India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 6, 2024
వీగన్ డైట్ అంటే?
జంతువులు, పక్షులు, డెయిరీ ఉత్పత్తులు, తేనెకు దూరంగా కేవలం శాకాహారం తీసుకోవడాన్ని వీగన్ డైట్ అంటారు. ఈ పద్ధతిని పాటించేవారిని వీగన్స్ అని పిలుస్తారు. వీరు దుస్తులు, అలంకార వస్తువుల్లోనూ జంతు సంబంధమైనవి లేకుండా లెనిన్, కాటన్ వస్తువులనే వాడతారు. ముత్యాలనూ ధరించరు. ఏటా నవంబర్ 1న వరల్డ్ వీగన్ డేగా జరుపుకుంటారు. కాగా వీగన్ డైట్‌తో ప్రొటీన్, కాల్షియం, విటమిన్ B12 లోపాలు తలెత్తుతాయని నిపుణుల అభిప్రాయం.
News August 6, 2024
BNP-జ‌మాతే కూట‌మి వ‌స్తే ఏం జ‌రుగుతుంది?
బంగ్లాదేశ్‌లో సైన్యం స‌హ‌కారంతో BNP-జ‌మాతే కూట‌మి అధికారాన్ని చేప‌డితే భార‌త వ్య‌తిరేక శ‌క్తులు మ‌ళ్లీ త‌యార‌వుతాయ‌నే ఆందోళ‌న‌లు వ్య‌క్త‌మ‌వుతున్నాయి. భార‌త్‌తో ఉన్న మైత్రి బంధం కార‌ణంగా షేక్ హ‌సీనా తన హ‌యాంలో మ‌త‌ఛాంద‌స శ‌క్తుల‌పై ఉక్కుపాదం మోపారు. అయితే, ఇప్పుడు పాక్ పెంచి పోషించిన ఉగ్ర‌సంస్థ‌ల వ‌ల్ల స‌రిహ‌ద్దుల్లో మ‌ళ్లీ ఉద్రిక్త‌త‌లు త‌ప్ప‌కపోవచ్చని విదేశాంగ నిపుణులు అభిప్రాయపడుతున్నారు.
News August 6, 2024
పెళ్లికి నో అంటున్న చైనా యువత.. ప్రభుత్వం వర్రీ
జననాల రేటు పడిపోవడం, వృద్ధుల రేటు పెరుగుతుండటం చైనా ప్రభుత్వాన్ని ఆందోళనకు గురి చేస్తోంది. దీనికి ముఖ్య కారణం అక్కడి యువత పెళ్లిపై విముఖత చూపడమే. ఉద్యోగాల్లో స్థిరపడ్డాకే వివాహం చేసుకోవాలని వారు భావిస్తుండటం సమస్యగా మారింది. పిల్లల్ని కన్నవారికి ప్రోత్సాహకాలు ఇస్తామన్నా యువత పట్టించుకోవడం లేదు. ఈ ఏడాది మొదటి 6 నెలల్లో 34 లక్షల జంటలు పెళ్లి చేసుకోగా, గతేడాది ఇదే సమయానికి ఈ సంఖ్య 38.98లక్షలుగా ఉంది.
News August 6, 2024
కూతురి స్ఫూర్తితో వీగన్‌గా మారా: CJI
క్రూరత్వం లేని జీవితాన్ని గడపాలని తన కూతురు చెప్పిందని CJI జస్టిస్ చంద్రచూడ్ తెలిపారు. ఆమె స్ఫూర్తితో తాను వీగన్‌గా మారినట్లు చెప్పారు. ‘మొదట డెయిరీ ఉత్పత్తులు, తేనె తీసుకోవడం మానేశా. జంతువులకు హాని కలిగించి తయారు చేసిన వస్తువులనూ ధరించొద్దని ఆమె చెప్పింది. దీంతో నేను, నా భార్య సిల్క్, లెదర్ ప్రాడక్ట్స్‌నూ కొనుగోలు చేయట్లేదు’ అని పేర్కొన్నారు.
News August 6, 2024
మ్యాచ్ ఓడిపోతే గంభీర్ ఏడ్చేవాడు: చిన్ననాటి కోచ్ సంజయ్
టీమ్ ఇండియా కోచ్ గంభీర్‌ది ఇప్పటికీ చిన్నపిల్లాడి మనస్తత్వమని చిన్ననాటి కోచ్ సంజయ్ భరద్వాజ్ వెల్లడించారు. కొందరు అతడిని అహంకారి అనుకుంటారని, కానీ గౌతీ ఏం చేసినా గెలుపు కోసమేనని ఓ ఇంటర్వ్యూలో తెలిపారు. ‘గంభీర్‌ది గొప్ప మనసు. ఎంతో వినయంగా ఉంటారు. ఎంతో మంది యువకుల కెరీర్‌లను తీర్చిదిద్దారు’ అని చెప్పారు. చిన్నప్పుడు మ్యాచ్‌లు ఓడిపోతే ఏడ్చేవాడని, అతనికి ఓటమి ఇష్టం ఉండదని గుర్తుచేసుకున్నారు.
News August 6, 2024
తెలంగాణ సాంస్కృతిక శిఖరం గద్దరన్న: CM రేవంత్
TG: ప్రజా గాయకుడు గద్దర్ వర్ధంతి సందర్భంగా సీఎం రేవంత్ ఆయనకు నివాళులు అర్పించారు. ‘పాటకు పోరాటం నేర్పి.. తన గళంలో తూటాగా మార్చి అన్యాయంపై ఎక్కుపెట్టిన తెలంగాణ సాంస్కృతిక శిఖరం గద్దరన్నకు నివాళులు అర్పిస్తున్నా’ అని రేవంత్ ట్వీట్ చేశారు.
News August 6, 2024
అసలైన తెలంగాణ సిద్ధాంతకర్త ప్రొ.జయశంకర్
తెలంగాణ రాష్ట్ర సాధన కోసం చివరి శ్వాస వరకూ పోరాడిన వ్యక్తి ప్రొ.జయశంకర్. 1934లో WGL(D) అక్కంపేటలో జన్మించిన ఆయన విద్యార్థి దశ నుంచే తెలంగాణ ఉద్యమంలో పాల్గొన్నారు. రాష్ట్రంలోని వర్సిటీల్లో ముఖ్యమైన పదవులు చేపట్టిన ఆయన జీవితాంతం బ్రహ్మచారిగానే ఉన్నారు. సమైక్య పాలనలో TGకి జరిగిన అన్యాయంపై కేసీఆర్ సహా ఎందరినో చైతన్యవంతం చేశారు. జనాన్ని జాగృతం చేయడంలో కీలక పాత్ర పోషించారు. నేడు ఆయన జయంతి.
News August 6, 2024
‘నేను తప్పు చేయలేదు నాన్నా’.. తండ్రి అపార్థంతో యువతి ఆత్మహత్య
AP: స్నేహితుడి అనురాగాన్ని తండ్రి అపార్థం చేసుకోవడంతో యువతి ఆత్మహత్య చేసుకుంది. డోన్‌కు చెందిన రేణుక మాచర్లలో బీటెక్ చదువుతోంది. చెల్లెలిగా చూసుకునే ఓ సీనియర్ ఫోన్ చేయగా ఆమె స్పందించకపోవడంతో తండ్రికి కాల్ చేసి ఆరా తీశారు. ఆగ్రహానికి గురైన తండ్రి అతనెందుకు ఫోన్ చేస్తున్నాడని కూతురిని మందలించాడు. ‘నేను తప్పు చేయలేదు నాన్నా. నువ్వే నమ్మకుంటే ఇంకెవరు నమ్ముతారు’ అని లేఖ రాసి ఆమె ఉరి వేసుకుంది.
News August 6, 2024
లాభాల‌తో ప్రారంభ‌మైన స్టాక్ మార్కెట్లు
దేశీయ స్టాక్ మార్కెట్లు మంగ‌ళ‌వారం లాభాల‌తో ప్రారంభ‌మ‌య్యాయి. సెన్సెక్స్ 950 పాయింట్లు, నిఫ్టీ 290 పాయింట్లు, బ్యాంక్ నిఫ్టీ ఇండెక్స్ 450 పాయింట్ల గ్యాప్ అప్‌తో ట్రేడింగ్‌ని ప్రారంభించాయి. సెన్సెక్స్ సోమ‌వారం 2,223 పాయింట్ల భారీ న‌ష్టాన్ని చ‌విచూసింది. ఎఫ్ఐఐలు ఒక్క రోజులోనే రూ.10 వేల కోట్ల షేర్లు అమ్మ‌గా, డీఐఐలు రూ. 9 వేల కోట్ల షేర్ల‌ను కొనుగోలు చేశారు.
News August 6, 2024
డీఎస్సీ నియామకాలు ఆలస్యం కానున్నాయా?
TG: ఎస్సీ వర్గీకరణపై సుప్రీం తీర్పు ప్రభావం డీఎస్సీ నియామకాలపై పడే అవకాశం కన్పిస్తోంది. అన్ని రిక్రూట్‌మెంట్లలోనూ వర్గీకరణ అమలు చేస్తామని సీఎం రేవంత్ చెప్పారు. అయితే సుప్రీం తీర్పునకు ముందే DSC నోటిఫికేషన్ ఇచ్చినందున ఇప్పుడు మార్పు సాధ్యం కాదని విద్యాశాఖ చెబుతోంది. స్పష్టత కోసం ప్రభుత్వానికి లేఖ రాయనుంది. కాగా 11,062 పోస్టులకు నిన్నటితో DSC పరీక్షలు ముగిశాయి. 2 రోజుల్లో కీ విడుదల చేస్తారు.
Featured News
Sorry, no posts matched your criteria.