India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News October 21, 2024
మెదక్: నేటి నుంచి కానున్న సమ్మేటివ్ పరీక్షలు
మెదక్ జిల్లాలోని అన్ని ప్రభుత్వ, ప్రైవేటు పాఠశాలలో నేటి నుంచి సమ్మేటివ్ -1 పరీక్షలు ప్రారంభం కానున్నాయని జిల్లా విద్యాధికారి రాధాకిషన్ ఆదివారం తెలిపారు. పరీక్షల సమయంలో విద్యార్థులకు ఎటువంటి ఇబ్బందులు లేకుండా ప్రధానోపాధ్యాయులు తగిన చర్యలు తీసుకోవాలని, పరీక్షలకు అందరూ విద్యార్థులు హాజరయ్యే విధంగా చూడాలని పేర్కొన్నారు.
News October 21, 2024
అబద్దాలకే కాంగ్రెస్ అంబాసిడర్: హరీశ్ రావు
అబద్దాలకే కాంగ్రెస్ అంబాసిడర్ అని MLA హరీశ్ రావు అన్నారు. గజ్వేల్ ఎమ్మెల్యే క్యాంపు ఆఫీస్‌లో ఆయన మీడియాతో మాట్లాడారు. మూసీ ప్రక్షాళన పేరిట కేసీఆర్ కట్టించిన ఇండ్లు సీఎం రేవంత్ రెడ్డి నిర్వాసితులకు ఇవ్వడం సిగ్గు చేటు అన్నారు. సీఎంకు నిర్వాసితులపై ప్రేమ ఉంటే గచ్చిబౌలిలో 250 గజాల స్థలంలో ఇల్లు కట్టించి ఇవ్వాలని సవాల్ విసిరారు. భూ నిర్వాసితులకు మెరుగైన ప్యాకేజీ అందించినట్లు స్పష్టం చేశారు.
News October 20, 2024
సంగారెడ్డి: వృద్ధ దంపతులు ఆత్మహత్య
సంగారెడ్డి జిల్లా ఝరాసంగంలో విషాదం నెలకొంది. గ్రామానికి చెందిన ఇద్దరు వృద్ధ దంపతులు పురుగుల మందు తాగి ఆత్మహత్య చేసుకున్నారు. కుటుంబ కలహాల నేపథ్యంలో పొలం వద్ద ప్రతాప్ సింగ్(60), కళావతి(55) పురుగుల మందు తాగగా, జహీరాబాద్ ఆసుపత్రికి తరలిస్తుండగా మార్గమధ్యంలో మృతి చెందారు. విషయం తెలుసుకున్న పోలీసులు ఘటనస్థలి చేరుకొని విచారణ చేపట్టారు.
News October 20, 2024
సదాశివపేట: వినాయక విగ్రహాం ధ్వంసంపై క్లారిటీ.!
సదాశివపేటలోని వినాయక విగ్రహాన్ని ఎవరూ ధ్వంసం చేయలేదని సంగారెడ్డి డిఎస్పీ సత్తయ్య గౌడ్ అన్నారు. సదాశివపేటలో శనివారం దేవాలయం సీసీ ఫుటేజ్‌ను పరిశీలించారు. ఆయన మాట్లాడుతూ.. 15 అర్ధరాత్రి నుంచి 16 తెల్లవారుజాము వరకు ఇలాంటి ఘటన జరగలేదని సీసీ ఫుటేజ్‌లో స్పష్టంగా కనిపిస్తుందని చెప్పారు. గర్భగుడిలో పశువు ఉండడంతో ఓ భక్తులు గమనించి బయటకు పంపించినట్లు పేర్కొన్నారు. కార్యక్రమం సీఐ మహేశ్ గౌడ్ పాల్గొన్నారు.
News October 20, 2024
సంగారెడ్డి: ఏటీసీ నిర్మాణ పనులను వేగవంతం చేయండి: కలెక్టర్
హత్నూరలో ఏర్పాటు చేయనున్న అడ్వాన్స్ టెక్నాలజీ సెంటర్ల పనులను వేగవంతం చేయాలని కలెక్టర్ వల్లూరు క్రాంతి ఆదేశించారు. హత్నూర ఐటీఐలో ఏటీసీ పనులను శనివారం పరిశీలించారు. ఆమె మాట్లాడుతూ.. ఉద్యోగ, ఉపాధి అవకాశాలకు ఏటీసీ కేంద్రాలను ఏర్పాటు చేస్తున్నట్లు చెప్పారు. ఏమైనా ఇబ్బందులు ఉంటే తన దృష్టికి తీసుకురావాలని సూచించారు.
News October 20, 2024
కాంగ్రెస్–బీజేపీ మధ్య చీకటి ఒప్పందం మరోసారి బట్టబయలైంది: హరీష్
గ్రూప్స్ అభ్యర్థులు చేస్తున్న నిరసనకు మద్దతు తెలిపేందుకు వెళ్లిన బీఆర్ఎస్ నాయకులు శ్రీనివాస్ గౌడ్, ఆర్ఎస్ ప్రవీణ్ కుమార్, ముఠా గోపాల్, దాసోజు శ్రవణ్ సహా ఇతర నాయకులను అరెస్టు చేయడాన్ని తీవ్రంగా ఖండిస్తున్నారని హరీశ్ రావు పేర్కొన్నారు. ఈ సంద‌ర్భంగా కాంగ్రెస్ – బీజేపీకి మధ్య ఉన్న చీకటి ఒప్పందం మరోసారి బట్టబయలైంది. బీజేపీకి ఒక న్యాయమా..? బీఆర్ఎస్‌కు ఒక న్యాయమా..? అని హరీశ్రావు ప్ర‌శ్నించారు.
News October 19, 2024
BRS పటాన్‌చెరు నియోజకవర్గ కొత్త బాస్ ఎవరు..?
అసెంబ్లీ ఎన్నికల్లో బీఆర్ఎస్ తరఫున పోటీ చేసి గెలిచిన ప్రస్తుత పటాన్‌చెరు MLA మహిపాల్‌రెడ్డి కాంగ్రెస్‌లో చేరారు. దీంతో నియోజకవర్గంలో పార్టీ బలోపేతంపై BRS అధిష్ఠానం దృష్టి సారించింది. ఇందుకోసం హరీశ్రావు ప్రత్యేక కార్యాచరణ రూపొందిస్తున్నారు. నియోజకవర్గ ముఖ్య నాయకులు, సన్నిహితులతో చర్చిస్తూ నియోజకవర్గ బీఆర్ఎస్ కొత్త ఇన్‌ఛార్జి నియామకంపై కసరత్తు చేస్తున్నారు. చూడాలి మరీ ఆ పదవీ ఎవరిని వరిస్తుందో.
News October 19, 2024
MDK: నేడు జిల్లాకు హైకోర్టు జస్టిస్ విజయసేన్ రెడ్డి రాక
రాష్ట్ర హైకోర్టు జస్టిస్ విజయసేన్ రెడ్డి నేడు మెదక్ జిల్లాలో పర్యటించనున్నట్లు జిల్లా ప్రధాన న్యాయమూర్తి లక్ష్మీశారద తెలిపారు. జస్టిస్ విజయసేన్ రెడ్డి ఉదయం 8:15 గంటలకు ఏడుపాయల అమ్మవారిని దర్శించుకుని, అక్కడి నుంచి ఉదయం 10 గంటలకు అల్లాదుర్గంలోని కోర్టు కాంప్లెక్సు ప్రారంభిస్తారని తెలిపారు. ఆ తర్వాత మెదక్ చేరుకొని బార్ అసోసియేషన్ తో సమావేశం నిర్వహించి, మధ్యాహ్నం 2:30 గంటలకు హైదరాబాద్‌కు వెళ్తారు.
News October 19, 2024
కూతురును హత్య చేసిన తల్లి, ప్రియుడికి జీవిత ఖైదు
కూతురిని హత్య చేసిన తల్లి, ఆమె ప్రియుడికి జీవిత ఖైదు శిక్ష విధిస్తూ సంగారెడ్డి జిల్లా కోర్టు ప్రధాన న్యాయమూర్తి భవాని చంద్ర శుక్రవారం తీర్పు ఇచ్చారు. వడపావ్‌కు చెందిన రాజుతో కల్పన వివాహేతర సంబంధం పెట్టుకుని సదాశివపేటలో నివాసముంటుంది. కాగా కల్పన పెద్ద కుమార్తె భవ్య(3) రాజును నాన్న అని పిలవకపోవడంతో తలను గోడకేసి కొట్టడంతో మృతిచెందింది. ఈ కేసులో నేరం రుజువు కావడంతో వీరిద్దరికీ కోర్టు శిక్ష విధించింది.
News October 19, 2024
MDK: ఈ టీచర్ ది గొప్ప మనసు..
మెదక్ జిల్లా చేగుంట మండలంలోని వడియారంలో ప్రాథమిక పాఠశాలలో “మన ఊరు మన బడి” పథకంలో నిలిచిపోయిన పనులను పూర్తి చేసేందుకు పాఠశాల ఉపాధ్యాయురాలు వసంత తన వంతు సహాయంగా రూ. లక్ష విరాళం ప్రకటించారు. ఈరోజు పనులు పూర్తి చేసేందుకు రూ. 25000 చెక్కును HM సిద్దిరాములుకు అందజేశారు. దీంతో వసంతను హెచ్ఎం, ఉపాధ్యాయులు సంతోషిమాత, అమరేశ్వరి తదితరులు అభినందించారు.
Featured News
Sorry, no posts matched your criteria.