India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News October 31, 2024
HYD: మీరు దీపావళి ఇలాగే జరుపుతారా..!
దీపావళి పర్వదినాన్ని పురస్కరించుకొని ప్రజలందరూ లక్ష్మీపూజలు నిర్వహిస్తారు. గ్రామాల్లో అయితే పొలాల్లోని జీనుగ, పుంటికూర (గోగునార)లతో కుటుంబసభ్యులకు దిష్టి తీయడం ఆనవాయితీ. చుట్టాలతో కలిసి కొత్త దుస్తులు ధరించి రంగురంగుల దీపాలు, పిండి వంటలు, పలు రకాల టపాకాయలు అబ్బో ఆ సంబరాలు మాటల్లో చెప్పలేం. నేడు చతుర్దశి కావడంతో ఉదయం భోగి మంగళహారతులు, సాయంత్రం నోము ఆచరిస్తారు. మీరు ఎలా జరుపుతారో కామెంట్ చేయండి.
News October 31, 2024
చిక్కడపల్లిలో ప్రముఖ సింగర్స్ సందడి..
త్యాగరాయ గానసభలో బుధవారం కళారవిందం సాంస్కృతిక వేదిక నిర్వహణలో సినీ గీతాలాపన కార్యక్రమం జరిగింది. ప్రముఖ గాయకుడు చింతలపూడి త్రినాథరావు జన్మదినం సందర్భంగా బ్రహ్మ వంశీ సంస్థల వ్యవస్థాపక అధ్యక్షుడు వంశీ రామరాజు ఆత్మీయ సత్కారం చేశారు. కళారవిందం నిర్వాహకుడు శ్రీరామ్‌కుమార్, గాయకులు కశ్యప్, శ్యాంసుందర్, కోదండరాం, మధురగాన మయూఖ రేణుకారమేశ్, కృష్ణవేణి, అనూష, భార్గవి నాగరాజు, శ్రావణి పాల్గొన్నారు.
News October 31, 2024
HYD: మెడికల్‌ కళాశాలను దత్తత తీసుకోనున్న ‘ఆపి’
అమెరికాలోని ప్రఖ్యాత కేన్సర్‌ వైద్య నిపుణులు, ఆపి (అమెరికన్‌ అసోసియేషన్‌ ఆఫ్‌ ఫిజీషియన్స్‌ అఫ్‌ ఇండియన్‌ ఆరిజిన్‌) అధ్యక్షుడు డాక్టర్‌ సతీష్‌ బుధవారం సీఎం రేవంత్‌రెడ్డిని మర్యాదపూర్వకంగా కలిశారు. ప్రధానంగా కేన్సర్‌ వ్యాప్తికి గల కారణాలతోపాటు నివారణకు ప్రభుత్వం తీసుకోవాల్సిన చర్యలపై పలు సూచనలు చేశారు. కొన్ని మెడికల్‌ కాలేజీలను దత్తత తీసుకుని అవగాహన కల్పించేలా కార్యక్రమాలను రూపొందిస్తామన్నారు.
News October 31, 2024
HYD: అన్ని జిల్లాల్లో సకుటుంబ సర్వేకు సిద్ధం!
HYD, RR, MDCL, VKB జిల్లాల్లో ప్రభుత్వం తలచిన సకుటుంబ సర్వేకు అధికారులు సర్వం సిద్ధం చేస్తున్నారు. మున్సిపాలిటీలు, జిల్లా, మండల కార్యాలయాల్లో వివిధ శాఖల అధికారులతో ప్రత్యేక సమావేశాల్లో ఎన్యుమరేటర్లకు అధికారులు శిక్షణ ఇచ్చారు. ప్రజలను అడగాల్సిన 50 ప్రశ్నలపై అవగాహన కల్పించారు. ఈ నెల 6 నుంచి 18వ తేదీ వరకు సామాజిక, ఆర్థిక, విద్య, ఉపాధిపై సర్వే జరగనుంది.
News October 30, 2024
HYD: విషాదం.. ఈతకు వెళ్లి ఇద్దరి మృతి
యాదాద్రి జిల్లా మూటకొండూరు మండలం అమ్మనబోలు గ్రామంలోని అబిద్‌నగర్‌లో ఇద్దరు నగరవాసులు మృతి చెందారు. సరదాగా 12 మంది ఇంటర్ చదువుతున్న విద్యార్థులు HYD నుంచి స్నేహితుడి ఊరైన మూటకొండూరు మండలం అబిద్‌నగర్‌కు వెళ్లారు. ఆ ఊరిలోని చెరువులో ఈత కొడుతుండగా ప్రమాదవశాత్తు శశి, చరణ్ అనే విద్యార్థులు నీట మునిగి మృతి చెందారు. ఘటనా స్థలానికి చేరుకున్న పోలీసులు మృతులు బోడుప్పల్ వాసులుగా గుర్తించి కేసు నమోదు చేశారు.
News October 30, 2024
హైదరాబాద్‌లో దీపావళి ఎఫెక్ట్
దీపావళి పండుగ వేళ హైదరాబాద్‌లో మిఠాయి దుకాణాలకు ఫుల్ డిమాండ్ పెరిగింది. బేగంబజార్, చార్మినార్, అత్తాపూర్, మెహిదీపట్నం, గుల్ మొహర్ బజార్, రాణిగంజ్, సికింద్రాబాద్, తార్నాక లాంటి ప్రాంతాల్లో స్వీట్ షాప్స్ వద్ద రద్దీ ఏర్పడింది. హైదరాబాద్ నగరం సహా ఇతర ప్రాంతాల నుంచి హోల్ సెల్ డీలర్లు బేగం బజార్‌లో మిఠాయిలు కొనుగోలు చేసేందుకు లైన్లలో బారులు తీరారు.
News October 30, 2024
HYD: ప్రాణాంతకంగా మారుతున్న గాలి కాలుష్యం!
హైదరాబాద్‌లో గాలి కాలుష్యం రోజురోజుకు పెరుగుతూ వస్తోంది. దాదాపు 5.6% మరణాలు కాలుష్యం వల్లే జరుగుతున్నట్లు ల్యాన్ సెట్ నివేదికలో వెల్లడైంది. 2008 నుంచి 2019 మధ్య 11 ఏళ్ల కాలంలో సంభవించిన 36 లక్షల మరణాలను ల్యాన్ సెట్ నివేదిక అధ్యయనంలో విశ్లేషించింది. ఏడాదిలో వాయు కాలుష్యం వల్ల 1597 మరణాలు సంభవించాయని పేర్కొంది. పొల్యూషన్ కంట్రోల్ బోర్డ్ సరిగా పట్టించుకోవడం లేదని ప్రజలు ఆరోపిస్తున్నారు.
News October 30, 2024
దీపావళి: చార్మినార్ వద్ద ఇదీ పరిస్థితి
చార్మినార్ శ్రీ భాగ్యలక్ష్మి దేవాలయంలో దీపావళి మహోత్సవంలో భాగంగా బుధవారం నరక చతుర్దశి పురస్కరించుకొని అమ్మవారిని అందంగా అలంకరించారు. ఉదయం 7 గంటలకు అమ్మవారికి పెద్ద ఎత్తున హారతి నిర్వహించిన అనంతరం భక్తుల దర్శనార్థం అనుమతించారు. అమ్మవారిని దర్శించుకునేందుకు భక్తులు పెద్ద సంఖ్యలో తరలివచ్చారు. చార్మినార్ పరిసర ప్రాంతాల్లో ఆధ్యాత్మిక వాతావరణం నెలకొంది.
News October 30, 2024
జేఎన్టీయూ, అంబేద్కర్ యూనివర్సిటీ వీసీలొచ్చేదెప్పుడు?
విద్యాశాఖ పరిధిలో మొత్తం 12 యూనివర్సిటీలుండగా 9 యూనివర్సిటీలకు వైస్ ఛాన్సలర్‌లను ఇటీవల ప్రభుత్వం నియమించింది. ఇంకా 3 యూనివర్సిటీలకు వీసీలను నియమించకుండా పెండింగ్‌లోనే పెట్టింది. ఈ మూడింటిలో JNTU, అంబేద్కర్ ఓపెన్ యూనివర్సిటీ, ఫైన్ఆర్ట్స్ యూనివర్సిటీలున్నాయి. వీసీల ఎంపికలో ఒకే సామాజిక వర్గానికి చెందినవే వచ్చినట్లు తెలిసింది. వీసీలు లేక పరిపాలన కుంటుపడిందని పలు విద్యార్థి సంఘాలు ఆరోపిస్తున్నాయి.
News October 30, 2024
గాంధీభవన్లో ‘మంత్రులతో ముఖాముఖి’ వాయిదా!
గాంధీభవన్లో బుధవారం జరగాల్సిన ‘మంత్రులతో ముఖాముఖి’ కార్యక్రమాన్ని కులగణనపై ప్రత్యేక సమావేశం నేపథ్యంలో వాయిదా వేసినట్లు కాంగ్రెస్ తెలిపింది. రాష్ట్రంలో నవంబరు 6 నుంచి కులగణన ప్రక్రియపై కాంగ్రెస్ బుధవారం ప్రత్యేక సమావేశం ఏర్పాటుచేసింది. ఉదయం 10 గంటలకు గాంధీభవన్లో పీసీసీ అధ్యక్షుడు మహేశ్ కుమార్ గౌడ్, అధ్యక్షతన జరిగే ఈ సమావేశానికి సీఎం రేవంత్ రెడ్డి, ఉప ముఖ్యమంత్రి భట్టివిక్రమార్క, పాల్గొన్నారు.
Featured News
Sorry, no posts matched your criteria.