India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News February 5, 2026
HYD: వంటల ‘ఒలింపియాడ్’లో తెలుగు కుర్రాడు టాప్!
“మా వంట టేస్ట్ చూస్తే ఫిదా అవ్వాల్సిందే!” అంటూ అంతర్జాతీయ యంగ్ చెఫ్ ఒలింపియాడ్ (YCO) 2026 ఫైనల్స్లో మన తెలుగు తేజం కోటంశెట్టి సత్యతేజ సత్తా చాటాడు. 50 దేశాల ప్రతినిధులతో పోటీపడి టాప్-10 ఫైనలిస్టుల్లో ఒకడిగా నిలిచాడు. ఫిబ్రవరి 6న కోల్కతాలో జరిగే గ్రాండ్ ఫినాలేలో విజేతకు రూ.15 లక్షల బహుమతి అందనుంది. “ఏఐ (AI)తో ప్రపంచ వంటల వారసత్వాన్ని కాపాడటం” అనే థీమ్తో పోటీలు నిర్వహించారు.
News February 5, 2026
మాసబ్ట్యాంక్ ‘మాయాజాలం’.. ఫైళ్లలోనే గిరిజన రేషన్ తినేశారు!
మాసాబ్ట్యాంక్లోని AC గదుల్లో కూర్చొని ఆశ్రమ పాఠశాలల రేషన్ను అధికారులు స్వాహా చేశారు. TGCC ప్రధాన కార్యాలయంలో రూ.18 కోట్ల కుంభకోణం వెలుగుచూసింది. ఆశ్రమాలకు వెళ్లాల్సిన సరుకు ఆర్డర్లను ఇక్కడి GM తన బినామీ కాంట్రాక్టర్లకు అనుకూలంగా మార్చేశారు. సరుకు దించకుండానే డెలివరీ అయినట్లు డిజిటల్ సంతకాలతో ఫోర్జరీ చేశారు. HYD నుంచే జిల్లా అధికారులను మేనేజ్ చేస్తూ పంపిణీ జరగకుండానే బిల్లులు క్లియర్ చేశారు.
News February 5, 2026
HYD: ఏడుపాయల మహా జాతర తేదీలు ఇవే..!
తెలంగాణలోనే ప్రసిద్ధి చెందిన మెదక్ జిల్లా పాపన్నపేట మండలం ఏడుపాయల మహాజాతరకు అధికారులు పెద్ద ఎత్తున ఏర్పాట్లు చేస్తున్నారు. ఫిబ్రవరి 15 నుంచి 17 వరకు 3 రోజుల పాటు మహాశివరాత్రి సందర్భంగా జాతరను ఘనంగా నిర్వహించనున్నారు. ఈ జాతరకు మెదక్ జిల్లాతో పాటు సంగారెడ్డి, సిద్దిపేట, గ్రేటర్ HYD, నిజామాబాద్, కామారెడ్డి, వికారాబాద్ సహా వివిధ ప్రాంతాల నుంచి సుమారు 15 లక్షల మంది వరకు భక్తులు రానున్నారు. SHARE IT
News February 5, 2026
IT Corridorలో రొమ్ము క్యాన్సర్
HYDను గ్లోబల్ హబ్గా మార్చిన IT రంగం అక్కడి మహిళా ఉద్యోగుల పాలిట యమపాశంగా మారుతోంది. గడిచిన మూడేళ్లలో మాదాపూర్, గచ్చిబౌలి ఆసుపత్రుల్లో నమోదైన రొమ్ము క్యాన్సర్ కేసుల్లో 15% మంది 35 ఏళ్లలోపు వారే. నిరంతరం ఆర్టిఫిషియల్ లైటింగ్లో నైట్ షిఫ్టులు చేయడం వల్ల శరీరంలో ‘మెలటోనిన్’ హార్మోన్ ఉత్పత్తి పడిపోయి, క్యాన్సర్ కణాలను ప్రేరేపిస్తోంది. సహజమైన నిద్రకు దూరం కావడం వల్ల క్యాన్సర్ బారీన పడుతున్నారు.
News February 5, 2026
HYD: మీరు గ్రేట్ సారూ.. ఉద్యోగం మానేసినా బదిలీ చేశారు!
జీహెచ్ఎంసీలో పలువురు డేటా ఎంట్రీ ఆపరేటర్లను బదిలీ చేస్తూ ఉన్నతాధికారులు ఆదేశాలు జారీ చేశారు. అయితే విచిత్రమేమంటే.. కొందరు ఉద్యోగాలు మానేసినా వారి పేరు బదిలీల్లో ఉండటం చర్చనీయాంశమైంది. శేరిలింగంపల్లిలో తాహేర్, అలేఖ్య, సుభాషిణిలు ఎప్పుడో జాబ్ మానేశారు. అయితే బదిలీల్లో వీరు పేరుంది. మరి జీతాలు కూడా వారి పేరిట డ్రా అవుతున్నాయేమో అని కొందరు సిబ్బంది గుసగుసలాడుకుంటున్నారు.
News February 5, 2026
HYD: తాజా సర్వేలో భయంకరమైన నిజాలు
హైదరాబాద్ నగరానికి కూరగాయలు సరఫరా అయ్యే ప్రధాన ప్రాంతాల్లో జరిపిన తాజా పరిశీలనలో భయంకరమైన నిజాలు బయటపడ్డాయి. మూసీ పరీవాహక ప్రాంతాల్లోని పారిశ్రామిక వ్యర్థాల నీటితో పండించే ఆకుకూరల్లో లెడ్ (సీసం), కాడ్మియం వంటి భారలోహాలు పరిమితికి మించి 40% ఎక్కువగా ఉన్నట్లు తేలింది. ఇవి నేరుగా జీర్ణకోశ క్యాన్సర్లకు (Stomach Cancer) దారితీస్తున్నాయి. దీంతో గత రెండేళ్లలో గ్యాస్ట్రిక్ క్యాన్సర్ కేసులు 18% పెరిగాయి.
News February 5, 2026
HYD: హైడ్రా కమిషనర్తో ప్రతి శనివారం PHONE IN
ఆక్రమణలపై ఉక్కుపాదం మోపుతున్న హైడ్రా, ప్రజలకు మరింత చేరువయ్యేందుకు ప్రతి శనివారం ‘ఫోన్-ఇన్’ కార్యక్రమాన్ని ప్రారంభించింది. ప్రతి సోమవారం జరిగే ‘ప్రజావాణి’కి అదనంగా, ఇకపై శనివారం మధ్యాహ్నం 12 నుంచి ఒంటిగంట వరకు కమిషనర్ రంగనాథ్ ఈ ప్రోగ్రాంలో అందుబాటులో ఉంటారు. చెరువులు, పార్కులు, రహదారుల ఆక్రమణలపై ORR పరిధిలోని ప్రజలు 040- 29565750, 040- 29565759 నంబర్లకు ఫోన్ చేసి నేరుగా ఫిర్యాదు చేయవచ్చు.
News February 5, 2026
HYD: వర్క్ STRESSతో సాఫ్ట్వేర్ ఇంజినీర్ SUICIDE
మియాపూర్లోని BKఎన్క్లేవ్లో ఓ యువకుడు గదిలో ఫ్యాన్కు ఉరేసుకుని ఆత్మహత్య చేసుకున్నాడు. AP అమలాపురానికి చెందిన సతీశ్(31) గచ్చిబౌలిలోని ఓ ఐటీ సంస్థలో సాఫ్ట్వేర్ ఇంజినీర్గా చేస్తున్నాడు. పనిఒత్తిడి తట్టుకోలేకే బలవన్మరణానికి పాల్పడ్డాడని పోలీసులు తెలిపారు. సతీశ్కు ఏడాది క్రితం వివాహం కాగా భార్య సొంతూరుకు వెళ్లిన సమయంలో ఈ ఘటన చోటుచేసుకుంది. మృతదేహాన్ని పోస్టుమార్టం కోసం గాంధీ ఆసుపత్రికి తరలించారు.
News February 5, 2026
HYD: పిల్లలనూ వదలని ‘CANCER భూతం’..!
నగరంలోని ప్రధాన క్యాన్సర్ చికిత్స కేంద్రాల వద్ద రోజురోజుకూ క్యాన్సర్ బాధితుల క్యూ పెరుగుతోంది. 2023లో సగటున 15,000 మంది బాధితులు రేడియేషన్ థెరపీ కోసం వస్తే, 2024లో ఆ సంఖ్య 22,000కు చేరింది. ఇక 2025 అక్టోబర్ నాటికి ప్రభుత్వ దవాఖానాల్లో రిఫరల్ కేసుల సంఖ్య 3,500 దాటినట్లు అధికారులు చెబుతున్నారు. ముఖ్యంగా నిలోఫర్ ఆసుపత్రిలో పిల్లల CANCER కేసులు గత ఐదేళ్లతో పోలిస్తే 12% వృద్ధి చెందడం తీవ్ర ఆందోళనకరం.
News February 5, 2026
HYD: లక్షలో 60- 75మంది చనిపోతున్నారు..!
<<19053952>>HYDలో CANCER వ్యాప్తి<<>> ఏటేటా పెరుగుతూనే ఉంది. ప్రభుత్వం, స్వచ్ఛంద సంస్థల లెక్కల ప్రకారం.. 2023లో 25000 కేసులు నమోదవ్వగా, 2024కి ఆ సంఖ్య 38000 దాటింది. 2025 అంచనా ప్రకారం ఈ సంఖ్య 45000కు చేరింది. అయితే సకాలంలో వ్యాధి నిర్ధారణ కాకపోవడంతో ప్రతి లక్షమందిలో సగటున 60- 75మంది దాకా ప్రాణాలు కోల్పోతున్నారు. దురదృష్టవశాత్తు నగరంలో 65%- 70% కేసులు 3, 4వ దశలోనే డిటెక్ట్ అవుతున్నాయి. ఇది అత్యంత ఆందోళనకర అంశం.
Featured News
Sorry, no posts matched your criteria.