India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 7, 2024
OLYMPICS: దేశం గుండె పగిలింది!
ఈ ఒలింపిక్స్‌లో మనకు అందని ద్రాక్షగా మిగిలిన స్వర్ణాన్ని వినేశ్ ఫొగట్ కచ్చితంగా తీసుకొస్తారని అందరూ ఎదురుచూశారు. కానీ ఆమెను దురదృష్టం వెంటాడింది. 50 కిలోల విభాగంలో ఉన్న వినేశ్ కేవలం 100 గ్రా. బరువు ఎక్కువ ఉండటంతో <<13796504>>అనర్హత<<>> వేటు పడింది. ఈ స్థాయికి చేరుకునేందుకు ఎన్నో అవమానాలను, గాయాలను వినేశ్ భరించారు. చివరికి ఆమె కష్టాన్ని, 140కోట్లమంది ఆశల్ని 100 గ్రాముల బరువు బూడిదలో పోసిన పన్నీరు చేసింది.
News August 7, 2024
క‌న్సాలిడేట్ అవుతున్న దేశీ సూచీలు
దేశీ సూచీలు ఆరంభ లాభాల‌ను చివ‌రిదాకా నిల‌బెట్టుకోలేక‌పోతున్నాయి. భారీ గ్యాప్ అప్‌తో బుధ‌వారం 24,289 వద్ద నిఫ్టీలో ట్రేడింగ్ ప్రారంభ‌మ‌వ్వగా గంట‌పాటు బేరిష్ ట్రెండ్ న‌డిచింది. అయితే, 24,184 వద్ద స‌పోర్ట్ లభించడంతో అక్కడి నుంచి రేంజ్ బౌండ్ అవుతోంది. సెన్సెక్స్‌లో కూడా ఇదే ప్యాట్ర‌న్ క‌నిపిస్తోంది. చివ‌రి సెష‌న్ వరకు సూచీలు ఏ స్థాయిలో క‌ద‌లాడ‌తాయ‌న్న‌ది వేచిచూడాలి.
News August 7, 2024
‘గేమ్ ఛేంజర్’ డబ్బింగ్ మొదలైంది: SVC
గ్లోబల్ స్టార్ రామ్ చరణ్ ఫ్యాన్స్ చాలాకాలంగా ‘గేమ్ ఛేంజర్’ సినిమా అప్‌డేట్ కోసం ఎదురుచూస్తున్నారు. ఈరోజు డబ్బింగ్ పనుల్ని ప్రారంభించామంటూ వారికి నిర్మాణ సంస్థ గుడ్ న్యూస్ చెప్పింది. ఈ ఏడాది క్రిస్మస్‌కు మెగా ఫైర్‌వర్క్స్‌కు అంతా సిద్ధమవుతోందని ట్వీట్ చేసింది. శంకర్ దర్శకత్వంలో రామ్‌చరణ్, కియారా అద్వానీ జంటగా గేమ్ ఛేంజర్ తెరకెక్కింది. మూవీలో చరణ్ రెండు విభిన్న పాత్రల్లో కనిపిస్తారని సమాచారం.
News August 7, 2024
ఇందిరా గాంధీలా మోదీ జోక్యం చేసుకోవాలి: BJP MP
బంగ్లా సంక్షోభ పరిస్థితుల్లో మాజీ ప్ర‌ధాని ఇందిరా గాంధీలా ప్ర‌ధాని మోదీ చ‌ర్య‌లు తీసుకోవాలని బెంగాల్ BJP MP జ‌గ‌న్నాథ్ కోరారు. 1971లో పాక్‌తో యుద్ధ వేళ బంగ్లాకు ఇందిరా మిలిట‌రీ సహ‌కారాన్ని అందించారన్నారు. అదేమాదిరిగా ఇప్పుడు మోదీ దౌత్య లేదా మిలిట‌రీ ప‌ర‌మైన చ‌ర్య‌లు తీసుకోవాలన్నారు. మోదీ మాత్ర‌మే బంగ్లాలో హిందువుల‌ను కాపాడ‌గ‌ల‌ర‌ని ఆయన చెప్పారు.
News August 7, 2024
BIG BREAKING: వినేశ్ ఫొగట్‌కు షాక్
పారిస్ ఒలింపిక్స్‌లో ఫైనల్ చేరిన భారత రెజ్లర్ వినేశ్ ఫొగట్‌పై అనర్హత వేటు పడినట్లు ఇండియన్ ఒలింపిక్ అసోసియేషన్ ప్రకటించింది. 50kgs విభాగంలో పోటీ పడుతున్న ఆమె ఎక్కువ బరువు ఉన్నారు. నిర్ణీత బరువుకన్నా 100 gms మించి బరువు ఉండడంతో ఫొగట్ డిస్‌క్వాలిఫై అయ్యారని ఆమె కోచ్ వెల్లడించారు. దీంతో ఫొగట్ మెడల్ ఆశలు పూర్తిగా గల్లంతయ్యాయి.
News August 7, 2024
తగ్గిన బంగారం, వెండి ధరలు
హైదరాబాద్ బులియన్ మార్కెట్‌లో బంగారం, వెండి ధరలు మరోసారి తగ్గాయి. ఇవాళ 24 క్యారెట్ల 10 గ్రాముల గోల్డ్ రేట్ రూ.440 తగ్గి రూ.69,270కి చేరింది. 22 క్యారెట్ల 10 గ్రాముల పసిడి ధర రూ.400 తగ్గి రూ.63,500గా నమోదైంది. వెండి ధర కేజీపై రూ.500 తగ్గి రూ.87,000కి చేరింది. తెలుగు రాష్ట్రాల్లోని ప్రధాన నగరాల్లో దాదాపు ఇవే ధరలున్నాయి.
News August 7, 2024
చిరుద్యోగులపై కూటమి ప్రతాపం: YCP
AP: రాష్ట్రంలో కూటమి ప్రభుత్వం చిరుద్యోగుల పొట్ట కొడుతోందని వైసీపీ ఆరోపించింది. అంగన్‌వాడీ టీచర్లు, ఫీల్డ్ అసిస్టెంట్లు, నైట్ వాచ్‌మెన్లు, డీలర్లను లక్షలాదిగా తొలగిస్తోందని మండిపడింది. ‘ఖాళీ అయిన స్థానాల్లో లంచాలు తీసుకుని తమకు అనుకూలమైనవారిని నియమిస్తోంది. కూటమి నేతల తీరుతో ప్రజలు తీవ్ర ఇబ్బందులు పడుతున్నారు. ఉపాధి కోల్పోయిన ఉద్యోగులు ఆత్మహత్యలకు పాల్పడుతున్నారు’ అని పేర్కొంది.
News August 7, 2024
కలెక్షన్లలో ‘కల్కి’ సినిమా మరో రికార్డు
అత్యధిక వసూళ్లు సాధించిన ఇండియన్ సినిమాల్లో ప్రభాస్ ‘కల్కి 2898 AD’ నాలుగో స్థానానికి చేరింది. దేశీయ బాక్సాఫీస్ వద్ద 40 రోజుల్లో రూ.640.6కోట్లు వసూలు చేసి షారుఖ్‌ఖాన్ ‘జవాన్'(రూ.640.25కోట్లు) లైఫ్ టైమ్ వసూళ్లను దాటేసింది. బాహుబలి-2 (రూ.1030.42cr), కేజీఎఫ్-2 (రూ.859.7cr), RRR (రూ.782.2cr) తొలి మూడు స్థానాల్లో ఉన్నాయి.
News August 7, 2024
క్యాబినెట్‌లో కీలక అంశాలపై చర్చ?
AP: సీఎం చంద్రబాబు అధ్యక్షతన రాష్ట్ర క్యాబినెట్ మీటింగ్ కొనసాగుతోంది. ఈ సమావేశంలో పలు కీలక అంశాలపై మంత్రులతో సీఎం చర్చిస్తున్నట్లు తెలుస్తోంది. అమరావతి నిర్మాణంపై అనుసరించాల్సిన ప్రణాళిక, సాగునీటి ప్రాజెక్టులు, సిబ్బంది బదిలీలపై చర్చ సాగుతున్నట్లు సమాచారం. మరికాసేపట్లో పూర్తి వివరాలు తెలియనున్నాయి.
News August 7, 2024
50వేలమంది ఉద్యోగులకు 10రోజుల ‘వెకేషన్’!
గుజరాత్‌కు చెందిన కిరణ్ జెమ్స్ కంపెనీ ఆసక్తికర నిర్ణయం తీసుకుంది. సంస్థలోని 50వేలమందికి ఈ నెల 17 నుంచి 27 వరకు 10 రోజుల పాటు వేతనంతో కూడిన సెలవు ప్రకటించింది. ప్రపంచవ్యాప్తంగా వజ్రాలకు గిరాకీ తగ్గిందని, ఉత్పత్తిని తగ్గించేందుకే ఈ నిర్ణయం తీసుకున్నామని యజమాని వల్లభ్‌భాయ్ లఖానీ తెలిపారు. సహజ వజ్రాల ఉత్పత్తిదారుల్లో తమదే అతి పెద్ద సంస్థ అని ఆయన పేర్కొన్నారు.
Featured News
Sorry, no posts matched your criteria.