India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News September 25, 2024
ఖమ్మం జిల్లాలో భారీ వర్షం… అప్రమత్తమైన అధికారులు
ఖమ్మం జిల్లాలో భారీ వర్షం కురుస్తోంది. సాయంత్రానికి 155.3మిల్లి మీటర్ల వర్షపాతం నమోదైంది. అత్యధికంగా పెనుబల్లి మండలంలో 50.3 మిల్లిమీటర్లు అత్యల్పంగా ఎర్రుపాలెం మండలంలో కురిసింది. పెనుబల్లితో పాటు వేంసూర్, తల్లాడ సత్తుపల్లి ప్రాంతాల్లో కురిసినట్లు వాతావరణశాఖ వెల్లడించింది. మరో రెండురోజుల పాటు భారీవర్షాలు కురిసే అవకాశం ఉన్నట్లు అధికారులు చెబుతున్నారు.
News September 24, 2024
ఖమ్మం: పిడుగుపాటుతో ఇద్దరు యువతుల మృతి
దమ్మపేట మండలం జగ్గారం గ్రామంలో మంగళవారం ఉరుములతో కూడిన భారీ వర్షం కురిసింది. కాగా గ్రామంలో పిడుగుపాటుకు ఇద్దరు యువతులు సున్నం అనూష (23), కట్టం నాగశ్రీ (23) మృతిచెందినట్లు స్థానికులు తెలిపారు. మరో మహిళ మడకం సీతమ్మ పరిస్థితి విషమంగా ఉందన్నారు. జగ్గారంలో కౌలు వ్యవసాయం చేస్తున్న రవిరాజు చేల్లో పనులకు వెళ్ళిన కూలీల సమీపంలో పిడుగు పడిందన్నారు. సీతమ్మను చికిత్స నిమిత్తం ఆస్పత్రికి తరలించారు.
News September 24, 2024
పాలేరు రిజర్వాయర్‌ను సందర్శించిన మంత్రి పొంగులేటి
కూసుమంచి మండలం పాలేరు రిజర్వాయర్ కాలువను మంత్రి పొంగులేటి శ్రీనివాస్ రెడ్డి, సత్తుపల్లి ఎమ్మెల్యే రాగమయి దయానంద్ ఈరోజు సందర్శించారు. అనంతరం జిల్లా కలెక్టర్ తో కలిసి సంబంధిత అధికారులతో మంత్రి పొంగులేటి సమీక్ష నిర్వహించారు. రైతులు ఇబ్బంది పడకుండా సాగునీరు అందించాలని ఇరిగేషన్ అధికారులను మంత్రి పొంగులేటి ఆదేశించారు. ఈ కార్యక్రమంలో జిల్లా కలెక్టర్ సంబంధిత అధికారులు పాల్గొన్నారు.
News September 24, 2024
మూడు రోజుల్లో పంట నష్టపరిహారం: మంత్రి పొంగులేటి
రైతులకు మంత్రి పొంగులేటి శ్రీనివాస్ రెడ్డి గుడ్ న్యూస్ చెప్పారు. ఇటీవల కురిసిన భారీ వర్షాలు, వరదలతో పంట నష్టపోయిన రైతులకు మూడు రోజుల్లో నష్ట పరిహారం చెల్లిస్తామన్నారు. BRS హయాంలో నెలలు గడిచినా పంట నష్ట పరిహారం ఇవ్వలేదని.. రుణమాఫీ చేయకుండా మోసం చేశారని విమర్శించారు. కాళేశ్వరం, మిషన్ భగీరథ పేరుతో BRS నేతల్లా తాము దోచుకోలేదని అన్నారు.
News September 24, 2024
ఉమ్మడి ఖమ్మం జిల్లా నేటి ముఖ్యాంశాలు
☆ నేడు వెంకటాపురం మండలంలో విద్యుత్ సరఫరా
☆ ఖమ్మం జిల్లాలో నేడు మంత్రి పొంగులేటి పర్యటన
☆ అశ్వారావుపేట నియోజకవర్గంలో నేడు ఎమ్మెల్యే జారే పర్యటన
☆ ఉమ్మడి జిల్లాలో నేడు మోస్తారు వర్షాలు
☆ భద్రాద్రి రామాలయంలో నేడు ప్రత్యేక పూజలు
☆ అన్నపురెడ్డిపల్లిలో నేడు జోనల్ స్థాయి క్రీడా పోటీలు
☆ ఉమ్మడి జిల్లాలో కొనసాగుతున్న బిజెపి, కాంగ్రెస్ సభ్యత్వ నమోదు
☆ ఖమ్మం జిల్లాలో నేడు జిల్లా కలెక్టర్ పర్యటన
News September 24, 2024
రేషన్ కార్డు లేకపోయినా రుణమాఫీ జరుగుతుంది: మంత్రి తుమ్మల
తెల్లరేషన్ కార్డులు లేని వారికి కూడా త్వరలో రుణమాఫీ వర్తింపజేస్తామని మంత్రి తుమ్మల నాగేశ్వర రావు కీలక ప్రకటన చేశారు. ప్రీమియం ప్రభుత్వమే కడుతుందని తెలిపారు. పంటలకు బీమా కుడా అమలు చేస్తామని తెలిపారు. గత ప్రభుత్వం రైతు బంధు ఎగ్గొట్టిందని మంత్రి విమర్శించారు. గత ఐదేళ్లు రుణమాఫీ గురించి మాట్లాడలేదని గుర్తు చేశారు. దేశంలోని ఏ రాష్ట్రంలో కూడా రూ.31 వేల కోట్ల రుణమాఫీ కాలేదని మంత్రి అన్నారు.
News September 24, 2024
తాగునీటి ఇబ్బందులు రానివ్వొద్దు: మంత్రి తుమ్మల
ఖమ్మం నగరంలో తాగునీటి ఎద్దడి తలెత్తకుండా చర్యలు తీసుకోవాలని మంత్రి తుమ్మల నాగేశ్వరరావు, జిల్లా కలెక్టర్ ముజమ్మిల్‌ ఖాన్, ఖమ్మం మున్సిపల్‌ కార్పొరేషన్ కమిషనర్‌ అభిషేక్‌ అగస్త్యలను ఆదేశించారు. సోమవారం మున్సిపల్‌ కార్పొరేషన్ కార్యాలయంలో నీటి ఎద్దడి సమస్య పరిష్కారం, తదితర సమస్యలపై పలు సూచనలు చేశారు. ఇటీవల వచ్చిన వరదల వల్ల మోటర్లు కాలిపోవడంతో త్రాగునీటి సమస్య అధికారులు మంత్రికి వివరించారు.
News September 23, 2024
స్వల్పంగా పెరిగిన గోదావరి నీటిమట్టం
గత కొద్ది రోజులుగా వర్షాలు తగ్గుముఖం పట్టడంతో భద్రాచలం వద్ద గోదావరి నీటిమట్టం క్రమంగా తగ్గుతూ వచ్చింది. ఆదివారం రాత్రి 10 గంటలకు 16.2 అడుగుల వద్ద నిలకడగా ప్రవహించింది. సోమవారం ఉదయం స్వల్పంగా పెరిగిందని సీడబ్ల్యూసీ అధికారులు ప్రకటించారు. ఉదయం 6 గంటలకు 16.8 అడుగులు కాగా 9 గంటల నుండి మధ్యాహ్నం 12 గంటలకు 16.9 అడుగుల వద్ద నిలకడగా ప్రవహిస్తోందని తెలిపారు.
News September 23, 2024
KMM: తిరుమల లడ్డూ ప్రసాదంలో పొగాకు ప్యాకెట్
తిరుమల లడ్డూ కల్తీపై దేశ వ్యాప్తంగా చర్చ జరుగుతోంది. మరోసారి అపవిత్రమైందంటూ ఖమ్మంలో జరిగిన ఘటన హాట్ టాపిక్‌గా మారింది. గొల్లగూడెం శివారులో కార్తికేయ టౌన్ షిప్‌కు చెందిన దొంతు పద్మావతి 19న తిరుమల శ్రీవారి దర్శనానికి వెళ్లి వచ్చింది. ప్రసాదాన్ని వారి బంధువులకు, ఇరుగు పోరుగు వాళ్లకు పంచేందుకు చూడగా పొగాకు వంటి పదార్థం కనిపించిందని ఆరోపించారు. ఆ దృశ్యాలు ఇప్పుడు స్థానిక మధ్యమాల్లో వైరల్ అయ్యాయి.
News September 23, 2024
కిన్నెరసానిలో పర్యాటకుల సందడి
పాల్వంచలోని ప్రముఖ పర్యాటక ప్రాంతమైన కిన్నెరసానికి ఆదివారం పర్యాటకులు భారీగా తరలివచ్చారు. కిన్నెరసాని జలాశయాన్ని, డీర్ పార్క్‌లోని దుప్పులను పర్యాటకులు వీక్షించారు. 420 మంది పర్యాటకులు కిన్నెరసానికి వెళ్లగా.. వాహనాల ప్రవేశ రుసుం ద్వారా వైల్డ్ లైఫ్ శాఖకు రూ.12,350 ఆదాయం లభించినట్లు అధికారులు తెలిపారు. 190 మంది బోటు షికారు, టూరిజం కార్పొరేషన్ సంస్థకు రూ.9,200 ఆదాయం లభించినట్లు నిర్వాహకులు తెలిపారు.
Featured News
Sorry, no posts matched your criteria.