India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 20, 2024
మీ పర్సనల్ డేటా సేఫ్: డిజీ యాత్ర
డిజీ యాత్ర యాప్ ప్రయాణికుల పర్సనల్ డేటా సేకరిస్తోందని అనుమానాలు వ్యక్తమవుతున్న వేళ ఆ సంస్థ స్పందించింది. ”ప్రయాణికుల వ్యక్తిగత వివరాలను యాప్ సేకరించదు. ఆ వివరాలు కేవలం యూజర్ల ఫోన్‌లోనే ఉంటాయి. ఈ డేటాను డిజీ యాత్ర సహా మరెవరూ యాక్సెస్ చేయలేరు” అని స్పష్టం చేసింది. కాగా ప్రయాణికులకు ఎయిర్‌పోర్టులో బోర్డింగ్ ప్రక్రియ సులభతరం అయ్యేందుకు కేంద్రం ఆధ్వర్యంలో ఈ డిజీ యాత్ర సేవలు అందుబాటులోకి వచ్చాయి.
News April 20, 2024
2026 నాటికి ఎయిర్ ట్యాక్సీలు?
2026 నాటికి దేశంలో ఎయిర్ ట్యాక్సీ సర్వీసులు అందుబాటులోకి రానున్నాయి. ఇండిగో మాతృసంస్థ గ్లోబ్ ఎంటర్‌ప్రైజెస్, ఆర్చర్ ఏవియేషన్ ఈ సేవలు అందించనున్నాయి. తొలుత ఢిల్లీ.. ఆ తర్వాత ముంబై, బెంగళూరులో ఇవి ఎగరనున్నాయి. ట్యాక్సీల్లో పైలట్‌తో పాటు నలుగురు ప్రయాణికులు కూర్చోవచ్చు. దీని ధర 1 బిలియన్ డాలర్లు ఉంటుంది. 27 కి.మీ దూరాన్ని 7 నిమిషాల్లో చేరుకోవచ్చు. ఇందుకు రూ.2 వేల నుంచి రూ.3 వేల వరకు ఛార్జి ఉండనుంది.
News April 20, 2024
ఒలింపిక్స్‌లో మన పట్టు సడలుతోంది!
ఒలింపిక్స్ అనగానే భారత అభిమానులకు వెంటనే గుర్తొచ్చే క్రీడ.. రెజ్లింగ్. అందులోనూ భారత్‌కు పతకాలు తెచ్చిన పురుషుల ఫ్రీస్టైల్ కేటగిరీకి మంచి క్రేజ్ ఉంది. కానీ ఈసారి ఈ కేటగిరీలో ఆటగాళ్లు క్వాలిఫై కావడమే గగనమవుతోంది. 53KG కేటగిరీలో అంతిమ్ పంఘల్ ఒక్కరే అర్హత సాధించారు. 57, 65, 86, 97, 125 కేజీ కేటగిరీల్లో ఇప్పటివరకు ఒక్కరూ క్వాలిఫై కాలేదు. టర్కీలో మే 9-12 మధ్య జరిగే క్వాలిఫైయర్సే భారత్‌కు చివరి అవకాశం.
News April 20, 2024
ఏప్రిల్ 20: చరిత్రలో ఈరోజు
1889: జర్మనీ నియంత అడాల్ఫ్ హిట్లర్ జననం
1950: ఏపీ మాజీ ముఖ్యమంత్రి, టీడీపీ చీఫ్ చంద్రబాబు జననం
1930: సినీ రచయిత త్రిపురనేని మహారథి జననం
1972: సినీ నటి మమతా కులకర్ణి జననం
1972: సినీ నటి అంజలా జవేరీ జననం
1992: టాలీవుడ్ తొలి నేపథ్య గాయకుడు ఎమ్ఎస్ రామారావు మరణం
News April 20, 2024
రాయి దాడిపై అనుచిత వ్యాఖ్యలు.. టీడీపీకి సీఈవో నోటీసులు
AP: సీఎం జగన్‌పై రాయి దాడి తర్వాత సోషల్ మీడియాలో అనుచిత వ్యాఖ్యలపై టీడీపీ జనరల్ సెక్రటరీకి సీఈవో నోటీసులు జారీ చేశారు. 48 గంటల్లో వివరణ ఇవ్వాలని ఆదేశించారు. లేదంటే చర్యలు తీసుకుంటామని తెలిపారు. జై టీడీపీ, తెలుగు దేశం పార్టీ అకౌంట్ల నుంచి జగన్‌పై అనుచిత పోస్టులు చేశారని సీఈవోకు వైసీపీ ఎమ్మెల్యే మల్లాది విష్ణు ఫిర్యాదు చేశారు. ఇందుకు సంబంధించిన ఆధారాలను సమర్పించారు.
News April 20, 2024
పుట్టినరోజు శుభాకాంక్షలు
ఈరోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News April 20, 2024
NDAకు రికార్డు స్థాయిలో ఓట్లు: పీఎం మోదీ
లోక్‌సభ ఎన్నికల తొలి విడత పోలింగ్‌కు ప్రజల నుంచి మంచి స్పందన వచ్చిందని ప్రధాని నరేంద్ర మోదీ ట్వీట్ చేశారు. ఓటు వేసిన వారందరికీ ధన్యవాదాలు తెలిపారు. ఇవాళ జరిగిన ఓటింగ్ గురించి అద్భుతమైన ఫీడ్ బ్యాక్ అందుతోందని, దేశవ్యాప్తంగా ప్రజలందరూ NDAకు రికార్డు స్థాయిలో ఓట్లు వేస్తున్నట్లు స్పష్టం అవుతోందని పేర్కొన్నారు.
News April 20, 2024
తేలిపోయిన చెన్నై బౌలర్లు.. ఫ్యాన్స్ అసంతృప్తి
IPL: లక్నోతో జరిగిన మ్యాచ్‌లో చెన్నై బౌలర్లు తేలిపోయారు. రెండు వికెట్లు తీసేందుకే బౌలర్లు శ్రమించాల్సి వచ్చింది. ముఖ్యంగా తుషార్ దేశ్‌పాండే ప్రదర్శనపై ఫ్యాన్స్ అసంతృప్తి వ్యక్తం చేస్తున్నారు. 19వ ఓవర్‌లో రెండు వైడ్లు, ఓ నోబాల్ వేయడమే ఇందుకు కారణం. 18వ ఓవర్ ముగిసే సమయానికి లక్నో 12 బంతుల్లో 12 పరుగులు చేయాల్సి ఉంది. కానీ తుషార్ చెత్త ప్రదర్శన వల్ల లక్నోకు మరో ఓవర్ మిగిలి ఉండగానే విజయం వరించింది.
News April 20, 2024
ఈరోజు నమాజ్ వేళలు
తేది: ఏప్రిల్ 20, శనివారం ఫజర్: తెల్లవారుజామున గం.4:42 సూర్యోదయం: ఉదయం గం.5:57 జొహర్: మధ్యాహ్నం గం.12:15 అసర్: సాయంత్రం గం.4:42 మఘ్రిబ్: సాయంత్రం గం.6:33 ఇష: రాత్రి గం.07.48 నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
News April 20, 2024
శుభ ముహూర్తం
తేది: ఏప్రిల్ 20, శనివారం చైత్రము శు.ద్వాదశి: రాత్రి 10:41 గంటలకు పుబ్బ: మధ్యాహ్నం 02:04 గంటలకు దుర్ముహూర్తం: ఉదయం 05:49 నుంచి 07.29 గంటల వరకు, వర్జ్యం: రాత్రి 10:11 నుంచి 11:59 గంటల వరకు
Featured News
Sorry, no posts matched your criteria.