India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News October 20, 2024
గోదావరిఖని: సింగరేణి ఉద్యోగి మృతి
గోదావరిఖని పరశురాం నగర్‌కు చెందిన కుక్క సురేశ్ మంచిర్యాల జిల్లా శ్రీరాంపూర్ ఓపెన్ కాస్ట్ గనిలో ఓవర్ మెన్‌గా పని చేస్తున్నారు. అనారోగ్యంతో బాధపడుతూ స్థానిక సింగరేణి ఆసుపత్రిలో చేరాడు. అత్యవసర చికిత్స అందించాల్సిన వైద్యులు సకాలంలో లేకపోవడంతో సురేశ్ మృతి చెందారని కుటుంబ సభ్యులు, కార్మిక సంఘం నాయకులు ఆరోపిస్తున్నారు. వైద్యులు స్పందించకపోవడంతోనే ఇలా జరిగిందని ఆగ్రహం వ్యక్తం చేస్తున్నారు.
News October 20, 2024
కమలాపూర్: సర్పంచ్ కోసం వినూత్న ప్రచారం
ఐదేళ్లు 5 హామీలు అంటూ గెలిచిన తర్వాత తప్పకుండా మేనిఫెస్టోలో ఇచ్చిన హామీలను తీరుస్తానని ఓ సర్పంచ్ అభ్యర్థి వినూత్న ప్రచారానికి తెరలేపారు. HNK జిల్లా కమలాపూర్ మండలం ఉప్పలపల్లి గ్రామానికి చెందిన ర్యాకం శ్రీనివాస్ రాబోయే సర్పంచ్ ఎలక్షన్లలో పోటీ చేస్తానని, 5 సంవత్సరాల్లో ఐదు గ్యారంటీల పేరుతో మేనిఫెస్టో విడుదల చేయడం మండలంలో చర్చనీయాంశమైంది. సోషల్ మీడియాలో ఈ పోస్ట్ తెగ ప్రచారం అవుతోంది.
News October 20, 2024
ఉమ్మడి కరీంనగర్ జిల్లాలో నేటి టాప్ న్యూస్
@ మహా ముత్తారం మండలంలో రెండు బైకులు ఢీకొని ఐదుగురికి గాయాలు. @ మైక్రో ఫైనాన్స్ లోన్ రికవరీ లో వేధింపులకు పాల్పడితే కఠిన చర్యలు తీసుకుంటామన్న సిరిసిల్ల కలెక్టర్. @ పెగడపల్లి మండలంలో బావిలో పడి వ్యక్తి మృతి. @ హుజరాబాద్ లో బాలిక అదృశ్యం. @ మారుమూల ప్రజలకు బ్యాంకు సేవలు అందించాలన్న ప్రభుత్వ విప్ ఆది శ్రీనివాస్. @ గంభీరావుపేట మండలంలో వైద్యం పేరుతో బంగారం చోరీచేసిన ఇద్దరి అరెస్ట్.
News October 19, 2024
జగిత్యాల: అక్టోబర్ 21 నుంచి పోలీస్ అమరవీరుల సంస్మరణ కార్యక్రమాలు : ఎస్పీ
పోలీస్ అమరవీరుల ప్రాణ త్యాగాల సంస్మరణ లో భాగంగా ఈ నెల 21 నుంచి 31 వరకు పోలీస్ అమరవీరుల సంస్మరణ కార్యక్రమాలను నిర్వహించనున్నట్లు జిల్లా ఎస్పీ అశోక్ కుమార్ తెలిపారు. ఈ సందర్భంగా ఆయన మాట్లాడుతూ.. ఈనెల 21న పోలీస్ ఫ్లాగ్ డే సందర్భంగా స్మృతి పరేడ్ కార్యక్రమాన్ని నిర్వహించి అమరవీరులకు నివాళులర్పిస్తామన్నారు.
News October 19, 2024
పీసీసీ అధ్యక్షులు రేవంత్ ఇచ్చిన స్క్రిప్టు చదువుతున్నారు: కొప్పుల
ఉద్యోగాల నియామకాల విషయంలో పీసీసీ అధ్యక్షులు మహేశ్ కుమార్ సీఎం రేవంత్ రెడ్డి ఇచ్చిన స్క్రిప్ట్ చదువుతున్నారని మాజీ మంత్రి కొప్పుల ఈశ్వర్ ఆరోపించారు. కేసీఆర్ పాలనలో ఎన్ని ఉద్యోగాలు ఇచ్చారన్న వ్యాఖ్యలపై ఆయన స్పందించారు. కాంగ్రెస్ ప్రభుత్వం వచ్చాక 50వేల ఉద్యోగాలు ఇచ్చినట్లు సీఎం, మంత్రులు గొప్పలు చెప్పుకుంటున్నారని మండిపడ్డారు. కేసీఆర్ ప్రభుత్వమే ఆ నోటిఫికేషన్లను విడుదల చేసిందన్నారు.
News October 19, 2024
KNR: తగ్గిన బస్ టికెట్ ఛార్జీలు
HNK జిల్లా నయీంనగర్ పెద్ద మోరీ వద్ద బ్రిడ్జి నిర్మిస్తున్న సందర్భంగా బస్సులు ములుగు రోడ్డు నుంచి తిరిగి వెళ్తుండటంతో ఆర్టీసీ అధికారులు ఏప్రిల్ 12 నుంచి హుజూరాబాద్ నుంచి హనుమకొండకు బస్సు ఛార్జీలను రూ.10 పెంచారు. ప్రస్తుతం బ్రిడ్జి నిర్మాణం పూర్తి కావడంతో శుక్రవారం నుంచి ఛార్జీలు తగ్గించారు. హుజూరాబాద్ నుంచి నిత్యం వేలాది మంది ఉద్యోగస్థులు హనుమకొండకు వెళ్లి వస్తుంటారు.
News October 19, 2024
కరీంనగర్ జిల్లాలో వర్షం.. నేలకొరిగిన పంట
ఉమ్మడి కరీంనగర్ జిల్లాలో రెండు రోజులుగా కురిసిన వర్షాలకు పలు చోట్ల పంట నేలకు ఒరిగింది. కోత దశలో ఉన్న వరికి తీవ్ర నష్టం వాటిల్లింది. ముందస్తుగా పంట కోసి రైతులు ధాన్యాన్ని కొనుగోలు కేంద్రాలకు, రోడ్లపై ఆరబెట్టగా తడిసిముద్దయింది. పలు చోట్ల ధాన్యం వర్షం నీటిలో కొట్టుకుపొయింది. దీంతో పంట నష్టపోయిన రైతన్నలను ప్రభుత్వమే ఆదోకువాలని వేడుకుంటున్నారు. మరి.. మీరూ పంట నష్టపోతే కామెంట్ చేయండి.
News October 19, 2024
జగిత్యాల: తమ్ముడిని ఇండియా రప్పించాలని కోరిన అన్న
కువైట్ వెళ్లిన తమ్ముడిని ఇండియాకు రప్పించాలని ప్రవాసీ ప్రజావాణిలో ఓ అన్న ఫిర్యాదు అందజేశాడు. జగిత్యాల జిల్లా కొడిమ్యాల మండలం డబ్బుతిమ్మయ్యపల్లికి చెందిన అనుదీప్ ఉద్యోగరీత్యా కువైట్ వెళ్లాడు. అనుదీప్ వెళ్లిన కొన్ని రోజులకే అనారోగ్యానికి గురయ్యాడు. ఈ క్రమంలో తన సోదరుడిని ఇండియాకు రప్పించాలని అనుదీప్ అన్న అనిల్ శుక్రవారం హైదరాబాద్ ప్రజాభవన్ లోని గల్ఫ్ ‘ప్రవాసీ ప్రజావాణి’ లో వినతిపత్రం సమర్పించారు.
News October 19, 2024
ధర్మపురి లక్ష్మీనరసింహస్వామి ఆలయ ఆదాయ వివరాలు
జగిత్యాల జిల్లాలో సుప్రసిద్ధ ధర్మపురి లక్ష్మీనరసింహస్వామి ఆలయానికి శుక్రవారం రూ.88,305 ఆదాయం సమకూరినట్లు ఆలయాధికారులు తెలిపారు. అందులో వివిధ కార్యక్రమాలు టికెట్లు అమ్మకం ద్వారా రూ.50,416, ప్రసాదాల అమ్మకం ద్వారా రూ.28,230, అన్నదానం రూ.9,659,వచ్చినట్లు ఆలయ కార్య నిర్వాహణాధికారి సంకటాల శ్రీనివాస్ తెలిపారు.
News October 19, 2024
ఉమ్మడి కరీంనగర్ జిల్లాలో నేటి టాప్ న్యూస్
@ మహముత్తారం మండలంలో బాలికపై వృద్ధుడి అత్యాచారయత్నం. @ బోయిన్పల్లి మండలం మిడ్మానేరులో మహిళా మృతదేహం లభ్యం. @ జగిత్యాల లో క్లాస్మేట్ వేధింపులతో బాలిక ఆత్మహత్య. @ హుజురాబాద్ ప్రభుత్వాసుపత్రి బాత్రూంలో భృణ శిశువు మృతదేహం లభ్యం. @ మాజీ సీఎం కేసీఆర్ ను కలిసిన కోరుట్ల ఎమ్మెల్యే కల్వకుంట్ల సంజయ్. @ సిరిసిల్ల జిల్లాలో వరి కొనుగోలు కేంద్రాలను ప్రారంభించిన కలెక్టర్.
Featured News
Sorry, no posts matched your criteria.