India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 11, 2024
‘పుష్ప-2’ సంచలనం.. 6 రోజుల్లోనే రూ.1000 కోట్లు!
ఐకాన్ స్టార్ అల్లు అర్జున్ నటించిన ‘పుష్ప-2’ సినిమా రూ.వెయ్యి కోట్ల క్లబ్‌లో చేరినట్లు సినీవర్గాలు పేర్కొన్నాయి. అత్యంత వేగంగా రూ.1000 కోట్ల క్లబ్‌లో చేరి సంచలనం సృష్టించినట్లు వెల్లడించాయి. ఈనెల 5న ఈ చిత్రం విడుదలవగా కేవలం ఆరు రోజుల్లోనే ఈ రికార్డు నెలకొల్పింది. దీనిపై మేకర్స్ అధికారిక ప్రకటన చేయాల్సి ఉంది. సుకుమార్ తెరకెక్కించిన ‘పుష్ప-2’లో రష్మిక మందన్న హీరోయిన్‌గా నటించారు.
News December 11, 2024
సొరోస్‌తో ‘నెహ్రూ’ల బంధం ఈనాటిది కాదు: BJP
భారత వ్యతిరేకి జార్జ్ సొరోస్‌తో నెహ్రూ-గాంధీ కుటుంబ బంధం ఇప్పటిది కాదని BJP తెలిపింది. ఆయనలాగే హంగేరియనైన ఫోరీ నెహ్రూ జవహర్‌లాల్ నెహ్రూ కజిన్ BK నెహ్రూను పెళ్లాడారని పేర్కొంది. రాహుల్‌కు ఆమె ఆంటీ అవుతారంది. USలో BK నెహ్రూ దౌత్యవేత్తగా ఉన్నప్పటి నుంచి ఫోరీతో సొరోస్‌కు సత్సంబంధాలు ఉన్నాయని తెలిపింది. ఇవన్నీ భారత వ్యూహాత్మక ప్రయోజనాలపై గాంధీ-నెహ్రూ కుటుంబం రాజీపడటంపై సందేహాలు లేవనెత్తుతున్నాయంది.
News December 11, 2024
హైకోర్టులో మోహన్‌బాబు లంచ్ మోషన్ పిటిషన్
TG: పోలీసుల నోటీసులను సవాల్ చేస్తూ నటుడు మోహన్‌బాబు హైకోర్టులో లంచ్ మోషన్ పిటిషన్ వేశారు. ఇది మధ్యాహ్నం 2.30గంటలకు విచారణకు రానుంది. మరోవైపు మంచు మనోజ్ కాసేపట్లో రాచకొండ సీపీ ఎదుట హాజరు కానున్నారు. జల్‌పల్లి వద్ద జరిగిన ఘర్షణ నేపథ్యంలో మోహన్‌బాబు, విష్ణు, మనోజ్‌కు పోలీసులు నోటీసులు జారీ చేసిన విషయం తెలిసిందే.
News December 11, 2024
ఇందులో మీ ఫేవరెట్ మాస్ సీన్ ఏంటి?
‘పుష్ప-2’ సినిమాలోని గంగమ్మ జాతర ఎపిసోడ్ అదిరిపోయిందని అభిమానులు అంటున్నారు. అయితే, కొందరేమో తమ హీరోల సినిమాల్లోని మాస్ సీన్లే బాగున్నాయని పోస్టులు పెడుతున్నారు. ప్రభాస్ నటించిన ‘సలార్’లో కాటేరమ్మ కొడుకు సీన్, RRR సినిమాలోని రామరాజు(చరణ్) ఇంట్రో & జంతువులతో ఎన్టీఆర్ సీన్లు సూపర్ అని అభిప్రాయపడుతున్నారు. మరి ఈ నాలుగింట్లో మీ ఫేవరెట్ ఏంటో లేదా మీకు ఇష్టమైనదేదో కామెంట్ చేయండి.
News December 11, 2024
దక్షిణ కొరియా మాజీ రక్షణ మంత్రి ఆత్మహత్యాయత్నం
దక్షిణ కొరియా మాజీ రక్షణ మంత్రి కిమ్ యాంగ్-హ్యూన్ పోలీస్ కస్టడీలో ఆత్మహత్యాయత్నం చేశారు. ఆ దేశంలో మార్షల్ లా అమలు చేసేందుకు ఈ నెల 3న జరిగిన విఫలయత్నం వెనుక ప్రధాన కారణం ఆయనేనన్న ఆరోపణలున్నాయి. దీంతో ఆయన తన రక్షణమంత్రి పదవికి రాజీనామా చేయగా, పోలీసులు అరెస్ట్ చేశారు. రిమాండ్‌లో తన అండర్‌వేర్‌ వాడి సూసైడ్ చేసుకునేందుకు కిమ్ ప్రయత్నించారని అధికారులు తెలిపారు. ఆయన పరిస్థితి నిలకడగా ఉందని వెల్లడించారు.
News December 11, 2024
రియాలిటీ షో కోసం రూ.118 కోట్లు ఖర్చు!
యూట్యూబ్‌లో అత్యధిక సబ్‌స్క్రైబర్లు కలిగిన మిస్టర్ బీస్ట్ కొత్త రియాలిటీ షో నిర్వహించనున్నారు. అమెజాన్‌తో కలిసి ఆయన ‘బీస్ట్ గేమ్స్’ పేరుతో కొత్త రియాలిటీ షో కోసం సెట్ నిర్మించేందుకు $14 మిలియన్స్ (రూ.118 కోట్లు) వెచ్చించినట్లు ఇంటర్నేషనల్ మీడియా పేర్కొంది. ఈ సిరీస్‌లో 10 ఎపిసోడ్స్ ఉంటాయని, విజేతకు 5 మిలియన్ డాలర్లు అందించనున్నట్లు సమాచారం. రియాలిటీ షోల చరిత్రలో ఇదే అతిపెద్ద ప్రైజ్ మనీగా నిలవనుంది.
News December 11, 2024
మా నాన్న దేవుడు: మనోజ్
TG: కుటుంబం కోసం ఎంతో కష్టపడి పనిచేశానని మంచు మనోజ్ తెలిపారు. ‘మా నాన్న నాకు దేవుడు. ఇవాళ మీరు చూస్తున్న వ్యక్తి కాదు ఆయన. వేరేవాళ్లు ఆయనను తప్పుదోవ పట్టిస్తున్నారు. మా అన్న విష్ణు, వినయ్.. నాన్నపై గన్ను పెట్టి కాలుస్తున్నారు. నేను ప్రేమించిన అమ్మాయిని పెళ్లి చేసుకోవడం తప్పా? అది నచ్చక కుట్ర చేస్తున్నారు. నేను, నా భార్య ఎవరి పనివారు చేసుకుంటున్నాం.’ అని మనోజ్ ఎమోషనల్ అయ్యారు.
News December 11, 2024
జర్నలిస్టుల ధర్నాకు మంచు మనోజ్ మద్దతు
సినీ నటుడు మోహన్ బాబుకు వ్యతిరేకంగా జర్నలిస్టులు ధర్నా చేపట్టారు. ఈ ధర్నాలో మోహన్ బాబు తనయుడు మంచు మనోజ్ కూడా పాల్గొని వారికి మద్దతు పలికారు. ‘మా నాన్న తరఫున నేను మీడియాకు క్షమాపణలు చెబుతున్నా. మీడియాపై దాడి దారుణం. ఇలాంటి రోజు వస్తుందని నేనెప్పుడూ ఊహించలేదు. నేను ఆయనను ఎలాంటి ఆస్తులు అడగలేదు’ అని ఆయన పేర్కొన్నారు.
News December 11, 2024
విశ్వక్, అనుదీప్ కొత్త మూవీ ‘ఫంకీ’
విశ్వక్ సేన్, అనుదీప్ కాంబినేషన్‌లో ‘ఫంకీ’ మూవీ తెరకెక్కనుంది. ఈ సినిమా పూజా కార్యక్రమాలు ఇవాళ జరిగాయి. సంక్రాంతి తర్వాత రెగ్యులర్ షూటింగ్ జరుగుతుంది. నాగవంశీ-సాయి సౌజన్య సంయుక్తంగా నిర్మించనున్న ఈ చిత్రానికి భీమ్స్ సిసిరోలియో మ్యూజిక్ అందిస్తారు. కాగా విశ్వక్ సేన్ నటించిన ‘మెకానిక్ రాకీ’ మూవీ ఇటీవల విడుదలైంది. ఈ చిత్రం బాక్సాఫీస్ వద్ద మిక్స్‌డ్ టాక్ తెచ్చుకున్నట్లు తెలుస్తోంది.
News December 11, 2024
మోహన్ బాబును అరెస్ట్ చేయాలి: బీజేపీ ఎంపీ
TG: మీడియా ప్రతినిధిపై నటుడు మోహన్ బాబు దాడి చేయడాన్ని బీజేపీ ఎంపీ రఘునందన్ రావు ఖండించారు. ఆయనను వెంటనే అరెస్ట్ చేయాలని డిమాండ్ చేశారు. ఎన్నో సినిమాల్లో నటించి అవార్డులు పొందిన వ్యక్తి నిన్న వ్యవహరించిన తీరు దారుణమని మండిపడ్డారు. మరోవైపు జర్నలిస్టుపై మోహన్ బాబు దాడిని కాంగ్రెస్ ఎమ్మెల్సీ బల్మూరి వెంకట్ కూడా తప్పుబట్టారు. జర్నలిస్టు సమాజానికి ఆయన వెంటనే క్షమాపణలు చెప్పాలన్నారు.
Featured News
Sorry, no posts matched your criteria.