India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 12, 2024
న్యుమోనియా గురించి తెలుసుకోండి!
ప్రపంచ న్యుమోనియా దినోత్సవం సందర్భంగా ఈ వ్యాధి లక్షణాలు, నివారణ చర్యలను తెలుసుకుందాం.
లక్షణాలు: దగ్గినప్పుడు ఛాతిలో నొప్పి. చలిగా అనిపించడం. జ్వరం రావటం. రక్తంలో ఆక్సిజన్ స్థాయి తగ్గడం. ఊపిరి ఆడకపోవడం.
నివారణ చర్యలు: తరచూ చేతులు శుభ్రంగా కడుక్కోవాలి. స్మోకింగ్ చేయొద్దు. క్రమం తప్పకుండా వ్యాయామం చేయాలి. పోషకాలతో కూడిన ఆహారం తీసుకోవాలి. రోగనిరోధక శక్తిని పెంచుకోవాలి.
News November 12, 2024
1500 బ్యాంక్ ఉద్యోగాలు.. రేపే లాస్ట్ డేట్
యూనియన్ బ్యాంక్ ఆఫ్ ఇండియాలో 1500 లోకల్ బ్యాంక్ ఆఫీసర్ పోస్టులకు <
జీతం: నెలకు రూ.48,480-రూ.85,290
వెబ్‌సైట్: unionbankofindia.co.in
News November 12, 2024
YCP MLAలకు షర్మిల లేఖ
అసెంబ్లీ సమావేశాలకు దూరంగా ఉంటున్న YCP MLAలకు APCC చీఫ్ షర్మిల లేఖ రాశారు. ‘ప్రచారం నుంచి ప్రమాణం వరకు చట్టాన్ని, రాజ్యాంగాన్ని గౌరవిస్తామని MLAలుగా మీరు చెప్పిన మాటలను మళ్లీ గుర్తు చేస్తున్నా. కీలకమైన బడ్జెట్ సమావేశాలకు మీరు దూరంగా ఉండటం బాధాకరం, అధర్మం. ఒక వ్యక్తి అహంకారాన్ని మీలోనూ నింపుకుని మీరు చూపుతున్న ఈ నిర్లక్ష్య వైఖరికి నష్టపోయేది ప్రజలు. వారి కోసం సభకు వెళ్లండి’ అని ఆమె లేఖలో కోరారు.
News November 12, 2024
నకిలీ మందులు అమ్మితే కఠిన చర్యలు: మంత్రి
TG: నాసిరకం, నకిలీ మెడిసిన్ తయారు చేసే వారితో పాటు అమ్మే వారిపై కఠిన చర్యలు తీసుకోవాలని DCA అధికారులను మంత్రి రాజనర్సింహ ఆదేశించారు. ఫార్మా ఇండస్ట్రీస్, డ్రగ్ మానుఫాక్చరింగ్ యూనిట్స్, మెడికల్ హాల్స్, ఫార్మసీలలో తనిఖీలు చేయాలని సూచించారు. ఫార్మా సంస్థలు ఉన్న చోట అదనంగా డ్రగ్ ఇన్‌స్పెక్టర్లను నియమించాలన్నారు. మెడిసిన్ ధరలు, నాణ్యత విషయంలో నిబంధనలు ఉల్లంఘించే ఆస్పత్రులపై చర్యలు తీసుకోవాలన్నారు.
News November 12, 2024
ఇండియాలో తయారైనప్పటికీ ధరల్లో వ్యత్యాసం!
యాపిల్ మొబైల్ ఫోన్లు కొనుగోలు చేసేందుకు చాలా మంది మొగ్గుచూపుతుంటారు. అప్పులు చేసైనా సరే iPhone కొనేయాల్సిందేనని భావిస్తుంటారు. అయితే, దేశాలను బట్టి వీటి ధరల్లో వ్యత్యాసం ఉంటుంది. ఇండియాలో iPhone 16 Pro(256GB) ఫోన్ ధర ₹1,29,999గా ఉండగా సింగపూర్‌లో ₹1,10,686, దుబాయ్‌లో ₹1,07,834, మలేషియాలో ₹1,05,259కు లభిస్తుంది. ఇండియాలో తయారవుతున్నప్పటికీ ఎందుకీ వ్యత్యాసమని నెటిజన్లు ప్రశ్నిస్తున్నారు.
News November 12, 2024
ALERT: యాపిల్ డివైజ్‌లు వాడుతున్నారా?
యాపిల్ కంపెనీకి చెందిన ఐఫోన్స్, మాక్స్, వాచ్‌లు వంటి డివైజ్‌లలో సెక్యూరిటీ లోపాలు ఉన్నాయని CERT-In వెల్లడించింది. 18.1 లేదా 17.7.1 IOSకు ముందు వెర్షన్‌లు వాడుతున్న ఐఫోన్లు హ్యాక్ అయ్యే అవకాశముందని హెచ్చరించింది. IOS 18.1 లేదా 17.7.1 వెర్షన్‌లో వాడుతున్న మాక్‌లు, IOS 11 కంటే ముందు సాఫ్ట్‌వేర్ కలిగిన వాచ్‌లకు ఈ ప్రమాదం పొంచి ఉందని పేర్కొంది. లేటెస్ట్ వెర్షన్స్‌కు అప్డేట్ చేసుకోవాలని సూచించింది.
News November 12, 2024
ప్రభుత్వం ఏ కార్యక్రమం చేపట్టినా BRS అడ్డుకుంటోంది: మంత్రి శ్రీధర్
TG: ప్రభుత్వం ఏ కార్యక్రమం చేపట్టినా బీఆర్ఎస్ అడ్డుకునేందుకు ప్రయత్నిస్తోందని మంత్రి శ్రీధర్ బాబు మండిపడ్డారు. లగచర్లలో అధికారులపై దాడి ఘటనను రాజకీయం చేయాలనుకోవట్లేదని చెప్పారు. భూసేకరణపై ప్రజాభిప్రాయం కోసం కలెక్టర్ గ్రామానికి వెళ్లారని, కొందరు రైతుల్ని రెచ్చగొట్టి దాడికి పాల్పడ్డారని తెలిపారు. ఈ కుట్ర వెనుక ఉంది ఎవరో విచారణలో తేలుతుందని, నిందితులపై కఠిన చర్యలు తీసుకుంటామన్నారు.
News November 12, 2024
బాలయ్య కొత్త సినిమా టీజర్ ఎప్పుడంటే?
నందమూరి బాలకృష్ణ హీరోగా డైరెక్టర్ బాబీ తెరకెక్కిస్తోన్న ‘NBK109’ నుంచి అప్డేట్ వచ్చింది. ఈ చిత్ర టైటిల్ & టీజర్‌ను ఈనెల 15న ఉదయం 10.24గంటలకు విడుదల చేస్తామని మేకర్స్ ప్రకటించారు. వచ్చే ఏడాది సంక్రాంతికి ఈ మూవీని రిలీజ్ చేయనున్నట్లు వెల్లడించారు. ఈ చిత్రానికి తమన్ మ్యూజిక్ అందించగా నాగవంశీ నిర్మించారు.
News November 12, 2024
వైసీపీని వీడటం లేదు: పండుల
AP:తాను YCPని వీడుతున్నట్లు జరుగుతున్న ప్రచారాన్ని MLC పండుల రవీంద్రబాబు ఖండించారు. ‘ఇదంతా తప్పుడు ప్రచారం. ప్రజలు ఈ వార్తలను నమ్మవద్దు. నాకు YCPని వీడాల్సిన అవసరం లేదు. జగన్‌తోనే నా ప్రయాణం. దేశంలో ఎవరూ చేయని విధంగా జగన్ తన పాలనలో రాష్ట్రాన్ని అభివృద్ధి చేశారు. అన్ని కులాలతో సమానంగా దళితులకు పెద్ద పీట వేశారు. అలాంటి వ్యక్తిని, ఆ పార్టీ విలువలను వదిలి వెళ్లే ఆలోచన నాకు లేదు’ అని ఆయన వెల్లడించారు.
News November 12, 2024
సజ్జల భార్గవ్ రెడ్డికి లుకౌట్ నోటీసులు
AP: YCP సోషల్ మీడియా ఇన్‌ఛార్జ్ సజ్జల భార్గవ్ రెడ్డికి పోలీసులు లుకౌట్ నోటీసులు జారీ చేశారు. మాజీ సీఎం జగన్ సమీప బంధువు అర్జున్ రెడ్డికి కూడా నోటీసులు ఇచ్చారు. పులివెందులలో నమోదైన అట్రాసిటీ కేసులో వీరు నిందితులుగా ఉన్నారు. విదేశాలకు పారిపోతారనే అనుమానంతో పోలీసులు ఈ చర్యలు చేపట్టారు. మరోవైపు గుంటూరులో నమోదైన కేసులో భార్గవ్ ముందస్తు బెయిల్ పిటిషన్‌పై విచారణను హైకోర్టు ఈనెల 14కు వాయిదా వేసింది.
Featured News
Sorry, no posts matched your criteria.