India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 1, 2024
‘బాయ్‌కాట్ ఇండియా’ ప్రచారంపై బంగ్లా ప్రధాని ఫైర్
కొన్ని నెలలుగా బంగ్లాదేశ్‌లోని విపక్ష BNP నేతలు ‘బాయ్‌కాట్ ఇండియా’ ప్రచారాన్ని తీవ్రతరం చేశారు. దీనిపై ఆ దేశ ప్రధాని షేక్ హసీనా కౌంటర్ ఇచ్చారు. ‘భారత ఉత్పత్తులను నిషేధించాలని BNP నేతలు డిమాండ్ చేస్తున్నారు. కానీ వారి భార్యలు ధరించే భారత చీరలను ఎందుకు పక్కన పడేయడం లేదు. వారి పార్టీ ఆఫీస్ ముందు ఆ చీరలను కాల్చేస్తేనే వారి డిమాండ్‌లో నిజముందని నమ్ముతాను’ అని పేర్కొన్నారు.
News April 1, 2024
ముంబైకి బిగ్ షాక్
హోం గ్రౌండ్(వాంఖడే)లో రాజస్థాన్ రాయల్స్‌తో మ్యాచులో ముంబై ఇండియన్స్‌కు ఆరంభంలోనే బిగ్ షాక్ తగిలింది. తాను ఆడిన తొలి బంతికే రోహిత్ శర్మ డకౌట్ అయ్యారు. దీంతో స్టేడియం అంతా ఒక్కసారిగా సైలెంట్ అయ్యింది. ఆ తర్వాత నమన్ ధీర్ కూడా తొలి బంతికే ఎల్‌బీగా వెనుదిరిగారు. మూడో ఓవర్లో బ్రెవిస్ కూడా గోల్డెన్ డకౌట్ అయ్యారు. ఈ ముగ్గురినీ RR బౌలర్ బౌల్ట్ ఔట్ చేశారు. స్కోర్: 2.2 ఓవర్లలో 14/3.
News April 1, 2024
వృద్ధుల ఉసురు పోసుకుని CBN బాగుపడతారా?: పేర్నినాని
AP: పెన్షన్ల పంపిణీకి వాలంటీర్లు వద్దని ఈసీకి ఫిర్యాదు చేసిన నిమ్మగడ్డ రమేశ్ టీడీపీ సానుభూతిపరుడు కాదా? అని మాజీ మంత్రి పేర్ని నాని ప్రశ్నించారు. ప్రజల నుంచి తిరుగుబాటు రావడంతో చంద్రబాబు మాట మార్చారని మండిపడ్డారు. వృద్ధులు, వితంతువుల ఉసురు పోసుకుని ఆయన బాగుపడతారా? అని ఫైరయ్యారు. సంక్షేమ కార్యక్రమాలు అడ్డుకునే ప్రయత్నాన్ని విషపు కూటమి చేస్తోందని దుయ్యబట్టారు.
News April 1, 2024
తిహార్ జైలులో కేజ్రీవాల్ డైలీ రొటీన్ ఇదే!
తిహార్ జైలులో కేజ్రీవాల్‌కు రెండో నంబర్ గదిని కేటాయించారు. ఆయన డైలీ రొటీన్ ఉ.6:30కు ప్రారంభమవుతుంది. బ్రేక్ ఫాస్ట్‌లో టీ, బ్రెడ్ ఇస్తారు. కోర్టు విచారణ ఉంటే తీసుకెళ్తారు. లేదంటే ఆయన తన లాయర్లతో భేటీ కావొచ్చు. ఉ.10:30-11 మధ్య పప్పు, కర్రీ, 5 రొట్టెలు భోజనంగా ఇస్తారు. మ.3:30కి టీ, బిస్కట్లు ఇస్తారు. సా.4కి లాయర్లను మీట్ అవ్వొచ్చు. సా.5:30కి డిన్నర్ ఉంటుంది. రాత్రి 7కల్లా మళ్లీ సెల్‌కి పంపిస్తారు.
News April 1, 2024
తిహార్ జైలులో కేజ్రీవాల్‌కు ఉండే సదుపాయాలు ఇవే!
కేజ్రీవాల్‌కు టీవీలో 18-20 ఛానల్స్ చూసేందుకు జైలు అధికారులు అనుమతిచ్చారు. 24 గంటలూ మెడికల్ స్టాఫ్ అందుబాటులో ఉంటారు. ఆయనకు డయాబెటిస్ సమస్య ఉండడంతో రెగ్యులర్ చెకప్‌లు చేయనున్నారు. వారానికి రెండు సార్లు ఫ్యామిలీతో మాట్లాడేందుకు అవకాశం ఇస్తారు. 3 పుస్తకాలు, టేబుల్, కుర్చీ, మందులు అనుమతించాలని ఆయన కోర్టును కోరారు. ఇందుకు కోర్టు అనుమతించిందా లేదా అనేది తెలియాల్సి ఉంది.
News April 1, 2024
‘డబ్బులు ఇస్తాం వెళ్లిపోండి’.. సీనియర్లకు మెక్‌కిన్సే ఆఫర్
ఆర్థిక భారం తగ్గించుకునేందుకు బడా సంస్థలు లేఆఫ్ ట్రెండ్ ఫాలో అవుతున్న సంగతి తెలిసిందే. తాజాగా మెక్‌కిన్సే కంపెనీ సైతం వందలాది సీనియర్ ఉద్యోగులను తొలగించేందుకు సిద్ధమైంది. తమ సంస్థను వదిలి మరోచోట ఉపాధి వెతుక్కోవాలని ఉద్యోగులను కోరుతోంది. యూకేలోని మేనేజర్ స్థాయి ఉద్యోగులకు అయితే తొమ్మిది నెలల పాటు జీతం ఇస్తామని.. ఆ సమయాన్ని మరోచోట ఉద్యోగం సంపాదించుకునేందుకు ఉపయోగించుకోమని ఆఫర్ ఇచ్చింది.
News April 1, 2024
భార్య, పిల్లలను చంపి 3 రోజులు అక్కడే నిద్రించాడు..
యూపీలోని లక్నోలో ఓ వ్యక్తి దారుణానికి తెగబడ్డాడు. అక్రమ సంబంధం ఉందని అనుమానించి భార్య జ్యోతి మెడకు చున్నీ బిగించి హత్య చేశాడు. పిల్లలు పాయల్(6), ఆనంద్(3)ని గొంతు నులిమి చంపేశాడు. 3 రోజులు మృతదేహాల పక్కనే పడుకుని ఉదయం పనులకు వెళ్లాడు. దుర్వాసన రావడంతో స్థానికులు పోలీసులకు సమాచారం ఇచ్చారు. వారు గది తాళాలు పగలగొట్టి డెడ్ బాడీలను పోస్టుమార్టానికి తరలించారు. నిందితుడిని అరెస్ట్ చేశారు.
News April 1, 2024
టాస్ గెలిచిన రాజస్థాన్.. ముంబై బ్యాటింగ్
వాంఖడే వేదికగా ముంబై‌తో జరుగుతోన్న మ్యాచ్‌లో టాస్ గెలిచిన రాజస్థాన్ కెప్టెన్ సంజూ శాంసన్ బౌలింగ్ ఎంచుకున్నారు.
MI: రోహిత్‌శర్మ, ఇషాన్‌కిషన్, తిలక్‌వర్మ, హార్దిక్ పాండ్య(C), టిమ్ డేవిడ్, నమన్ ధీర్, కోయెట్జీ, బుమ్రా, పీయూష్ చావ్లా, ఆకాశ్ మద్వాల్, క్వేనా మఫాకా.
RR: జైస్వాల్, బట్లర్, సంజు శాంసన్(w/c), పరాగ్, జురెల్, షిమ్రాన్ హెట్మెయర్, అశ్విన్, ట్రెంట్ బౌల్ట్, అవేష్ ఖాన్, బర్గర్, చాహల్.
News April 1, 2024
రాహుల్ ‘మ్యాచ్ ఫిక్సింగ్’ వ్యాఖ్యలపై ఈసీకి BJP ఫిర్యాదు
లోక్‌సభ ఎన్నికలు మ్యాచ్ ఫిక్సింగ్ అంటూ కాంగ్రెస్ అగ్రనేత రాహుల్ గాంధీ చేసిన వ్యాఖ్యలపై ఈసీకి బీజేపీ ఫిర్యాదు చేసింది. ఆయనపై కఠిన చర్యలు తీసుకోవాలని కోరింది. ‘ఎన్నికల సంఘంలో కేంద్రం తమ మనుషుల్ని మోహరించిందని రాహుల్ అన్నారు. ఎటువంటి మ్యాచ్ ఫిక్సింగ్ లేకుండా బీజేపీ 400 సీట్ల లక్ష్యాన్ని అందుకోలేదని మాట్లాడారు. ఎలక్షన్స్ తర్వాత రాజ్యాంగంలో మార్పులు చేస్తారని ఆరోపించారు’ అని బీజేపీ నేతలు పేర్కొన్నారు.
News April 1, 2024
అధిష్ఠానం ఆదేశిస్తే ఎంపీగా పోటీ చేస్తా: రసమయి
TG: బీఆర్ఎస్‌ను వీడిన కడియం శ్రీహరి కేసీఆర్‌పై బురద చల్లడం సరికాదని ఆ పార్టీ మాజీ ఎమ్మెల్యే రసమయి బాలకిషన్ అన్నారు. దళితులపై ఆయన లేనిపోని కుట్రలు చేశారని, వరంగల్‌లో కడియంపై చావు డప్పు కొడతామని హెచ్చరించారు. ముసలి నక్కలన్నీ కాంగ్రెస్‌లో చేరుతున్నాయని విమర్శించారు. పార్టీ అధిష్ఠానం ఆదేశిస్తే వరంగల్ ఎంపీగా పోటీ చేస్తానని రసమయి ప్రకటించారు.
Featured News
Sorry, no posts matched your criteria.