India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 28, 2024
కారులో వెళితే 44.. నడిచెళితే 42 నిమిషాలు
విపరీతమైన ట్రాఫిక్ ఉండే నగరాల్లో బెంగళూరు ఒకటి. అక్కడ ప్రయాణికుల అవస్థలను వెల్లడిస్తూ ఓ వ్యక్తి చేసిన ట్వీట్ వైరలవుతోంది. బెంగళూరులోని బ్రిగేడ్ మెట్రోపొలిస్ నుంచి కేఆర్ పురం రైల్వే స్టేషన్‌కు(7KM దూరం) కారులో 44 నిమిషాలు.. నడిచి వెళితే 42 నిమిషాలు పడుతుందని అతను గూగుల్ మ్యాప్‌ను షేర్ చేశారు. దీంతో ముంబై, కోల్‌కతా, పుణే, ఢిల్లీలోనూ ఇలాంటి పరిస్థితే ఉంటుందని నెటిజన్లు కామెంట్స్ చేస్తున్నారు.
News July 28, 2024
చెప్పులు కుట్టే వ్యక్తికి మెషీన్ పంపిన రాహుల్ గాంధీ
రెండు రోజుల క్రితం యూపీలోని సుల్తానాపూర్‌లో ఓ చెప్పులు కుట్టే వ్యక్తితో రాహుల్ <<13712121>>ముచ్చటించిన<<>> సంగతి తెలిసిందే. ఆ వ్యక్తికి నిన్న రాహుల్ చెప్పులు కుట్టే మెషీన్‌ను బహుమతిగా పంపారు. ఈ విషయాన్ని వెల్లడిస్తూ ‘చెప్పులు కుట్టే రామ్‌చేత్ సమస్యలను జననాయక్ రాహుల్ గాంధీ అర్థం చేసుకున్నారు. అతనికి చెప్పులు కుట్టే యంత్రం పంపారు. ఇది అతని పనిని సులభం చేస్తుంది’ అని కాంగ్రెస్ పార్టీ ట్వీట్ చేసింది.
News July 28, 2024
డీఎస్సీ అభ్యర్థులకు గుడ్‌న్యూస్.. ఆరోజే నియామకపత్రాలు?
TG: డీఎస్సీ పరీక్షలు రాస్తున్నవారికి గుడ్‌న్యూస్. ఈ ఏడాది సెప్టెంబరు 5న ఉపాధ్యాయ దినోత్సవం సందర్భంగా నియామక పత్రాలు అందించనున్నట్లు ప్రభుత్వ వర్గాలు చెబుతున్నాయి. ఈ నెల 18న ప్రారంభమైన పరీక్షలు వచ్చే నెల 5 వరకు జరగనున్న సంగతి తెలిసిందే. 11,062 పోస్టులకు గాను 2,79,966మంది పరీక్ష రాస్తున్నారు. వారి నియామకాల్ని వీలైనంత త్వరగా చేపట్టాలని సర్కారు భావిస్తున్నట్లు సమాచారం.
News July 28, 2024
చెవిరెడ్డి మోహిత్ రెడ్డి విడుదల
AP: పులివర్తి నానిపై హత్యాయత్నం కేసులో YCP మాజీ MLA చెవిరెడ్డి భాస్కర్ రెడ్డి కుమారుడు <<13721857>>మోహిత్<<>> రెడ్డికి 41ఏ నోటీసులు ఇచ్చి పోలీసులు విడుదల చేశారు. విదేశాలకు వెళ్లకూడదని షరతులు విధించారు. నిన్న ఆయనను తిరుపతి పోలీసులు బెంగళూరులో అరెస్ట్ చేశారు. ఇవాళ ఉదయం తిరుపతి SV యూనివర్శిటీ పోలీస్ స్టేషన్ వద్దకు తీసుకువచ్చి విచారించారు. ఈక్రమంలో మాజీ MLA చెవిరెడ్డి భాస్కర్ రెడ్డి, వైసీపీ నాయకులు భారీగా వచ్చారు.
News July 28, 2024
మేము అదృష్టవంతులం: సూర్యకుమార్ యాదవ్
శ్రీలంకపై తొలి టీ20లో గెలవడంపై భారత కెప్టెన్ సూర్య కుమార్ యాదవ్ భిన్నంగా స్పందించారు. ఈ మ్యాచ్‌లో తాము అదృష్టం వల్లే గెలిచామన్నారు. ‘శ్రీలంక బ్యాటర్లు మొదటి నుంచి బౌలర్లపై దాడి చేశారు. రాత్రిపూట పరిస్థితి ఎలా ఉంటుందో మనకు తెలుసు. అయితే మంచు లేకపోవడంతో బౌలింగ్ బాగా చేయగలిగాం. అందుకు మేం అదృష్టవంతులం’ అని సూర్య చెప్పారు. ఈ మ్యాచ్‌లో భారత్ 43 రన్స్ తేడాతో గెలిచింది.
News July 28, 2024
ఈ వివరాల ఆధారంగానే రైతులకు పథకాల వర్తింపు?
TG: రాష్ట్రంలో వ్యవసాయశాఖ పంటల నమోదు కార్యక్రమం చేపట్టింది. అధికారులు ఇప్పటివరకు 24.16లక్షల ఎకరాల వివరాలు నమోదు చేశారు. వ్యవసాయ భూమి వద్దకే వెళ్లి అక్కడి నుంచే సర్వే నంబర్లు, సాగు వివరాలు ఒక ప్రత్యేక యాప్‌లో నమోదు చేస్తున్నారు. వీటి ఆధారంగానే రైతు భరోసా, పంటల బీమా, రైతు బీమా, రుణమాఫీ పథకాలను అమలు చేయాలని ప్రభుత్వం భావిస్తోంది. అసలైన లబ్ధిదారులను గుర్తించేందుకు ఈ సర్వే చేపట్టింది.
News July 28, 2024
ఈ దేవుణ్ని దర్శిస్తే దారిద్ర్య బాధలుండవు!
కాశీలోని మయూఖాదిత్యుని దర్శించుకున్న వారికి జీవితంలో దారిద్ర్య బాధలు ఉండవని చాలామంది భక్తుల నమ్మకం. అందుకే కాశీకి వెళ్లిన వారు తప్పకుండా ఈ దేవుడిని దర్శించి పూజిస్తుంటారు. సూర్య భగవానుడే కాశీలో మయూఖాదిత్యుడిగా పూజలందుకుంటున్నాడు. పవిత్ర గంగానదీ తీరంలోని పంచగంగ రేవు సమీపంలో దర్శనం చేసుకోవచ్చు. శాస్త్రోక్తంగా పూజలు చేసిన వారికి ఏడు జన్మల వరకూ దారిద్ర్య బాధలుండవని విశ్వాసం.
News July 28, 2024
7,951 ఉద్యోగాలు.. ఎల్లుండి నుంచి దరఖాస్తులు
రైల్వేలో 7,951 ఉద్యోగాలకు ఈనెల 30 నుంచి AUG 29 వరకు దరఖాస్తు చేసుకోవచ్చు. ఇందులో జూనియర్ ఇంజినీర్, మెటీరియల్ సూపరింటెండెంట్ 7,934, కెమికల్ సూపర్‌వైజర్ 17 పోస్టులున్నాయి. వయసు: 18-36 ఏళ్లు. విద్యార్హత: బీటెక్/బీఈ. CBT-1, CBT-2, మెడికల్ ఎగ్జామినేషన్ ద్వారా ఎంపిక చేస్తారు. ప్రారంభ వేతనం జేఈకి ₹35,400, కెమికల్ సూపర్‌వైజర్‌కు 44,900 ఉంటుంది. పూర్తి వివరాల కోసం ఇక్కడ <
News July 28, 2024
USలో రెండున్నర లక్షలమందికి డిపోర్టేషన్ ముప్పు
తల్లిదండ్రులతో US వెళ్లి, అక్కడే పెరిగి పెద్దై ఇంకా గ్రీన్ కార్డు రానివారికి పెద్ద చిక్కొచ్చి పడింది. పేరెంట్స్‌తో వెళ్లి డిపెండెంట్ వీసా మీద ఉన్న పిల్లలకు 21 ఏళ్లు నిండిన వారికి అది రద్దవుతుంది. అలాంటి వారంతా దేశాన్ని వీడాలని యూఎస్ తేల్చిచెబుతోంది. బాధితుల్లో అత్యధికులు భారతీయులే ఉన్నారు. ఊహ తెలిసినప్పటి నుంచి ఉన్న దేశాన్ని వదిలి వేరే దేశానికి ఎలా వెళ్లాలంటూ వారు ఆవేదన వ్యక్తం చేస్తున్నారు.
News July 28, 2024
15 నుంచి ఇంటి వద్దే క్యాన్సర్ స్క్రీనింగ్: కృష్ణబాబు
APలో క్యాన్సర్ రోగులకు రూ.680 కోట్లు వెచ్చించి వైద్య సేవలు అందిస్తున్నట్లు ఆరోగ్య శాఖ ప్రత్యేక ప్రధాన కార్యదర్శి కృష్ణబాబు తెలిపారు. విశాఖ, కర్నూలు, గుంటూరు ప్రభుత్వ ఆస్పత్రుల్లో ప్రత్యేక క్యాన్సర్ వార్డులు ఏర్పాటు చేశామన్నారు. ఆగస్టు 15 నుంచి ప్రతి ఇంటికీ వైద్య సిబ్బంది వెళ్లి 3 రకాల స్క్రీనింగ్ పరీక్షలు చేస్తారని చెప్పారు. క్యాన్సర్‌పై అవగాహనా కార్యక్రమాలు నిర్వహిస్తున్నామన్నారు.
Featured News
Sorry, no posts matched your criteria.