criteria.