India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News October 21, 2024
ఎస్బీఐ ఛైర్మన్‌కు ఘనంగా సత్కారం
SBI బ్యాంక్ ఛైర్మన్‌గా బాధ్యతలు చేపట్టిన తర్వాత చల్లా శ్రీనివాసులు శెట్టి దంపతులు మొదటిసారిగా వనపర్తికి వచ్చారు. వారిని నాగర్ కర్నూల్ ఎమ్మెల్యే డాక్టర్ రాజేశ్ రెడ్డి, ఎంపీ మల్లురవి, జిల్లా కలెక్టర్ సంతోష్, వనపర్తి ఎమ్మెల్యే మేఘా రెడ్డి, డీసీసీబీ ఛైర్మన్ విష్ణువర్ధన్ రెడ్డి తదితరులు శాలువా కప్పి ఘనంగా సత్కరించారు. ఈ కార్యక్రమంలో పలువురు పోలీసులు, నాయకులు తదితరులు పాల్గొన్నారు.
News October 21, 2024
కాంగ్రెస్‌ను తిట్టడమే బీఆర్ఎస్ పనిగా పెట్టుకుంది: మంత్రి జూపల్లి
బీఆర్ఎస్ నేతలు పొద్దున లేస్తే కాంగ్రెస్ పార్టీని, ప్రభుత్వాన్ని విమర్శించడమే పనిగా పెట్టుకున్నారని ఎక్సైజ్, పర్యాటక మంత్రి జూపల్లి కృష్ణారావు అన్నారు. కామారెడ్డి గ్రంథాలయ సంస్థ ఛైర్మన్ ప్రమాణస్వీకారోత్సవ కార్యక్రమంలో ఆయన పాల్గొన్నారు. ఈ సందర్భంగా మాట్లాడుతూ.. పదేళ్లు రాష్ట్రంలో అధికారంలో ఉన్న బీఆర్ఎస్ తెలంగాణను అన్ని రంగాల్లో అభివృద్ధి చేస్తే ఇవాళ తాము ఏం పని చేయాల్సి వచ్చేదికాదని ఆయన తెలిపారు.
News October 21, 2024
MBNR: పాలమూరు జిల్లాకు ఎల్లో అలెర్ట్ ⚠️
ఉమ్మడి పాలమూరు జిల్లాలో ఉరుములు మెరుపులు, ఈదురు గాలులు (గంటకు 30-40 కిలోమీటర్ల వేగంతో) కూడిన తేలికపాటి నుంచి మోస్తరు వర్షాలు కురుస్తాయని హైదరాబాద్ వాతావరణ కేంద్రం తెలిపింది. ఈ సందర్భంగా మహబూబ్ నగర్, వనపర్తి, నాగర్ కర్నూల్, నారాయణపేట, జోగులాంబ గద్వాల జిల్లాలకు ఎల్లో అలెర్ట్ జారీ చేసింది. సోమవారం కూడా ఉమ్మడి జిల్లాలో పలుచోట్ల వర్షాలు కురిసే అవకాశం ఉందని సూచించింది.
News October 20, 2024
CM సొంత నియోజకవర్గంలో విఫలమయ్యారు: కేటీఆర్
సీఎం రేవంత్ రెడ్డి తన సొంత గ్రామం, నియోజకవర్గంలోనూ రైతులకు ఇచ్చిన హామీని నెరవేర్చడంలో విఫలమయ్యారని కేటీఆర్ విమర్శించారు. రాష్ట్రంలో 40 లక్షల మంది రైతులకు రుణమాఫీ చేసినట్లు జాతీయ కాంగ్రెస్ పార్టీ సోషల్‌ మీడియాలో చేసిన పోస్టుపై భారాస వర్కింగ్ ప్రెసిడెంట్ కేటీఆర్ మండిపడ్డారు. రైతు రుణాలు 40% కూడా మాఫీ కాలేదని ఆగ్రహం వ్యక్తం చేశారు.
News October 20, 2024
సంక్షేమ పథకాలు అర్హులకు అందేలా చూడాలి: ఎంపీ మల్లురవి
కేంద్ర రాష్ట్ర ప్రభుత్వాలు అమలు చేస్తున్న సంక్షేమ పథకాలు అర్హులకు అందే విధంగా చూడాలని ఎంపీ మల్లు రవి అధికారులకు సూచించారు. ఆదివారం కలెక్టరేట్లో గద్వాల, NGKL జిల్లాల అధికారులతో సమావేశం నిర్వహించారు. ఈనెల 22న పట్టణంలోని తేజ కన్వెన్షన్ హాల్లో సంక్షేమ పథకాలపై అవగాహన కల్పిస్తామన్నారు. సబ్సిడీ రుణాలు, ప్రభుత్వ పథకాలు, స్మాల్ ఇండస్ట్రీస్ ప్రతినిధులు, బ్యాంకర్లు హాజరవుతారని తెలిపారు.
News October 20, 2024
NGKL: ఇంటిగ్రేటెడ్ పాఠశాల స్థలం పరిశీలన
నాగర్ కర్నూల్ మండలంలోని తూడుకుర్తి గ్రామంలో నిర్మించనున్న ఇంటిగ్రేటెడ్ పాఠశాల భవనానికి సంబంధించిన స్థలాన్ని ఎంపీ మల్లురవి, ఎమ్మెల్సీ దామోదర్ రెడ్డి, జిల్లా కలెక్టర్ బధావత్ సంతోష్, తదితరులు ఆదివారం పరిశీలించారు. పాఠశాల భవన నిర్మాణానికి అవసరమైన స్థలాన్ని సేకరించి అన్ని రంగులతో భవనాన్ని నిర్మాణం చేపట్టనున్నట్లు మల్లు రవి తెలిపారు.
News October 20, 2024
MBNR: గ్రూప్-1 పరీక్షలపై కేటీఆర్ కుట్ర: ఎమ్మెల్యే మధుసూదన్ రెడ్డి
గ్రూప్-1 పరీక్షలు వాయిదా వేయించాలని బీఆర్ఎస్ వర్కింగ్ ప్రెసిడెంట్ కేటీఆర్ కుట్రలు పన్నుతున్నారని దేవరకద్ర ఎమ్మెల్యే జి.మధుసూదన్ రెడ్డి విమర్శించారు. మహబూబ్ నగర్ జిల్లా కేంద్రంలోని డీసీసీ కార్యాలయంలో ఆయన మాట్లాడుతూ.. ఎక్కడ గ్రూప్-1 పరీక్షను కాంగ్రెస్ ప్రభుత్వం విజయవంతం చేస్తుందోనని వారు భయపడుతున్నారన్నారు. 56 రోజులలో డీఎస్సీ వేసి, 11 వేల పోస్టింగులు ఇచ్చిన చరిత్ర మాదేనన్నారు.
News October 20, 2024
MBNR: సీఎం కప్ ర్యాలీని ప్రారంభించిన ఎమ్మెల్యే
మహబూబ్ నగర్ జిల్లా కేంద్రంలోని డిఎస్ఏ మైదానంలో ఆదివారం ఎమ్మెల్యే మధుసూదన్ రెడ్డి కలెక్టర్ విజయేంద్ర బోయితో కలిసి సీఎం కప్పు ర్యాలీని టార్చ్ వెలిగించి ప్రారంభించారు. ఈ సందర్భంగా ఎమ్మెల్యే మాట్లాడుతూ.. క్రీడాకారులను ప్రోత్సహించాలని ఉద్దేశంతో ప్రభుత్వం ఈ కార్యక్రమాన్ని నిర్వహిస్తుందని తెలిపారు. ఈ కార్యక్రమంలో క్రీడాకారులు, నాయకులు తదితరులు పాల్గొన్నారు.
News October 20, 2024
ఉమ్మడి పాలమూరు జిల్లా ఖోఖో జట్ల ఎంపిక
ఉమ్మడి జిల్లా బాల, బాలికల జట్ల ఎంపికలు నాగర్ కర్నూల్ జిల్లా బిజినేపల్లిలోని జిల్లా పరిషత్ ఉన్నత పాఠశాల(బాలుర)లలో శనివారం నిర్వహించారు. దాదాపు 400 మంది క్రీడాకారులు పాల్గొనగా.. 20 మంది బాలురు, 20 మంది బాలికలను ఎంపిక చేశారు. ఈనెల 28, 29, 30న రాష్ట్రస్థాయి ఖోఖో జూనియర్స్ టోర్నీ MBNRలో నిర్వహించనున్నారు. ఉమ్మడి జిల్లా ఖోఖో అసోసియేషన్ ప్రధాన కార్యదర్శి విలియమ్స్, వ్యాయామ ఉపాధ్యాయులు పాల్గొన్నారు.
News October 20, 2024
నాగర్ కర్నూల్: భర్త ప్రైవేటు పార్ట్స్ కత్తిరించిన భార్య
NGKL జిల్లాలో ఘోరం జరిగింది. భర్త నిద్రిస్తున్న సమయంలో భార్య భర్త ప్రైవేట్ పార్ట్స్‌ను కత్తిరించిన ఘటన 6 రోజుల క్రితం జరగగా.. ఆలస్యంగా వెలుగులోకి వచ్చింది. స్థానికుల వివరాలు ప్రకారం.. లింగాల మండలంలోని ఓ గ్రామానికి చెందిన మహిళ తన భర్త (34) నిద్రిస్తుండగా ప్రైవేటు పార్ట్స్‌ను కత్తిరించగా.. ఇంటి చుట్టుపక్కల వారు బాధితుడిని హైదరాబాద్‌లోని ఉస్మానియా ఆసుపత్రికి తరలించారు. పూర్తి వివరాలు తెలియాల్సి ఉంది.
Featured News
Sorry, no posts matched your criteria.