India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 6, 2024
ప్రకృతి వనంలో చూడ ‘పచ్చని’ ప్రయాణం
✤✤దేశంలోనే మోస్ట్ గ్రీనెస్ట్ రైల్వే మార్గాలివే..
✿సకలేష్పూర్ – సుబ్రమణ్య రైల్వే రూట్, కర్ణాటక
✿లాండా – మడగావ్ రైలు మార్గం(గోవా) ✿నేరల్-మాథెరన్ రైలు మార్గం(MH) ✿డార్జిలింగ్ హిమాలయన్ రైల్వే యునెస్కో ప్రపంచ వారసత్వ ప్రదేశం ✿నీలగిరి మౌంటైన్ రైల్వే(యునెస్కో)
రాయగడ- కోరాపుట్ (ఒడిశా) ✿హిమాలయన్ క్వీన్ (కల్కా-సిమ్లా) ✿విశాఖపట్నం – అరకులోయ ✿షోర్నూర్ – నిలంబూర్ రోడ్, కేరళ ✿కొంకణ్ రైల్వే మార్గం(MH- గోవా-KT)
News August 6, 2024
మేకప్ వేసుకుని వర్కౌట్స్ చేస్తున్నారా?
మేకప్ వేసుకుని స్పోర్ట్స్ ఆడటం/వర్కౌట్స్ చేయడం చర్మానికి మంచిది కాదని వైద్యులు చెబుతున్నారు. మేకప్ పార్టికల్స్‌తో శరీరం నుంచి వచ్చే చెమట, వేడి కలిసిపోయి మలినాలను బంధిస్తాయని, దీని వల్ల చర్మంపై మొటిమలు, రంధ్రాలు ఏర్పడుతాయని, స్కిన్ అలర్జీస్ రావొచ్చని పేర్కొంటున్నారు. వర్కౌట్స్ అయ్యాక చెమట, మలినాలను తొలగించడానికి ముఖాన్ని సున్నితమైన, ఆయిల్ ఫ్రీ క్లెన్సర్‌తో శుభ్రం చేసుకోవాలని సూచిస్తున్నారు.
News August 6, 2024
రాష్ట్రంలో యూట్యూబ్ అకాడమీ నెలకొల్పండి: చంద్రబాబు
ఏపీలో యూట్యూబ్ అకాడమీ నెలకొల్పాలని సీఎం చంద్రబాబు ఆ సంస్థను కోరారు. ఈ మేరకు యూట్యూబ్ గ్లోబల్ సీఈవో నీల్ మోహన్, గూగుల్ APAC హెడ్ సంజయ్ గుప్తాతో ఆయన వర్చువల్‌గా సమావేశమైనట్టు Xలో పేర్కొన్నారు. ఇందులో కంటెంట్, స్కిల్ డెవలప్‌మెంట్, ఏఐ, సర్టిఫికేషన్ ప్రోగ్రామ్స్ వంటి వాటిపై ప్రత్యేకంగా పరిశోధనలు చేయవచ్చన్నారు. అమరావతిలో భాగమైన మీడియా సిటీలో దీన్ని ఏర్పాటు చేయాలని విజ్ఞప్తి చేశారు.
News August 6, 2024
ప్లాస్టిక్ బాటిల్‌‌లో నీరు తాగుతున్నారా? జాగ్రత్త!
ప్లాస్టిక్ బాటిల్స్‌లో నీటిని తాగడం ప్రమాదకరమని ఆస్ట్రియాలోని డాన్యూబ్ ప్రైవేట్ యూనివర్సిటీ పరిశోధకులు తాజాగా హెచ్చరించారు. ఆ బాటిల్స్‌లో సూక్ష్మస్థాయిలో ఉండే మైక్రోప్లాస్టిక్ కణాలు రక్తంలోకి ప్రవేశించి బీపీని పెంచుతున్నట్లు తమ అధ్యయనంలో తేలిందన్నారు. హార్మోన్ల అసమతుల్యత, హృద్రోగ సమస్యలతో పాటు క్యాన్సర్ కూడా వచ్చే ప్రమాదం ఉందని వారు పేర్కొన్నారు.
News August 6, 2024
రుణమాఫీ కాని వారు ఆందోళన చెందొద్దు.. లబ్ధిచేకూరుస్తాం: తుమ్మల
TG: ఎన్నికష్టాలున్నా రైతు రుణమాఫీ చేస్తున్నామని మంత్రి తుమ్మల నాగేశ్వరరావు తెలిపారు. ‘ఇప్పటికే 2 విడతలు అమలు చేశాం. ఈ నెల 15న ₹2 లక్షల వరకు రుణమాఫీ కార్యక్రమాన్ని వైరాలో CM రేవంత్ ప్రారంభిస్తారు. పాస్‌బుక్ లేకపోయినా తెల్లకార్డు ద్వారా మాఫీ చేస్తున్నాం. సాంకేతిక కారణాలతో 30వేల మంది అకౌంట్లలో డబ్బులు జమ కాలేదు. వారు ఆందోళన పడొద్దు. పొరపాట్లు సరి చేసి అర్హులకు లబ్ధి చేకూరుస్తాం’ అని హామీ ఇచ్చారు.
News August 6, 2024
రోహిత్ శర్మ ముంగిట మరో రికార్డు
భారత కెప్టెన్ రోహిత్ శర్మ అంతర్జాతీయ వన్డేల్లో మరో రికార్డుకు చేరువయ్యారు. మరో రెండు సిక్సులు కొడితే వన్డేల్లో అత్యధిక సిక్సులు కొట్టిన రెండో ఆటగాడిగా నిలుస్తారు. ప్రస్తుతం 331 సిక్సులతో క్రిస్ గేల్ రెండోస్థానంలో ఉండగా రోహిత్ ఖాతాలో 330 సిక్సులున్నాయి. రేపు కొలంబోలో జరిగే మూడో వన్డేలో రోహిత్ ఈ రికార్డును సొంతం చేసుకునే అవకాశం ఉంది. ఈ జాబితాలో 351 సిక్సులతో షాహిద్ ఆఫ్రిది అగ్రస్థానంలో ఉన్నారు.
News August 6, 2024
ఈ జిల్లాల్లో వర్షాలు
తెలంగాణలోని పలు జిల్లాల్లో వర్షాలు పడుతున్నాయి. నిర్మల్, నిజామాబాద్, కామారెడ్డి, సిద్దిపేట, ములుగు జిల్లాల్లో వర్షాలు కురుస్తున్నాయి. ఈ రోజు ఉదయం ఖమ్మం, నల్గొండ, వరంగల్ ప్రాంతాల్లో వర్షాలు దంచికొట్టాయి. హైదరాబాద్ నగరంలోనూ చిరుజల్లులు కురిశాయి. అటు ఏపీలోని పలు జిల్లాల్లోనూ వరుణుడు కరుణించాడు.
News August 6, 2024
భూమ్మీద ఉన్నవి 6 ఖండాలే: ఇంగ్లండ్ పరిశోధకులు
భూమి మీద 7 ఖండాలున్నాయన్నది ఇన్నాళ్లూ తెలిసిన విషయం. కానీ 6 ఖండాలే ఉన్నాయంటున్నారు ఇంగ్లండ్‌లోని యూనివర్సిటీ ఆఫ్ డెర్బీ పరిశోధకులు. ఐస్‌లాండ్‌లోని అగ్నిపర్వత రాళ్లపై తాము చేసిన అధ్యయనం ప్రకారం ఉత్తర అమెరికా, ఐరోపా ఖండాలు వేరు కాలేదని పేర్కొన్నారు. ఇంకా విడిపోయే దశలోనే ఉన్నాయని వివరించారు. వీటితో పాటు ఐస్‌లాండ్, గ్రీన్‌లాండ్ కూడా కలుపుకొని ఒకప్పుడు అతి పెద్ద ఖండం ఉండేదని వారు అంచనా వేశారు.
News August 6, 2024
లంకతో సిరీస్.. రోహిత్, కోహ్లీ అవసరం లేదు: నెహ్రా
శ్రీలంకతో వన్డే సిరీస్‌లో రోహిత్, కోహ్లీ ఆడాల్సిన అవసరం లేదని మాజీ బౌలర్ ఆశిశ్ నెహ్రా అభిప్రాయపడ్డారు. యువ ఆటగాళ్లకు ఛాన్స్ ఇవ్వడానికి ఇదొక మంచి అవకాశమన్నారు. ‘కోహ్లీ, రోహిత్ గురించి గంభీర్‌కు తెలియనిదేముంది? అతనేం విదేశీ కోచ్ కాదు కదా? స్వదేశంలో జరిగే సిరీస్‌లలో వాళ్లిద్దరినీ ఆడించొచ్చు. గంభీర్ అనుసరిస్తున్న విధానం తప్పని అనడం లేదు. కానీ సిరీస్‌లో ఈ వ్యూహం పాటిస్తే బాగుండేది’ అని అన్నారు.
News August 6, 2024
శ్రావణమాసం నో నాన్‌వెజ్.. సైంటిఫిక్ రీజన్ ఇదే
శ్రావణ మాసంలో దేశవ్యాప్తంగా ఆధ్యాత్మిక శోభ సంతరించుకుంది. సనాతన ధర్మాన్ని పాటిస్తూ చాలా మంది ఈ నెలలో మాంసాహారానికి దూరంగా ఉంటారు. దీనికి పలు సైంటిఫిక్ రీజన్స్ ఉన్నాయి. శ్రావణ మాసం వర్షాకాలంలో వస్తుంది. ఈ సమయంలో కోళ్లు, ఇతర జంతువులకు వ్యాధులు వచ్చే అవకాశం ఎక్కువ. ఇటు సూర్యరశ్మి తక్కువగా ఉండటంతో శరీరంలో జీర్ణవ్యవస్థ, రోగనిరోధక శక్తి మందగిస్తుంది. ఇలాంటప్పుడు మాంసం తినడంతో జీర్ణ సమస్యలు తలెత్తుతాయి.
Featured News
Sorry, no posts matched your criteria.