India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News July 11, 2024
హైదరాబాద్‌లో మరో కేబుల్ బ్రిడ్జి!
హైదరాబాద్‌ వాసులకు శుభవార్త. నగరంలో మరో కేబుల్ బ్రిడ్జి నిర్మాణానికి కాంగ్రెస్ ప్రభుత్వం సిద్ధమైంది. మీరాలం చెరువు ఈస్ట్ సైడ్ చింతల్‌‌మెట్ నుంచి బెంగళూరు-హైదరాబాద్‌ NH-44కు అనుసంధానం చేస్తూ తీగల వంతెన నిర్మాణానికి అనుమతులు మంజూరు అయ్యాయి. దీంతో HMDA ప్లాన్ చేస్తోంది. మొత్తం 4 లైన్‌లు, 2.65 KM పొడవు, రెండు చోట్ల ఎంట్రీ ర్యాంపులు, ఒక చోట ఎగ్జిట్‌ ర్యాంప్‌ ఉండేలా ప్రణాళికలు రూపొందిస్తున్నారు.
News July 10, 2024
HYD: బెట్టింగ్ తీసిన ప్రాణం
ఆన్‌లైన్ బెట్టింగ్ మరొకరి ప్రాణం తీసింది. పోచారం PS పరిధి శ్రీనిధి ఇంజినీరింగ్‌ కాలేజీలో బీటెక్ 3rd ఇయర్ స్టూడెంట్ నితిన్(21) మంగళవారం రైల్‌ కింద పడి సూసైడ్ చేసుకున్నాడు. పోలీసుల వివరాల ప్రకారం.. నల్గొండలో ఉంటున్న పేరెంట్స్ వద్ద కాలేజీ ఫీజు కోసం అని రూ. 1.3 లక్షలు తీసుకున్నాడు. ఆ డబ్బులు బెట్టింగ్‌‌లో పొగొట్టాడు. కష్టం చేసి తెచ్చిన డబ్బు వృథా చేశావని పేరెంట్స్ మందలించడంతో ఆత్మహత్య చేసుకున్నాడు.
News July 10, 2024
HYD: మల్లారెడ్డి యూనివర్సిటీ విద్యార్థి ఆత్మహత్యాయత్నం
HYD మల్లారెడ్డి అగ్రికల్చర్ యూనివర్సిటీలో ఓ విద్యార్థి ఆత్మహత్యాయత్నానికి పాల్పడ్డాడు. స్థానికుల వివరాలు.. యూనివర్సిటీలో అగ్రికల్చర్ థర్డ్ ఇయర్ చదువుతున్న హరినాథ్ పురుగుమందు తాగాడు. అనంతరం వసతి గృహం 3వ అంతస్తు నుంచి దూకి ఆత్మహత్యాయత్నానికి పాల్పడగా.. ఈ క్రమంలో విద్యుత్ వైర్లు తగిలి తీవ్ర గాయాలయ్యాయి. విద్యార్థిని చికిత్స నిమిత్తం స్థానిక ఆసుపత్రికి తరలించారు. ఘటనపై పూర్తి వివరాలు తెలియాల్సి ఉంది.
News July 10, 2024
ఓయూ: గ్రూప్-2 పరీక్షను వాయిదా వేయాలి
గ్రూప్-2 పరీక్షను వాయిదా వేయాలని నిరుద్యోగ జేఏసీ ఛైర్మన్ కళ్యాణ్ నాయక్ డిమాండ్ చేశారు. ఓయూలో పరీక్షను వాయిదా వేయాలని ఆందోళన చేపట్టారు. గ్రూప్-2, గ్రూప్-3 ఒకే సిలబస్ కనుక ఈ రెండు పరీక్షలను ఒక 15 రోజుల వ్యవధిలో డిసెంబర్‌లో నిర్వహించాలని అన్నారు. లేనిపక్షంలో 10 వేల మంది గ్రూప్-2 అభ్యర్థులతో టీజీపీఎస్సీని ముట్టడిస్తామని హెచ్చరించారు.
News July 10, 2024
HYD: కాంగ్రెస్ ప్రభుత్వానికి KTR Request
HYD శివారులోని కొత్వాల్‌గూడ ఎకో పార్కు నిర్మాణ పనులు కొనసాగించాలని KTR తెలంగాణ CMOని కోరారు. 125 ఎకరాల్లో అద్భుతమైన ఎకో పార్క్‌ ప్రాజెక్టును 2022 అక్టోబర్‌లో ప్రారంభించామన్నారు. గతంలో తాను మంత్రిగా ఉన్న చివరిరోజు వరకు పనులు కొనసాగించామన్నారు. కానీ, గత 7 నెలలుగా ప్రాజెక్టు ముందుకు కదలలేదని పేర్కొన్నారు. నగరవాసులకు అహ్లాదాన్ని పంచే పార్క్‌ పనులు పూర్తి చేయాలని ఆయన ప్రభుత్వానికి విజ్ఞప్తి చేశారు.
News July 10, 2024
HYD: గ్రూప్-2 అభ్యర్థులు తొందర పడొద్దు: చనగాని
గ్రూప్-2 అభ్యర్థులు తొందర పడొద్దని, CM రేవంత్ సానుకూలంగా ఉన్నారని TPCC అధికార ప్రతినిధి చనగాని దయాకర్ అన్నారు. గ్రూప్-2 అభ్యర్థుల విజ్ఞప్తికి ప్రభుత్వానికి చిత్తశుద్ధి ఉందన్నారు. బీఆర్ఎస్ ఉచ్చులో పడకుండా ప్రిపరేషన్‌కు సిద్ధం కావాలని చనగాని దయాకర్ సూచించారు. DSC పరీక్ష వాయిదా ఉండదని స్పష్టం చేశారు. నిరుద్యోగుల పక్షపాతి సీఎం రేవంత్ రెడ్డి అని, త్వరలోనే జాబ్ క్యాలెండర్‌ విడుదల చేస్తారని వెల్లడించారు.
News July 10, 2024
భార్యపై అనుమానం.. మల్కాజిగిరిలో మర్డర్
అనుమానంతో భార్యను చంపేశాడో భర్త. మల్కాజిగిరి పోలీసుల వివరాల ప్రకారం.. విజయ్‌నగర్‌ కాలనీకి చెందిన రాజేందర్‌(45), కృష్ణకుమారి(38) భార్యాభర్తలు. వీరికి ఇద్దరు సంతానం. కాచిగూడలోని ఓ ఆస్పత్రిలో స్టాఫ్‌నర్సుగా పని చేస్తున్న ఆమెపై భర్త అనుమానం పెంచుకున్నాడు. సోమవారం రాత్రి గొడవ పడి విచక్షణ రహితంగా దాడి చేశాడు. దెబ్బలు తాళలేక కృష్ణకుమారి గదిలోనే చనిపోయింది. పోలీసులు కేసు నమోదు చేశారు.
News July 10, 2024
హైదరాబాద్‌: డిజిటల్ ప్లాన్ సక్సెస్.. తీరనున్న కష్టాలు
TGSRTCలో టికెట్‌ కొనేవారికి చిల్లర కష్టాలు తీరనున్నాయి. డిజిటల్ చెల్లింపు‌ల విధానం తీసుకొచ్చేందుకు అధికారులు సన్నాహాలు చేస్తున్నారు. ఇప్పటికే బండ్లగూడ డిపోలో పైలెట్ ప్రాజెక్ట్ చేపట్టారు. 70 బస్సుల్లో ఎటువంటి ఇబ్బందులు తలెత్తకుండా డిజిటల్ పేమెంట్స్‌ విజయవంతమయ్యాయి. ఆటోమెటిక్ ఫెయిర్ కలెక్షన్ సిస్టమ్ ద్వారా ఫోన్ పే, G pay, Paytm, డెబిట్, క్రెడిట్ కార్డుతోనూ చెల్లింపు చేయవచ్చు. SHARE IT
News July 10, 2024
HYD: హోటళ్లు, రెస్టారెంట్లపై ఇలా ఫిర్యాదు చేయండి.!
HYD, RR, MDCL,VKB జిల్లాల్లోని హోటళ్లు, రెస్టారెంట్‌లు, చాయ్ బండ్లు, పానీపూరి బండ్లలో పాడైన ఆహారాన్ని విక్రయించడం, బిర్యానీలో బొద్దింక, పూరిలో గుండు పిన్ను లాంటివి రావడంతో పలుచోట్ల కేసులు నమోదయ్యాయి. కలుషిత ఆహారాన్ని గుర్తిస్తే వాట్సాప్ నం. 9100105795, 040-21111111, మెయిల్, ‘X’లో తెలియజేయాలని అధికారులు సూచిస్తున్నారు. ఫిర్యాదు అందితే వెంటనే తనిఖీలు చేపట్టి చర్యలు తీసుకుంటామన్నారు.SHARE IT
News July 9, 2024
HYD: గర్భాశయ క్యాన్సర్ లక్షణాలు ఇవే..!
✓గర్భాశయ క్యాన్సర్ వచ్చిన వారికి నెలసరి సమయంలో అధిక రక్తస్రావం అవుతుంది.✓పొత్తి కడుపులో నొప్పి.. తరచూ కడుపు ఉబ్బరం✓పదే పదే మూత్ర విసర్జనకు వెళ్తారు.ఆ సమయంలో మంట, నొప్పిగా అనిపిస్తుంది✓శృంగారంలో పాల్గొన్నప్పుడు, ఆ తర్వాత యోని దగ్గర నొప్పి, మంటగా ఉంటుంది✓దుర్వాసనతో కూడిన వైట్ డిశ్చార్జ్ అవుతుంది✓అలసట, నీరసం, బరువు తగ్గడం, రక్తహీనత కనిపిస్తాయి•పై లక్షణాలు ఉంటాయని HYD MNJ డా. నాగశ్రీ తెలిపారు.
Featured News
Sorry, no posts matched your criteria.