India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 9, 2024
లోన్ తిప్పలు: ₹39 వేల కోడి మాంసం ఆరగించిన బ్యాంకు మేనేజర్
లోన్ అప్రూవ్ చేయడానికి ఓ క‌స్ట‌మ‌ర్ నుంచి ₹39 వేల కోడి మాంసం ఆర‌గించాడో బ్యాంకు మేనేజర్. ఛ‌త్తీస్‌గ‌ఢ్‌లోని మ‌స్తూరీకి చెందిన రూప్‌చంద్ పౌల్ట్రీ వ్యాపారాన్ని విస్త‌రించేందుకు ₹12 ల‌క్ష‌ల రుణం కోసం SBI మేనేజ‌ర్‌ను క‌లిశారు. ఆయన 10% క‌మీష‌న్ తీసుకున్నారు. అలాగే ప్ర‌తి శనివారం చికెన్ పంపాల్సిందిగా ఆదేశించారు. ₹39K కోడి మాంసం ఆర‌గించినా లోన్ మంజూరు చేయకపోవడంపై బాధితుడు మేజిస్ట్రేట్‌ను ఆశ్రయించారు.
News December 9, 2024
‘INDIA’ బాధ్యతలపై చర్చ ఎప్పుడైంది?: ఒమర్
INDIA కూట‌మి సార‌థ్య బాధ్యతలు మ‌మ‌తా బెన‌ర్జీకి ఇవ్వాల‌న్న డిమాండ్లు పెరుగుతున్న వేళ నేష‌న‌ల్ కాన్ఫ‌రెన్స్ ఆచితూచి అడుగులేస్తోంది. లోక్‌స‌భ ఎన్నిక‌ల తర్వాత మిత్ర‌ప‌క్షాల భేటీనే జ‌ర‌గ‌లేద‌ని, అలాంట‌ప్పుడు నాయ‌క‌త్వ మార్పుపై ఎవరు చర్చించారని JK CM ఒమర్ అబ్దుల్లా ప్ర‌శ్నించారు. స‌మావేశం నిర్వహించినప్పుడు మ‌మ‌త సార‌థ్య బాధ్యతలు కోర‌వ‌చ్చని, అప్పుడే ఈ విషయంపై చర్చ జ‌రుగుతుంద‌న్నారు.
News December 9, 2024
నాగబాబుకు మంత్రి పదవి
AP: రాష్ట్ర రాజకీయాల్లో కీలక పరిణామం చోటు చేసుకుంది. జనసేన నేత నాగబాబును క్యాబినెట్‌లోకి తీసుకోవాలని సీఎం చంద్రబాబు నిర్ణయించారు. త్వరలోనే ఆయన మంత్రిగా బాధ్యతలు స్వీకరించనున్నారు. దీంతో నాగబాబుకు ఏ శాఖ ఇస్తారనేది ఆసక్తిగా మారింది.
News December 9, 2024
మంచు మనోజ్‌పై మోహన్ బాబు ఫిర్యాదు
మంచు ఫ్యామిలీలో గొడవ తారస్థాయికి చేరుతోంది. తనపై దాడి చేశారంటూ కొద్దిసేపటి క్రితమే మనోజ్ పహాడీ షరీఫ్ PSలో ఫిర్యాదు చేశారు. తాజాగా తన కొడుకు మనోజ్‌పై మోహన్ బాబు పోలీసులకు ఫిర్యాదు చేశారు. ఈ మేరకు రాచకొండ సీపీకి ఆయన లేఖ రాశారు. మనోజ్‌తో పాటు కోడలు మౌనిక నుంచి తనకు ముప్పు పొంచి ఉందని, రక్షణ కల్పించాలని లేఖలో పేర్కొన్నారు. దీంతో ఈ వ్యవహారం ఎక్కడివరకు వెళ్తుందోనని మంచు అభిమానులు చర్చించుకుంటున్నారు.
News December 9, 2024
టీడీపీ రాజ్యసభ సభ్యులు ఖరారు
AP: రాజ్యసభ సభ్యులను టీడీపీ ఖరారు చేసింది. బీద మస్తాన్ రావు(నెల్లూరు), సానా సతీశ్(కాకినాడ) పేర్లను ప్రకటించింది. కాగా బీజేపీ నుంచి ఆర్.కృష్ణయ్యను ఇప్పటికే ఖరారు చేసిన సంగతి తెలిసిందే. రేపు వీరంతా నామినేషన్ దాఖలు చేయనున్నారు. కాగా ఈ మూడు స్థానాలు ఏకగ్రీవం అయ్యే అవకాశం ఉంది.
News December 9, 2024
కేజీ టమాటా రూపాయి
AP: నిన్నమొన్నటి వరకు రైతులకు లాభాలు ఆర్జించి పెట్టిన టమాటా ఒక్కసారిగా పతనమైంది. కర్నూలు జిల్లా పత్తికొండలో కిలో టమాటా ధర ఏకంగా రూపాయికి పడిపోయింది. దీంతో గిట్టుబాటు ధర లేక అన్నదాతలు టమాటాలను పారబోస్తున్నారు. మరోవైపు హైదరాబాద్ సహా పలు నగరాల్లో కేజీ టమాటా రూ.30-40 పలుకుతోంది.
News December 9, 2024
పుష్ప క్రేజ్: ఆప్-బీజేపీ మ‌ధ్య పోస్టర్ వార్‌
పుష్ప మేనియా ఢిల్లీని ఊపేస్తోంది. Febలో అసెంబ్లీ ఎన్నిక‌లు జ‌ర‌గ‌నుండ‌డంతో రాజ‌కీయ పార్టీలు ఆరోప‌ణ‌లు, ప్ర‌త్యారోప‌ణ‌ల‌కు పుష్ప పోస్ట‌ర్ల‌ను వాడుకుంటున్నాయి. ఢిల్లీలో కేజ్రీవాల్‌-4, తగ్గేదే లే అంటూ ఆప్ పోస్టర్ విడుద‌ల చేసింది. దీనికి కౌంట‌ర్‌గా ఆప్ అవినీతిని ఇక అంతం చేస్తామని, ర‌ప్పా ర‌ప్పా అంటూ పార్టీ స్టేట్ చీఫ్ వీరేంద్రతో కూడిన పోస్ట‌ర్‌ను BJP విడుద‌ల చేసింది.
News December 9, 2024
మ‌హ్మ‌ద్ యూన‌స్‌తో విక్ర‌మ్ మిస్త్రీ బృందం భేటీ
బంగ్లా తాత్కాలిక చీఫ్ మ‌హ్మ‌ద్ యూన‌స్‌తో భార‌త విదేశాంగ శాఖ కార్య‌ద‌ర్శి విక్ర‌మ్ మిస్త్రీ బృందం స‌మావేశ‌మైంది. సోమ‌వారం ఇరుదేశాల మ‌ధ్య జరిగిన అత్యున్న‌త స్థాయి స‌మావేశం అనంతరం యూనస్‌ను కలిసింది. ఇరుదేశాల మ‌ధ్య అన్ని రంగాల్లో స‌హకారం కొన‌సాగింపు, సంయుక్త ప్ర‌యోజ‌నాల‌పై క‌లిసి ప‌నిచేసేందుకు ఆసక్తిగా ఉన్న‌ట్టు భార‌త్ పేర్కొంది. అలాగే బంగ్లాలో మైనారిటీల భ‌ద్ర‌త‌కు భ‌రోసా కల్పించాలని కోరింది.
News December 9, 2024
ట్విస్ట్.. ఇద్దరు మంత్రులకు ఒకే నంబర్ నుంచి బెదిరింపులు
AP: డిప్యూటీ సీఎం పవన్ కళ్యాణ్‌కు <<14834003>>హత్య బెదిరింపులు<<>> రావడంపై హోంమంత్రి అనిత ఆరా తీశారు. తనకు రెండు రోజుల క్రితం బెదిరింపులు వచ్చిన నంబర్ నుంచే ఈ కాల్ వచ్చినట్లు హోంమంత్రి గుర్తించారు. దీంతో ఆగంతకుడిని పట్టుకొని కఠిన చర్యలు తీసుకోవాలని డీజీపీని ఆమె ఆదేశించారు. పోలీసులు దర్యాప్తును ముమ్మరం చేశారు. బందర్ రోడ్డు నుంచి మల్లిఖార్జున రావు అనే వ్యక్తి ఈ బెదిరింపులకు పాల్పడినట్లు సమాచారం.
News December 9, 2024
నాపై దాడి చేశారు.. ప్రాణహాని ఉంది: మంచు మనోజ్
TG: పహాడీ షరీఫ్ పీఎస్‌కు వచ్చిన హీరో మంచు మనోజ్ నిన్న జరిగిన దాడిపై ఫిర్యాదు చేశారని సీఐ తెలిపారు. 10 మంది ఆగంతకులు తనపై దాడికి పాల్పడ్డారని, ప్రాణహాని ఉందని ఫిర్యాదులో పేర్కొన్నట్లు చెప్పారు. విజయ్, కిరణ్ సీసీ ఫుటేజీ తీసుకెళ్లారని చెప్పినట్లు వెల్లడించారు. ఫిర్యాదు మేరకు మనోజ్ స్టేట్‌మెంట్ రికార్డ్ చేస్తామని సీఐ వివరించారు. ఫిర్యాదులో కుటుంబ సభ్యుల పేర్లు లేవని ఆయన స్పష్టం చేశారు.
Featured News
Sorry, no posts matched your criteria.